心聲留言 今日: 0 | 主題: 17573

積分: 11754

1^#

發表於 04-8-18 13:55 |只看該作者

同奶奶和姑奶始終傾唔埋....

我都知呢度有好多媽咪都同奶奶&姑奶無計傾, 而我唔係想同佢地好多野傾, 而係最低限度都要客客氣氣, 其實我都屈左兩日, 始終放不下想係度吐下苦水, 話說佢細女帶奶奶去醫院覆診, 咁佢大女和三女去完個展貿美食來我屋企同佢個呀媽打麻雀 {即我奶奶}, 咁佢地拖住個大袋係美食展買左好多野, 不過係買即食麵, 佢三女話平, 忍唔住買好多, 我心諗超市都大把啦! 駛唔駛買呢d食物, 我都知佢個人係孤寒個隻, 所以都無問佢無買其他特別東西,因為問來都多餘, 但又唔想大家無計傾咁, 咪找d野講下, 剩係問佢只買晒公仔麵, 佢幾串話:[最平呢d, 梗係買呢d, 你都羅來問...}, 我聽到呢句就好唔開心, 你話我同佢有乜話題講, 唔東拉西扯求其講下, 真係相對無言, 我又唔想你眼望我眼, 其實我係好憎過來打麻雀, 鬼叫我同奶奶住, 到左夜晚我係諗住整通心粉食, d材料買晒, 老公唔返來食咪求其食, 又唔知佢d女來打麻雀, 不過我都費事整咁多, 照舊整番通粉, 明知個幾隻肥婆成日都話要減肥, 整咁多盞倒左佢, 我咪同佢地講今晚食通粉好無, 班肥婆黑口黑面話是但, 講真你估我好想煮比佢地食, 唔駛洗唔駛煮, 後來煮好問佢地食得未, 三女肥婆話遲d先, 後來大女肥婆話食左先再打, 其實我係最憎呢兩個肥婆, 一日到黑都話減肥, 但係仍然咁肥, 三女肥婆好命, 嫁到個瞥察, 仔大老公又錫佢, 唔駛做, 所以最串亦都係佢, 大女肥婆早幾年我同佢有d過節, 所以佢係三肥婆處講我唔少是非, 不過既然一年見幾次咪忍佢地, 總之我唔係好想同佢地做親戚, 鬼叫我嫁著老公咁鬼多家姐, 其實都幾煩, 但又改變唔到, 除非佢地瓜晒, 咁就天下太平.

有時我心諗, 同佢地又咪見好多, 點解始終無計傾, 反而我同隔離鄰社重多野傾, 同係人, 點解有親戚關係d永遠傾唔埋, 你地係咪咁樣.

私人傳訊

WongMing

積分: 11986

2^#

發表於 04-8-18 14:08 |只看該作者

Re: 同奶奶和姑奶始終傾唔埋....

我都係人地嘅姑奶,我同我兩個家姐同個弟婦都係無嘜兩句個喎! 唔知點解呢? 朋友又唔係,又唔熟,,,,,可能真係因為無血緣嘅關係啦! 我都唔想咁,無計!

私人傳訊

袁太

積分: 1397

3^#

發表於 04-8-18 15:17 |只看該作者

Re: 同奶奶和姑奶始終傾唔埋....

lau,
你老公既家人係你老公package既一部分。當你嫁你老公時就嫁埋佢地啦。佢地吾係你自己識既朋友，同你吾一定夾架，你吾好有期望就吾會有失望啦。或者用一個比喻：你加入一間公司做秘書（老婆），你老闆（老公）覺得你好請你返來，但吾代表其他同事都同你夾得來，而且佢地會expect你融入佢地既生活（因爲係你加入的）。即使你對佢地好亦吾代表佢地一定會對番你好架。arm咪講多兩句，吾arm咪少講嘢，可能佢地不lau都係咁態度講嘢呢，整整下你習慣左就識避重就輕架啦。記住你老公至係重要既人其他都係閒人吾使費神係d閒人上。

私人傳訊

袁太

積分: 1397

4^#

發表於 04-8-18 15:31 |只看該作者

Re: 同奶奶和姑奶始終傾唔埋....

WongMing，
講開又講我老公幾兄弟姊妹之中我都只係同其中一個姑奶維持到普通朋友關係。其它都係除左say hi 之外就無嘢講啦。有時吾夾就係吾夾，可能我又吾上心，無所謂啦，吾鬧交咪得law。

私人傳訊

my1215sui

男爵府

積分: 6328

5^#

發表於 04-8-18 15:36 |只看該作者

Re: 同奶奶和姑奶始終傾唔埋....

我同我姑奶,亞嫂佢地都好少出聲,連我老公都係呀,可能年齡問題啦,相差成八年咁多.....
但我差不多日日都會見到佢地呀,都吾知點算.......

私人傳訊

WongMing

積分: 11986

6^#

發表於 04-8-18 16:22 |只看該作者

Re: 同奶奶和姑奶始終傾唔埋....

我都好同意袁太嘅講法, 唔鬧交未算囉! 又唔係成日見! 不過,我最後發現, 同弟婦無嘜兩句嘅主因,可能係,好大機會係我連同佢老公,即是我細佬都係無嘜兩句囉!

私人傳訊

docomo

珍珠宮

積分: 44215

2025勳章蛇年勳章牛年勳章畀面勳章

7^#

發表於 04-8-18 19:49 |只看該作者

Re: 同奶奶和姑奶始終傾唔埋....

[quote]
lau 寫道:
除非佢地瓜晒, 咁就天下太平.

私人傳訊

hktissue

積分: 518

8^#

發表於 04-8-18 22:05 |只看該作者

Re: 同奶奶和姑奶始終傾唔埋....

有次奶奶同佢d家姐妹妹呢埋响房度分手袋都唔問吓我,'山'埋房door(奶奶個妹係開local時裝店),唔值錢都唔預我呀(我諗佢對朋友重好過對我),所以家吓有嘢都唔會預佢地...成班都係cheap精....

有幾次去完trip,買咗手信比奶奶同我姑仔,兩條友'pet'响地下一邊,望都唔望, 幾日後我去到佢屋企,竟然原封不動响原位,眼火爆....發誓以後都唔買gift.

私人傳訊

kyleung

侯爵府

積分: 24274

9^#

發表於 04-8-18 22:10 |只看該作者

Re: 同奶奶和姑奶始終傾唔埋....

我都係同老爺奶奶姑仔住，就黎三年；同姑仔講下八卦野都可以，因為年紀差一兩年啫！同奶奶都係一時時；同老爺就真係冇計傾，完全唔想同佢o係同一個位置出現，佢嚮廳時我就會入房，盡量唔想見到佢．
我都知令自己老公好難做，不過溝通唔到就係溝通唔到！
我都唔想勉強自己．
始終唔係自己親生亞爸亞媽，點都係差少少．

私人傳訊

yoko280304

積分: 1984

10^#

發表於 04-8-18 22:27 |只看該作者

Re: 同奶奶和姑奶始終傾唔埋....

其實我都唔知自己係咪有精神病!一聽到我{奶奶}把聲就好{炆}!佢可以一日唔停口咁,叫你呢

私人傳訊

pmama

積分: 772

11^#

發表於 04-8-18 23:00 |只看該作者

Re: 同奶奶和姑奶始終傾唔埋....

我姑奶同奶奶又係好多問題同我又係傾唔埋的, 話說母親節食飯, 居然姑奶遲到成個鐘又冇人出聲, 我未帶囡囡出商場行吓, 回來見姑奶終於來到, 一句sorry都冇已激氣, 個姑奶仲居然話約d咁地方搵死人咩?(約九龍灣鴻星都話唔識), 母親節我和老公比利事奶奶買野食, 姑奶又話開封利事睇下幾錢? 好彩我奶奶話幾錢都好啦心意, 姑奶又講心意就買禮物啦! 句句都頂心! 食完飯又居然叫拿盒裝起食餘下d餸頭餸尾連"湯楂"都要, 魚只得魚頭都要包, 但全部係比奶奶拿回家食, 你話通常係囡叫亞媽唔好咁做, 但居然姑奶要求做, 幾肉酸~

私人傳訊

Perria

積分: 1272

12^#

發表於 04-8-19 01:41 |只看該作者

Re: 同奶奶和姑奶始終傾唔埋....

我同老公係同姑奶一齊住的，已住了4年幾了，同姑奶感情幾好!!!過時過節佢會送gift給我，生日都會送，而我久唔久行街見到岩佢既野送俾佢~~~~但同奶奶就唔太好了~~生左阿b之後先唔好....姑奶都知我地兩個有d問題....但就從沒講過d嘜~~~所以我覺得有呢個姑奶幾難得...我一定會對佢好好的!!!

私人傳訊

hktissue

積分: 518

13^#

發表於 04-8-19 01:47 |只看該作者

Re: 同奶奶和姑奶始終傾唔埋....

docomo 寫道:
[quote]
lau 寫道:
除非佢地瓜晒, 咁就天下太平.

唔瓜得呀,因為我嗰個係仔,第時都要做人奶奶...嗚嗚
:cry: :cry:

私人傳訊

BDT

複式洋房

積分: 334

14^#

發表於 04-8-19 03:30 |只看該作者

Re: 同奶奶和姑奶始終傾唔埋....

你地都唔算，我的奶奶同姑奶仲過份，奶奶，姑奶同我分開三間屋住，但大家要行都唔使10分鐘，但自問都冇做錯過，可能姑奶D針勁人又X啦，(連我老工都話係)，有次我老爺打電話叫我去佢個女家食飯，味去，因老爺做完手術冇幾奈，一入門口，佢個女就話，我家的飯咁難食，你都黎食。全部人聽到都打個突，包括佢老公，我返到家，足足xxxxxx佑兩星期，仲有我奶奶後來打電話說，話佢係這樣十三點，叫我就下佢，只係講笑，到現在大半年，就連三個月前我搬理屋，連我奶奶老爺全家電話都唔聽。好彩我老公都明白，一提起佢家人都唔會多講。我講過最少三年唔好見。激氣。

私人傳訊

calcal

男爵府

積分: 6227

15^#

發表於 04-8-19 07:50 |只看該作者

Re: 同奶奶和姑奶始終傾唔埋....

lau,
你姑奶同我姑奶一樣，我見住佢話減肥都有六年 (由剛同老公拍拖開始)，買o左無數減肥食品同用品，到依家我有o左bb 六個月，都仲fit過佢好多 :mrgreen:
我都唔係咁鐘意我兩個姑奶，尤其是我大姑奶，以前仲同老爺奶奶住果時，有個三個人一齊食飯(老爺奶奶及我)，咁o岩個姑奶返o黎，咁我又含住啖飯喎，就無叫聲佢啦，何況咁大個人，點下頭都當打o左招呼啦。點知之後，我老爺同我老公講話我：「無事無盛都唔叫聲人，唔通要等到有o野求人時先叫呀~」，我罄到爆即刻話：「挑~~依家有乜o野要求佢呀？佢又幫過我d乜呀？」之後我就同我老公、爸媽投訴話我老爺把口幾咁賤。
而且o係我同老公未搬走前，奶奶及老爺已經常o係我姑奶面前話我呢果樣 (佢o地要求o既新抱弟婦樣辦，係好似"酒是故鄉醇"個年代果隻。話說有次老公同奶奶睇緊呢齣劇集，我奶奶指住劇中人物同老公講話：睇下人o地d新抱對奶奶點好呀，之後我老公駁佢，咁你去做番古人囉[咁咪即係叫奶奶去死？]) :mrgreen: 之後我大姑奶就同我老公好唔客氣咁照奶奶o既說話搬我是非(我不在場)，我老公即刻大發脾氣(佢好少咁樣)，鬧番佢o地幾句，跟住成晚食飯，全場鴉雀無聲。

私人傳訊

my1215sui

男爵府

積分: 6328

16^#

發表於 04-8-19 08:41 |只看該作者

Re: 同奶奶和姑奶始終傾唔埋....

其實同老爺奶奶住都係一個問題呀....始終思想都吾同.
更何況仲要接受埋男家屋企人呢.....
講真,結左婚當然想有自己o既大地.....但我老爺奶奶就好想大宅門咁全部結左婚都一齊住o個種呀.....
我九月廿三號就搬返去呀.....有好有吾好啦.....以後我大部分時間都會係房呀,

私人傳訊

lau

積分: 11754

17^#

發表於 04-8-19 11:08 |只看該作者

Re: 同奶奶和姑奶始終傾唔埋....

其實好多媽咪比我境況更慘, 不過為左嫁個老公, 而額外成日受埋呢d氣就好抵, 做份工唔鐘意都可以辭工, 唔駛對住公司唔鐘意既人, 但明知老公個邊係有咁多人, 除非唔嫁佢, 但都希望睇老公份上包容佢地, 但咁多年我都唔係好識點同佢地相處, 或者我地幾個新抱佢地都唔係咁鐘意, 所以我地幾個新抱亦唔係咁鐘意佢地, 所以我地幾個新抱就較好傾, 可能大家同病相憐, 雖然我都有個弟婦, 亦即是我都係人姑奶, 但亦成日檢討自己唔好做衰姑奶, 總之同個班肥婆少傾少煩, 你唔煩我, 我亦唔煩你就最好.

私人傳訊

creamsoda