吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 細佬過大禮老公冇去,我大住肚清明唔去拜老爺得唔得? ...

婆媳關係今日: 0|主題: 27784

收藏本版

發帖

返回列表

跳至頁

查看: 2064 | 回覆: 15

細佬過大禮老公冇去,我大住肚清明唔去拜老爺得唔得? [複製鏈接]

咕咕豬

大宅

積分: 2569

1^#

發表於 09-3-31 10:02 |只看該作者 |倒序瀏覽 |打印

話說2年前我細佬過大禮老公應承夜晚同我家人食飯,但最終都冇去到,我好嬲,當時又蠢冇問佢點解,由得佢, 佢當日借D2買我大仔張床仔返屋企整,我食完飯返到去見佢係度整扮忙,當係有野做唔去食飯.

今年我大住肚想承機唔去拜佢老豆順便出下氣,況且佢阿嫂舊年大肚都冇去拜啦. 人地老公幾好唔洗老婆去,我同佢講大肚唔去佢話你又唔係唔行得,好嬲. 拜山果度係要行好多樓梯又落雨,真係唔想去.

請問各位靚太有何高見?應唔應該去?如唔去點推?唔可以用身體不適,因我大肚係冇咩唔舒服既.

0 0 0

私人傳訊

奀b豬媽咪

男爵府

積分: 6086

好媽媽勳章

2^#

發表於 09-3-31 10:11 |只看該作者

冇咩唔舒服都唔好去啦,咁你地都會燒衣,咪好大煙,對你同呀b都唔好啦,你同你老公講,對呀b唔好喎,咁係咪重要我去呀?如果去完有d咩事,係咪你負責先?

奀b仔9月16日出世啦~

私人傳訊

123!@#

伯爵府

積分: 16607

3^#

發表於 09-3-31 10:18 |只看該作者

唔好意思, 覺得你有少少小氣.
都2年前既事, 況且, 又唔係d咩大件事, 唔需要嬲咁耐囉, 對自己同bb都唔好架.
至於大肚拜山, 唔想去直接講唔想去.
不過真係無必要為啖氣而唔去囉.

私人傳訊

jj032008

大宅

積分: 2350

4^#

發表於 09-3-31 10:19 |只看該作者

我覺得兩件事你唔可以加埋一齊講，你細佬過大禮已經係兩年前既事，當年佢去唔去你有冇追究都已成過去，唔可以宜家先攞返出來講。而且拜山係尊敬過去既先人，唔可以用來為當年既事出氣，我係你老公都會嬲。

我唔係話你一定要去，只係一件事還一件事，你唔想去係為你好，為bb好，你要解釋佢聽，咪話天雨路滑好危險，而且大煙對你同bb都唔好。

私人傳訊

iampaulineko

男爵府

積分: 5826

5^#

發表於 09-3-31 10:33 |只看該作者

唔想去就唔好去，大住個肚行動又唔方便，依家d天氣又咁濕，d路未入好行，人又多，你同你老公講下應該冇問題..

雖然你老公係你細佬過禮果時冇去, 但係都過左，你要嬲的話都應該係果時嬲夠，唔好一直記住，個人都唔會開心..

開心d, 準媽媽，咁個bb先會開心!!

私人傳訊

媽媽可人

子爵府

積分: 10115

6^#

發表於 09-3-31 11:20 |只看該作者

我今年都有左...
我都唔會去拜山...
佢而家未問我...就算問我...我都唔會去...

原帖由 奀b豬媽咪 於 09-3-31 10:11 發表
冇咩唔舒服都唔好去啦,咁你地都會燒衣,咪好大煙,對你同呀b都唔好啦,你同你老公講,對呀b唔好喎,咁係咪重要我去呀?如果去完有d咩事,係咪你負責先?

[ 本帖最後由媽媽可人於 09-3-31 11:22 編輯 ]

私人傳訊

christiewong

男爵府

積分: 6847

好媽媽勳章醒目開學勳章畀面勳章環保接龍勳章大廚勳章陪月勳章

7^#

發表於 09-3-31 11:26 |只看該作者

我都大緊肚.. 不過我屋企唔俾我去... 因為驚人多, 同埋又要上, 又要落... 驚會跌親. 我都好耐冇去拜我呀爺啦.. 我呀嫲話唔緊要, 最緊要有心...

私人傳訊

毛B

子爵府

積分: 10674

8^#

發表於 09-3-31 11:52 |只看該作者

我覺得咁, 兩年前嘅事都唔好提喇, 一提的話佢一定要覺得你好小氣, 咩都記住

但係今時今日, 你大住個肚, 去拜山的確係唔多正路, 大肚婆都唔應該去呢d地方, 一陣大吉利是...沖到阿b, 同埋行上行落你都會唔舒服同唔方便

坐低慢慢同老公解釋, 唔好一開口就講兩年前細佬過大禮, 大嫂唔駛拜山呢d, 淨係講你自己而家大住肚呢個環境咁ok, 如果佢都係唔聽的話, 為有.............'清明果朝扮頭暈扮唔舒服, 出唔到街'

私人傳訊

maymay2008

大宅

積分: 3471

9^#

發表於 09-3-31 12:29 |只看該作者

我上年大肚.. 男家唔洗我去...

如果你真係唔想去又唔想同c6嘈, 到左個日, 係咪話唔舒服囉...

私人傳訊

十一月

大宅

積分: 1900

10^#

發表於 09-3-31 12:44 |只看該作者

唔好傻啦, 大肚梗係唔去拜山啦, 嗰度始終陰人地方, 你托住個b去, 真係好大吉利是, 大肚婆去醫院探病都唔好啦, 何況去d山頭野嶺處, 無事就好地地, 有事邊個負責呀。

私人傳訊

fskaren2002

男爵府

積分: 7839

醒目開學勳章環保接龍勳章

11^#

發表於 09-3-31 12:45 |只看該作者

大肚都唔使去拜山啦, 亦無需原因!
我無大肚都唔去啦, 我只同c6講今年唔去囉, 你做代表咪得囉!!

私人傳訊

littleangelyy

侯爵府

積分: 23787

2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章 2018復活節勳章 15週年勳章親子王國15週年勳章畀面勳章 BK猜猜猜慶中秋 hashtag影視迷勳章

12^#

發表於 09-3-31 12:51 |只看該作者

我由大肚到囝囝而家就黎3歲....我都唔洗去, 老公做代表.無人會比說話我聽或面口我睇.
理由 : 大肚時---果d地方, 人多擠迫, 又要上上落落,太辛苦啦, 唔適合大肚婆出席. (萬一有咩事, 邊個擔當得起呀!)
囝囝出世到而家, 我同囝囝都唔洗出席.
理由 : 同上, 又辛苦又大煙根本唔適合o甘細既小朋友出席.

如果你真係唔想去, 到果日, 你咪話唔舒服, 唔去啦!

私人傳訊

咕咕豬

大宅

積分: 2569

13^#

發表於 09-3-31 12:57 |只看該作者

多謝各位高見, 唔好講以前D野同阿嫂唔去,只講自己大肚,我巳諗定點講, "又落雨又上樓梯又大煙, 梗係唔去啦, 少我一個唔係咁緊要呀,只係今年唔去, 以後都要去啦, 最緊要係你去姐" 不過死佬真係自私,越諗越興, 唔洗諗下我既, 又唔細心. 如果咁有理由我都唔爭取, 物都聽佢點, 以後重有地企既.

私人傳訊

chaklongma

男爵府

積分: 5958

14^#

發表於 09-3-31 13:56 |只看該作者

原帖由 咕咕豬 於 09-3-31 10:02 發表
話說2年前我細佬過大禮老公應承夜晚同我家人食飯,但最終都冇去到,我好嬲,當時又蠢冇問佢點解,由得佢, 佢當日借D2買我大仔張床仔返屋企整,我食完飯返到去見佢係度整扮忙,當係有野做唔去食飯.

今年我大住肚想承機唔去 ...

我大肚都無去拜山喎
另外一個表嫂同我一齊大肚都無去
跟本大肚婆就唔應該去呢d地方

我個而家兩歲幾喇, 我同佢都無去拜山
等佢大d先, 我6299都好明白
小朋友對呢好敏感, 一陣野都隻返黎就大大鑊
到時邊個黎揹呀
而且上上落落, 人又多, 煙又大
整親肚果個點算

[ 本帖最後由 chaklongma 於 09-3-31 14:02 編輯 ]