個囡又攪到我變左癲婆, 老爺奶奶又過份!
yesterday, 一連兩日諗住係屋企煮 d 有營養o既野俾個囡食,
星期六, 煮完之後餵佢食, 個衰妹食兩啖就吐反出黎, 淨係話 "食豆, 食豆", 激氣, 於是中午冇食過, 到左下午, 再煮, 佢又唔食, 到左夜晚只係飲三安奶, 於是全日都只係飲左五安奶.
真係好嬲, 辛辛苦苦煮完佢只係食佢想食果 d, 我冇發脾氣鬧佢, 忍........
星期日, 煎左塊豬扒, 煲左菜粥, 同個囡講 "唔可以偏食, 一啖粥一粒豬扒", 開頭兩啖都好地地, 跟住就淨係要食豬扒, 一餵粥就吐晒出黎, 成件衫成地都係......我忍住肚氣, 盡量 tum 佢食, 點知個囡食兩啖又吐反出黎......當堂我 d 火係咁標上個腦度, 放番佢落地之後開始成個癲婆咁鬧佢, 又推開佢, 囡囡係咁喊想扑落我度, 我仲係好嬲, 跟住又入左房 close 度門自己冷靜下, 再出反廳繼續餵, 囡囡終於乖乖地食晒成碗粥.
唉, 為左個囡食野我已經好傷腦筋, 奶奶老爺又仲到不得了. 都唔知係唔係為左自己方便 , 個女鐘意食豆, 佢就餐餐俾豆撈飯囡囡食, 其他咩都冇, 仲好意思話個女食極都唔肥, 菜又唔俾, 肉又唔俾, 蛋又唔俾, 有得肥先奇. 仲成日以為自己湊得好好, 話人地果個點差點差......真係諗起就嬲. 如果個個星期湊囡囡食飯果時都係咁就慘啦.!!!!!
枯藤老樹昏鴉, 小橋流水人家,
夕陽西下, 斷腸人在天涯.
發表於 
返回列表
