吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 如果你地老公好惡咁鬧你,你會點???

夫婦情感今日: 0|主題: 42807

收藏本版

發帖

返回列表

跳至頁

查看: 5519 | 回覆: 17

如果你地老公好惡咁鬧你,你會點??? [複製鏈接]

小manman

翡翠宮

積分: 88112

1^#

發表於 04-7-5 20:01 |只看該作者

如果你地老公好惡咁鬧你,你會點???

我有個朋友話佢有一次同佢老公個媽咪鬧交,之後唔記得隔左幾耐之後,佢同佢老公嘈,佢老公好惡咁鬧佢:「我x你xx(粗口)呀,你上次咁惡鬧我阿媽,我依架話比你知,阿媽就得一個,老婆我可以娶好多個都得」
我當時心諗如果我有一日我老公(雖然我honey一定唔會講粗口鬧我)咁樣鬧我,我會點???我當時一定會好hurt,一定會咸,但我諗我一定會勁惡咁鬧番佢,我仲會打佢添呀!!!但我唔會一巴醒佢,我會打佢身體,會推佢,會發哂癲咁!!!
之後我諗佢要用番相當長的時間黎氹番我,因為我唔會就咁罷休,我會好mind佢講"老婆可以有好多個"呢句說話,講粗口直頭唔可以接受~

私人傳訊

janet

伯爵府

積分: 15905

hashtag影視迷勳章大廚勳章畀面勳章 BK Milk勳章

2^#

發表於 04-7-5 22:01 |只看該作者

Re: 如果你地老公好惡咁鬧你,你會點???

自己老公點解咁講自己一定好清楚!!如果佢同我咁講,我一定話咁你快d娶多幾個老婆囉!!不過其實我一定唔會同佢阿媽鬧交,就算佢阿媽鬧我,我都一定死忍,費事,俾人話我無大無細!!

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

ronleung

大宅

積分: 3729

3^#

發表於 04-7-5 22:06 |只看該作者

Re: 如果你地老公好惡咁鬧你,你會點???

唔好意思, 由於意見不同, 希望不要介意.

我諗我會粒聲唔出走開(因為都真係無咩好講了), 然後諗下點解個老公會咁講, 如果佢老公平時係鬧慣佢老婆的, 咁今次都無咩特別呀,相嗌就硬係唔好口,相差係個硬耳程度去到邊者;但相反佢老公平時係就慣佢的話,今次竟然咁講野就真係要諗下係咪自己上次對個奶奶過份左,所以令個老公內心積怨咁深呢?!無錯佢的說話係好難聽,但不失為事實喎!如果我個仔第時由得個老婆鬧我都唔出聲的話,咁仲駛旨意佢第時孝順我?有時要將心比已先得喎, 唔係佢今日雖然係氹番你, 但D唔開心野成日記係心度咪仲衰, 兩公婆無話一定要分高低的, 比你分到又點? 同埋無論點都好千其唔好動手推人,打人,如果唔係別人還手,傷的一定係女人,亦只會越整越大鑊,同埋如果發癲係解決到問題的話就唔駛有社工啦, 咁同男人打女人有咩分別?都係駛橫手要對方低頭者. 大家都係成年人邊句唔該講我相信心知肚明啦, 或者你唔出聲用另一種方法去表逹去比對方靜下,佢又會諗下係咪自己唔岩呢? 老婆會唔會嬲呢?
呢個世界係無絕對的, 有D絕種好男人都可能有朝一日韾起上來打女人(好多媽咪POST上來話婚姻出現問題前個老公都係公認的好人) 亦有D衰佬突然會有日洗心革面,浪子回頭的. anyway, 我唔會去試自己老公個容忍程度, 亦唔希望佢有日會來測試我.

此文只是對事不對人,sorry!!

私人傳訊

天晴

洋房

積分: 46

4^#

發表於 04-7-5 22:34 |只看該作者

Re: 如果你地老公好惡咁鬧你,你會點???

看完留言後令我想起昨晚在有線聽到肥媽說你奶奶就算幾麻煩幾無理幾錯都好，總算做對一件事，就是生了你老公。

當你奶奶好難頂時，或許可以想想她做對的一件好事，退一步。

私人傳訊

晴雨公仔

複式洋房

積分: 255

5^#

發表於 04-7-6 03:48 |只看該作者

Re: 如果你地老公好惡咁鬧你,你會點???

我通常都默不作聲, 待一會, 等佢下氣後才相談. 我都會直接話佢剛才說話很大聲, 很惡, 佢通常都會say sorry, 然後才開始討論佢發惡的原因.

私人傳訊

SUSANNA

伯爵府

積分: 17464

好媽媽勳章 BK Milk勳章

6^#

發表於 04-7-6 10:55 |只看該作者

Re: 如果你地老公好惡咁鬧你,你會點???

晴雨公仔
我絕對吾讚成打老公, 因為如他還手女人一定吾夠打, 最後自已又傷心又受傷就無為(我朋友有如此經歷), 而最重要係打得一次就會有第二次, 我們做女性的絕對不應讓此種事件發生, 我認為離開現場大家冷靜一下係最好的做法.

私人傳訊

~小熊貓~

禁止訪問

積分: 1160

7^#

發表於 04-7-6 12:18 |只看該作者

Re: 如果你地老公好惡咁鬧你,你會點???

提示: 作者被禁止或刪除內容自動屏蔽

私人傳訊

JennyKwok

大宅

積分: 2735

8^#

發表於 04-7-6 21:17 |只看該作者

Re: 如果你地老公好惡咁鬧你,你會點???

我同版主差唔多遭遇, 昨天又同個老人家嘈交, 其實應該話個老人家打橫黎, 我個女都成歲半, 我話在家不需要鴨尿片, 最多勤d x佢all尿, 但她老人家話驚all到個地板污遭晒, 係都唔比佢學, 又話我牙尖咀利駁佢咀!!最激氣就連老公都help住佢黎駡我,我覺得好寃枉,曾想過自殺, 但又唔寫得個女!! 我唔敢同外家講, 谷埋谷埋, 整到我現家有抑鬱症!!佢地d人根本就打橫黎, window花嘈左好多次交都話唔整,最後見到報紙新聞先死死地氣整!!

私人傳訊

DorothyBBB

別墅

積分: 633

9^#

發表於 04-7-6 23:02 |只看該作者

Re: 如果你地老公好惡咁鬧你,你會點???

我都試過同奶奶嘈，不過我都唔係中傷佢，係問佢點解要對我講ｄ好難聽的說話，又叫我老公唔好理我，打完齍唔要和尚，生完ｂｂ唔要新抱啦，不過我老公無話我，因為真係我奶奶唔啱，不過有時我同老公鬧交佢會好嬲掉野，有次佢唔小心掉到我，我嬲到話：信唔信我報警告你虐妻呀那！
嘻嘻！嚇佢都好．

Our Baby is 2 years old

私人傳訊

Cmcl

大宅

積分: 1861

10^#

發表於 04-7-7 00:42 |只看該作者

Re: 如果你地老公好惡咁鬧你,你會點???

如果老公鬧我(即使只係大聲d講野)我都會即刻收聲,黑起塊面唔應佢, 等佢知衰收聲, 即使佢死狗來同自己講野都唔理佢. 直至佢自己講出衰咩, 邊到講錯野先應佢. 最緊要o既係佢一定要 say sorry.
至於鬧奶奶呢.........雖然我同老爺奶奶的關係極差,但我都只會同佢地作對, (暫時)絶冇當面同佢地對鬧. 作對佢地又奈我唔何, 只要冇做錯野, 佢地都唔好意思開聲話我 (無理咁鬧的話老公都會開聲幫自己啦), 其次係老公會好難做人, 如當時老公唔爭自己的話仲會好難收科添.
同埋我覺得要win老爺奶奶莫過於係搶左佢地個仔o既心了.

私人傳訊

yuenwa

男爵府

積分: 5774

11^#

發表於 04-7-7 11:19 |只看該作者

Re: 如果你地老公好惡咁鬧你,你會點???

Jenny,

你的小朋友是否給奶奶湊? 如果係, 咁你就要忍一下, 因為當你交小朋友給其他人湊, 好難要求其他人按你的標準去做。如果你奶奶要小朋友著尿片, 便由他著吧, 等你放工或放假時才好好訓練小朋友, 最好放一個大假訓練小朋友。因為其他人只會覺得幫你湊小朋友只是看著佢, 而不是教導佢。莫說她是你的奶奶, 就算我的bb是我自己亞媽湊, 我亞媽都不肯幫我訓練bb, 要等我放工或放假時自己教。

所以如果有事要嘈的話, 我令願自己搞好, 都不願要求其他人做 (老公除外)。

[quote]
JennyKwok 寫道:
我同版主差唔多遭遇, 昨天又同個老人家嘈交, 其實應該話個老人家打橫黎, 我個女都成歲半, 我話在家不需要鴨尿片, 最多勤d x佢all尿, 但她老人家話驚all到個地板污遭晒, 係都唔比佢學, 又話我牙尖咀利駁佢咀!!最激氣就連老公都help住佢黎

私人傳訊

ptm_sarah

大宅

積分: 3847

12^#

發表於 04-7-7 13:18 |只看該作者

Re: 如果你地老公好惡咁鬧你,你會點???

我同奶奶一齊住左差唔多10年了, 中間當然嘈交, 不過就唔係好西利(唔係好西利果D, 都係我老公在,佢地講完一兩句就唔出聲), 嘈得最西利果兩次都係等我老公唔係度(佢地咁樣做, 等佢個仔認為佢地係好阿爸阿媽), 然後兩公婆(老爺同奶奶)一唱一和咁鬧我, 人多勢眾,我當然鬥唔過佢地啦, 真係疆越老越辣......不過我老公都知佢地係點架, 佢平時都會開解我, 同佢結左婚咁多年, 佢都未鬧過我.
如果好似小manman的fd咁, 我一定叫佢去娶多幾個, 之後回娘家, 佢咁鬧我, 我會覺得佢唔重視我, 留下亦都無意思la.

私人傳訊

tt2001

大宅

積分: 1111

13^#

發表於 04-7-7 17:32 |只看該作者

Re: 如果你地老公好惡咁鬧你,你會點???

JennyKwok,
你奶奶是否只一個人揍你女冇工人幫的呢？如是，她要你女著片吾係冇道理架！

1.5歲多數未ready戒片，有D叻D早戒得成，其實過程好長架。其間真係周屋/sofa瀨，就算佢肯坐potty，都要記住定時定候同佢all，又吾係即刻all得出，老人家手腳慢冇記性，都好大壓力架，吾好話老人家la，我仔1.5歲時，我冇做野幾個月，我同工人4隻手都搞到頭大呀，1 week後放棄，真係好甘好甘架。If 瀨左，佢眼力又吾好，未必抹得乾淨晒，地板有水漬的話，(扇)親邊嗰邊嗰你仲大wok！再講，佢抹得地，洗得絛布黎，亞女又走去玩第樣野，一陣整齊又入佢數咩？而且揍歲半好吃力，吾同BB只係食同sleep，係幾辛苦。我都試過比老人家揍得吾好既經歷，但要老人家fulfill呢樣野，未免要求高左D lor (除非佢自發做)！如果真係太熱，試下叫佢間中開下冷氣，比返$佢交電費好過la。

JennyKwok 寫道:
我個女都成歲半, 我話在家不需要鴨尿片, 最多勤d x佢all尿, 但她老人家話驚all到個地板污遭晒, 係都唔比佢學, 又話我牙尖咀利駁佢咀!!最激氣就連老公都help住佢黎駡我,我覺得好寃枉,曾想過自殺, 但又唔寫得個女!! 我唔敢同外家講, 谷埋谷埋, 整到我現家有抑鬱症!!佢地d人根本就打橫黎, window花嘈左好多次交都話唔整,最後見到報紙新聞先死死地氣整!!

私人傳訊

JennyKwok

大宅

積分: 2735

14^#

發表於 04-7-8 20:28 |只看該作者

Re: 如果你地老公好惡咁鬧你,你會點???

我奶份人好疼錫個地下, 我買左架BB食飯椅返來, 佢都左舖右舖住個地下,驚死會整花個地, 有時我個女玩玩具,扇手左玩具落地, 佢都依依呀呀咁聲, 屋企全部傢俬,包括矮櫃, 雜物等,放得落地既野,佢都一一用舊雜誌墊住, 連我買玩具比個女玩都要問準過她; 我老公成日就HELP住佢亞媽, 有時想係老公面前"神"吓, 轉個頭佢又話比佢亞媽聴, 一D都唔識「好仔兩頭暪」呢個道理, 積積埋埋好多鬱結, 有時又唔想同外家講!!其實都好辛苦!!