吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 基督家庭› 十多年後再返崇拜

基督家庭今日: 0|主題: 9939

收藏本版

發帖

返回列表

跳至頁

查看: 2104 | 回覆: 11

十多年後再返崇拜 [複製鏈接]

王國長老

積分: 12240

王國長老

1^#

發表於 04-8-16 16:48 |只看該作者

十多年後再返崇拜

無返崇拜都有成十幾年了, 再返番感覺好舒服.
以前中學時會經常返, 但可能當時仲細未曾深深感受到主既偉大主既愛, 之後出來返工要輪班既關係, 開始離棄神, 結左婚生埋囡就更加無時間, 雖然我一直每晚都有祈禱將一切交俾神, 一直我都會同人講我係基督徒但唔係100%既, 極其量只係50%既, 因為我無返主日崇拜, 餐前礙於大眾既目光不禱告, 加上老公一向都反對加抗拒, 使我停了腳步, 只維持每晚的交託, 所以我一直都覺得對神有一種歉疚,虧欠.....
直至兩個囡兒漸長, 我開始教大囡兒睡前祈禱, 將一切開心唔開心都交俾神, 好開心大囡兒好接受, 我感覺到神係佢心中係有一定既地位

到最近, 我終於搵到一個唔係幾好既藉口(加學分)同老公講話要帶兩個囡返主日崇拜, 佢初頭好反對話只有星期日先可以家庭日都冇埋, 同唔鐘意我信, 以前我可能會退縮, 但唔知係咪覺得自己不嬲都虧欠了神, 我今次好堅持, 老公終於都無可奈何由得我. 到而家都已經返左5次了, 感覺很好, 聽道亦令我心境舒暢, 真的感受到神
在我身邊睇住我, 不其然腦中泛起很多幕最困難既時段到最後必然得到解決既片段, 從而知道神一直都睇實我, 要我辛苦過捱過, 跟住就會幫我, 所以我到而家都無後悔過自己行既路, 無抱怨過生活既不如意, 因為我知道我比起好多不幸既人已經好千百萬倍.
在崇拜中看到受洗的信徒可以分享神既身體同寶血, 我好羨慕, 但我會同自己講我仲未有資格住, 我要俾心機, 求神給我機會再努力, 因為我覺得我仍然常常[應做的不做, 不應做的反去做], 我仍然常犯罪!!!
我好享受受聖餐時(雖我不能分享聖物)給牧師按著頭的祝福, 感覺就好似天父用慈愛既手撫摸著自己一樣, 好暖.
再看到兩個囡兒同樣好安靜地給牧師按頭祝福, 好安慰, 希望神繼續睇實我地帶領我地, 亦希望遲0的我可以令老公同屋企人同行主的路.
記得以前我大哥都係基督徒, 但唔知點解而家佢好抗拒, 開初我大嫂都有跟我返崇拜仲決了志, 但後來知道佢真係為左學分先返又有點失望, 她返了一次就冇再返了, 希望主可以令佢同我大哥明白神對佢既愛. 再投入主的懷抱啦.
將一切都交託主, 阿們.

(~'.'~) (^.^ )*^-^*

私人傳訊

jjmama

別墅

積分: 761

2^#

發表於 04-8-16 22:04 |只看該作者

Re: 十多年後再返崇拜

Hi, Cookie,

Glad to hear that you return to God. Hope that by God's grace, you can totally commit your life to Him and let Him be King of your life!!

jjmama

基督家庭"網上查經" --- "神與我們同在""查經系列

登山寶訓查經 (馬太福音第5章) --- 超凡的基督徒生命

私人傳訊

王國長老

積分: 12240

王國長老

3^#

發表於 04-8-17 11:25 |只看該作者

Re: 十多年後再返崇拜

jjmama,
Tks.

唉, 尋晚同老公講我九月開始星期日下午要返栽培班, 佢好大反應仲問遲0的係咪要洗禮, 我話係, 跟住佢仲大反應, [0甘遲0的咪要奉獻!!!], 我話係隨意睇能力既, 噢, 原來佢不嬲都以為做左基督徒要每月將薪金既一成作奉獻, 我先知道佢抗拒既主因, 感謝主俾呢個機會我知道固中因由, 再給我時間與智慧去幫我令老公同行主的路.
感謝主.

(~'.'~) (^.^ )*^-^*

私人傳訊

法子

男爵府

積分: 6547

4^#

發表於 04-8-17 21:18 |只看該作者

Re: 十多年後再返崇拜

cookie,
我都係有成7,8年冇番教會.直至上週(荃荊牧師講道:應做的不做, 不應做的反去做)那次.剛剛番了崇拜,感覺很好,我的小朋友4歲也很喜歡上呢.真是感謝主.^_^.

我以前中學番過4,5年教會,已決志.但出來工作後一直沒有番.
我老公未信主的,但並不反對我們番,還很支持.但他星期天有工作在身未能到教會去呢
還有的是,自已身體不太好,就是這2個月裏,已因呼吸困難;頭暈;胸口痛及手腳麻痺問題入院幾次,住了好幾天醫院.但醫生也找不到問題所在...現在呼吸頭暈等問題仍然存在....唉,實在擔心不已...... :-( :-( :-( 我也不知道該再看些什麼dr. ;或是做body check 才對.. :cry: :cry: :cry:

私人傳訊

Zoey

男爵府

積分: 6686

5^#

發表於 04-8-18 18:17 |只看該作者

Re: 十多年後再返崇拜

Hello cookie & 法子,

近半年來我都跟我爸媽上了教會, 很奇怪雖然有屋企人早已信主, 但自己一直都沒有主動去尋求過! 現在每個星期既祟拜, 對我來說都是一個警醒, 一個更生, 舉目往上看, 很感動原來神也沒有把我忘了, 聖靈是何等奇妙, 感謝主!

我想我地都要一起努力, 不要輕易放棄呀 :-P !

法子,

好耐冇見!~ 之前妳已入過醫院幾次, 但醫生沒有給妳做過詳細既 checking 嗎 :-( ?!!

『我們既有這許多的見證人，如同雲彩圍著我們，就當放下各樣的重擔，脫去容易纏累我們的罪，存心忍耐，奔那擺在我們前頭的路程，仰望為我們信心創始成終的耶穌。』
(希伯來書 12 章 1-3 節)