＋
Baby Kingdom - 親子王國 香港 討論區 › 首頁 › 婆媳關係› 我真係想死

婆媳關係

收藏本版
發帖
返回列表
跳至頁
我真係想死 [複製鏈接]

首頁
1

尾頁
   0
mimi26


子爵府

積分: 11716


1#
發表於 09-1-10 14:02 |只看該作者
之前開過post講我未來99幾唔妥我,琴日又黎料,仲好大鑊...
事源我係佢屋企,我地只係係房,佢冇啦啦又拍門,今次冇罵,淨係講佢冇惡意,想同我傾計喎,咁我男朋友梗係擋住佢,大叫佢走,話唔想比我地2個見到面,因為佢要做磨心.佢媽之前話佢食軟飯,佢一直記住好mind,咁佢好火又拎出黎講,佢呀媽又癲,話佢小器,呢樣個樣,又話對唔住囉...之類,之後佢個仔拉住我走左.

夜晚,大家都冇事下左火,咁我男友話想自己煮野食,點知煮煮下佢媽又返,本來大家下左火,冇野喇,點知佢又沖入去,單單打打話佢個仔唔比面佢,又話佢小器,又話佢比得小家用,又話佢揾得錢小,呢樣個樣.咁又吵一鑊,我地又走.

個時我男友好激動,我拉實佢,係樓下佢喊左好耐,我話遲早要面對,不如今日講清楚啦.到佢平伏返,佢個8婆呀妹返左,仲喊晒口打比佢叫佢返去,咁我地就返去.戲肉先黎,我一入門,佢個妹已經指住我話我8婆,叫我同佢呀媽道歉,我好嬲,佢成隻癲婆咁向住我大叫,我男友即刻喝住佢仲想打佢咁,話我冇做過任何野,係佢呀媽錯仲不知悔改.佢呀妹驚,但仲要叫我8婆,話因為我搞到佢屋企嗌好多次交,我男友一直維護我,話我咩都冇做過.

之後六國大封相,我出左好小聲,我只係講左我唔中意有人係背後打小報告,離間我地感情,我亦都唔會因為個99要求而學煮飯,佢仲講到明我要服侍佢個仔,我反駁佢,我話係老公應該照顧我,唔係我嫁黎仲咩?後來佢又話我心理唔平衡.冇家教,又話我教唆佢個仔唔好要佢地,2個人一唱一和做場大龍鳳,我男友見佢地喊到煩,大聲喝佢地話唔係想睇佢地做戲,係想問清楚佢地想點.佢呀妹又癲叫我地搬走囉,咁激一激,我男友咪話搬囉.最後,我地梗係比佢地唱到衰到冇人有,琴晚我同男友係出面過夜,佢好無助,我唔想搞成咁,但我唔可以比人恰到上心口.而我男友都唔想再返去,好大壓力.

我同佢講,無論佢想點,我支持佢,就算佢要搬返去,要分手,我都唔會再纏,我實在好憎佢地2個,話我冇家教,佢有咩?佢講d野有邊句人講的?話我癲,話我神經病,話佢個仔痴著我變都同我一樣自閉,又話我搶左佢個仔,又喊晒話冇左個呀哥冇左個仔,屋企少左個人,想點?無非想佢飛左我姐?使唔使做咁大場戲?佢地仲係佢爸面前抹黑我地,幸好佢爸爸比較明事理,佢亦知佢地2個好難頂,琴晚佢爸爸打黎.話我地一齊佢唔會阻亦阻唔到,想明日約我地2個傾下,我好驚好不安,我根本冇錯,係佢地一次又一次傷害我,係要當面wear爛塊面嘈我,我根本唔想同佢地講半句野!琴晚好在我男友幫我,我地想租屋住,但原本plan定的計劃要全盤押後,我地都好唔開心失晒預算......
私人傳訊

Anntang


大宅

積分: 1454


2#
發表於 09-1-10 14:22 |只看該作者

你有錯!

你梗係有錯啦, 你錯在唔夠現實.
你男友要同亞媽一齊住, 你哋係唔係佢未夠經濟呢?
未有能力自然肉隨針板上, 俾佢亞媽日煩夜煩.
或者儲吓錢先啦, 夠錢自己住開, 話之佢大龍鳳定
六國大封相. 到時有咁遠搬咁遠, 一世都唔洗見呀.


原帖由 mimi26 於 09-1-10 14:02 發表
之前開過post講我未來99幾唔妥我,琴日又黎料,仲好大鑊...
事源我係佢屋企,我地只係係房,佢冇啦啦又拍門,今次冇罵,淨係講佢冇惡意,想同我傾計喎,咁我男朋友梗係擋住佢,大叫佢走,話唔想比我地2個見到面,因為佢要做磨心 ...
私人傳訊

AhMic


大宅

積分: 1004


3#
發表於 09-1-10 14:26 |只看該作者
HI MIMI,

呢個世界係咁, 有D變态既人, 你都好, 你男友企你果边, 我果時仲差, 我老公任得果D人駡我, 一D聲都唔出, 人地叫我嫁過第二個老公, 我個C6都唔駡番佢地, 激到我CC下, 之後我就可以唔使見果D人, 但呀囝就要一年見幾次佢地囉~


原帖由 mimi26 於 09-1-10 14:02 發表
之前開過post講我未來99幾唔妥我,琴日又黎料,仲好大鑊...
事源我係佢屋企,我地只係係房,佢冇啦啦又拍門,今次冇罵,淨係講佢冇惡意,想同我傾計喎,咁我男朋友梗係擋住佢,大叫佢走,話唔想比我地2個見到面,因為佢要做磨心 ...
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


4#
發表於 09-1-10 14:33 |只看該作者
如果你地未有能力搬開住,我諗你地唔好結婚住會好d~
佢地就係擺到明唔妥你,未結婚都搞到咁,結左仲點可能一齊住?
不過照我睇,到你地真係要結婚,佢兩母女肯定再做多場大大大大大龍鳳黎賀你地!

私人傳訊

rachelpuipui


別墅

積分: 833


5#
發表於 09-1-10 14:37 |只看該作者
如果你同你男朋友唔係玩玩下~大家都係真心既...駛乜為左d小人放棄自己既幸福?!以前我99都唔like我~!打去佢屋k都叫我唔好再打去煩佢個仔~!!!我地2個到最後而家結埋婚~仲有個仔仔tim~!!!"""堅持到底,就是勝利~!!!"
原帖由 mimi26 於 09-1-10 14:02 發表
之前開過post講我未來99幾唔妥我,琴日又黎料,仲好大鑊...
事源我係佢屋企,我地只係係房,佢冇啦啦又拍門,今次冇罵,淨係講佢冇惡意,想同我傾計喎,咁我男朋友梗係擋住佢,大叫佢走,話唔想比我地2個見到面,因為佢要做磨心 ...
私人傳訊

moniqueee


伯爵府

積分: 17420

畀面勳章


6#
發表於 09-1-10 16:33 |只看該作者
你係咁為你男朋友嘅應該勸佢,,唔係唔出聲!老人家要tum架真係,我都好早結婚我而家20歲ja但係我都好明呢個道理,我都唔鐘意我99但係為左我老公我都笑住對住佢!我返工出左糧都會買野送比佢!話曬佢都養到你男朋友咁大,唔係佢嘅話你點會識到今時今日呢個咁錫你嘅男朋友?

如果你都試過呢d方法都冇用嘅你地都係比心機d搵錢搬啦!見唔到面就係最好嘅解決方法!!
私人傳訊

Cat1218


大宅

積分: 1690


7#
發表於 09-1-10 17:29 |只看該作者
計我話樓主要100%肯定你男友對你好先同佢結婚,如果嫁左佢之後佢唔再幫你咪大件事~你唔好再上佢屋企喇,佢地唔鍾意你,你又唔想見佢地,咪唔好見囉,反正你仲沒係佢新抱,做咩要俾佢地咁樣遭致呀呢 d女人心胸狹窄,個女都唔方嫁得出呀!!
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


8#
發表於 09-1-10 18:37 |只看該作者
其實我男家d人都唔鍾意我....由籌備婚禮開始至到而家結埋婚都一樣mouth:
我從頭到尾一句都無頂過佢地....做左自己本份就算....由得佢地發up風....當然唔開心實有既....我老公最初都好撐我(因為佢都有眼睇係咩人攪事)....結果下場就係被d長輩圍插....鬧佢幫住個老婆唔尊重長輩係反骨仔
我同老公都無野要靠佢地....不過6299死左好耐....老公唔想連d親戚都無埋....咁我唔想同老公因為佢班親戚而離婚...我咪盡量0係自己能力範圍內迎合佢地既要求再做好d囉....所以我老公都會好錫我
你未結婚仲有得揀....你未來99的確係一個野蠻人....無得改變....你男友已經受緊好大壓力....你如果想繼續同佢一齊既唯有自己辛苦d去討好下佢地....如果唔係就算結到婚都無用....你男友遲早會爆煲....如果你覺得要企硬唔會去討好佢地我會suggest你長痛不如短痛
私人傳訊

mimi26


子爵府

積分: 11716


9#
發表於 09-1-12 10:51 |只看該作者
我好辛苦呀,

我老公最初都好撐我(因為佢都有眼睇係咩人攪事)....結果下場就係被d長輩圍插....鬧佢幫住個老婆唔尊重長輩係反骨仔

呢句好岩,正正就係佢諗法,佢呀媽好識用群眾壓力壓佢,佢出走左一日,佢已經叫各方親人打比佢,偏偏自己唔打,人人都叫佢返去返去,唔好要我,但佢都冇返到.D幾日我地好努力揾樓,我地2個都有經濟能力,只係想草錢買樓,依家唯有租,一個月草少好多,而且咩都要由頭買,好煩仲使好多錢,我地都攰到不得了.佢又成日愁,但我地好在冇嗌交.E家總算有個屋企啦

但我真係好不安,佢話覺得有D內疚咁對佢地,佢話佢知唔可以掉底佢地,我話,你要返去食飯我唔會阻你,我又唔會比說話你聽,但係我呢世都唔會再返去.我真係好担心,佢呀媽最叻做戲,下下都槍頭指向我,講到我好似妖婦落左佢個仔降頭咁.黎梗團年佢一定又扮冇野叫佢返去食飯,我真係好唔想比佢返去,唔知佢個邊又做咩大戲,一陣搞到佢又多野諗,我更加唔會同佢返去,我生出黎唔係比佢地罵的

佢都話唔會迫我,但第時大時大節都想我返,否則佢會比親人圍插,不過佢話,佢一定會要佢個妹同我道歉先會帶我上去,仲唔會再係屋企食,一定出街食,免得佢地人多恰我,佢咁講我條氣都順D.不過我E家仲係好徬徨,新屋咩都未有,淨係得張床,家電又未買,唉,有冇過來人比D意見我
私人傳訊

josephts16


洋房

積分: 90


10#
發表於 09-1-12 11:58 |只看該作者
其實, 睇完你成個故仔, 我覺得你同你未來奶奶都無乜大問題, 最大問題, 其實係你男友. 你男友嚮佢媽眼中, 都唔科生性得去邊, 亦都唔荒係負責任得去邊既人, 可能咁啱得啱橋, 佢同左你一齊之後就更加變本加厲, 咪誤會左係你搞到佢個仔變成咁囉.
同埋, 我覺得, 佢叫你學煮飯呀, 做下家務果類野, 都唔算係過份要求丫, 你嚮屋企就話做大小姐啫, 但你第時同你老公結左婚, 就要主持頭家架啦, 你兩個事但一個要識煮飯架. 就算你話請工人呀, 工人星期日都要放假啦, 一年都要有個大假返老家咁架啦, 咁到時點算呀? 咁都要有個識煮飯架, 唔通下下都出街食咩? 所以你地真係諗住結婚的話, 我覺得呢d野唔可以唔諗囉.
至於你老公屋企果邊點? 我覺得就唔好理咁多囉, 由佢自己搞掂啦, 好仔兩頭瞞, 你唔好再比壓力佢就得架喇, 佢可能兩邊都講左唔少大話, 但就算係, 我覺得都係正常既, 你咪同佢講囉, 要你大時大節上去食飯, 佢要搞返掂佢自己同佢屋企人既關係先囉. 其他野先有得講囉, 冤家宜解不宜結, 無需要搞到個關係去到咁惡劣囉.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy