我依家同老爺奶奶住,未嫁之前已經同我老公同居左幾個月.
我老公仲有一個大哥,不過就一早搬左出去.
本來一向都冇乜問題,但係自從我有左bb之後,
我就好唔鍾意老爺奶奶攪到間屋好亂,(其實一直都好亂,開一臺麻雀已經冇位行)我老爺又唔捨得掉野,乜都要留.....攪到間屋冇乜空間又焗.以前我唔會出聲,但係依家唔同,我有左bb,而bb係需要好大既空間去活動.最慘就係大哥有d事,又話要搬返來住 :cry: 奶奶又喊哂咁話想大哥返來,依家要同我地商量.其實仲駛乜傾丫!佢咁樣唔通我可以出聲咩?!
我之前都同我老公講,我生完之後搵返份工,我就要申請公屋.
我唔係要住洋樓養番狗既人,我只係希望間屋乾淨整齊.最起碼我返到屋企我係覺得開心,而唔係煩悶(就連我媽咪來探我,佢都話間屋好亂,見到就煩....)
依家大哥話要返來住,我老公又唔係搵得多,我又冇收入,bb又就快出世,bb出世後,所有野都係未知之數.我真係好擔心,我哩一世都搬唔到出去.我真係好唔開心,同老公傾兩句我就忍唔住喊......我又唔想加重佢既負擔,我可以點做呀?
再係咁,我真係會有產前抑鬱,依家有時我都會無端端喊,我唔敢同老公講為咩事,因為我知佢已經好煩,我又何嘗唔係丫!!!
:-D 幸福是當我擁有你 :-D
http://tw.pg.photos.yahoo.com/ph/fibe001/album?.dir=/861c
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
