論盡家傭 今日: 0|主題: 134112

本人經朋友的工人介紹一個菲律賓姐姐。面試的時候知道她是被前僱主於工作三個月的時候中止合約，她解釋是因為舊僱主問題，一年炒幾個工人。當時我屋企急住要工人，又見她是我女同學個姐姐個親戚。咁第一次見完就請佢。即日同佢去我個女個同學個姐姐介紹的agent公司，攪完手續文件，冇乜特別就等6 - 8個星期等新姐姐返工。

相安無事，等左8個星期左右，agent打黎話姐姐簽証批左，可以返工。我就約定6/12佢來香港，我去接佢，佢話黎過幾次自己已經好熟，約我係荃灣地鐵站接佢。

到左6/12，我係地鐵等左成個鐘都見唔到佢，打電話俾佢同佢個親戚都冇人聽，擔心佢冇事。足足5個鐘後先到佢，佢話同d朋友去左教會，聽唔到電話，講左句sorry mum就當冇事。我同老婆都諗第一日返工，我地算，但係就覺得呢個人有d問題。點知真係等一日開工就玩野，具體情況如下：

1.係cam度見佢單手拖地，錄影俾佢睇完都唔認。

2.d餐具清潔後同冇洗過一樣。

3. 我個細女3歲去完大便後，佢竟然唔幫佢清潔，我地問佢佢話以為我個女已經自己清潔左。我地問返個女，我個女話已經叫左姐姐幫佢手抹。

4. 將抹地地布小朋友的衣服一起洗，話慳水。

5. 下午當我2個女在客廳玩耍，她在梳化睡覺。

6.沐浴後只用毛巾包裸身體，沒有穿著衣服從廁所走到房間。

7. 我老婆每次要呼喚三，四次才回應。

8.話自己唔識煮中餐，叫佢煮西餐又話唔識用電磁爐，焗爐，煮左4日飯，我2個女有5餐都係食雞翼。

9.當話佢知我地終止佢合約時，佢馬上跑回床上拒絕離開，最後要報警搵差人趕佢走。

我13/12已經趕佢走，佢又要呢樣又要果樣，我啋佢都傻，我同agent講我只會照勞工法例俾，一蚊都唔會俾多佢。間agent都唔係好，全部菲律賓員工，只會幫住d姐姐，夠膽同我講要補返500車費俾姐姐，我話勞工法例係100，佢話姐姐做得咁辛苦，俾多d都應該，痴線架。我覺得佢地係專門呃代通知金，所以我已經去信入境處多加留意。另外希望係forum post出黎多d人睇到，避免中招。
謝謝。

Agent: EMRY'S EMXXXXMENT AGENCY - WorldWide 同 WanChai 都有Offfice (Rm. XXX. On Hong Commercial Building, 145Hennessy Rd, Wanchai, HK)

工人: BERMUD--, Ge--a Ag--in HKID: W8042--(A)Philipinas Passport: EB83699—