＋
Baby Kingdom - 親子王國 香港 討論區 › 首頁 › 婆媳關係› 我阿爸咁叫孝順?

婆媳關係

收藏本版
發帖
返回列表
跳至頁
我阿爸咁叫孝順? [複製鏈接]

首頁
1

尾頁
   0
mimibebe


別墅

積分: 595


1#
發表於 09-3-27 17:39 |只看該作者
最近上網見到好多c6, 老婆同99一 嘈就走左去既case. 我就想幫我阿媽呻下!
有時諗起都好嬲! 好想去鬧阿爸.
以前一直覺得阿麻好差, 成日蝦媽咪. 但人大左, 同結左婚後, 就覺得最差果個係阿爸.

我真係覺得我阿爸好無用, 無好好去保護個老婆, 老婆係大陸落到黎, 無曬朋友, 無曬親戚, 我阿麻就係咁蝦佢, 我老豆就唔出聲. 仲試過同阿麻一齊玩阿媽, 比我知道, 叫我唔好同阿媽講(當年我只有5,6歲, 我同媽咪剛剛係大陸黎香港).
又係縮頭烏龜一名, 有乜事自己走左去, 叫老婆, 叫仔女去氹自己阿媽, 永遠自己唔出面. 阿麻入院好, 發癲走左出街好, 就算天氣凍, 天氣熱都要我地周街搵阿麻返屋企. 而佢自己就係屋企 or 唔知走左去邊.

到家陣風水輪流轉, 今時今日係阿媽話事, 阿麻當然無聲出, 近年入左老人院, 更加係想出聲都無人理佢. 我阿爸一樣, 阿媽點對阿麻佢都唔出聲.

前排我問阿爸, 點解你唔幫阿媽, 我阿爸竟然話: 因為佢想我地孝順佢2老, 所以做個榜樣比我地睇.

果一刻, 我覺得呢個男人差到極, 為左我地第二時對佢好, 咁對自己個老婆?! 咁家陣又比個老婆咁對自己阿媽?

但唔知好彩定唔好彩, 我阿媽覺得佢老公好好, 好彩老公對佢好, 先頂得到佢99一直咁對佢. 聽到阿媽咁講, 我都唔知笑好, 定嬲好!!
私人傳訊

sukili1981


子爵府

積分: 11900

好媽媽勳章


2#
發表於 09-3-27 17:49 |只看該作者
我阿爸阿媽同你父母個CASE都差唔多,不過佢地都係香港人.有時做仔女既都睇唔過眼,但係一個願打一個願厓,你真係冇佢乎嫁
私人傳訊

Chamo


伯爵府

積分: 17463


3#
發表於 09-3-27 17:55 |只看該作者
我啊爸同你啊爸一樣, 永遠唔幫啊媽, 啊媽俾啊麻蝦.

我啊媽 11 年前開始退化行動不便, 我從未見過佢擔心過, 關心過我啊媽!!! 更加無見過佢陪我啊媽覆診. 一切都係我啊媽自己好堅強好努力咁好好生活.

依家到佢都退化行動不便. 針唔吉到肉唔知痛, 依家佢時時要生要死, 咸哂口咁. 要全人類望住佢點辛苦咁, 服侍哂佢, 叫生哂 .... 整一自私鬼. 我每次回家探啊媽, 兩眼都專登唔望佢.

嬲人真係好辛苦, 但我實在唔想見到佢.
私人傳訊

iampaulineko


男爵府

積分: 5826


4#
發表於 09-3-27 18:00 |只看該作者
我老豆又係咁，所以依家我地一家同阿麻關係好差, 佢好仲意同個女講是非. 衰到上個星期我老豆生日, 我反去同老豆慶祝生日, 你地知唔知佢對我講咩' 嫁出去個女仲反 來外家做咩,搞搞陣" 激到我, 但我老豆一句聲都冇出, 我忍唔住反口" 今日我老豆生日, 我反來同佢慶祝生日有咩問題, 你個女就可以成日上來, 我就唔可以, 我個個月都有俾家月我老豆, 就算平時上來食餐飯又有咩問題? 你個女就一分錢都唔俾, 但係成日上來食飯就係正常, 下次唔好俾我係老豆呢邊見到你個女上來, 我會同佢講嫁出去的女反來做咩"

平時佢兩母女欺負我媽, 我老豆又係唔出聲, 次次都要激到我忍唔住同佢, 因為媽咪又係果種自己收埋係心的人.事後都自己係度哭. 見到都心痛!

私人傳訊

linzi2008 該用戶已被刪除

5#
發表於 09-3-27 18:15 |只看該作者
提示: 作者被禁止或刪除 內容自動屏蔽
私人傳訊

yucopooh


禁止訪問

積分: 4584


6#
發表於 09-3-27 19:15 |只看該作者
提示: 作者被禁止或刪除 內容自動屏蔽
私人傳訊

KoyeBaby


子爵府

積分: 12904

醒目開學勳章 畀面勳章


7#
發表於 09-3-27 22:43 |只看該作者
原來咁多男人都唔肯幫自己老婆,好衰唔衰我爸爸都係一份子...我阿嫲在生時經常同外人無中生有咁抹黑我媽咪,就算我爸爸知道又或者我媽咪同佢呻,佢都可以粒聲唔出,由得我媽咪呻到無癮自己收聲!有一次我好記得我阿嫲竟然當住我哋面問"大嫂,點解你咁憎我呀?",我嗰時細唔係太明佢同媽咪嘅對話係咩意思,我只記得我爸爸乜都無做過,當佢哋透明咁繼續食飯...

所以我媽咪好擔心我會俾c6蝦,成日同我講有咩事要出聲叫c6幫手,唔好好似佢咁蠢乜都自己撐,縱到爸爸從來都唔會幫佢!講真,雖然係自己爸爸,不過我都覺得佢唔抵幫,尤其是我嫁咗人自己都有個麻煩99之後,好明白點解媽咪依家對爸爸咁冷淡!
私人傳訊

Chamo


伯爵府

積分: 17463


8#
發表於 09-3-27 23:59 |只看該作者
好多男人係無鬼屎用. 縮頭烏龜.
最好咩都唔好煩到佢. 最好個老婆受盡委屈都唔出聲, 幫佢養大仔女孝順佢.

發夢啦!!! 你估 d 仔女盲架?

雖然話莫教人分妻, 但我始終覺得, 如果唔係經濟問題, 絕對唔好講咩一夜夫妻百夜恩. 最好就分開. 點解要咁委屈.

依家我唔夠錢, 另外買/租間屋, 請多個工人. 如果我有錢, 我老早搬我啊媽出來, 接埋係老人院既外婆, 等佢地兩母女開開心心一起住.

我啊麻都八十幾, 比我啊媽啊爸仲精神, 得閒就攪事非, 蝦我啊媽, 仲要蝦埋個印傭. 又唔諗下無左個印傭, 我啊爸啊媽邊個照顧 ... 黑人憎.

我一路鬧, 一路覺得好不安, 覺得自己好缺口德, 不過實在不吐不快.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy