本帖最後由 oioi1224 於 18-7-11 18:06 編輯
<唔好意思，純發洩，不喜勿插>
依家搵個好醫生真係好難，好多都會細心診症，單靠病人講出毛病就開藥…唉。搵一個對BB和小朋友有愛心，又有耐性的醫生更難！！！我BB之前不舒適，我帶佢去家附近睇醫生，因為入夜，不少診所都關門了。我就入了是旦一間，講真呢區的醫生，我多年來都分別試過，無個好。得一個好既，只開星期日。
TOUCHWOOD~TOUCHWOOD~唔想睇醫生。
今次呢個極品。我BB好驚睇醫生，一入診所就喊，入去見醫生時，我和2個家人入去，一入到去，醫生就話，「嘩，一個小朋友，3個人陪佢睇，真係勁。」(唔係搞氣氛的語氣，聽落好UN耳)。之後我BB開始喊，佢問我咩事，我話BB發燒，有肚痾情況，佢本想拎探耳針幫我BB度溫度，點知聽到我BB喊，覺得唔耐煩，掉左探耳針落枱，用雙手蓋耳，將頭轉埋一邊…我心諗，洗唔洗咁呀，但我有禮貌地同醫生講，唔好意思，BB驚。佢之後就同我家人講「你兩個出去」，呼喝我屋企人，你咩事呀，佢地咩都無做，無出聲。我家人之後出去。(如果有限人數，我地入就出聲啦)
醫生就繼續「西面」，叫我配合D，大佬，你想我點配合，你出聲先得架，講到我唔配合，你都無叫我配合，於是我抱實BB，等佢聽肚仔，之後佢連睇喉嚨都無，就放低工具話，咁啦，我開D藥比你，之後佢嘆一口氣，就話，你個B好嘈，你抱佢比家人先，再入來。我之後帶BB比家人，才再入去聽佢講野。醫生，我BB發燒，唔舒適，佢喊都正常姐，你唔喜歡小朋友，唔緊要，唔洗咁講野，唔喜歡為小朋友睇症，我入來就出聲，我搵過個醫生囉。睇完真的好激氣，唔明醫生點解可以咁無耐性，咁無愛心。我知BB喊，令你好煩，但都唔洗全程黑面。BB發燒都唔睇下喉嚨就開藥，點知佢有無感染或者喉嚨有無發炎…激到我呢。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
