我生左阿b一個月喇. 之前未生時, 老公要6299係佢加班時, 黎我地屋企睇住我, 怕我隨時生, 我唔好意思要人地走黎走去.
依家生左, 坐月, 佢都要我6299黎幫手(間中我媽媽會黎). 其實我6299 無物野, 但我始終唔慣佢地由朝 (十一左右) 係我家,到晚八點. 加上99每次黎都用我地俾佢支後備匙開門 (雖然我老公已要求佢唔好 & 黎之前俾電話), 我覺得點解唔可以等我去開門, 好似已經唔係自己屋企咁.
阿b出世, 99一黎, 我自問好多時我抱完阿b一陣都主動俾佢抱喇. 但漸漸我99會係阿b喊同我一齊入房or 自己入房, 當我仲想睇阿b係喊一兩聲再瞓定繼續喊, 佢已抱走阿b. 當我同阿b換片, 放底去洗手, 佢又抱走佢. 當我去沖奶, 佢又抱起阿b等餵. 漸漸我99全個下午直情放阿b係廳 (我平時放阿b入房)瞓, 但放在我hifi 喇叭旁而又開住我hifi 聽收機, 自己坐正係阿b瞓緊張highchair 隔離. 如是者, 除了換片, 沖涼, 我根本無得掂阿b. 我覺得我(同阿b)的私人空間無哂. 依個情況, 佢黎親都係咁, 到下午六七點, 老公番黎又吃飯才停. (因飯後, 我老公講明佢要陪阿b, 而老公亦好多時俾阿b我湊)
99成日好似搶阿b咁, 我成日同老公講, 可唔可以由我抱阿b俾99呢? 62又唔太識湊b, 又多多主意, 好似我地會開冷氣25度俾阿b, 62成日靜雞雞較冷氣29度, 怕阿b凍. 我又成日較返轉頭, 我心諗你唔好整壞我部冷氣&哂我電費. 到後期, 我索性唔開冷氣, 俾bb著短袖,但62又同阿b蓋兩張毛巾被, 結果老公返頂唔順,開番冷氣 & 攞起張被 (阿b塊面紅哂).......依d我都有同我老公講, 佢都知我唔開心, 但大家都明6299鍚個孫.
我琴日同老公講,我坐完月喇, 你阿爸阿媽可以唔使日日黎喇. 我老公都話, 佢地黎可以幫輕你. (老實講6299的確好照顧我的飲食, 買餸煮飯) 下午老公打番黎, 我唔好高興又唔多答佢 (因我99又趁我同阿b換完片, 立即抱走阿b). 佢再夜d打俾我, 同佢阿媽講左, 由今日起不用全天/日日黎, 佢地得閒才黎探阿b一陣.
我好多謝老公, 雖然我唔知有無改善 (起碼老公今日使走6299, 唔使佢地黎), 我亦唔敢講唔俾佢地黎, 但老公依排好忙公事又多野煩, 所以我真係好多謝佢體諒我, 可以係我返工前俾我陪多d阿b.
[ 本文章最後由 LokMoMo 於 08-10-23 15:31 編輯 ]
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
所以我99一次都冇
返回列表
