吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 日日對住青春期的他，－次又一次的失望⋯ ...

少年成長今日: 0|主題: 16008

收藏本版

回覆發帖

返回列表

跳至頁

樓主: lu2forever

2 3 4 56

積分: 609

101^#

發表於 24-8-28 11:03 |只看該作者

回覆 PTMCYS 的帖子

謝謝分享, 看完感覺有返D希望和力量!

私人傳訊回覆引用

PTMCYS

子爵府

積分: 13611

102^#

發表於 24-8-28 12:56 |只看該作者

本帖最後由 PTMCYS 於 24-8-28 12:57 編輯

emilyxduck 發表於 24-8-28 11:03
回覆 PTMCYS 的帖子

謝謝分享, 看完感覺有返D希望和力量!

希望幫到你啦.

疫情個陣關係最差, 可能大家都困在屋企, 佢日日打機打唔停, 熄左wifi 又生又死, 發脾氣口罩都唔帶就落樓去Mc 記繼續打, 個陣仲係2020年, D 病好毒, 最後拉拉剧剧, 大家讓一步, 有時又隻眼開隻眼閉, 無計..., 氣到想趕走佢, 但唔見得對件事有幫助 , 反而關係更差及推佢去識D 唔正當的人.....

試過有次幾乎同佢打架, 但打嬴都係無意思, 仲傷左個關係, 唯有讓步, 鬆緊鬆緊咁, 最緊要唔好學壞.

有時都好失望, 好生氣; 但諗深一層, 始終都係自己個仔, 好多野是緣份, 是整定的(7分整定, 3分靠努力改變), 我盡了努力已對自己有交待了, 他唔受都無辦法, 可能未係時候, 只能等他跌倒的時候, 看看怎樣幫他, 給他家庭的溫暖.

私人傳訊回覆引用

邱悠月

侯爵府

積分: 22118

103^#

發表於 24-9-5 08:47 |只看該作者

回覆樓主:

睇完呢個post，繼續努力

私人傳訊回覆引用

PTMCYS

子爵府

積分: 13611

104^#

發表於 24-9-5 10:57 |只看該作者

Augesttime 發表於 24-7-31 12:30
而家有無轉？

想請教吓，掟嘢發洩同對人呼喝，我地家長點面對好？

分享一下, 看看以下幫不幫到 :
1) 掟嘢發洩 --> (i)想掟或掟緊時, 咩都唔好講/唔好再指責, 先叫她"冷靜". (ii) 掟完, 情況許可, 唔好執, 等大家冷靜完, 叫佢執(態度要正常) : 幫手執(唔好執著邊個導致吵架, 但掟是她掟, 執要她執), 如果最後都唔執, 夜 D 自己執, 等佢知你幫左佢(如果聽到佢寸寸共, 車, 最後咪又係你執, 都唔好理佢, 正常人試多幾次會心軟的, 你當佢係病人, 這刻同佢吵無意思的. (iii) 買回更次等的代替品, 等佢知大家都無得用好的, 或如有零用錢, 就扣零用. (iv) 之後再想掟, 再次叫她冷靜, 問她掉來有咩為, 屋企無錢買/或不會再買同級, 大家無得用好的, 再重複(i).

最重要唔好比佢覺得你怕左佢, 而係比佢知, 因為他的問題, 要你幫佢, 正常他/她慢慢心軟的.

2) 呼喝 --> 唔好理佢, 等佢冷靜再同佢講, 要有正常態度才理佢. 但我的, 一般是態度差問題, 因為"呼喝"基本上沒人理佢, 佢就要自己處理. 如態度差就要慢慢提佢(將心比己), 要講道理, 也要在他/她面前做好自己, 大大下, 慢慢會改善 D.

3) 至於打 --> 我的最多在以前發脾氣時, 他會衝入房"嘭"房門, 而我不給他關門及鎖門, 衝突就這樣出現, 現在這個問題已改善, 先給他空間, 冷靜了再傾. 打就真係無, 因為我學過跆拳, 他小時回家踢來踢去, 向空氣揮拳, 我就說拳頭不是這樣握的, 腿有好多種, 但怎也不是這樣踢, 乘勢想教他基本功, 如他有興趣再帶他去跆拳班, 但他一聽要練, 就耍手不要, 之後都沒有在家動手動腳了, 可能心內都覺得"不夠Daddy揪"的形象掛. 但怎樣也要給他/她知打人/父母是不對, 並要她冷靜, 在她平靜時問她為何這樣做, 了解她的心態和你的感受是讓她, 而不是怕她, 並說如果她控制不到, 很難跟她一齊住, 問怎樣可以幫她.....

仔女越大, 基本的道理會慢慢明白, 就算他們不工作(可能有好多原因, 要再拆解), 也是要靠你的, 要給他們知你是幫緊他, 而不是怕他們的方向著手.

當然每個人的反應, 家庭情況都不一樣, 一定要見招拆招, 改變策略.

私人傳訊回覆引用

lu2forever

複式洋房

積分: 152

105^#

發表於 24-9-11 20:38 |只看該作者

PTMCYS 發表於 24-8-22 14:54
樓主, 加油呀, 我都想分享一下, 其實你做的, 愛他的, 他是知道的, 只不過心硬, 無目標, 唔想回應你, 怕你 ...

多謝你！多謝你花咁多時間分享！內心舒服啲，因為有人明白我！
開學後依然打機，冇減過。每日怨返學好辛苦，鬧要補習，日日話我地有病，聽到真心痛！

私人傳訊回覆引用

PTMCYS

子爵府

積分: 13611

106^#

發表於 24-9-12 11:33 |只看該作者

本帖最後由 PTMCYS 於 24-9-13 17:23 編輯

lu2forever 發表於 24-9-11 20:38
多謝你！多謝你花咁多時間分享！內心舒服啲，因為有人明白我！
開學後依然打機，冇減過。每日怨返學好辛 ...

不用多謝, 我的分享未必幫到你, 而我也不是成功, 叫做勉勉強強升到學, 但提示仍要繼續, 不過方式會不斷調整.

因為有人明白我！ --> 我同輩的家人, 孩子基本上都讀到書, 我也曾被人話過我唔識教仔(知道是無心的), 我只是回了幾句, 你生的孩子自小喜歡讀書, 不食飯都拿著書本讀的, 只要給合適的條件就搞掂, 你應該為你生了這樣的孩子而開心, 而不是不去了解就批評別人; 孩子是有他們的性格, 我們需要尋找合適的教法, 有的很易找到, 孩子也很簡單和乖巧, 很易開竅, 有的就像活在自己的世界內, 不接受或像不聽懂道理般, 定力也不夠. 我何嘗不是參考了他們的方法呢, 每天一起學習, 活動, 旅行, 但不能只看是否成功的一面, 方法 MATCH 不到孩子的性格及進度, 尋尋覓覓都聽了很多講座/專家意見, 但我們只能作參考, 化成最適合他的方法來應對, 這些既是我們人生的考驗/也就是緣份, 要方鬆些不用跟別人比較, 唔work 的唯有繼續在鬆緊鬆緊中, 再尋找更好的方法及機會, 不要放棄, 最重要不要破壞關係和信任(信任就是他們有要事/麻煩, 會第一時間想起你可以幫他), 預早提他責任和後果(不能犯法, 不能盡信朋友借野/擔保, 不要賭博, 現階段仍是跟他說父母最親最信任得過, 特別在電視見到有例子的時候).

像我的孩子, 罰不食飯, 可以餓死都不食; 以前沒有打機時, 罰不玩"玩具", 他玩"塵", 玩手指, 甚至發呆很久都可以, 知道怎樣同你鬥. 我不嬲鼓勵他"玩"要認真, "學習"也要認真的態度, 也支持他玩, 跟他一起玩, 但一到學習就放棄. 拖拖拉拉. 老實說, 究竟小時候用啓發性的教法, 還是摧谷性的教法呢? 當然很多人都識得說"啓發性", 先讓他玩好先不用讀, 但又是不是個個孩子都咁快開竅呢(有些人是一世也不會開竅)? 不成功的會否同你講.....; 就以我的孩子, 現在都未開竅, 但如果入小學前不打好英文, 課外活動的根基(游泳, 朗誦表演, 單車, 音樂等), 在未開竅前已有基礎, 信心就大些, 我仔現在突然跟我說"Daddy" 我都想學結他, 他說以前學過鋼琴和小提琴, 有基礎, 應該易上手, 原來當時我們做的, 是沒有白廢的, 音樂一直都在他腦海內, 只係未在適合的時候用, 我都估唔到我仔粗粗魯魯, 雖然平時都會聽D rock 的英文歌和日文歌(我之前都不喜歡, 因好嘈, 但要給他自己的空間和興趣), 但突然提翻想學音樂. 他小學英文一直keep 住A升中的, 但中學畢業時跌到只是合格多D, 如先前沒有基礎, 相信已不合格了, 當然也十分尊重有信心他們會自己學習的方法, 但我仔應該不是....

我也以為現在我仔升了學會好D, 但回家好多時都是打機和在床上hea..., 唔見佢有溫習, 但我不文不火提下便算. 我覺得孩子如果成績還可以升班, 都盡量比D 空間佢, 反而維繫多D 感情, 多D舆家人聚會, 他會見到你孝順父母和兄弟姊妹溝通的感情, 表哥表姐怎樣尊重人, 不用提他及比較, 他都會自己學到下的. 也要給他一些屋企的責任, 例如洗碗等(開頭叫佢執比你洗, 一步步變為他洗, 例如在加零用的時候), 病時乘機叫他幫手斟水, 拿藥, 叫他去買外賣等, 訓練他照顧自己, 一步步來(我有時都借機跟他說, 你現在高高大大, 天給你這個能力, 就要做更多的貢獻及照顧家人, 我都越來越老了, 你要慢慢代替我, 照顧你媽咪, 他不出聲, 但也沒有不悅, 會聽在心的, 現在外出都要他拿最多的東西.)

其實都盡量身教, 不抽煙, 不說粗口, 不動手, 不咀咒, 要記得有愛, 兩夫婦一條心, 就算他做不到發脾氣也不要太影響自己情緒, 跟他堅定說這是不對/有空間便說道理, 適當的時候要在他面前表現傷心(但要他是知你錫他, 如果無就要花功夫建立, 如果唔係這招無用), 他會慢慢知道不對的, 我們以前都會反叛, 以為說粗口等好型, 但說了家人都不說/不開心就很快會覺得自己不對的, 會將心比己.

另外我覺得唔好用影響他們的機會和視野來罰他, 例如明知他們都好難達標, 就說不合格不能學什麼(因這些興趣將來可能用來賺錢的, 不然書又讀不到, 又厄殺了他興趣和賺錢的機會; 又例如之前我也說過, 如果我仔比心機考DSE, 見到他很努力, 考完就請他去日本旅行, 但見佢考試仍經常打機, 考完又話唔識仲差過學校之前, 預左衰的態度, 我都照請佢去, 因為知佢地幾個同學仔會自己計劃行程, 盡量平玩, 這些都是學習的機會, 去完我太太都覺得他成熟/獨立左, 回來他也自己找暑期工(太太跟他說暑假不會給零用, 要他自己搵錢, 他找不到也找了送外賣, 之後說好辛苦不易搵錢(希望他知搵錢難努力讀), 他們會參考同學仔的紛圍, 他有同學已一早做兼職, 所以他都會試下, 故捱到都盡量捱到中學畢業(盡量補到就補), 因中五中六同學仔的氛圍真的有機會令他們再改變(這個時候會有同學預先去外國升學或兼職, 緊張未來等, 自己孩子都會成長和思考下). 孩子每個階段的失敗, 在他跌到時要讓他知道及學習, 也要在旁支持, 升到學就最好, 但最重要讓他知道要對自己負責任(要養他自己的責任), 當我們迷失的時候, 看看能否從基本的初心再帶他們開始過.

私人傳訊回覆引用

PTMCYS

子爵府

積分: 13611

107^#

發表於 24-9-16 12:48 |只看該作者

本帖最後由 PTMCYS 於 24-9-16 16:06 編輯

有關補習方面, 我都想分享下, 始終每個家庭, 每個小朋友的反應都未必一樣, 我的分享未必可作參考, 但建議如果環境及情況許可而小朋友成績未如理想, 都盡量補習, 直到畢業.

我仔細個讀初小時由我老婆湊, 但湊了幾年都頂不順, 我們經常吵架, 也看不到對仔的脾氣和成績有好處, 三人都處於不開心的狀況, 我跟太太商量後做了個大膽的決定, 我叫太太出回來工作(因太太都是喜歡工作多於湊仔的人, 放生她放生阿仔, 以前請過印傭但有意外來不到) 從小學三年級開始, 我叫補習老師每天來, 並在家門口等他放學開門, 補到我太太放工回來(6點半至7點前), 故補習老師既可補習, 又可幫手睇仔, 我們會把主人房門上鎖及在廳有CCTV; 當時覺得既然自己都教不到, 功課溫習這部份就試下給人教啦, 這時真係每星期五天, 每日2-3個鐘, 有幾個老師輪流, 由於大部份都係同區的大學生, 有人突然來不到都很快可以易調動, 但請的都是女補習老師.)

至於補習老師的程度, 一般最好yr 2, 因較穩定和價錢平, 都有試過大學畢業/全職的補習, 但效果都係差不多, 因為問題在於我仔上, 反而最重要找夾到他令他有興趣上堂的老師, 始終係小學唔會好深, 唔係就好似比補品佢都唔食, 掉錢落海.

對我來說補習最困難的階段係開始的時候 3 - 4年級, 直情唔肯坐定, 唔肯補, 補住都可以訓著, 每次起碼要用半小時warm up; 高小開始, 就像慣性的動作習慣了(其實好多時補習老師來的時候我們都不在家, 估計唔多唔少他們都吞下pop, 同佢玩下, 但有時唔過份都算, 我試過教佢, 都真係頂唔順, 所以把這個衝突點外發出去, 減少磨擦和影響關係的機會, 自己放假就同佢再補下/或外出玩, 當然有風險, 但我的結果算為可以接受了. 我們也試過叫他去補習班, 計埋仲平好多, 但好多時補到7點半, 8點都未做完功課, 但其實係自己個仔的問題, 成日唔集中, 仲搞到人地小朋友都一齊玩比人投訴....

當他升中兼疫情時, 已經中二, 補習改為用ZOOM, 我和太太已經管不到進度及情況了, 但仔仔又沒有拒絕補習, 估計他的心態係有人幫他做功課, 反過來唔洗自己咁辛苦, 當時見佢有功課交, 但考試成績好差, 我覺得係咁掉錢落海無結果, 仔亦唔肯操課和備課, 方向好似走錯左, 有提過佢, 補習係應該自己操和做完功課, 唔識就當場即刻問補習老師, 幫我慳錢, 而唔係比佢幫你做或要佢坐係到等你, 做到唔識才問佢, 但唔見佢有改善, 唯有隻眼開隻眼閉, 現在睇翻都好, 如果唔係逼到佢連搵補習老師幫佢做功課都唔想就麻煩, 所以睇下你點睇, 建議盡量呃呃𠱁𠱁/鼓勵下, 睇下可唔可以畢到業再計劃, 因中六高考即使不合格, 可以讀既野多好多, 途中更可看看他再有沒有機會開竅, 即使留班都是開竅的機會, 當然真係讀唔到, 留完班都未開竅, 就轉去IVE 讀又或出來做下野等, 知道辛苦再讀過, 要大家傾傾. 這個年代我們做父母的, 都應該集中在希望令他搵到錢養到他自己, 所以點樣行到依步反而最重要, 唔好令到事情走反方向, 當跌到時唞唞, 冷靜後再來過幫他, 而不是給他/她覺得我們怕他就可放棄..

另外, 升中時我都有問過太太, 有無D 科仔唔想補, 問下佢意見好, 她回答我: 唔會比佢選擇, 因為比佢選一定唔會補, 唔好咁快比個選擇權佢, 最多之後拉剧傾條件, 都有D 道理.

又另外, 在小學時太太有問我, 小學已經花咁多錢補習, 不如有D 科唔洗補, 請願留D 錢比佢升學時用; 我話現在不好, 就未必有未來, 有錢請願現在花, 建立好根基好過將來要補根基, 如果現在唔補, 將來都未必讀到上去, 何來升學, 而且當時又唔係好緊, 當然每個人的想法和情況未必一樣, 但我就這樣的選擇了, 才有現在勉強的升讀落去.

再另外, 高中時有問仔讀成怎樣, 他說這個教不好, 哪個教不好, 對科目沒有興趣, 我也問他, 始終你考到咁後, 即係仍然有好多人識及被教懂啦, 但怎樣都好孩子對讀書失去興趣, 真係好多原因, 要看看怎樣幫他們一起渡過, 所以令他們肯同你講真心話好重要.

私人傳訊回覆引用

Michellechancha

洋房

積分: 65

108^#

發表於 24-9-18 20:48 |只看該作者

阿女由細到大都乖，但近一、兩年15、16 歲唔比掂，唔比拖，講野唔望你、反白眼。要比補習費先肯叫我一聲，我好似同空氣講野咁，係佢面前忍唔住喊，問佢究竟媽咪係咪之前做錯左咩事？佢繼續唔望，睇手機。我知佢讀書壓力大，但係都唔知得罪佢咩！好辛苦，辛苦到想死。

私人傳訊回覆引用

PTMCYS

子爵府

積分: 13611

109^#

發表於 24-9-19 16:24 |只看該作者

本帖最後由 PTMCYS 於 24-9-24 07:12 編輯

Michellechancha 發表於 24-9-18 20:48
阿女由細到大都乖，但近一、兩年15、16 歲唔比掂，唔比拖，講野唔望你、反白眼。要比補習費先肯叫我一聲， ...

15, 16歲應該中四了, 我試下分享一些想法; 孩子的成長, 眼見有好多的悅變配搭, 我列出以下(未必可把全部列出) :

蜕變情況一, 由細到大都好乖巧, 很易找到適合他的教法, 青春期也很懂事, 有目標仍繼續追, 比你給予的目標更高完成, 甚至乎可以帶給你更多.

蛻變惰況二, 由細到大都好乖巧, 很易找到適合的方法教他, 但青春期因一些原因, 對家長的方法及要求有抗拒, 但仍然對學習有興趣, 也可以按目標完成.

蜕變情況三, 由細到大都好乖巧, 很易找到適合的方法教他, 但青春期因一些原因, 已對一切失去興趣, 影響了學業, 未必升到學.

蜕變情況四, 由細到大都未清醒, 方法也拖拖拉拉但勉強達標升中, 但升中後亦無目標, 在家長的不段堅持, 拖拖拉拉也勉強升到學及達到目標.

悅變情況五, 由細到大都未清醒, 方法也拖拖拉拉勉強升中, 但升學後對學習完全抗拒, 影響學業, 升不到學.

蜕變情況六 : 對學業有興趣, 但家長沒有支援, 冷言, 暴力, 令孩子失去學業, 甚至生命.
蜕變情況七：由細到大都未清醒, 但升中及青春期時突然清醒, 用自己的方法追上目標.

看起來, 你不孤獨, 因為每個情況都有很多同路人(除第六, 七）, 如果你的情況是第二種, 建議先給她多些空間, 唔好給太多壓力, 給她想要的支援就得, 反而我們要改變並給予更輕鬆的環境, 多點外出食特別的/行街/旅行等建立和維持感情, 當有合適的機會, 便了解她的問題原因及講道理, 其實她願意讀就讀到, 不願讀你給太多壓力及期望都無用; 另外要把自己對她的目標也降低這樣會對大家都好, 你也唔洗太傷心, 過左中學應該會好D, 但也可能差不多, 要看看大家怎樣處理, 所以我們要學會放輕, 不能讓孩子及學業結果成為我們的一切, 如果她開始不是像以前般需要你, 就轉移你的焦點去其他地方, 這也是給她減壓的一種方法, 我們只能在適合的時候提點他/她, 悅變就是這樣.

每個悅變的情況, 只能見招拆招, 跌倒時再支持他們一起走過, 最重要保持關係和信任, 目標就按情況調整, 以勉大家的壓力過大, 成果反而不理想.

私人傳訊回覆引用

Michellechancha

洋房

積分: 65

110^#

發表於 24-9-21 19:58 |只看該作者

好無奈，阿囡讀書好自覺，我亦唔會迫。但唔知點解成日對我黑面、同佢講野又當聽唔到，笑都唔笑下。唔知係咪青春期係咁？定係我做錯咩？

私人傳訊回覆引用

lovelysnake

大宅

積分: 2959

111^#

發表於 24-9-22 23:34 |只看該作者

PTMCYS 發表於 24-9-16 12:48
有關補習方面, 我都想分享下, 始終每個家庭, 每個小朋友的反應都未必一樣, 我的分享未必可作參考, 但建議如 ...

你解釋得好好(emoji) 我女而家小六讀書是是但但冇乜向上的追求，可能國際學校沒有要求。請教中學送小朋友到外國讀書，可以避開青青期的衝突又可以訓練獨立，你的睇法如何？

私人傳訊回覆引用

PTMCYS

子爵府

積分: 13611

112^#

發表於 24-9-23 10:14 |只看該作者

本帖最後由 PTMCYS 於 24-9-23 10:21 編輯

Michellechancha 發表於 24-9-21 19:58
好無奈，阿囡讀書好自覺，我亦唔會迫。但唔知點解成日對我黑面、同佢講野又當聽唔到，笑都唔笑下。唔知係咪 ...

假設如果你這樣黑面對人, 會因為什麼的原因導致呢? 估計應該覺得對方很煩及反感吧, 所以把這個假設代用入去, 應該她想改變, 覺得你先前的一套麻煩, 唔太work, 覺得太辛苦, 又或你太關心成日"目及"住, 又唔想你當佢係小朋友, 又或想跳出框框 up住好唔開心(但可能她想點自己都唔知)等, 你不用傷心, 青春期嘛, 如果感覺不涉及欺凌或性侵, 朋友又不太差, 都放鬆一下比佢多D空間; 改些新又可以令她有興趣的話題, 例如時尚, 扮靚, 新科技等, 大家交流下. 我也會問仔, 鍾意什麼類形的女仔, 他未必回答怕中伏, 我便帶出, 不要差過媽咪, 你有眼睇的, 要選易相處及你可以lead 得住, 等, 當然跟他說, 大學畢業後才可以拍拖(中學時說), 他會記入腦的(當然要睇他的際遇).

我仔都成日對我地黑面, 所謂的chock 樣掛, 當然跳掣位都低, 我都有在無事無幹的時候問佢, 點解成日唔笑, 佢話無特別開心的事, 就唔會笑, 唔代表我生氣或嬲(唔知真唔真, 起碼有答你

), 我都係問一句起, 兩句止, 現在對住佢都盡量以幽默形式問, 佢好易有防範的, 這個階段對這類性格的人都比較敏感, 他們願意說出來已經很好, 例如, 他的反映"成日屈我", 或者"講左我地無在意", 又或 "我可以改變咩, 我有權咩, 可以做咩等, 慢慢都唔想出聲, 出聲就比你地話等.

高中時確實會多了因為他/她的成長變化的爭議/不滿地帶, 因為他們想試, 想變, 想唔做, 但我們會怕, 會擔心, 經常唔比, 所以佢地有機會以唔出聲, 黑面等來表達; 這段時間真的要睇開D, 鬆緊鬆緊, 真係錯的就要堅持, 盡量唔好跟他們吵, 只需堅定說這樣不對的, 唔好用帶出自己的情緒, 有爭論就大家用道理來傾, 佢無道理要黑面都無辦法, 比佢冷靜下. 之前有次因為一些事跟我仔有不愉快令我很嬲, 第二天我仔走來問我野, 我話未嬲完, 佢話一家人唔會有隔夜仇, 我當時都比佢惹笑了, 笑不是因為這句說話, 而係因為他的心態, 咁都好, 知他的心態也知日後怎樣溝通和利用.

你個女緊張學業已經很好, 你已擔心少了一樣, 放鬆一下再靜觀支持吧; 我的當時又要擔心學業, 又要諗態度問題, 給得空間來又怕未必在DSE 前開到竅發力, 這邊扮若無其事, 哪邊急到要死, 私下要諗定另一個方案....

私人傳訊回覆引用

PTMCYS

子爵府

積分: 13611

113^#

發表於 24-9-24 12:10 |只看該作者

lovelysnake 發表於 24-9-22 23:34
你解釋得好好(emoji) 我女而家小六讀書是是但但冇乜向上的追求，可能國際學校沒有要求。請教中學送小朋友 ...

謝謝. 我有家人的孩子都曾在國際學校讀, 完成高中後才去英國升學.

要睇好多野, 例如你們會否移民, 用什麼途徑去國外升學和升學的學校選擇是否理想等; 我自己覺得, 如果可以, 就係香港讀埋個國際學校的高中, 才去外國升學會好D, 因為初中的變化好大, 如果你唔係成日係身邊幫忙/提示/矯正就唔係太理想, 本地國際高中應該都唔chur; 如果你係個比較傳統的人, 初中去外國讀, 回來真係唔記得好多中文同西化好多, 高中去就會好D, 假若會回港工作, 中文唔係太好都會有些影響, 除非在私人公司做或好高級, 但如果將會舉家移民就無所謂.

而且有孩子在身邊, 梗係放在身邊好, 他們仍然好細, 親子及陪伴成長都係福氣來, 在未發生就想避開衝突而咁快送走佢, 感覺唔係太正面, 並且可能結果會更壞.

私人傳訊回覆引用

christylee020

複式洋房

積分: 185

114^#

發表於 25-2-17 13:24 |只看該作者

日本妹妹發表於 23-12-5 09:01
開始唔肯返學，每個月都有四五次因鬧情緒唔返學。
升班 ..... 唉！今年非常唔樂觀，因最近 test 3科，全部 ...

如果佢唔肯返學，你會唔會幫佢請病假呀？有時覺得咁樣會唔會係縱容

私人傳訊回覆引用

HappyJo888

大宅

積分: 1625

115^#

發表於 25-2-18 00:18 |只看該作者

PTMCYS 發表於 24-9-19 16:24
15, 16歲應該中四了, 我試下分享一些想法; 孩子的成長, 眼見有好多的悅變配搭, 我列出以下(未必可把全部列 ...

多謝你分享。我而家生不如死，好想送走家中男孩去外國讀高中2年，但自知財力唔夠（而家已好貴），佢睇緊精神科要食藥更能解決海外藥物問題，我每日都好難面對佢。黑面，不尊重的說話，偏激的諗法，句句令人心碎。

明明成績好，14/15歲變得全世界都欠佢，最怪責父母。去旅行可以好正常，但一去返現實，打回原形。而家已經停咗學（唔肯返，唯有用因病depression申請長假）,明明話唔返學就會讀書，而家停學第三星期，日夜打機打minecraft，玩電話，forum chat。

我好後悔......
我想請教，父母被侮辱被黑面被鬧，父母應該點回應？我覺得“我地怕咗佢”，點算？

私人傳訊回覆引用

Guessguest

民房

積分: 18

116^#

發表於 25-2-19 18:16 |只看該作者

媽媽加油

私人傳訊回覆引用

Guessguest

民房

積分: 18

117^#

發表於 25-2-19 18:17 |只看該作者

媽媽加油

私人傳訊回覆引用

lingwang852

洋房

積分: 56

118^#

發表於 25-2-20 09:58 |只看該作者

試下軟硬兼施

私人傳訊回覆引用

PTMCYS

子爵府

積分: 13611

119^#

發表於 25-2-22 22:18 |只看該作者

本帖最後由 PTMCYS 於 25-2-23 07:33 編輯

HappyJo888 發表於 25-2-18 00:18
多謝你分享。我而家生不如死，好想送走家中男孩去外國讀高中2年，但自知財力唔夠（而家已好貴），佢睇緊精 ...

首先, 我相信香港有六成以上的父母, 都很用心教導/培養自己的仔女, 也用盡他們可以付出的能力放在孩子上, 特別是肯上來了解及尋求方法的家長, 所以要認同自己合格有餘, 對得住仔女和自己, 先要給自己一個正面的認同

, 對住不成熟及不合作的人, 很不容易的, 我們其實都做得很好, 只不過方法與子女的成長, 性格, 遭遇配合不到, 你們在他/她讀小學時是取得成功的, 已得到證明, 但升上了中學他們改變了, 變化不似預期般......

在我身邊的家人, 朋友, 同事或所認知的人, 他們都有不同的教法, 有人成功有人不成功, 但怎樣所為成功? 先把這個問題收埋, 如果要孩子的學業保持向上, 我自己的理解排位是目標>興趣>催谷死讀, 如果無目標的死讀, 最易在中學時放棄......, 我近排有以下一個例子:

***舊同事做外國長駐的工作, 太太是國內娶來港, 孩子跟我仔仔一樣大, 當時初中已讀聖X羅, 同事說只是拉車邊, 但高中已入精英班(剛入了醫科), 我當時問同事成日不在香港, 點樣可以教到孩子咁叻, 他說沒有點特別教, 但一回香港就帶仔仔食扒, 食貴野, 因仔仔喜歡, 每次食都好貴, 千幾二千蚊, 當然也有沒有說的父子關係的細節啦, 其他就老婆處理(老婆部份我相信跟其他用心的一樣, 所以沒有太關注). 我所領略的重點, 貴養唔係問題, 最緊要激發孩子有目標追, 食貴野第日能自己賺錢繼續食, 但如果孩子得出來的反應只是想食你老本, 這個教導的配搭便不適合了, 可能要扮翻窮.......

所以鼓勵要有, 獎罰要分明, 但如果孩子一直達不到標, 甚至放棄了, 一直罰, 無得玩想玩的, 只會得到反效果. 當然講出來是容易, 我都不是成功, 只是關關難過拖著過, 很不容易, 但不能放棄...., 如果自己不正面, 很難帶動孩子.

談回你的case, 如為了學術而去外國讀書, 是一件好事, 但如果只是把問題暫時掉走, 回來的可能是一個更大的問題, 除非你已有好的安排, 但如果要花費你大部份的積蓄, 這個問題只要暫時掉走, 不如留翻比自己, 始終孩子有他的天命, 我們盡了力, 他不受都無辦法, 只能在他身邊提示著他, 看看哪一天可以入到他的內心溝通, 希望有天他會明白, 如果小學打底好, 即使重讀或第日的夜校, 也較容易追上. 你也可以看看胡慧沖的例子.

睇緊精神科這個, 我就比不到太多的意見, 你們孩子中學才反叛, 我的小三已很反叛, 幸好在拖拉中, 小六都算band 1 尾, 我在選校時選了效譽好的Band 2頭, 令他壓力無咁大, 希望他喜歡學校, 到現在都唔知有沒有選錯, 不過如果讀了band 1, 相信大家壓力更大, 最後可能因成績追不上被踢走, 想讀回現在的band2 頭都入不到(因是band2首選), 要讀band 3, 學習紛圍更不容易了. 不過相信也沒錯, 中一學期尾已100外......, 現在問他, 他說喜歡學校, 只是不喜歡讀書......(都好呀, 雖然阿Q D)...

去旅行可以好正常，---> 停學唔係一個好方法, 不過相信係無得選擇, 能否找一些職業班比他接觸社會和保持生活及學習規律, 一年後重讀; 同時這一年就多D跟他去旅行, 看闊多些視野, 去的唔好全部風景區(除非他有興趣). 我以前都會帶仔去秋葉原, 動漫outlet, 夾下模型機咁, 夾了個"初音"公仔, 第一次已夾中, 都係父子的好回憶, 公仔我地又研究了一餐, 去日本是希望令他有動力第日自己想去, 我地去shopping 和風景區, 有2天佢唔想去, 自己留酒店, 我和太太都無強逼, 最緊要大家開心, 不過當時住錯了日本最猛鬼的酒店, 反而有D 擔心, 不過見佢無咩野, 都無講佢知

; 而打機多都要提, 但有時我會出乎意外, 主動買了遊戲機比他(同他一起打) **其實我係無咩興趣打, 不過要走近他, 唔想開口埋口得個餓字)

又例如他失敗了, 但努力過, 食餐好既先, 之後慢慢計劃, 我會扮take it easy 無野係諗唔通既, 佢都會黑面架, 話覺得我over 左, 當他小朋友.

...., 我做Daddy 就係厚面皮架啦, 有時心傷架, 不過要硬淨及堅持, 有時當聽唔到, 有位就乘機省下佢, 一講到讀書唔夠努力, 佢情緒最易黎, 有時都會堅持同佢講, 你大個了, 要學習成熟, 要分清對而錯, 你依個反應你要明白你不對的(要一句起兩句完), 不過做過暑期工確實成熟左少少.

父母被侮辱被黑面被鬧 --> 我和太太在家都好恩愛, 小吵架係有, 不過好快無事, 佢會學到的, 佢鍾意家庭安樂窩的, 仔知我脾氣都好大, 所以都唔會亂爆, 我才是一家之主, 是我比空間他, 他要合作, 唔係怕咗佢, 係幫緊佢, 唔係佢奴才, 這個要佢清楚. 佢一舨唔like 會黑面, 只要不過份不是大庭廣眾, 咪比小小自由佢, 我同老婆有時都會笑佢, 又黑..., 老實講要講道理爆佢一鑊, 任何地點都可以, 只是比面佢, 照顧佢心靈, 有時我都會同佢講, 唔好真係以為怕佢, 不過有時玩下知佢受到就得, 成日笑又嬲覺得我地蝦佢就唔好; 仔仔有時打機會爆粗, 但對住我地唔會講粗口, 唔會動手(以前小學初中有推撞), 都係因為逼到佢去牆邊, 因為他又係強性格; 初中後大家學習尊重, 學懂比空間他(我以前都好強勢記律式的教法, 小學不禮貌試過星一巴), 其實係唔可以, 好彩有老婆調解. 要比佢知我只係比空間佢, 佢冷靜完都要面對我/問題, 放工回來要say hi, 佢都會黑我面, 但我死纏佢無我乎, 有時會hello, 但他出街會say good bye, 約人前會問我地出唔出得街, 唉, 繼續努力啦.

同埋要佢分擔屋企責任, 讀唔讀書另一件事, 高小初中仔有幫忙涼衫, 高中就要佢午/晚飯後洗碗, 開頭好難, 不過我老婆有時都用"無懶"招, 而且買了個洗碗機令佢覺得容易, 收碗沖水放入洗碗機, 當習慣左, 就把多出來的碗/煲都要佢洗, 之後要倒埋垃圾/抹埋灶頭, 已經成為佢生活一部份

, 試過有次洗碗機壞左, 要佢用手洗, 成日問我地幾時買翻部機

, 有時碗少佢唔開機, 自己洗, 就係想要依個效果; 床單要自己換, 被袋有時幫佢手換, 全部靠佢有時佢唔換, 拖拖拉拉, 又係獨仔, 都明白佢面對的問題跟我地個代不一樣. 都係有空間得來又盡量大家有窩心野, 說話唔好太盡, 唔掂就冷靜下, 下次再傾.

我好後悔......---> 無得後悔, 因為時間重複你都係會生, 我和太太有諗過, 見朋友的揀時間生, 真係好乖, 但我仔係突然提早生, 即使揀時間都夾唔到. 係你的緣份就係你的, 只能盡力做好去, 如果唔係下世都會面對, 但又唔好把壓力放係自己到, 只要把要求降低, 總有辦法解決既, 當解決了, 再一起努力再向上嘗試, 最緊要珍惜一家人, 有問題一起解決.