吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 覺得好無能為力，唔知點算好..求大家比下意見我 (長) ...

心聲留言今日: 0|主題: 17573

收藏本版

發帖

返回列表

跳至頁

查看: 3403 | 回覆: 11

覺得好無能為力，唔知點算好..求大家比下意見我 (長) [複製鏈接]

冰冷冬天

民房

積分: 12

1^#

發表於 17-7-29 01:20 |只看該作者 |倒序瀏覽 |打印

呢件事關於我媽咪..聽老竇講佢生咗我之後就有抑鬱病，一直以嚟都有食藥，定期睇醫生。我係今年先知佢有呢個病，可能因為之前我仲細佢哋唔同我講住，我啱啱今年成年。

大概2016年尾個陣我哋抽到公屋，等咗7年，本來我以為可以好開心咁搬去環境好啲嘅屋企，爹地都勁比心機自己落手落腳做裝修，點知搬咗過嚟之後媽咪就唔返屋企，前個排去大陸嘅朋友到玩，而家喺香港嘅朋友到暫住...

我真係好唔開心，唔知點做好，佢有抑鬱，佢話好驚住咁高 (我哋住最高個層)，咁啱搬個嚟個排成日都大霧，佢話見唔到出面好驚，爹地關窗簾或者揾嘢遮住個窗，媽咪就話就算遮住佢個腦都會諗到跟住驚。爹地試過問管理層啲人可唔可以轉房，住低啲，但結果唔係幾得...呢啲係爹地同親戚傾媽咪啲嘢個陣我聽返嚟。

媽咪而家已經唔喺屋企兩個半月，我諗佢呢個月應該出咗去租房住，因為佢每隔一個禮拜就問爹地攞7000蚊過數去其他人嘅戶口到，前幾日爹地同我呻媽咪又問佢攞錢，我唔知點回應好...成頭家得爹地做野，但佢揾得唔多，學校每年都會批全額學費資助比我哋（唔洗交學費）。

唉！媽咪抑鬱，驚到逃避，唔願返屋企。我估佢跟住落嚟都會出去租房住，要我爹地定期比好多錢佢。
我真係好煩惱，好困擾，唔知點做好，我唔想爹地咁辛苦，佢已經收入唔多，工作上又煩班伙記，而家仲要煩埋我媽咪... 我好想喊，唔想訓教

爹地同我呻過，佢有提過媽咪啲醫藥費好貴，搞到佢好大負擔。佢話其實醫生好耐之前已經同媽咪講試下唔食藥，但係媽咪唔肯。

我好憂慮，但同時又好嬲，我嬲點解媽咪明明有能力返工但唔返，下下都揾自己個病做籍口，成日話頭暈頭痛返唔到工，但自己可以日日嘆喺個sofa到玩手機玩電腦玩到凌晨先訓教。佢郁啲就問爹地攞幾千蚊，話去攞藥，無問題，我明醫藥費貴，計埋家用都差唔多。但係如果我同佢講想食佢煮嘅飯（我哋日日食外賣），佢都會借啲二問爹地攞千幾，話要買餸。佢仲偷我爹地啲錢，我爹地成日都問佢係咪喺佢銀包到攞咗錢，不過佢會認。

去到而家，佢仲死性不改。我真係好想佢返嚟住，我唔想成家人要遷就佢，我唔想去到要重新排過公屋呢個地步，希望我爹地無咁諗過... 我真係唔想，我爹地好比心機裝修，裝修得好靚...

我試過同媽咪喺whatsapp傾過，我同佢講我唔會搬，我唔會就佢etc，但佢轉過頭喺咁鬧我爹地，話係佢教我咁同佢講。

之後我就知，同佢講係無用，因為佢有個個病，佢根本聽唔入耳，我同爹地只可以就佢，照比錢佢，我繼續對住個無媽咪嘅屋企

真係好唔開心.. 好希望各位可以安慰我..鼓勵我..等我對呢件事積極返啲
對唔住，我心情仲味平復返，可能表達得有啲亂，希望您哋睇得明。
我揾緊Part time做，希望個啲錢會幫到爹地

0 0 0

私人傳訊

piggip77

子爵府

積分: 12819

2^#

發表於 17-7-29 01:55 |只看該作者

回覆樓主

一個正常人永遠唔會明白一個有情緒病人既心態..

加油!

點評

333s

發表於 17-7-29 08:29

私人傳訊

ly083

大宅

積分: 1050

3^#

發表於 17-7-29 03:02 |只看該作者

冰冷冬天發表於 17-7-29 01:20
呢件事關於我媽咪..聽老竇講佢生咗我之後就有抑鬱病，一直以嚟都有食藥，定期睇醫生。我係今年先知佢有呢個 ...

可唔可以同睇開個醫生傾下呢個問題？始終媽咪自己係出邊租房住，一係增加佐爸爸既負擔，二係媽咪有情緒問題都好需要家人既關心開解支持。感覺你好懂性，好乖女，有d 問題真係改變唔到，唯有面對接受，做好自己要做既事，唔好令爸爸擔心。

私人傳訊

333s

象牙宮

積分: 241011

4^#

發表於 17-7-29 08:28 |只看該作者

冰冷冬天發表於 17-7-29 01:20
呢件事關於我媽咪..聽老竇講佢生咗我之後就有抑鬱病，一直以嚟都有食藥，定期睇醫生。我係今年先知佢有呢個 ...

我揾緊Part time做，希望個啲錢會幫到爹地真是乖子/女
如我有此子女高興來不及。你是女生吧?

幫到你:
1. 找住区里的社工。你也需要和別人傾, 請教, ....

2. 媽媽.... 轉去政府醫院。省一筆錢。當政府醫院醫生, 証实一个人是患病, 有傷殘津貼。

3. 因為佢每隔一個禮拜就問爹地攞7000蚊過數去其他人嘅戶口到.. )有問題??。你查一下。
小心媽被人騙。

4. 成日話頭暈頭痛返唔到工，抑鬱病的確是。
日日嘆喺個sofa到玩手機玩電腦玩到凌晨先訓教。.... 不似抑鬱病。

5. 网上搜索有关抑鬱。
知多D, 明多D。