吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 有冇人同99一齊住,間屋係99，好有寄人籬下既感覺架? ...

婆媳關係今日: 2|主題: 27783

收藏本版

發帖

返回列表

跳至頁

樓主: LucasChan

有冇人同99一齊住,間屋係99，好有寄人籬下既感覺架? [複製鏈接]

wmpl

大宅

積分: 3000

21^#

發表於 08-12-1 18:25 |只看該作者

原文章由 ChuChu0808 於 08-12-1 18:00 發表
我都試過自己呢埋o係房度喊又唔敢喊出聲, 果種感覺真係好難受架, 只有自己先知.
又試過同老公o係房嘈交, 老公叫我唔好嗌咁大聲, 因為佢呀媽o係度喎... 果一刻勁想搬走.
平時都有d冇晒私隠嘅感覺, 又係買咩比個B都 ...

啲男人住慣住熟又係自己屋企,,搬出去住又一濶三大,,會覺得好唔抵咁,,佢哋梗係唔想搬架,,不過佢哋唔知慳慳埋埋要嚟睇醫生呢?!

我都係要講到明完全頂唔順,,, 一係分開,,一係搬走,,同埋我同佢咁多年,,佢都未見過我嘅脾氣會咁差,,小小事都可以發晒脾氣,,喺街度都會好大聲咁鬧佢[以前從來未試過],,又不斷係咁病,,C6先至知我係有幾大壓力同有幾唔開心,,先至肯同我去睇樓揾地方搬架咋,,所以想搬就要企硬,,啲男人唔到最後都唔出聲唔理架!!

私人傳訊

Cat1218

大宅

積分: 1690

22^#

發表於 08-12-1 18:37 |只看該作者

原文章由 wmpl 於 08-12-1 17:09 發表
當然有啦,,成日同個仔講唔好要我,,有次我唔喺度,,佢又咁講,,C6頂佢唔順就同佢嘈,,佢就發晒癲咁話如果見我返嚟就會用堀頭掃把"烹"我走喎,,仲有呀,,有時同C6嗌交,,又要壓低把聲嚟講嘢,,想喊都唔敢大聲,,自己一個人喺房 ...

買嘢就更加唔駛講啦,,我自己買都仲好少少,,有時C6買嘢俾我,,只係買啲我鍾意嘅食物俾我,,佢都會眼紅,,雖然佢係唔會出聲,,不過佢份人陰濕到死,,會借啲意用其他方法嚟"報復"囉,,變態!!
係喎,c6有時同我出去散心行下30mins only,我話想食d小食,c6都話要買埋佢地果份,唔係佢地又會對付我,真係變態!!!!!但係c6都驚左佢地~又唔夠膽出声,又唔俾我講野!!真係好得人驚.真係好辛苦

,到我地要番上去喇,架lift一層一層咁上,我個心就卜卜咁跳,番屋企就好似落地獄咁

私人傳訊

muiskyie

男爵府

積分: 5667

23^#

發表於 08-12-2 00:33 |只看該作者

原文章由 carrie_1102 於 1 12 2008 00:46 發表

唉...我老公由細住到大,佢已經講到明一定唔會搬架喇~不過佢都成日"提"住佢阿媽叫個家姐去拎屋囉...我真係好想知,搞緊離婚可唔可以拎到公屋架!?我真係好想佢快d搬走呀!!!

我都係啦~次次買親野返屋企都比我99話,"你 ...

通常，住慣靚樓的話，即使獲派都會唔嗲唔吊咖喎…

私人傳訊

carrie_1102

伯爵府

積分: 19211

24^#

發表於 08-12-2 01:56 |只看該作者

之前我6299過左德國,去我大伯果邊...咁我個姑9已經日日都同個仔上黎,1個星期訓足7晚...點解我咁唔like佢呢!?因為我坐月果陣,佢嚮度搞搞震...我請個陪月(大陸親戚)..係佢個親表姐黎,佢話人地日頭訓覺喎...我覺得可以接受丫~喂,初生baby半夜要食奶奶,咁人地要服侍我個囡..唔通人地晏晝冇野做訓一陣都唔可以咩?

最變態既係...佢好like嚮我面前打自己個仔,係一巴一巴咁打..佢個仔果陣得3歲..佢仲試過"呈"起個仔隻耳仔離地(我老公見到)...仲會用腳踢個仔..又鬧個仔係x街!!!我真係好唔鍾意,但係我唔出得聲...因為我一出聲,佢個仔會比人打得仲"金"..我老公都話過佢好多好多次...如果佢唔係我老公個家姐,我真係一早就報左警...

仲有,可能我小家啦...我唔鍾意佢嚮度痴飲痴食囉,果陣我6299唔嚮hk,佢日日返黎開大冷氣,1日沖3次涼(個仔都2次)..總之佢乜野水,電費都唔洗交...都係我老公比晒!我老公搵得果1萬蚊仲要養埋佢...佢家姐離譜到就算返自己屋企訓,都要沖埋涼,食埋飯先返去...總之我就乜野私人空間都冇晒囉~我地已經反左面9世架喇~我係比面我99,我先忍住!其實我老公知我好唔鍾意,但冇計,我地冇錢,冇可能搬到出去住!!!依家我老公已經係咁叫佢家姐去拎屋..但我99就好似幫住個女..佢家姐試過返工,返左2日就話辛苦,要受氣...喂,有邊份工係唔辛苦架!?之後就冇做...好啦~日日上黎,咪放低個仔嚮度..自己出去睇人打牌,吹下水(圍村d人好like咁)...佢個仔就要我工人照顧埋....喂,我返工搵錢..請工人係負責湊我個囡囉...照顧我6299都ok...但唔代表我工人要幫佢睇埋個仔卦~我條氣真係頂住晒囉!

我就要返工,佢家姐就嘆世界咁...我99返到黎搵個女婿傾計,問佢點解個老婆可以成日唔返屋企訓!?佢老公話佢地2年冇講過野...我係佢老公都覺得難頂啦,晚晚返黎冇飯食..人地訓覺佢先同個仔返屋企..當屋企係酒店咩!?佢家姐過份到連阿婆上山都唔通知老公..都唔知咩人囉~之後我99問佢老公咁點解唔離婚,佢老公就話好..咁即係冇晒感情啦...咁當初佢地有左bb就唔好要,唔好結婚囉...我真係覺得佢個仔好慘~

我迫佢走又唔係,又驚佢會打死個仔..但係個pk姑9再嚮度住...我真係會癲囉!已經"唔覺唔覺"住左3個月喇~我可以點!?我真係唔知我可以點.......我唔想下下同我老公講..我唔想我老公覺得我煩..始終係佢屋企人...但佢家姐有機會拎屋都唔拎..我可以點呢!?佢一定唔會住天水圍果d囉~太遠,佢冇得返黎hae...

私人傳訊

Cat1218

大宅

積分: 1690

25^#

發表於 08-12-2 10:48 |只看該作者

原文章由 carrie_1102 於 08-12-2 01:56 發表
之前我6299過左德國,去我大伯果邊...咁我個姑9已經日日都同個仔上黎,1個星期訓足7晚...點解我咁唔like佢呢!?因為我坐月果陣,佢嚮度搞搞震...我請個陪月(大陸親戚)..係佢個親表姐黎,佢話人地日頭訓覺喎...我覺得可以 ...

哈哈~我都有個咁嘅姑9~次次找工好快,做左一日就炒個老細油魚,話人地對佢唔好,又辛苦又.....轉個頭問個79歲的爸爸拎錢,洗完再問我老公拎2000-3000蚊一個月,以前同佢地住,老公又俾7000奶奶,加埋10000一個月,我自己係屋企揪BB,我零用錢都無,開頭我都無幹泄佢俾幾多屋企,但我辭左份工無收入,仲要俾兩件9蝦,真係嬲到死,根住鬧左C6一次金嘅,佢先識先知我係佢邊個,點解人地咁多錢洗,我一分

錢都無,究竟當我係咩?生仔機器呀定工人呀?

私人傳訊

Anntang

大宅

積分: 1454

26^#

發表於 08-12-2 11:33 |只看該作者

報警啦!

同你C6報定案, 你姑9再打仔就報警, 因為你警會真係攪出人命.當然要形容得繪聲繪影, 要你C6都驚埋一份,
再唔係搵次佢打完個仔, 最好有埋明顯傷痕, 你就叫個工人帶佢個仔去睇醫生, 叫個醫生幫你報警. 事後可以話個細路喊得好厲害, 個工人驚佢內傷撞親個腦,唔敢咩飛, 又搵唔到你, 所以帶佢睇醫生, 當然要叫個工人夾口供.事後你99嘈咪叫個工人幫你頂囉.
唔係叫你玩嘢, 但真係要救吓個小朋友. 有時見到新聞有小朋友俾父母虐待, 會質疑點解身邊嘅唔報驚, 唔係害人坐監, 係救吓個小朋友. 唉!

私人傳訊

ChuChu0808

子爵府

積分: 14126

27^#

發表於 08-12-2 16:20 |只看該作者

原文章由 wmpl 於 08-12-1 18:25 發表

啲男人住慣住熟又係自己屋企,,搬出去住又一濶三大,,會覺得好唔抵咁,,佢哋梗係唔想搬架,,不過佢哋唔知慳慳埋埋要嚟睇醫生呢?!

我都係要講到明完全頂唔順,,, 一係分開,,一係搬走,,同埋我同佢咁多年,,佢都未見過我嘅 ...

上年我生完兩個月後搬番去99度住, 有一次C6話我成日鬧佢, 事實上我係有產後抑鬱, 但從冇話比C6知, 自己忍埋忍埋真係好辛苦, 產後抑鬱加埋唔習慣同99+姑奶住. 如果從頭比我簡, 打死我都唔會肯搬去同99住.
另一方面, 產後抑鬱之後其實成個人性格都變得暴燥左同埋幾偏激... 有時會覺得好似C6欠左我咁. 但我又冇諗過同佢分開.
女人真係好Q唔易做!!!