婆媳關係今日: 0|主題: 27782

收藏本版

發帖

返回列表

跳至頁

樓主: emissybb

有無人係同奶奶住，但無溝通問題 [複製鏈接]

1 23

粉紅天空

男爵府

積分: 8321

41^#

發表於 17-10-7 12:20 |只看該作者

anpanmenbaby 發表於 17-10-7 03:07
一齊住緊第九年
結婚時關係都可以，生完b第一年轉差到當睇唔到大家，捱到亞b 返N班後，反而又轉返好，而家 ...

中間差到咁
仲可以咁fd？
個心無條刺嗎？

私人傳訊

anpanmenbaby

侯爵府

積分: 23326

畀面勳章

42^#

發表於 17-10-7 13:22 |只看該作者

粉紅天空發表於 17-10-7 12:20
中間差到咁
仲可以咁fd？
個心無條刺嗎？

當時唔妥大家都係因為育兒既分歧，回頭看大家都係為亞b 好，只係手法理念唔同。
後尾將亞仔交左比佢湊，大家一齊商量點湊，反而多左交流。
佢知道原來而家呢一代同以前果套已經唔同，亦明白我既堅持e.g要小朋友自己食飯，以前果代追住餵，我話而家唔可以咁，你唔教識佢，唔係愛佢係害佢，你早教識佢，你自己都冇咁辛苦。亞仔一直食飯都快，十分鐘內食完，我99為此都好自豪。
以前我教仔佢會插手，而家佢會唔理自動閃埋一邊，唔插手，因佢知道理都冇用，我只會更加嚴厲教個仔。

私人傳訊

大豬既老婆

伯爵府

積分: 17545

43^#

發表於 17-10-7 13:32 |只看該作者

我系同奶奶住丫（系BK無辦法唔利申雖然系同奶奶住，但層樓系我地租既，水電煤到奶奶護膚品旅行都系我地俾錢）

你話完全無任何溝通問題，咁應該系無可能，因為同自己阿媽或者老公都會有衝突位，更何況系奶奶。但都系小問題，大致上系相處到，最起碼現在我都仲健在。

但一家唔知一家事，我個套未必work系你身上面。不過講到底，最重要系你老公既態度，如果你老公系屋企“話得事”，你同你奶奶自然無咁多矛盾，要去改變你奶奶系無可能，只可以說服你老公，就算唔系偏幫你，最起碼都要幫理不幫親先得。

另外你自己亦要做得足，等人地唔可以挑剔你。我雖然系要返工，但屋企家務有姐姐，我放工一定俾曬時間陪小朋友，小朋友夜晚亦系跟我訓。系去到小朋友1歲之後我先至好偶然會自己出去食飯（可能2個月一次）。咁就算我出去食飯奶奶同老公埋怨，我可以理直氣壯話我吊頸都要抖氣，如果你媽咪要投訴，咁你系唔系應該提出自己（即老公）個晚負責陪小朋友等奶奶不受影響呢？你做左幾多野，正常你老公系有眼睇。