吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公鬧到我喊..............不過我係底鬧既......... ...

夫婦情感今日: 0|主題: 42807

收藏本版

發帖

返回列表

跳至頁

查看: 2505 | 回覆: 19

老公鬧到我喊..............不過我係底鬧既......... [複製鏈接]

cyyy

複式洋房

積分: 319

1^#

發表於 04-11-9 00:08 |只看該作者

老公鬧到我喊..............不過我係底鬧既.........

事原今日阿囡係床度look左落地, 我老公放工返黎就同佢講番件事, 佢即刻黑面, 仲一輪咀咁鬧, 又話個囡比我湊死得啦, 又問我究竟內唔內疚, 一d安全意識都無, 你幾錫佢都無用啦, 今次好彩無事, 下次都唔知有無咁好彩.
我聽到佢話比個囡我湊死得個一句, 我已經喊啦, 我真係真係好內疚, 我抱起阿囡時都已經想喊架啦, 我都唔想, 我都好怪責自己.
我老公見到我喊佢仲一路鬧, 我無出聲, 因為係我錯, 佢鬧左一陣就無鬧, 不過全晚都無同我講野, 同埋係度黑面.
:-( :-( :-(

私人傳訊

曾師奶

別墅

積分: 726

2^#

發表於 04-11-9 00:27 |只看該作者

Re: 老公鬧到我喊..............不過我係底鬧既.........

唔好唔開心啦!你老公都係肉痛個囡look咗落地,佢唔緊張你咪仲擔心!不過以後真係要小心d呀!
咁你囡囡有冇咩唔妥呀?有唔妥就即刻帶佢睇醫生呀!

私人傳訊

haileymama

水晶宮

積分: 67068

好媽媽勳章醒目開學勳章畀面勳章 hashtag影視迷勳章

3^#

發表於 04-11-9 00:50 |只看該作者

Re: 老公鬧到我喊..............不過我係底鬧既.........

我老公緊張個女多過我好多，所以有時阿女跌親、仆親，我都唔會同佢講，費事佢

私人傳訊

MrsTing

男爵府

積分: 8385

4^#

發表於 04-11-9 01:00 |只看該作者

Re: 老公鬧到我喊..............不過我係底鬧既.........

我個仔第一次o係梳化look左落地, 我話比我老公聽, 佢都鬧到7彩...佢鬧到我喊之後佢隔左陣就攬住我話其實都係緊張個仔o者, 冇心咁惡話我既...之後佢就應承唔會再咁惡話我, 只係叫我下次小心d啦!!

你都唔好唔開心喇!! 佢緊張個囡係o岩既, 唔通你想佢一d都唔緊張咩, 係咪??

私人傳訊

my_tabo

侯爵府

積分: 20300

5^#

發表於 04-11-9 01:33 |只看該作者

Re: 老公鬧到我喊..............不過我係底鬧既.........

我幾個月大o個時, 都試過因為爸爸唔記得扣床欄而"look"o左落地, 不過好在乜事都冇, o個時我媽咪因為太緊張我, 所以都鬧o左我爸爸好耐。呢件事都係大個之後家姐話番比我知o架咋!

私人傳訊

paiwai

大宅

積分: 4316

6^#

發表於 04-11-9 01:55 |只看該作者

Re: 老公鬧到我喊..............不過我係底鬧既.........

我都試過呀..係我個仔5個月到..有一次佢係大人床橫訓係度..不過佢都試反身...一時不留神佢...o隆...一聲跌左落地下(嚇死我...)當時我無喊不過好驚但係佢喊左一陣就收左聲...之後我老公返來我咪好內疚咁同佢講...點之一講完我就猛喊...忍都忍唔到...跟住我老公,妹夫, 阿妹一齊安慰我...我仲喊得勁...個心好唔開心因為自己疏忽而導致bb跌親..佢又咁細個會好痛...我喊左成粒鐘呀 :lol: 不過到個仔大d...佢有時懶訓都會跌落床架...不過touch wood好少..不過而家大個仔左我都無咁驚lu..
算la..佢都係緊張囡囡先至罵你姐~你先生咁o錫個囡..即係好愛家庭la....(笑下la....唔好唔開心...若果係佢跌親囡囡你會唔會炳佢呀...係我實炳佢呀

)

私人傳訊

豬包ma

子爵府

積分: 12387

畀面勳章 BK Milk勳章

7^#

發表於 04-11-9 03:50 |只看該作者

Re: 老公鬧到我喊..............不過我係底鬧既.........

其實揍BB十個有九個都試過LOOK落床,包括我在內,每個MAMI/DADDY有邊個會唔緊張,個個都肉呎及心痛,個個都唔想架啦~~唔發生都發生左,最緊要BB冇事,跌親LE幾日睇下佢有冇呆滯/嘔,同平時有冇大分別,唔洗咁內疚架!!

http://lilypie.com/"><img src="http://lb1f.lilypie.com/yivWp8.png" width="400" height="80" border="0" alt="Lilypie First Birthday tickers" /></a ...

私人傳訊

cyyy

複式洋房

積分: 319

8^#

發表於 04-11-9 08:22 |只看該作者

Re: 老公鬧到我喊..............不過我係底鬧既.........

多謝你地既開解, 我而家心情好d啦, 好彩個囡無事, 抱起佢仲識笑, 如果佢有事我呢一世都唔安樂呀, 但係我老公仲未肯同我講野. :-(

私人傳訊

mclam

水晶宮

積分: 71818

畀面勳章環保接龍勳章

9^#

發表於 04-11-9 11:38 |只看該作者

Re: 老公鬧到我喊..............不過我係底鬧既.........

阿女細果個時都試過跌個幾次, 有次有地兩公婆食緊飯, 阿女係bb床, bb床係背住我地, 突然點解有野撞到我脊一, 原來阿女由bb床"琴"左出黎, 撞到我, 跟住跌左落地, 好彩撞左我一下, "潟"左d力.嚇死我兩個. 不過, 都好架, 起碼知道bb床都唔一定安全.
仲有一次, 剩係daddy 係屋企, 阿女爬凳趺左落黎, 佢話個大臂女痛, 攪到要去醫院照x-光.
我又冇怪daddy 喎, 有邊個細路仔冇跌過丫, 大家都唔想佢跌, 但係咪唔想, 就代表一定唔會先?

係跌跌下既日子裡, 阿女就大左lu. :-P

謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。

私人傳訊

小美人

禁止訪問

積分: 2437

10^#

發表於 04-11-9 11:44 |只看該作者

Re: 老公鬧到我喊..............不過我係底鬧既.........

提示: 作者被禁止或刪除內容自動屏蔽

私人傳訊

paiwai

大宅

積分: 4316

11^#

發表於 04-11-9 12:09 |只看該作者

Re: 老公鬧到我喊..............不過我係底鬧既.........

cyyy 寫道:
多謝你地既開解, 我而家心情好d啦, 好彩個囡無事, 抱起佢仲識笑, 如果佢有事我呢一世都唔安樂呀, 但係我老公仲未肯同我講野. :-(

[size=medium]咁嚴重呀)))有無攪錯呀)))))你都係無心架..使唔使唔彩你呀!

私人傳訊

9588

複式洋房

積分: 425

12^#

發表於 04-11-9 12:13 |只看該作者

Re: 老公鬧到我喊..............不過我係底鬧既.........

我都試過啦!!!!!個佬都有話我呀.大佬..仔係我生架~~你估我想架~你估我又開心呀~你估我又唔驚呀~至多無下次姐~ :evil:

我既寶貝仔仔係4月21日出世...請多多指教~

私人傳訊

cyyy

複式洋房

積分: 319

13^#

發表於 04-11-9 12:55 |只看該作者

Re: 老公鬧到我喊..............不過我係底鬧既.........

唉......我都唔知點算, 我應唔應該同佢講野先呢, 但係驚佢未嬲完, 不過佢係咁架, 我一做錯野佢會即刻反面, 可能我成日哦佢, 所以佢一有機會就黎一個大反激, 等我驚佢囉.

私人傳訊

欣澄媽媽

男爵府

積分: 8346

14^#

發表於 04-11-9 13:47 |只看該作者

Re: 老公鬧到我喊..............不過我係底鬧既.........

佢都係緊張個女.....
千其唔好怪佢喎.....
好過佢理都唔理呀!!!!

私人傳訊

bandband

子爵府

積分: 11510

15^#

發表於 04-11-9 14:29 |只看該作者

Re: 老公鬧到我喊..............不過我係底鬧既.........

呢句都係我想講既...駛唔駛鬧到老婆喊咁誇張???講真我都明白做父母個個都係緊張自己仔女,但係,有邊一個一生出嚟就識做個稱職既父母???都話到明係意外咯,無人想發生,講真比著我隻佬咁咆哮我,我實反佢~!!!抱埋亞仔離家出走,等佢搵餐飽之餘,仲要佢打嚟求我原諒!!!講真,男人唔係大哂~!娶個女人番嚟唔係用嚟做苦工俾佢鬧!...太勞氣添!我至睇唔起呢啲男人...如果我隻佬係咁,晨咁早已經星巴佢喇~~!!要俾佢知道,佢唔係我上司,我唔係佢下屬~!我好惡架我!!!

paiwai 寫道:
[quote]
cyyy 寫道:
多謝你地既開解, 我而家心情好d啦, 好彩個囡無事, 抱起佢仲識笑, 如果佢有事我呢一世都唔安樂呀, 但係我老公仲未肯同我講野. :-(

[size=medium]咁嚴重呀)))有無攪錯呀)))))你都係無心架..使唔使唔彩你呀!

[/quote]

老公VOICEMAIL 1 2 3

私人傳訊

fibe001

別墅

積分: 700

16^#

發表於 04-11-9 14:29 |只看該作者

Re: 老公鬧到我喊..............不過我係底鬧既.........

ahbe44 寫道:
佢都係緊張個女.....
千其唔好怪佢喎.....
好過佢理都唔理呀!!!!

agreed,不過我覺得你叫佢自己湊下個女,睇下係咪咩意外都唔會發生先鬧你啦,細蚊仔不嬲都好百厭,睇少陣都唔得...

:-D 幸福是當我擁有你 :-D http://tw.pg.photos.yahoo.com/ph/fibe001/album?.dir=/861c

私人傳訊

bandband

子爵府

積分: 11510

17^#

發表於 04-11-9 14:48 |只看該作者

Re: 老公鬧到我喊..............不過我係底鬧既.........

cyyy 寫道:
唉......我都唔知點算, 我應唔應該同佢講野先呢, 但係驚佢未嬲完, 不過佢係咁架, 我一做錯野佢會即刻反面, 可能我成日哦佢, 所以佢一有機會就黎一個大反激, 等我驚佢囉.

唔駛驚佢噃!咪同佢lin過囉~~!!!有時我同隻佬鬥氣時我唔多唔少都會驚佢鬧番我轉頭!不過有次我就唔係,我隻佬教仔方法唔好,走去踼我個仔幾腳(好細力咁兜亞仔蘿柚,因為我個仔踼人地廚窗),我一見到咪扯火到一輪咀咁鬧佢囉~!佢有反擊鬧番我轉頭,又話我駛唔駛用咁既衰樣同高八度既聲鬧佢,又猛大我寸我話:"你唔會打個仔既!???",但都一一俾我打敗咗佢,佢嬲得滯玩走人(佢都係想用到呢個方法嚟令我追番佢),但我呢次真係嬲都好行,所以我唔追佢唔喝停佢不但只,我仲好瀟洒咁拖住亞仔响另一邊行咗去,仲帶個仔去老麥食新地筒添~!

我同個仔到咗老麥,我個仔坐咗兩人位既枱等我買野食番嚟,我去買俾緊錢之際,哈哈!我個電話响咯~!我即刻玩收佢線!俾完錢之後,一擰轉頭,就見到我隻佬扮到無事發生過咁坐咗响度~!我扮哂嚴肅當佢透明咁埋枱,將手上既新地筒俾我個仔食,

我隻佬就開口講野喇...:"(懶可愛咁聲)老婆唔該我要一杯奶茶同一個双层芝士孖堡...

" :evil: 死野!!!激到我噴火仲要我買野食俾你!!!!!!!!!!!!!!!!!!!!! :evil: :evil: :evil: 我唔出聲咪走去買囉!全程响老麥食嘢我都唔鬼睬佢,剩係同亞仔傾偈,我隻佬就全程扮可愛咁同我講笑話扮哂無野,番到屋企,佢先至忍唔住走埋嚟攬住我同我say sorry!!!(事後同佢講番佢扮無嘢嗰招...真係笑到牙都甩埋~~~!!!)

所以都話,男人係唔縱得!駛怕佢呀!同佢講嘢咪講嘢囉!認真一句,其實你怕慣咗佢,佢只會變本加厲!男人就係咁犯賤,唔下番佢地馬威係唔得架!所以都話,嫁個男人同湊多咗個大仔係無分別!

老公VOICEMAIL 1 2 3

私人傳訊

SUSANNA

伯爵府

積分: 17464

好媽媽勳章 BK Milk勳章

18^#

發表於 04-11-9 15:47 |只看該作者

Re: 老公鬧到我喊..............不過我係底鬧既.........

我囡囡六七個月時都發生過同類事件, 當時我都好內疚, 但老公就無鬧, 返而安慰我, 為了令我安心仲同囡囡睇醫生, 可能我老公係冷靜型既人 la.

私人傳訊

cyyy

複式洋房

積分: 319

19^#

發表於 04-11-9 19:20 |只看該作者

Re: 老公鬧到我喊..............不過我係底鬧既.........

bandband你好勁呀, 我都好想省佢一獲勁既, 但係每次想省既時候佢都無反應扮聽唔到, 鬧到無癮(因為無對手), 好自然就收聲, 自己係度谷氣囉. 我都知道男人係唔寵得, 但係唔知點做呢. 不過話到尾今次都係我疏忽, 無得怨, 下次如果佢做錯野我就有機會還拖.

佢頭先返黎無啦啦霎熟狗頭咁望住我笑, 我都唔知乜野事, 可能嬲完掛.

私人傳訊

bandband

子爵府

積分: 11510

20^#

發表於 04-11-9 23:36 |只看該作者

Re: 老公鬧到我喊..............不過我係底鬧既.........

cyyy,

啲男人個個都係咁架!最叻扮無野咁睬番你...不過既然你隻佬卒之笑騎騎咁睬番你,咪算囉!不過如果係我,實要耍吓佢先至得...不過你隻佬都幾勁,可以嬲咁耐... :mrgreen: 頭先我隻佬偷嚟呢個topic(我入咗嚟但又要陪個仔瞓),佢又玩嬲喇(佢笑住既)...我都話佢衰,激嬲人仲要人買嘢食俾佢食...