在家工作，除咗帶出一家人相處嘅問題之外，另外，工作效率亦都會低咗。實情並唔係好似有啲人想像唔使返公司做嘢會好自由好舒服，因為公司嘅嘢唔會因為你喺屋企返工而做少咗，一樣都要做咁多甚至乎老細會覺得你喺屋企，慳咗啲交通同埋午膳時間，即係隨時隨地都可以搵到你做嘢啦。但係實情係，如果屋企冇小朋友嘅話，可能就真係可以隨時隨地都做嘢。但係屋企有細路仔嘅話，佢哋都係要在家學習，咁就變咗又要做公司嘢之餘仲要隨時隨地處理佢兩個小朋友學習上嘅問題。根本就好難集中做公司嘢。變咗 做公司嘢嘅時候要做吓停吓，用嘅時間多咗但效率可能仲差咗。就算閂埋度房門唔畀對仔女入嚟然之後做嘢，但做做下嘢都會諗下佢哋有冇嘢唔識，都係要行返出去睇下佢哋做成點，因為而家佢哋都要喺屋企學習，但最慘係好多時啲嘢唔係佢哋自己可以做得曬，都需要我同老婆幫手去教，所以根本就做吓停吓。最慘仲要係做緊嘢時佢哋走入嚟問嘢嘅時候，因為自己都做緊嘢所以想快啲教識佢哋，但係遇著啲電腦嘅問題又唔係話一覺就搞得掂，所以有時都會容易忟憎，仲要有時同老細傾緊嘢啲細路走入嚟先至最麻煩。雖然都已經盡量慢慢適應，等佢哋朝早先教咗佢哋做練習然之後叫佢哋開電腦自己睇下啲嘢有冇唔識之後我同老婆先至開始做自己嘢。但係始終都難避免做做下嘢嘅時候會分心，同埋啲老細係唔會去適應呢一個時間表。所以而家會盡量比自己返公司當值嘅時候用最高嘅效率做曬啲嘢，而只係淨低啲濕碎嘢喺屋企度做盡量減低影響。
所以在家工作絕對唔係好似有啲人咁覺得你就好啦可以唔使返工，可以留喺屋企自己做嘢，可以好自由隨時隨地都可以做又得唔做又得。因為喺正常返工時間啲老細係會隨時要搵你，宜家在家工作就更加好似要24小時當值咁， 因為佢哋總係覺得你喺屋企大把時間做啲嘢唔會做唔完。但係最慘係喺公司返工就係返一份工，喺屋企做嘢其實係同時返緊兩份工，除咗公司嗰份之外仲要做埋阿仔阿女嘅老師所以其實根本就係兩份工。我都希望呢個疫情盡快完，盡快可以回復正常嘅返工放工時間。可以返完一份工番屋企先番另一份，唔使好似而家咁兩份工一齊做。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
