＋
Baby Kingdom - 親子王國 香港 討論區 › 首頁 › 母乳餵哺› 新手媽想全泵奶求建議

母乳餵哺

收藏本版
回覆 發帖
返回列表
跳至頁

首頁
1

尾頁
   0
askb


大宅

積分: 1273


1#
發表於 16-7-23 12:41 |只看該作者
新手媽媽咩野都唔識想問下
我打算全泵感老公可幫手
幾時開始可以？一開始就得？
每日泵幾多次到？
如果泵得多過bb食咁點分配？

謝謝
私人傳訊回覆 引用

Fionhohoho


子爵府

積分: 10607


2#
發表於 16-7-23 12:51 |只看該作者
你bb出左世未呀

老生常談，要埋身多奶先上得快。我個陣有泵比老公餵，不過都係一兩餐，其餘都係埋身

初生2-3小時食一次，你要泵多過佢食的次數。例如佢食10次，你要泵11次
私人傳訊回覆 引用

watkityee1988


大宅

積分: 1155


3#
發表於 16-7-23 18:41 |只看該作者
你未生，點解吾試下埋身餵？其實泵出黎仲浪費時間，又要洗，又要消毒，增加奶量又慢，因為我都系全泵媽，真系好辛苦
私人傳訊回覆 引用

Ytfc


伯爵府

積分: 18952


4#
發表於 16-7-23 18:57 |只看該作者
askb 發表於 16-7-23 12:41
新手媽媽咩野都唔識想問下
我打算全泵感老公可幫手
幾時開始可以？一開始就得？
我試咗兩個禮拜埋身就變全泵，基本上開頭真係密密泵，一日泵7/8次，半夜都要泵，有多奶就雪起佢，但係有心理準備，全泵係好辛苦，時間用多咗又要洗野，出街又麻煩，埋到就埋身好啲

私人傳訊回覆 引用

askb


大宅

積分: 1273


5#
發表於 16-7-24 13:10 |只看該作者
Fionhohoho 發表於 16-7-23 12:51
你bb出左世未呀

老生常談，要埋身多奶先上得快。我個陣有泵比老公餵，不過都係一兩餐，其餘都係埋身

未生，所以想問下意見再睇下，謝謝
私人傳訊回覆 引用

askb


大宅

積分: 1273


6#
發表於 16-7-24 13:10 |只看該作者
watkityee1988 發表於 16-7-23 18:41
你未生，點解吾試下埋身餵？其實泵出黎仲浪費時間，又要洗，又要消毒，增加奶量又慢，因為我都系全泵媽，真 ...

想問下意見再睇下，了解多一點，謝謝
私人傳訊回覆 引用

askb


大宅

積分: 1273


7#
發表於 16-7-24 13:11 |只看該作者
Ytfc 發表於 16-7-23 18:57
我試咗兩個禮拜埋身就變全泵，基本上開頭真係密密泵，一日泵7/8次，半夜都要泵，有多奶就雪起佢，但係有心 ...

點解埋身後決定泵呀？
私人傳訊回覆 引用

anybody07


別墅

積分: 869


8#
發表於 16-7-24 14:35 |只看該作者
askb 發表於 16-7-23 12:41
新手媽媽咩野都唔識想問下
我打算全泵感老公可幫手
幾時開始可以？一開始就得？

如果可以埋身真係埋身好啲～ 我係全泵媽～ 我出奶慢要好長時間先泵完～ 泵完又要洗又要餵～ 浪費左好多陪bb 既時間～ 我就係好多時洗同餵都交俾先生攪～結果bb完全唔黐我～ 試過瞓瞓吓嚇醒咗爆喊時我抱佢～ 佢唔要我～ 要去爸爸到～ 果吓傷心到我爆喊～ 我咁辛苦日泵夜泵～ 佢竟然唔要我～
泵媽出街唔出得耐～ 定時定候要返屋企泵奶～ 一係就帶哂啲工具出街 又奶樽又泵奶器又雪種雪住泵出黎既奶～ 你最後都係會快快返屋企～ 仲要搵地方泵奶都係一個問題～
如果埋到身真係埋身方便好多～
私人傳訊回覆 引用

Ytfc


伯爵府

積分: 18952


9#
發表於 16-7-24 15:04 |只看該作者
askb 發表於 16-7-24 13:11
點解埋身後決定泵呀？

本帖最後由 Ytfc 於 16-7-24 15:06 編輯

我冇耐性，我仔少少早產，咀細又唔係好夠力啜，埋親唔係喊/扭就係訓，又食唔多，坐月又要密密餵，完全唔夠訓之下一埋身我已經有想崩潰嘅感覺，我餵到喊或者抱住個仔發呆，我老公見唔對路私下同陪月同埋我媽傾完，一齊禁止我埋身。全泵有樣好就係知佢食幾多，感覺上好似辛苦得黎有啲價值，其他人又可幫手餵，埋身就扭多過食。


當然呢個只係我經歷，有啲bb一開始就食得好好，有啲媽媽亦好有耐性，其實只要有耐性係一定磨合到嘅，同埋一成功埋到身，的確係好過泵，加油呀，祝你到時奶路暢通
私人傳訊回覆 引用

misscheerful


複式洋房

積分: 274


10#
發表於 16-7-24 15:07 |只看該作者
提示: 該帖被管理員或版主屏蔽
私人傳訊回覆 引用

AAV


男爵府

積分: 5391


11#
發表於 16-7-25 00:44 |只看該作者
其實埋身定全泵定奶粉，bb未出世、自己未試過都未必可以好肯定咁「揀」邊樣。點樣做，或者可以點做，有好多因素影響：1）媽媽身體狀況。2）媽媽休息/身心健康。3）媽媽意志/對各種餵哺方法的信念想法。4）家人支援/想法。5）bb身體狀況。6）餵哺技巧等等。以我自己為例，未出世前覺得餵到就餵，餵唔到就奶粉。到出左世，發現同樓上講一樣，bb食唔到，一抱起放埋身就崩潰，休息又唔夠，bb又黃，要補奶粉。當時係非常抑鬱。及後乳腺炎，想全粉，但家人「壓力」，轉全泵加補奶粉。埋身/全泵，優缺點一定有。我無埋身咁滯，埋身讓我感受到的係挫敗加累，好累好累。當然人人不同，有人覺得好方便好親密。同埋我相信bb會好依賴媽媽乳頭，例如半夜醒要乳頭，會令媽媽一段長時間休息唔好。我b半夜醒，塞奶嘴ok,但都要醒幾次，所以我好佩服人奶媽半夜餵奶。而全泵，好處係解決到乳頭損、抗拒餵奶的挫敗、知道食幾多、穩定食量令餵食時間穩定等等，但同時，因為有奶量睇到，會有追奶壓力，好似要跑數咁。要泵清一滴不剩，等如要你默書次次一百分的壓力。好多野洗。最重要係好花時間，要定時會限制你社交生活。更令你好少時間湊bb, 令bb唔黐你。
總之，唔好因為餵奶問題令自己唔開心，bb同媽媽同樣重要。到時感受過，就會知邊樣最適合自己同bb. 唔需要諗太多。
私人傳訊回覆 引用

wlhbee


大宅

積分: 4916


12#
發表於 16-7-25 08:40 |只看該作者

回覆：新手媽想全泵奶求建議

我b出世響醫院食水奶，出院我已經全泵從來冇比佢啜過，多湯水多食飯就夠奶，初頭一日10泵，好在我有工人洗野，買多幾set喇叭冇咁辛苦，奶樽最好fit到個泵，直接入樽唔駛倒黎倒去。
泵奶都會乳頭痛，買定卵磷脂，通草果d通乳，仲有羊脂膏搽乳頭，另外用普通水樽已經可以做到冷熱full。
得到家人共識支持先做最後決定，我要返工，乳頭又生左好多疣，所以先唔埋身。
祝你順利
私人傳訊回覆 引用

Nbs


水晶宮

積分: 66001


13#
發表於 16-7-25 11:10 |只看該作者
我都係全泵。喺醫院時有試過埋身，但係bb未學識啜，啜到損晒，啜 5mins 就唞 10 mins, 後來又黃又少尿，加上我又未上奶，又無耐性。。。各種因素下結果一返到屋企就變全泵。

全泵好處係其他人可以幫手餵，講真好好多，交比工人之後我可以連續訓返4 個鐘先再接手 (我 bb 係兩個鐘食一次，所以夜晚差不多無得訓）。我買左 3 套泵，10幾個奶樽，工人早晚洗一次，都唔係太多功夫。上奶亦都無問題，雪櫃浸住都有起碼幾支奶喺到。我發覺奶量一樣會跟住 bb 長大而增多。我4-6個鐘先泵一次，小心唔好比佢塞有硬塊就得。

至於你話少左親子時間。可能我 bb 得三個月大，都係半舊飯，暫時未有太多互動啦。又可能係我對餵奶呢個動作無放太多"感情", 好直接餵就餵，泵就泵，食係簡單需要，所以埋唔埋身都無咩所謂。
私人傳訊回覆 引用

siufongcheung


大宅

積分: 2000


14#
發表於 16-7-25 20:25 |只看該作者
我係因為要返工，所以先至要泵，不過我人響屋企時就埋身，埋身方便好多，事前唔駛set嘢，拉高件衫拉低個bra就餵得，餵完仲要唔駛掃風，又唔駛執嘢
私人傳訊回覆 引用

EstrellaDamm


水晶宮

積分: 55381


15#
發表於 16-7-25 23:31 |只看該作者
askb 發表於 16-7-23 12:41
新手媽媽咩野都唔識想問下
我打算全泵感老公可幫手
幾時開始可以？一開始就得？
個人覺得除非BB真係食唔到（例如要留醫或經母乳姑娘指導埋身後都唔得），否則一開始就泵係浪費時間資源人力，更會為媽媽增添心理負擔。埋身慳水慳力慳時間，亦較易上奶，何樂不為？泵要付出更多努力，而嗰種努力係較難維持，唔似埋身長食長有。
私人傳訊回覆 引用

lolitak


大宅

積分: 2335


16#
發表於 16-7-25 23:44 |只看該作者
我個B因為早產,而家仲係NICU,所以我只可以泵出黎俾佢...
我而家坐月有陪月煮飯,又唔洗湊B,理論上應該可以休息好D,不過我開頭果兩個星期都因為泵奶而崩潰左.....
每次泵完都差不多一個鐘,其實好攰....陪月話如果有D BB好啜得,可以5分鐘幫阿媽啜清一邊....

而且出街要泵奶真係好麻煩...

如果可以埋到身...真係唔好泵呀....
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy