少年成長

收藏本版
發帖
返回列表
跳至頁

首頁
1

尾頁
   0
什果


大宅

積分: 3567


1#
發表於 04-8-15 12:07 |只看該作者

16個月BB女 脾氣好臭,應該點教好?請指教!!

佢一唔鍾意就"DUMP"野落地或者掃晒D 野落地;抱住O既話就打/搣人塊面;無抱住就"LUR"地坐地下;之後又狂喊唔收聲, 但係已經無就佢架啦..(我自己就無就, 其他人就話都無就佢囉..)真唔知點解佢會咁
好頭痛, 佢打又唔痛,鬧又唔驚, 都唔知點算好..
我係WORKING MUM, 收工收得夜, 好少時間對住佢, 真係唔知點教好...請大家比D 意見我...
:-) :-) :-)
私人傳訊

wanwanfubb


別墅

積分: 888


2#
發表於 04-8-15 14:39 |只看該作者

Re: 16個月BB女 脾氣好臭,應該點教好?請指教!!

我個b都係咁, 我諗住2歲就俾佢返幼兒園, 學吓同人溝通, 佢好鍾意同人玩, 但係就唔鍾意時就發脾氣! 我自己就試下慢慢同佢講, 試下唔鬧唔打, 因為你鬧你打, 佢就學番你, 試過又好似好d, 但係跟住佢就唔係咁驚我, 我放工後佢就乜都搞, 但是朝早同我印印就沒有! 我都好頭痕!
私人傳訊

什果


大宅

積分: 3567


3#
發表於 04-8-15 16:59 |只看該作者

Re: 16個月BB女 脾氣好臭,應該點教好?請指教!!

唉, 我都唔知點解佢會咁, 一唔鍾意就兜巴星人塊面, 我自問都係打下佢手板, 從來都無咁打過佢,亦無咁打過人..真係唔知佢係邊度學返黎..

真係好驚佢會變暴力bb
:-) :-) :-)
私人傳訊

tszkiuma


大宅

積分: 1433

好媽媽勳章


4#
發表於 04-8-17 15:10 |只看該作者

Re: 16個月BB女 脾氣好臭,應該點教好?請指教!!

我之前睇過一本有關如何教小朋友的書, 入面內容有提到哩個常見問題, 佢話小朋友係兩歲前唔應該用體罰同埋責罵, 因為小朋友不但唔會改善, 反而學識左兩樣野1.打人2.罵人, 所以最好的方法就係隔離佢, 例如, 當佢打你的時候, 你就放下佢, 不要抱佢同埋唔好理佢;當佢發脾氣大吵大鬧時, 你就將佢帶到一個角落(家中任何一個角落,但每次一定係同一個地方), 唔好理佢, 待佢平靜左情緒後再教佢何為不對,當然這些方法唔係一兩次就可見效, 必須重覆又重覆咁做....
我囝囝都試過發脾氣同埋打人, 我就會將佢抱去指定的角落, 然後自己就睇電視唔理佢, 初初開始時佢會行番黎我身邊大喊大叫或打我, 我唔睬佢又將佢抱番過去角落, 重覆又重覆,佢可能覺得無隱就唔再嘈, 自己行去玩具或過黎趴係我大腿咋嬌, 然後我先至理番佢, 同佢講佢頭先咁樣係點點唔o岩....
依家阿仔一唔聽話我就用咁o既方法罰佢, 佢亦都知道自己扭計就會去o個個角落頭度受罰同埋會冇人理佢, 所以佢好快就會妥協唔再扭...
希望我哩個方法用係你地o既小朋友身上都一樣work啦

雖然我們不能左右天氣 , 但是可以改變自己的心情 !
私人傳訊

mother904


翡翠宮

積分: 81738

畀面勳章


5#
發表於 04-8-17 17:24 |只看該作者

Re: 16個月BB女 脾氣好臭,應該點教好?請指教!!

小朋友通常唔會天生就好惡，好多時候都係學番黎，會唔會屋企有人脾氣好差，等bb有樣學樣？

我覺得最緊要係當佢發脾氣時，千奇唔好俾佢願望得逞，否則只會越來越識得用發脾氣來控制大人。隔離係一個好方法，但我睇教子VCD時講明隔離的用途係令bb覺得無聊，唔係罰佢，所以唔好放佢入黑房或者洗手間，要佢企係一個望到你的地方，而且看要講明罰企幾耐，大約係一歲一分鐘，如此類推。期間無論bb怎樣哭鬧都要堅持，態度要肯定但溫和，千奇唔好佢發脾氣你又發。

講得唔好聽，小朋友其實係好現實，如果佢知道發脾氣會無人理，好快就唔會咁。
日日是好日
私人傳訊

twg


別墅

積分: 685


6#
發表於 04-8-18 17:15 |只看該作者

Re: 16個月BB女 脾氣好臭,應該點教好?請指教!!

但如果有老人家係度就好難用到呢個方法，佢地一定第一時間去tum佢，咁點好呢？
私人傳訊

CF


大宅

積分: 1481


7#
發表於 04-8-18 17:22 |只看該作者

Re: 16個月BB女 脾氣好臭,應該點教好?請指教!!

我個仔而家1歲乍, 一開心或者好high個陣就打人面啦, 唔知佢識唔識, 不過好鬼痛, 我都唔知點同佢講好, 佢又唔識聽, 我都成日同佢講...打人唔岩, 但佢都好似唔跳我講乜, 仲打多你幾下, 我真係好傷心個一刻...咁辛苦生佢出黎...佢仲一巴打埋黎....我都唔知點教...得個岩岩1歲....比d意見呀, 唔該~
私人傳訊

syw


大宅

積分: 1119


8#
發表於 04-8-19 11:17 |只看該作者

Re: 16個月BB女 脾氣好臭,應該點教好?請指教!!

各位家長,

我囡囡也喜歡打人,打完人之後,就話'你好naughty,我不要你',然後走到自己睡房,很久也不出來,我們也不理會她,有時候,經過她睡房,便會看看她,她也發脾氣,推開我,現在她才三歲真的不知道怎樣教導她?

swy
私人傳訊

Almaz


子爵府

積分: 11771


9#
發表於 04-9-5 13:20 |只看該作者

Re: 16個月BB女 脾氣好臭,應該點教好?請指教!!

最近我用了一個方法,我用在女兒身上就好work.分享一下.女兒17個月,常常因不如意就撥晒d玩具落地下.然後麻麻或爸爸見到,都會用惡樣打女兒手仔,說唔準,話佢曳曳.但女兒不受落,反而會變本加厲.而我會用另一種方法.當佢又發脾氣和撥晒d玩具落地時,我就會心平氣和,語氣溫和同女兒講,"你唔可以發脾氣架,唔可以dump晒d玩具落地架,咁樣曳曳架.快d執返d玩具比媽媽啦"如是者重覆講幾次,我發覺女兒很受落,真的會執返d玩具比我.我的女兒是受軟唔受硬.但我都覺得好多小朋友都是受軟唔受硬的,所以你們可以試吓.如果小朋友發脾氣時,他們當時的情緒肯定不好,而你又鬧佢,佢就更加不開心,所以佢唔會聽你講,但如果你溫柔的對他說,就算他聽不明白,他都可以感到你的語氣,會被你軟化.這是我的心德.
私人傳訊

小嵐


別墅

積分: 706


10#
發表於 04-9-6 02:07 |只看該作者

Re: 16個月BB女 脾氣好臭,應該點教好?請指教!!

Almaz
我囡囡都係好鍾意發脾氣時dump嘢,而我都係用你同樣方法要佢執返比我,佢都會好願意執,所以我同意呢個方法好work.不過佢轉頭又dump好似同我玩咁.激死

:-( :-( :-(
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy