單親天地今日: 0|主題: 18401

收藏本版

發帖

返回列表

跳至頁

查看: 3573 | 回覆: 10

前妻唔俾我探個囡2（更新） [複製鏈接]

cok1986616

洋房

積分: 31

1^#

發表於 17-2-3 09:47 |只看該作者 |倒序瀏覽 |打印

半年前我提到我同女兒的探視問題，相信大家仲應該有印象，可重溫舊貼http://www.baby-kingdom.com/forum.php?mod=viewthread&tid=17627775

咁上年9月上左庭，法官定左九個月嘅監管期，每月我有一次探視時間且每次一小時，係晚上見面。
終於見返個女，佢都嚟緊6歲，今年9月開始讀小一。每次由伯母帶囡囡落嚟樓下同我見面，有睇開我post都知我前妻唔想同我有任何接觸，所以只能靠伯母做中間人。直至而家都見左5次，呀囡總算認得我，肯同我玩，但仍唔習慣同我單獨相處，更唔駛講話帶佢出去食野，玩之類！嚟緊7月會再上庭，社工都會再探訪寫報告俾法官睇，到時睇下法官下一步點做！

我想問幾個問題：
1.再次上庭，我仲有咩係關於探視嘅細節可以提出？
2.我好想同囡囡去遠啲玩，唔想次次局限係佢樓下見面，但女兒仍有啲驚同唔敢單獨同我一齊，我可以點做？
3.每次見完個囡離開個陣都好唔捨得，好想同佢見多啲玩耐啲，我係咪應該再向個官提出呢？如改成每月兩次見面！但囡囡今年開始讀小一，我咁做會唔會影響到佢呢？

4.有次女兒想我去睇佢歌唱表演，但礙於前妻同我關係僵硬，佢唔會想見到我出現，當正我係仇人，我好想應承個女，但我去唔到，伯母又幫我唔到，我可以點做？
5.我明白現階段嘅我要做嘅就係係經濟上backup個女，好好地供養佢成人，其他野唔好想咁多，但人心肉做，我真係好想自己同普通人一樣，同個女相處融洽啲同見多啲，我係咪唔應該咁自私呢？
6.對於囡囡的探視安排，仲有咩我應該要注意而我又未做，未爭取？
7.囡囡而家得6歲，對於一啲長遠嘅安排，如過夜留宿，一整天嘅相處時間，參與女兒嘅學校活動等等，又應該幾時提出？

0 0 0

私人傳訊

lm251099

男爵府

積分: 7636

2^#

發表於 17-2-3 13:16 |只看該作者

cok1986616 發表於 17-2-3 09:47
半年前我提到我同女兒的探視問題，相信大家仲應該有印象，可重溫舊貼http://www.baby-kingdom.com/forum.ph ...

啊囡現在五歲幾，舊年九月直至而家都見左5次：

「呀囡總算認得我，肯同我玩，但仍唔習慣同我單獨相處，更唔駛講話帶佢出去食野，玩之類！」

照常理應是由興奮熱情到慢慢冷漠，因為相處時間少了。但你情況相反，即你從前五年幾的時間與她相處時間還比現在少。

2.我好想同囡囡去遠啲玩，唔想次次局限係佢樓下見面，但女兒仍有啲驚同唔敢單獨同我一齊，我可以點做？------一個六歲女孩怕與爸爸單獨相處。那你幾年中相處嘅時間有多少呢？多年相處中也建立不了父女情？

自己想要些什麼就直接提出要求啦，如之前接觸不多又何必現在去打擾佢嘅生活呢。其實手續搞得來佢都已八、九歲啦，相信到這年齡，佢想何時、何地、見何人應會有點己見了。

私人傳訊

cok1986616

洋房

積分: 31

3^#

發表於 17-2-3 17:25 |只看該作者

lm251099 發表於 17-2-3 13:16
啊囡現在五歲幾，舊年九月直至而家都見左5次：

「呀囡總算認得我，肯同我玩，但仍唔習慣同我單獨相處，更 ...

1.樓上人兄，我地2011年分開左2年，2013年先正式離婚及有探視權，初頭見左幾次後就無得見，一來呀女個時得2歲唔認得我，二來前妻話每次見完我之後呀女都會係咁喊，搞到佢夜晚摟計唔肯訓，搞搞下連message 都唔覆我，無晒回音，最後直程斷左聯絡。我係上年先去法庭搞，先有得見返,所以相處時間唔多。
2.我就係唔係好清楚呢啲離婚case嘅仔女,係探視上需要討論嘅安排有啲乜?即係邊啲需要留意返，邊啲需要傾。

3.我實際上一個月只見得女兒一次，已經好少打擾佢地，但我真係想見多啲個女同佢相處多啲嘛，想佢知道佢係有老豆錫架。其實好矛盾呀我，又想同個女多啲接觸但又唔想影響佢地現有嘅生活！

唉⋯好煩呀，有無人教我點做