吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我是否有產後抑鬱，我應該點做?!

婆媳關係今日: 2|主題: 27784

收藏本版

發帖

返回列表

跳至頁

查看: 1744 | 回覆: 6

我是否有產後抑鬱，我應該點做?! [複製鏈接]

creamymimi

複式洋房

積分: 348

1^#

發表於 08-7-17 15:13 |只看該作者 |倒序瀏覽 |打印

各位媽媽,

請大家幫幫手，我應該點做先啱？我剛生完一對龍鳳胎，依家孖B已3個月大，滿以為一家人會開開心心，點知.....

我同我c6結婚後都一直係同6299住，大家相處融洽愉快，我99當我女一樣，好照顧我，62亦都好錫我，我亦好尊敬佢兩老，我亦好清楚當然唔多唔少都要幫下手做下家頭細務，所以大家相處了3年有多，一直都ok，相敬如賓，而係我駝住bb時，99亦經常整啲花膠補品比我食，佢都可以話係個好99，而由於我同兩老相處咁耐，唔多唔少都忍清楚佢地的性格，我99份人係好小氣，唔鍾意就會表露晒出黎，黑起塊面，但過後就會無事，當然我無同佢有過任何衝突(生孖b之前)；而我62呢，都算講道理，對我無乜點，但係佢對我99, c6同姑拉就會野蠻啲...

我同我C6一知道有左，就問我99係咪佢會幫手湊BB(因為佢成日都催我地生話幫我地湊)，而佢兩老一直都有間舖頭做生意，淨係過年年初一至初三先會休息，所以我C6都問清楚我99係咪唔出舖頭湊BB，佢話係，咁我都同我C6講:「99肯幫手湊梗係好啦，我放工返屋企就可以見到BB。」之後知道係孖胎，就決定請多工人幫手湊。

事緣孖b早左兩個月出世，一出世就要係ICU瞓暖箱同聞氧氣，我一直都好擔心同緊張，直到仔仔出院之後，我就發覺我奶奶原來係唔識得湊仔，或者唔應該講佢唔識湊，係應該講佢嗰套已過時，所以我好想教佢，但每次同佢講，佢都話得啦~我知啦~我識啦~但我睇到就係唔得唔識，而每次我都唔敢再講，因為怕佢少氣唔鍾意會黑面，我唔想我C6難做。

1. 佢幫仔仔換片，一係就"COOL"到好緊，COOL到仔仔個肚紅晒，一係就好鬆，條片跌得出，一係就兩邊膠貼，無貼一面。
2. 我幫孖B沖涼，佢又插隻手落黎(我無要求過佢幫手)，兜住BB下體(仔女都係咁)，咁我同佢講：「99呀，不如你隻手唔好放係BB下面啦，我驚整親佢地呀。」 99:「得啦得啦，我無用力架。」但我想講唔係有無用力的問題，係如果BB雙腳踢一踢，又或者我郁一郁佢地你唔知的時候，你啲指甲咁尖會吉到佢地的重要部位。
3. 條紗巾仔唔小心跌左落地兼踏左腳(著住鞋架喎)，就咁執返起黎用，於是又要我講：「跌左落地污JOE左，唔好用啦，攞去洗啦。」如果我睇唔到又唔知會點>_<"
4. 叫我要比蜜糖水BB飲，係BK呢度好多媽咪都知道BB咁細個唔飲得蜜糖水㗎啦
5. BB係醫院時，姑娘教我地三四個鐘就同BB換片一次，或者食奶之前就換片，咁有段時間女女未出院，我同C6就放低仔仔比99出左街半日，我地去醫院探女女，同埋搵左個師傅幫孖B改名，我地要去個師傅到聽個師傅解釋，返到黎我問99有無幫仔仔換片，佢答我話摸過條片唔濕，所以無換到，我即時"O"晒咀，9個鐘頭無換過片。
6. 餵仔仔飲奶，仔仔只係飲左一安(應該飲3安)，仔仔唔要就唔餵，尤得佢，咁好多時BB仔一餐奶都會分兩三次飲同掃風，我覺得係99無心機餵，終於仔仔一個鐘後就肚餓扭計。
7. 有晚仔仔女女都係我張床到，99就係咁"另"仔仔個頭，叫仔仔望下姐姐，BB頭頂個腦筍位唔好大力摸，佢就係咁整係咁"另"仔仔個頭，我忍唔住開聲(但仍好好語氣)：「99呀，唔好咁大力整BB個頭呀，個腦筍未生埋架」99:「我知」我心諗知又做，就算唔整到個腦筍呀，係咁"另"佢個頭，都驚扭親條頸啦~~
8. 成日話佢地好瞓覺，咁BB係食飽就瞓，瞓飽就食架啦，唔通你想佢成日喊咩~~

仲有好多不能盡錄，我覺得咁多問題，而我又唔方便開聲話教佢，其實我真係好想教佢好多關於湊BB的野，我唯有同我C6講，咁我C6都知道佢阿媽有問題，因為有啲對話的事發經過佢都在場，佢話會同佢阿媽傾下，咁可能佢阿媽亦意會到我有啲唔鍾意，所以閒聊時都彈左句：「大家一家人，有咩唔開心咪攞出黎講囉」咁我問C6係咪真係講得架，C6答我佢覺得佢阿媽得，可以同佢講，於是有一晚我同仔仔係房，99走左入黎，我問佢係咪唔識用尿片，但係佢就答我：「識呀，點會唔識呀。」我已經唔可以再講話佢唔識，教佢點點點，因為我已見到面色已變，原來都係唔得，隔左陣佢仲返房柵埋度門添，點知當晚半夜凌晨兩點幾，C6放工返黎，佢見有機會就同佢阿媽傾，大概係話知道佢三十幾年無湊過BB，好多野都生疏左，方法亦已過時，而C6亦都話99肯聽佢講，話會跟我地學我地套湊仔方法。

點知我第二朝起身，聽到仔仔係99房喊(因為夠鐘食奶)，於是我咪走過去睇下囉，見到99同仔仔換緊片(亦見到99黑晒口面)，咁我叫99早晨，99剛想放條新的尿片落仔仔個patpat到時見到我，就臂低條尿片轉身走左去，唉...我知道一定係唔鍾意我之前一晚問佢係咪唔識得換片，所以我都算，明知道會咁，於是我就幫仔仔換片，然後抱出廳準備餵奶，咁我將仔仔交比99抱，我去沖奶後就遞支奶比99餵，而我就準備沖另一支奶餵女女，係呢個時候我就見到之前一日啲奶樽洗好左係個煲度準備要烚，所以我咪開火諗住烚奶樽，咁我奶奶同我講：「我諗住等埋阿B食埋呢個先一齊烚」咁我咪熄火囉，好正常啫，咁我問左句：「啲奶樽邊個洗架？」因為我以為個工人洗左啲奶樽先出街(嗰日係星期日個工人放假) 點知我99好串咁答我：「係我洗0既，你咪檢查下囉，睇下有無問題囉...」我即係火都黎埋，如果我有懷疑過你洗得唔乾淨，我洗乜開火烚奶樽呀，但我都忍住無即時爆發，開埋支奶入房餵女女，但係我入到房我老公就知道我發脾氣，因為我當時好嬲好激氣，於我我老公問我咩事：「我話唔知咩事，一早起身比人串。」之後女女飲完奶，我就即刻走入廚房洗過晒啲奶樽，係我行去廚房的時候，99亦餵完仔仔飲奶，抱返仔仔入99房，我洗緊奶樽時我老公出左黎廳，但係地下有幾滴奶，我老公就問我地下啲奶仲乜架？我答:「唔知喎，你自己睇下囉」跟住我99就即係好似發癲咁走出黎好大聲咁講:「唔係阿B嘔架，你以為阿B嘔架，唔係呀，唔係呀，真係唔係呀」我都無講過係阿B嘔，咁我都無理佢無出聲，但佢仍然好大聲咁企係廚房門口同我講話唔係，我終於頂唔住大聲鬧返佢:「唔係咪得囉，我都無講過話係阿B嘔」我仲話以後唔使佢幫我湊，我自己湊返孖B，就係咁嗰日就同99的關係破列左...我覺得佢咁樣串我，係因為之前嗰晚我話佢唔識換片同埋C6同佢傾的事，佢以為我係C6面前講佢壞話之類，就算我地唔嘈交，大家以後心入面都一定會有條刺...

之後嗰日C6就同我講，佢話我同99嘈交時講左句話以後唔比99掂孖B，令99好傷心，其實我都唔記得自己有無講過話唔比佢掂，可能我火紅火綠講錯左，但我意思只係唔使佢湊，唔係唔比佢掂，C6叫我要同佢阿媽道歉，話大家會好過啲，OK，我只想識事寧人唔想我C6難做，而我亦想道歉後，大家會知道之前我唔方便教佢湊BB的問題都會一一解決，希望99知道佢容易小氣黑面的問題係阻礙我地溝通的，點知佢唔接受我道歉不特只，仲反過來比說話我聽，好...我都一一忍受，當晚我都無發脾氣，而我亦有同我C6講我點同佢阿媽道歉，C6亦都覺得我做得好足夠，只不過係佢阿媽仲未嬲完所以唔接受。當晚凌晨C6返到黎，我仲同C6係房繼續傾點樣可以令到99知道佢自己有問題，點樣可以同佢和解，傾完之後，點知C6同我講頭先剛放工返到黎，99剛出去去廁所，所以佢地係廳到傾過，99話我就咁同佢道歉佢唔會接受，要我係我父母，舅父舅母面前同佢道歉，佢先會原諒我，我...頂，我一而再再而三咁忍，我聽到呢個咁過份的要求，我唔可以再忍，我即刻同我C6講，頭先同佢傾點同99和解的事全部都唔使做啦，我唔會再同呢個咁野蠻的人道歉，亦唔想同佢和解，我好憎呢個人。我覺得要我父母在場，我都仲可以接受，但要我係我親戚面前奚落我，想創你啦~~

0 0 0

私人傳訊

creamymimi

複式洋房

積分: 348

2^#

發表於 08-7-17 15:31 |只看該作者

之後C6都有同99講，話佢小氣黑面的問題，亦有同99講，識得講大家一家人，有咩唔開心攞出黎講，但係就講一套做一套，奶奶聽完之後，可能佢自己都有反省過，所以就無再要求我要係我屋企人面前道歉，又同我C6講，其實嘈交當日我媽同我妹在場已足夠，之後又同C6講話其實之前嗰晚我同佢道歉佢己原諒左我，但點解當晚又唔接受，又比說話我聽，又提出咁過份的要求，又同我老爺同C6講，話佢已經唔嬲，但係就無再理過我，唔好話有無整補品比我食，就連我一日三餐都係自己攪掂，雖則話我有工人煮飯，但之前佢都會準備啲餸，叫我工人煮，之後就乜都無，但就同人講話已原諒左我，攪到我老爺同C6都以為我咁小氣，仲嬲99...我係仲嬲佢，我都同C6講我啖氣未落，但我仍有叫佢，仍有同佢講野同傾計，直至嘈交後三個星期，99竟然証證有肺癌，但我知道時我仍覺得好嬲呢個人，仲未可以原諒佢，係呢個時候我就問自己，點解佢依家有病，可能時日無多，都唔可以原諒佢，我問自己我係咪真係有產後抑鬱？於是同孖B返健康院時就同啲姑娘講，姑娘同我傾計，叫我唔好迫自己，佢話我仲未可以原諒我99好正常，叫我唔好比咁大壓力自己，我覺得我就黎會痴線，我應該點做好？

私人傳訊

KoyeBaby

子爵府

積分: 12904

醒目開學勳章畀面勳章

3^#

發表於 08-7-17 16:28 |只看該作者

其實你呢個情況好普遍,你係咪只係嬲你99?有無好多負面思想?有無自毀傾向?如果無嘅我諗純粹係婆媳紏紛...我唔係專家,但係我可以話同你情況相同!我都要同6299住,老實講囡囡未出世嗰時我哋關係都唔算好,但係我尊敬佢係長輩,佢幾唔啱我都忍佢,仲嘗試同佢打好關係,不過人哋唔多領情...

但係自從bb出世之後,問題就出現...我同c6原先打算俾99湊,我去返工,但係喺3日後我同c6都決定我辭職自己湊!!之前喺其他post都提過,我99係個唔識湊又唔肯學嘅人!佢包尿片係亂嚟,佢試過用廁紙同bb抹,便便擦唔乾淨,條片包到散哂!我教佢點包佢又係話"得啦!得啦!",但係繼續錯同一樣嘢...

餵奶又係無耐性,bb停一陣回氣,佢就用力fing囡囡個頭!d奶咀,玩具跌咗落地執起就直接塞返咀,俾我話完之後就喺我面前扮哂嘢,大大聲話污糟唔好要,我一唔喺度就打回原形!!!我坐完月就盡量唔駛佢幫,免得自己又要執手尾!

有次佢無啦啦搶住餵奶,餵完之後bb嘔奶又唔出聲,件衫濕咗半件!我換衫時又鬧我成日同bb換衫咁巴閉,跟住就屈我話係我開得支奶凍搞到bb嘔,我同佢理論佢又唔夠我講!我諗係由嗰次開始好憎佢掂我個女,亦都唔再當佢係99!!

仲有好多好多好過份嘅事佢都做過!我想講,同6299一齊住,問題一定多,尤其係關於bb嘅就更多!我99依家壯過隻牛,我唔知佢如果都有病會唔會好似你咁唔原諒佢,但係呢一刻我就非常憎佢!!既然你99有病已成事實,你就唔好諗咁多,專心d湊大對仔女,唔好再煩惱應唔應該原諒佢啦!

私人傳訊

creamymimi

複式洋房

積分: 348

4^#

發表於 08-7-17 17:17 |只看該作者

我都覺得我無抑鬱，我啲情緒全部都係我99同c6比我既，因為其實c6係幫佢阿媽多過幫我，所以其實我都幾嬲c6...我又同c6講要搬出去住，唔再同6299住，初初佢都唔肯，因為一濶三大，費事煩，後尾知道99有病，佢就更加唔會搬，後尾我同佢講，係度住我好唔開心，好辛苦，佢都仍然唔肯搬，其實呢兩三個月c6都好辛苦，孖b出世唔足月又要擔心，之後我同99嘈交，佢又要做和事老，又做左磨心，跟住99有病佢又擔心，但我同佢講，我好辛苦，與其我同99住埋同一間屋大家都辛苦，倒不如我地搬，等大家都調低件事，等件事淡化啲，咁對99的病都好啲，如果唔係依家大家住埋同一間屋，左口左面，大家辛苦之如，對99的病都無好處啦，佢聽完我咁講，又聽左個朋友的意見，佢終於都決定搬，我好感激佢肯為我搬，但亦好唔開心，因為我好似好過份咁，99依家有病都要c6搬走...

咁我就無唔想比佢掂bb，我都會比佢抱同bb玩，但係如果佢問我阿b食左奶未，阿b點點點，我就會覺得好忟好煩，我就會諗，妖......關你鬼事咩，你又唔識得湊，阿b食左奶未咁又點，唔通我會餓親我個仔？總之佢問親我阿b點，我就唔想答佢...我都曾經想過自殺，因為覺得好唔開心，c6唔撐我，佢最hurt我。

由於99有病，依家孖b係比我自己媽咪湊，我放心好多...

私人傳訊

foggyao

珍珠宮

積分: 39693

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

5^#

發表於 08-7-17 17:31 |只看該作者

你呢個情況唔好話6299, 我個女10個月大前, 因我阿媽應承義務幫我湊(我mami係好outgoing, 八足咁多爪, 成日約朋友去街. 生前, 佢已講明唔識湊, 但話會聽晒我教, 會為我唔去咁多街), 所以我哋都懶懶閑, 無請工人.

生左後, 我mami都好肯學, 有好多野佢以前從來都唔做, 都會為左我而去做 (如佢從來唔會去街市買魚, 仲要一早去買), 所以我好多謝佢.

但到湊湊下, 其實好多野佢都會用自己o個套去湊bb, 咁我睇到就會即刻話, 成日答案都係 '我知, 我識', 聽得多, 你都艋, 但因係我自己mami, 所以有時都好惡鬧佢. 但佢都係態度照舊咁款, 所以當時我哋兩個都好嬲.

而我老公見唔緊要就會同我講, 緊要都會即刻話佢知. 過左幾個月, 問題開始來, 我家姐打電話來話我知, 佢話我mami打比佢喊晒話好大壓力, 話我哋又有面色, 話我老公小氣(因在佢背後同我講佢呢樣o個樣), 話已就晒我哋...

我聽到好shock, 因我哋當時都好嬲佢一副 "態度照舊款"! 之後, 我同mami & 老公講, 我唔再做中間人(我覺得兩面唔討好, 好辛苦, 老公同mami都覺我幫住對方), 我哋3個大人坐低一齊傾清傾楚, 大家知大家稔法, 好好多! 之後當然仍有野我哋覺得佢唔'arm', 但會笑笑口同佢講番, 我稔佢心舒服好多.

最後因我mami 有d私人野 (並非有任何argue), 不會再湊b, 所以我哋請工人. 多左工人反而無晒事, 因我哋講明佢只需同b玩, 唔洗湊, 而佢亦自由番, 關係亦隨之無事.

我想講, 你個case唔同平時睇開 '相處唔到' o個隻. 因我睇到你單野, 我有共鳴似我當時咁, 不過有d身份調轉, 係我老公對我mami.

如果你奶奶之前咁錫你, 係而家先180度變, 好可能係心中都知道自己 '學歷' 不足, 但礙於長輩身份, 要面就一定唔會認低威, 死撐! 但講真佢一定有一定程度壓力 (呢d都係之bb出世前佢唔洗煩嘅野), 所以當你有怨言時, 佢都會谷埋谷埋, 頂唔順爆發出嚟!

幫人湊壓力真係會大過自己湊好多, 自己孫始終唔同自己仔女 - 呢句係我mami事後同我講嘅.

你話佢要你晌乜親戚面前道歉, 咪叫你老公先同親戚單聲發生咩事, 跟住做場大龍鳳囉! 佢要面又係長輩, 我會讓佢. 如d親戚係無野嘅(我意思佢哋唔係是非精), 叫你老公同佢哋講埋夾埋都要話你99兩句. 好嘅親戚一定想你哋和解, 唔想見到咁情況同幫你哋嘅!

如果可以, 最好講明唔洗佢湊 (講好聽d, 咪話唔洗佢辛苦, 你同工人湊都好ok, 同埋話只要佢會同bb玩已好開心之類囉!), 一家人, 唔通成世面左左咩! 你老公咁樣都好大壓力, 好辛苦㗎!! 咪當錫你老公而肯咁做囉!!

私人傳訊

creamymimi

複式洋房

積分: 348

6^#

發表於 08-7-18 12:34 |只看該作者

原文章由 foggyao 於 08-7-17 17:31 發表
你呢個情況唔好話6299, 我個女10個月大前, 因我阿媽應承義務幫我湊(我mami係好outgoing, 八足咁多爪, 成日約朋友去街. 生前, 佢已講明唔識湊, 但話會聽晒我教, 會為我唔去咁多街), 所以我哋都懶懶閑, 無請工人.

生 ...