吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 無奈的教育制度

少年成長今日: 0|主題: 16133

收藏本版

發帖

返回列表

跳至頁

查看: 36182 | 回覆: 11

無奈的教育制度 [複製鏈接]

csir3290

子爵府

積分: 12811

1^#

發表於 20-1-12 10:42 |只看該作者 |倒序瀏覽 |打印

早幾日親戚聚會，坐埋一齊除咗講飲講食講去玩之外就係講自己啲仔女讀書。我個女今年五年班當然話題開始傾落去同升中有關。有個親戚佢個仔就四年班其實大家都開始諗預備幫啲細路搵中學，因為我講開之前同阿女去聽一間中學嘅升中講座講到間中學非常重視學業成績冇乜嘢課外活動但係大學入學率超過九成成績好好。個親戚就講驚入咗呢啲中學好怕太大壓力，驚個仔會跟唔到。佢就希望幫阿仔揀間唔好咁多功課做唔好咁催谷嘅學校。

我唔知啱唔啱，其實我諗個個父母都希望自己嘅仔女讀得開心讀得輕鬆。但係當你諗到將來佢出到嚟社會做嘢，以而家嘅情況似乎冇大學學位甚或碩士學位好似會好蝕底。當然可能會有啲例外，但係普遍中層嘅職業大學學位都已經成為基本要求。我同個親戚講到如果你哋要留喺香港嘅教育制度入面，似乎避免唔到要催谷細路嘅成績。當然個個都想自己啲仔女讀得輕鬆，但係除非諗住送阿仔阿女去外國讀書啫，如果唔係要留喺香港呢個制度入面，而家讀得輕鬆，但係將來佢面對社會嘅時候可能就會辛苦好多。大學學位已經成為進入呢個社會工作嘅基本入場券。只要睇下每一年嘅統計其實就會知道讀唔到上去其實好大件事。我留心到每年大約有五至六萬人考中學文憑試，但係政府資助嘅大學學位每年大約都係得一萬八千至到2萬鬆啲，咁即係大概三分一可以入到八間大學嘅資助學位，最慘就係而家連八大都係有分等級，最叻嘅當然係三大中大港大同科大，之後跟住就係其餘嗰幾間。自己喺公司都好清楚，面試嘅時候都會睇應徵者嘅學歷包括喺邊間大學畢業同讀乜嘢學位，有陣時太多人申請，都會先見晒啲三大畢業生先。所以大學學位都咪話唔緊要，除咗呢兩萬個資助學位之外計計埋埋啲副學士同自資學位，其實大約有四萬幾人會入到呢啲專上教育咁即係大概有三分一人升唔到上去。咁呢啲好可能就係要做一啲比較基層嘅工作。所以嗰日我同親戚講開一日留喺香港呢個教育制度入面，其實係唔可能唔諗點樣幫啲細路喺成績上面有所進步。

到現時為止我都唔捨得送阿仔阿女去外國讀書，唔係因為錢嘅問題，而係因為感情上面嘅問題。我同阿仔阿女之間嘅關係咁緊密真係唔捨得送走咗佢哋，但係要佢哋留喺香港讀即係要繼續喺呢個制度入面，咁我寧願佢而家覺得會讀辛苦少少，總好過佢將來面對社會嗰種辛苦，起碼學習嘅生活雖然辛苦但係我都仲可以幫佢安排其他活動，同佢哋玩下等佢哋平衡番。但係如果將來佢哋唔能夠喺社會上面搵到相對平穩啲嘅工作嘅時候，嗰種生活壓力可能我哋真係未必幫得到。總之要留喺香港呢個教育制度入面，有陣時做家長都真係幾無奈。雖然想佢此讀得開心輕鬆，但係事實係咪又真係能夠咁開心同輕鬆呢？淨係諗下我去參觀嗰間中學有超過九成幾嘅大學入學率，你就知道搵一間啱嘅中學幾重要。如果仔女有能力都唔幫佢揾間能力高啲嘅學校，只係想佢而家輕鬆啲，我驚我將來會後悔。

0 0 0

私人傳訊

OLAF1023

複式洋房

積分: 374

2^#

發表於 20-1-12 13:39 |只看該作者

csir3290 發表於 20-1-12 10:42
早幾日親戚聚會，坐埋一齊除咗講飲講食講去玩之外就係講自己啲仔女讀書。我個女今年五年班當然話題開始傾落 ...

如果唔係錢嘅問題，可以讀直資或IS，各方面會平衡啲，輕鬆啲

私人傳訊

csir3290

子爵府

積分: 12811

3^#

發表於 20-1-12 21:56 |只看該作者

回覆 OLAF1023 的帖子

讀直資，如果要考香港嘅大學咪都係同一個制度，況且有邊間成績好嘅直資係唔催谷吖，而且啲家長隨時自己催谷得仲利害。致於讀IB，最終好可能都係出外國讀。

私人傳訊

OLAF1023

複式洋房

積分: 374

4^#

發表於 20-1-13 13:38 |只看該作者

csir3290 發表於 20-1-12 21:56
回覆 OLAF1023 的帖子

讀直資，如果要考香港嘅大學咪都係同一個制度，況且有邊間成績好嘅直資係唔催谷吖， ...

其實唔駛諗得咁灰嘅，學業固然重要，但小朋友身心靈健康都好重要。（校風比成績更重要我個人覺得）
直資WKF有GCEAL考，唔一定DSE！
大學PLACEMENT亦唔算好差！
你可以望吓個WEBSITE！
https://www.hkbuas.edu.hk/s/s10_score_c.html
我唔覺WKF好催谷，學生自小已培養閱讀習慣，校內亦有良好語境。
唔一定非DSE就IB，還有其他選擇。亦唔一定要出國或讀IS去避咗DSE。
就算讀IB，亦有人留番响香港入8大，不過要注意嘅係IB屬於NON JUPAS！
其實就算讀IS嘅學生，都唔係全部出國讀，亦有考AP/IB留番响香港讀大學的。
其實學習真係唔可以全靠晒學校，覺得入到間成績好嘅學校就安樂喇！以前我都有同一思想，不過畀我阿媽成日話咁樣會累咗個囡，開始反省，我阿媽同我講80% depends on 學生自我學習，reading 好重要！
家長要自我催谷真係無得好講了，只能改變自己。
好老實，IS嘅中學其實都不輕鬆的，就算入到ESF，唔好以為佢Track Record咁好，STC咁多IB狀元，其實背後原因係好多家長都幫子女6科報4科～
所以呢，做父母都是要先調整自己心態，學習有很多方法，唔一定要一尾補習補課狂做PAST PAPER死催谷。
趁孩子還小，還在小學階段，好好培養他的閱讀習慣，增加自我學習嘅主動性，勝過一切。
有時學業成績真的不代表一切，個人嘅修為塑造更重要，孩子將來長大成人，都要靠自己，難道要催谷他一背子？
社會上成功人士都不一定是狀元，出身BAND 1 中學的，有大學學位的。
成功與否在否自己。
大家一起努力啦！

私人傳訊

csir3290

子爵府

積分: 12811

5^#

發表於 20-1-13 20:02 |只看該作者

回覆 OLAF1023 的帖子

多謝提醒:donutgood:

私人傳訊

blinknogood

大宅

積分: 4910

6^#

發表於 20-1-14 13:13 |只看該作者

OLAF1023 發表於 20-1-13 13:38
其實唔駛諗得咁灰嘅，學業固然重要，但小朋友身心靈健康都好重要。（校風比成績更重要我個人覺得）
直資WK ...

WKF成績好好喎! 請問全級幾多人？我見繼續升學的有176人，% 應該好高

另本港大學取錄的人數，請問有沒有包副學士/高級文憑？英國大學的人數有沒有包foundation 和 International Year One?

我叔仔個女今年小五，住沙田，想找直資中學，有諗過WKF, 想多了解一下，謝謝

私人傳訊

OLAF1023

複式洋房

積分: 374

7^#

發表於 20-1-15 00:18 |只看該作者

回覆 blinknogood 的帖子

WKF是BAND 1，成績不俗並不意外。比起沙田區幾間直資，WKF係最TOP了。
如你插中一，你要留意網頁喎，DEADLINE嗰啲，仲有，住返沙田好似反而唔係好著數喎！
七年級(中一)錄取沙田區(以申請表住址為準)的學生數目最多為公開學額之15%，其餘地區則不受限制。
我印象中好似升中放榜後，學校網頁都有POST出嚟話仲有少量餘額可供申請。
如心儀這校中學部，要多留意網頁。
佢大學點計我唔清楚，你可以SEND E-MAIL去查詢，或參加開放日問清楚。
因我哋已轉咗校了！
SORRY！

私人傳訊

blinknogood

大宅

積分: 4910

8^#

發表於 20-1-15 08:06 |只看該作者

OLAF1023 發表於 20-1-15 00:18
回覆 blinknogood 的帖子

WKF是BAND 1，成績不俗並不意外。比起沙田區幾間直資，WKF係最TOP了。

沙田區仲有培僑,培基兩間直資中學, 你意思係王錦輝比這兩間更好嗎?

我之前聽聞培僑好似係band 1 中學, 王錦輝好似係band 2 頭, 叔仔個女成績應該屬於band 2 頭, 那報王錦輝是否機會不大呢？請問培僑同培基現在屬於乜嘢banding呀？

你哋係王錦輝舊生？小學舊生？請問中學去咗邊間呀？謝謝

私人傳訊

OLAF1023

複式洋房

積分: 374

9^#

發表於 20-1-15 13:36 |只看該作者

本帖最後由 OLAF1023 於 20-1-15 20:37 編輯

blinknogood 發表於 20-1-15 08:06
沙田區仲有培僑,培基兩間直資中學, 你意思係王錦輝比這兩間更好嗎?

我之前聽聞培僑好似係band 1 中學, 王 ...

沙田區有王錦輝，林大輝，培基，培橋呢幾間直資。
我個人係覺得（不代表其他家長）王錦輝好過其他幾間直資，無論學術，校風，校園環境，學生支援等等。

培橋係BAND 1？應該不是，佢BAND2頭至中。
培基屬BAND 1尾。
王錦輝近年成績好咗，BANDING應該係比其他幾間好的。
不過好老實，BAND 1 中同尾呢啲其實都唔需要太執著同介懷。正如我响樓上有提及，校風都好重要，因為青少年，特別初升中，好易受朋輩影響。青少年嘅生活就係主要在學校返學，如果身邊嘅同學仔係唔好，咁樣都會影響到你小朋友。我反而會CONCERN呢樣野。尤其近大半年社會嘅問題，會不會是你幫仔囡升學找學校要加入考慮呢？你要諗下。
確實嘅BANDING係1定2，頭中尾，你應該問到就讀小學有詳細資料。
我講嘅都只係一個慨括，而且BANDING每年都會有少少變動，今年係BAND 1A，下年可能係BAND 1B！

我識有朋友個仔係BAND 2頭，都升到BAND 1尾嘅中學。（不是直資）

培基有間小學在火炭，佢好似有話要保留？%畀小學。有親戚個女就讀此校，剛在去年9月升中一，但都冇升上去中學，去咗第一城一間BAND 2頭中學，不知是成績問題還是其他原因。因為佢哋本身住响大埔，六年小學都跨區返呢間小學，話係名校喎。

王錦輝同培橋都係Through-train school, 本身小學部嘅學生係直升上去，除非有學生退學，中學先會有空位收生。

王錦輝有啲好標青嘅小學生確實唔會升上去中學部，會出去其他更TOP嘅中學，因為有些家長覺得王錦輝中學不及小學好，唔係最TOP嘅BAND 1！

培橋有冇小學生走我唔知，但我個人好唔鍾意呢間學校，主要覺得佢嘅中學生好壞。男女一放學啲校服就"蚊"晒出嚟，女仔條校裙一路行一路"ZIP"高，我嘅感覺好似間搞到成班飛仔飛女LOOK嘅學校，我唔會畀我仔女讀就算有位唔駛錢都好！

其實邊間學校校風好，比較純樸，你可以趁放學去學校附近觀察就一目了然了！反正幾間都响沙田大圍，一日觀察唔到咪睇幾日，新城巿都係一個好好觀察嘅地方！
不過都要補充番句，以上屬純我個人觀察及意見，並不代表其他家長，可能經你觀察後，你會同我有相反感覺！
世上永遠沒有最好（完美）嘅學校，我哋做家長嘅只能搵最適合自己孩子的學校就夠了！
每間學校都有PROS and CONS, 有時真的要取捨的。

P.S 我哋現在轉咗去讀IS。

私人傳訊

OLAF1023

複式洋房

積分: 374

10^#

發表於 20-1-17 08:52 |只看該作者

Your success as a parent is not determined by whether your kids get into elite schools or prestigious professions.

The real test of parenting is not what children achieve, but who they become -and how they treat others.