千祈唔好去！！
黑店！
唔想大家同我一樣俾邱黑醫呃，遭受恐怖痛苦經歷，我今日鼓起好大勇氣講出真相。
俾佢游說一番,話做完射頻唔會再有鼻塞問題，又要我一次過俾曬錢，另約時間做。
做嘅時候，好痛！好痛！仲聽到個邱醫生大聲喘氣、仲係我個面上喘氣、咳，起痰，好彩現在重有口罩令，如果未有疫情前冇口罩令，我真係覺得佢係有病!
當時做完，佢即是比左止血藥我，話塞左啲棉條落個鼻入面，會有啲塞，唔可以睇，已經做得好好，叫我出面等，等到冇流血就走得，我人都未坐好，啲姑娘已經叫我比咗錢先，$16500，我呆咗，淨係比咗啲止血藥，鼻敏感藥，同一枝通鼻塞野我，就咩都冇。我話明明邱黑醫話$15000全包，之後姑娘問都唔問醫生，就話$16500，好無奈比信用卡，又話信用卡機收唔到，又要我落去撳錢，都唔緊要，醫生話叫個清潔姐姐陪我落去，係你地唔收信用卡，一早應該講，而家搞到我好似被夾住，好似我會唔認數。上番嚟比錢，我本身想問醫生小小問題，姑娘話醫生走左，比完錢就走，比個高高地姑娘，黑黑地，講野又快，我都聽唔切，問多一次，可唔可以講多一次，即刻提高音量，勁大聲講野，使唔使呀？我又唔係聾，姑娘態度真係好差，無啦啦叫我簽張手術同意書，手術完成都已經隔左成大半個鐘，而家先叫我簽名，我想睇下內容寫咩，我都有權利知，點知果位姑娘一隻手指指住，病人簽署位，算數啦，簽完落樓啦。
第二朝起身，我個鼻塞到完全透唔到氣，簡直慘不忍睹，嚇死我，我家人話叫我入急症，我經歷咗尋日，我唔敢打去診所問，急症室醫生話，因為有棉條係個鼻入面，引致到我鼻腔發炎，點解邱黑醫咁冇醫德、不負責任。
見住醫生幫我夾返條棉條出嚟，重有血，嚇死人、好恐怖！好似做大手術咁，我睇見自己個鼻腔，即時想跳樓死，我極之憤怒。
我即刻致電咗間診所，個醫生一味推卸責任，一大堆不負責任嘅謊言，真係令我極之失望。
簡直無良、缺德到極點！佢遲早有報應、賺埋咁既陰質錢、害死人！
發表於 
返回列表
