非常長編的故事..
我現在同老公分開左啦..我個老公我唸都係俾佢寵壞啦!一點責任感都無, 仲成日講大話(現在先知)
以前拍拖同佢阿媽相處都o.k..因為我一路都好尊重佢..佢又好鐘意我..(因為佢唔鐘意大伯個女朋友)而且我覺得佢都唔係咁(盟塞)大家叫做有d計傾下..
我17歲識我老公, 19-24歲我去左讀書, 幾個月返黎一次(當中佢有第三者分開過), 但後來復合.(我以為佢真係會知道珍惜) 我們打算在我畢業後計劃結婚..點知...
22歲個年, (未結婚)有左bb..我一個人係外地..打電話返黎同現任老公商量..點知得個結果係...佢地家人(佢媽, 爸, 哥)輪流打電話俾我, 叫我落左個bb..原因係大家年紀太細, 同我未讀完書..真係一個大借口(我梗係唔想, 我仲打算休學, 生完再讀過, 我家人都支持我) 其實當時好傷心. 我嬲ge係我老公要借人地把口講呢d說話..而且以佢家人ge環境, 絕對可以照顧到一個bb, 佢地兩老都唔駛返工..有層樓..點知..如佢地所願, 個bb小產左啦...x.x(可能bb真係小氣, 而且未出世d爺, 麻, 大伯就咁對自己..)真係無辜..
本來事情過去了...隔了唔夠一年..在我最後一個學期開始時, 又發現有左bb..(晴天霹靂..究竟發生咩事?..點解會咁? 我地一向有用condom, 而且少見面..一次又一次咁有左..唔通真係天意?)呢件事, 只有我同老公, 同埋我好朋友知..今次我們商量好..如果保得住個bb, 就要law.因為bb好唔穩定, 我連行快少少都會流血, 無計..我又隻身回去繼續讀書, 真係好辛苦! 因為我要做畢業展, 但自己身體又咁..又唔可以話俾人聽..個時我一星期要睇幾次醫生..又要自己煲藥, 返學, 做project.....一心以為個bb會無..最終都過左4個月..bb穩定左啦..我也快畢業了! 本來應該係值得高興...待續..
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
