吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 咁既教仔方法其實啱唔啱？ ...

少年成長今日: 0|主題: 16132

收藏本版

發帖

返回列表

跳至頁

查看: 1611 | 回覆: 7

咁既教仔方法其實啱唔啱？ [複製鏈接]

Ali_03

大宅

積分: 4705

1^#

發表於 04-8-11 15:49 |只看該作者

咁既教仔方法其實啱唔啱？

我同我老公係好多方面睇法都好一致，但自從仔仔出世後就多咗一様嘢，大家睇法唔相同而成日嗌交。

佢一路都想教到個仔要克苦耐勞，佢好睇唔順家下d年青人成日唔捱得，唔知到呢個世界係要努力要付出先有收獲，佢又好堅持唔可以縱個仔，免得佢驕生慣養，因為依家我哋只得一粒仔，男家女家亦只得呢粒孫，所以雖然依家人仔細細，但已經脾氣唔多好。我喺某程度上非常贊成佢既諗法，但問題係：

1) 我返完工返到屋企，都希望可以舒服吓，我又怕熱，所以除非天氣好涼，我通常一係屋企就會開冷氣，而且，小朋友通常都怕熱d，佢哋成日玩又走嚟走去，開住冷氣都會成身汗，我覺得咁都好正常啫。但佢就話會攪到個仔第日無咗冷氣就唔得，少少苦都唔捱得，成日唔比我開冷氣，佢覺得唔係錢既問題，就算自己好有錢，都唔可以比個仔嘆慣，免得佢唔會珍惜，雖然佢講得好似好有道理，但我就好唔服氣，又唔識得點様同佢講。

2) 佢又認為唔可以縱個仔，有時個仔喊佢都唔理佢，但依家教育的理念係佢細細個時係培養緊佢既自信心，成日唔理佢會令到個小朋友好無安全感，佢話我好成日仔仔一喊就去抱佢，但其實好多時係我會等一陣先去抱佢，咁又算唔算縱佢呢？有時我覺得個仔喊佢唔抱佢係因為佢要睇電視/打機，佢成日都由得個仔自己對住d玩具自己玩，咁邊度係親子活動呢架？佢都打橫呢講。

有時我都係度諗，究竟佢套教育方法啱唔啱，有無媽咪有類似既經驗可以分享吓，你哋會點様同老公攞個公識既呢？

私人傳訊

*Polly*

別墅

積分: 622

2^#

發表於 04-8-11 23:25 |只看該作者

Re: 咁既教仔方法其實啱唔啱？

我認同第一点, 我屋企都好少開泠氣, 有時自己同個仔都成身汗, 我咪同佢沖凍水凉 lor. 冬天又開窗, 唔會開暖氣, 有時我老公都頂唔住. 還有從細到大冬天/夏天, 我都唔會比暖奶/水佢飲架但咁捱咗4年半, 呀仔 train 到好 strong, 好少病 ( 出世到 4.5 歲只有3次感冒), 這兩年未試過請病假, 老師都話勁.

以前奶奶成話我唔識凑仔, 話我唔識照顧個仔, 而家見到成果, 就周圍教人用"我"的方法湊仔啦.

我個"得意" 越來越難搞!! :-o :-o :-o :-o

私人傳訊

Willin

大宅

積分: 1258

3^#

發表於 04-8-12 00:43 |只看該作者

Re: 咁既教仔方法其實啱唔啱？

第一點我都認同, 因為我都會係到非常頂唔順先開冷氣, 我老公怕熱, 佢響度就一定開, 小朋友涼慣冷氣, 氣管冇咁strong.

第二點, 你真係要花時間同你老公傾..
小朋友喊唔一定要抱佢, 可以溫和d同佢講野, 例如佢喊就叫佢行埋黎, 用手拍拍佢膊頭頭仔之類, 佢一樣會feel到你係關心佢, 咁你老公睇到亦唔會覺得你成日抱住個仔...
同你老公講解下, 小朋友世界好簡單, 一個人岸居居玩玩具幾咁悶同無癮, 佢好快就冇心機玩, 俾你大人打牌, 3缺1都冇癮啦, 見你d大人個個玩既野都同佢唔同, 佢會開始學習你地既生活, 你玩咩佢又玩咩囉, 咁響大人眼中就變成係小朋友係攪攪震, 咁好無道理架喎, 佢地玩玩具有時都唔係話擺底地下佢就識玩, 都要你響佢面前試玩, 佢先會跟住學架嘛

要小朋友刻苦耐勞, 大人係要以身試法架, 例如帶佢行山遠足, 參加童軍, 從活動中去俾佢感受加上父母講解, 佢先會明白個道理架, 父母一齊參與係最好既支持方法, 冇父母支持佢點識去面對同解決生活上既問題呢, 淨係叫個小朋友唔好做呢樣唔好做果樣, 呢樣唔岩果樣唔岩, 咁都要你講解佢知加埋行為表達, 佢先會收到你想教佢咩架, 你老公個諗法係好, 但係冇付出時間去親身教道小朋友呢...

男人個個都係講就好勁架, 轉頭走去打機打到叫火燭都聽唔到, 我老公都好多偉論架, 咪又係得個講字, 一打機咩都唔理..

你亦可以去買d書返黎睇, 自己邊睇邊讀出黎, 等佢都聽埋一份, 或者佢都會明白, 覺得有道理呢...

私人傳訊

Ali_03

大宅

積分: 4705

4^#

發表於 04-8-12 08:49 |只看該作者

Re: 咁既教仔方法其實啱唔啱？

Polly & Willin,

多謝你哋既意見呀！有時我都好矛盾，因為我都唔可以完全否定佢既講法，無錯，要教個小朋友真係要身教，不過大熱天時唔開冷氣對於我嚟講真係好辛苦，所以我先post個topic睇吓d客觀的講法，或者我應該同我老公傾吓大家搵個共識，比如話幾多度先可以開冷氣等等，為咗個bb，我會努力嘗試。唔該晒你哋。

私人傳訊

GiGiMum

男爵府

積分: 8786

環保接龍勳章畀面勳章

5^#

發表於 04-8-12 10:41 |只看該作者

Re: 咁既教仔方法其實啱唔啱？

Hi Ai_03

你好！你個仔幾大丫？

唉、講起教仔好多時同老公會有岐見，但最緊要係唔岩講到岩，兩公婆不能對臺而立。

你老公的教仔宗旨聽落好岩，但實行方面就有少許問題。

首先開冷氣其實是可以接受的，而家d school 都有冷氣！最多開1陣咪關左佢law！

另外咸的問題就要視乎你仔幾大！如果是bb的話，我會咸1陣就抱。好多時bb咸是想大人關懷，即時抱bb能給予安慰，加強bb對母親的信心。這點西方與中國人完全不同，你有冇睇"千禧bb檔案"？？內容講過話bb對母親的依賴or疏離在表現上是完全不同的，這點會影響bb長大後對人的信心。

如果你老公真是有咁多理論，他應該自己以身作則，每晚至少1 hr 陪仔玩，而不是自己打機。我也同意Willin所說要"身教"，仔仔咁細根本唔明嘜野叫刻苦耐勞，當然是由大人先做然後教他。

同老公傾下啦，空有理論是冇用的，教仔的路途很漫長呢！共勉之！

私人傳訊

twg

別墅

積分: 685

6^#

發表於 04-8-12 13:53 |只看該作者

Re: 咁既教仔方法其實啱唔啱？

GiGiMum

just want to ask which channel is now showing "千禧bb檔案"?

私人傳訊

bandband

子爵府

積分: 11510

7^#

發表於 04-8-12 14:11 |只看該作者

Re: 咁既教仔方法其實啱唔啱？

其實如果係我...我覺得你老公都唔算過份,不過,

個個男人都係咁架!真係一俾佢睇電視同打機(我老公玩音樂...),真係亞仔姓乜都唔知...旨意哂亞媽理!

第一點,我都覺得ok,因為我細個都係受呢個家規,我祖母都係一個唔鐘意開冷氣既人,反之我亞媽就唔係,係咪都開冷氣俾我細佬(同母異父)歎,歎到有一個程度係大個啲小學階段嗰陣,係咪都要開,佢老豆話好涼唔駛開冷氣話開冷氣side錢,我細佬就好經典咁話:"老豆有錢交電費咪得囉!"....真係大少爺!

至於第二點,我又覺得無錯,不過我同老公都係會睇情況而定.如果佢擺到明係曳自己响度發老脾,我同老公係唔會同情佢去理會佢,由得佢閂埋房門喊飽佢!等佢喊完先至同佢好好講道理,如果情況失控,好似噚晚咁我個仔玩自殘(佢自己整爛自己個玩具,發老脾自己打到自己塊面流哂血),我同老公就會即時制止,我會好嚴厲咁鬧佢(甚至恐嚇佢要佢即刻停手);如果佢喊既原因係因為俾人恰或者受傷害受委屈(總之係正常合理既情況下喊啦),我就會攬住佢安慰佢先,等佢冷靜番啲,我就會一邊攬住佢一邊同佢講道理.

咁我又唔可以話我既做法一定啱,但我係贊成小朋友係唔可以過份溺愛,始終佢都要自立,我地唔可以陪佢就佢一世嘛!有時候,真係要俾佢地鍛練吓架!佢地未受過挫折,係唔會識得成長! :wink:

老公VOICEMAIL 1 2 3