樓主, 對你ga post 明d唔明d, 不過最明ga係個主題, 希望你唔好介意我年輕, 結婚又唔係好耐, 經歷唔夠你多,
我好高興向呢到見到少數ga男人表達出自己ga見解, 等我大約都知道男人ga諗法,
首先, 你個主題係" 點解一定要老公出面"
我自己覺得奶奶, 老婆, 老公, 呢3個人只有老公同奶奶係有血緣關係同相識時間最耐同最清楚大家ga脾性。如果老公唔出面同奶奶或男家ga人傾, 要由老婆自己出面, 咁老婆同佢地ga認識及相處唔深, 好容易搞出好多誤會, 令件事愈黎愈差, 咁點解老公唔可以出面令件事簡單一d呢??
正如好多男人唔會單獨去搵女家ga人傾計一樣...因為大家永遠都唔及同自己由細相處到大ga人感情咁好.....加上有血緣關係更易溝通, 正如我自己都一樣, 我ga屋企人話我唔識揍我都會聽, 雖然聽完就算, 但如果男家ga人話我, 我一定會記佢成世, 呢個就係無血緣關係ga分別,
奶奶其實都係一樣, 我都試過同奶奶溝通有問題, 就一個初生bb飲唔飲水ga問題, 都可以大家都嬲大家, 有時唔係話個老婆一見到唔如意就嘈ga, 如果係咁難相處, 咁當初點解呀老公要娶老婆返去呢?? 我個時就係用盡好多方法我奶奶都唔聽, 仲要周圍唱我好忍心咁對自己個女, 最後我老公同我奶奶講就無事, 但係講ga野就係我講果d, 咁點解同一番說話我講就唔聽, 個仔講就聽呢?? d奶奶永遠都覺得自己又係女人, 對揍小朋友ga經驗比新抱多, 仲有年紀又比新抱大 "食鹽多過你食米", 仲有佢向自己個仔面前不嬲都係話事果個, 所以就要個新抱都要聽佢話, 但係呀新抱做咩事要聽佢話...如果真係岩ga, 我諗咩人講ga都會聽, 如果唔岩ga咩人講都唔岩聽, 最大問題係d奶奶成日以為自己講ga野就係道理, 佢係男人ga呀媽, d男人無得唔聽, 但係女人係會有自己ga思想, 如果講果個係自己呀媽可能都會聽, 但係同呀奶奶無咩關係及最大問題係關于到自己咁辛苦生出黎ga小朋友時, 就一定要保護自己, 唔可以比d唔好ga事傷害到d小朋友, 所以無論奶奶同老婆都會唔鐘意比一個無啦啦加入自己人生ga人黎出聲話, 最重要係大家又無血緣關係又無感情.....
所以當雙方出現問題時, 就最好由同奶奶有血緣關係, 又對老婆有感情ga人出面.....呢個咁難ga任務當然只係得做老公ga呢個人可以勝任
樓主都識得話結婚唔係2個人ga事, 係2個家ga事, 咁男人結婚前就要諗清楚搞唔搞得掂婆媳問題, 如果搞唔掂, 就要諗下做唔做得起夾心人, 做唔起就唔好娶老婆喇, 唔好成日同d女人講話做左人地老婆就要對老公屋企人好,點,點,點....其實女人為左愛個老公, 嫁左人地做老婆之後放棄左自己好多野, 身材, 學歷, 又要由父母中ga寶貝變做聽人地話死忍難崖ga老婆等等.....男人就話唔鐘意就可以搵第2個女人, 但係點解女人咁難呀, 女人就要諗好多野, 婚姻唔好都唔想自己媽媽擔心, 唔想小朋友唔開心, 為左愛一個男人為佢生仔生完身材走樣, 點解向街見到咁多肥c9呀, 你估佢地唔想靚正索咩, 佢地就係好偉大咁為左自己愛ga人生個bb搞屋企先唔得閒扮靚搞到咁, 如果唔係d男人點會有借口搵過個呀.......
其實男家同新抱ga關係與女家同女婿ga關係一樣, 只不過中國傳統係新抱接觸男家ga人時間上比較多所以問題都多d....仲有女人較細心, 永遠留意到男人留意唔到ga事, 所以一個動作, 一句說話女人都可以好上心.....
咁所以我覺得男家果邊有問題就由老公出面, 女家有問題就由老婆出面係最好,
(新手新抱, 個人意見, 不喜勿插, 謝謝)
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
