吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 棒打鴛鴦之後

少年成長今日: 0|主題: 16008

收藏本版

回覆發帖

返回列表

跳至頁

查看: 45968 | 回覆: 8

棒打鴛鴦之後 [複製鏈接]

csir3290

子爵府

積分: 11960

1^#

發表於 24-5-26 11:39 |只看該作者 |倒序瀏覽 |打印

上個禮拜講到細佬嘅同學畀人棒打鴛鴦之後，個同學見咗好耐訓導，到第二日細佬返嚟同我哋講話個同學都仲係好似悶悶不樂咁。原來最後學校扣咗嗰個男同學三分操行分，之於話同佢拍拖嘅女同學當就然冇事啦！連細佬都知道個原因係因為個女同學家長投訴，所以就算拍拖係兩個人嘅事都好，都淨係個男仔畀學校扣咗操行分。

嗰晚本來都冇乜事，食完飯佢兩姊弟就各自返入房做功課，我同老婆就坐喺廳到睇電視。點知突然間細佬喺房衝出嚟同我哋講，話嗰個男同學send咗張相畀佢，令佢好驚，因為張相係個男同學坐咗喺窗邊影落街度嘅相，而且個男同學仲whatsapp啲同學話冇人關心佢。細佬好緊張即刻同我哋講，佢講講下仲講到想喊添，細佬當時唔知點做佢，話啲同學又好似以為個男仔講笑所以冇人理，細佬本來同嗰個男仔傾緊電話點知突然間個男仔就收咗線，之後細佬想打返電話畀就已經冇再聽細佬電話。細佬當時好擔心驚個男仔出事，我哋見到細佬咁，都即刻諗方法睇吓點樣可以幫到手，我老婆嘗試喺家長群組度睇下可唔可以搵到個男仔嘅家長，但係又冇人覆。細佬又冇老師嘅聯絡，幸好最後老婆透過佢嘅朋友網絡搵到呢間學校嘅老師，通知佢哋有咁嘅事。不過細佬都仲係好擔心，咁我同細佬講話不如我去嗰個男同學住嗰度附近睇下有冇事發生啦！因為細佬好驚佢真係會跳落嚟，但細佬淨係知道個男仔住喺邊條邨，所以我就去咗嗰條邨度睇下有冇事發生，本來細佬話要跟住我去，不過我擔心如果萬一真係有事，到時對細佬仲大影響，所以最後我都係自己去。幸好行晒成條邨都唔見有乜嘢事，因為條邨好平靜即係個男仔冇跳到落嚟。番到屋企一開門就見到細佬喺廚房度同工人姨姨傾到眼濕濕，佢一見到我返嚟就即刻行埋嚟攬住我勁喊。我以為有咩事，我仲同佢講話條村邨冇事好平靜，佢個同學應該會冇事。原來佢話個同學終於覆咗佢，佢同學嘅所謂覆咗細佬就係影咗一張佢喺屋企入面嘅相，而且因為細佬喺個群組度叫同學幫手搵呢個男仔，所以個男仔就叫細佬通知啲同學佢冇事，因為嗰段時間好多人搵佢。咁我同細佬講話冇事就好啦！而且我哋仲讚細佬話，好彩佢識得搵家長幫手添！之後我老婆個朋友打返畀我老婆，同佢講話佢已經通知咗細佬學校嘅老師，個老師仲已經同副校講咗，所以應該學校會搵到個學生嘅家長同埋處理後續嘅事宜，叫我哋唔使擔心。而細佬嘅情緒亦都慢慢開始平復。但係到咗嗰晚嘅大概十點幾嘅時候，突然間有個警察打畀細佬，細佬開頭唔知點就畀咗個電話我老婆聽，原來細佬間學校嘅校長最後係報咗警，因為件事係由細佬發現所以警察就要問返細佬啲聯絡電話同地址作紀錄。警察仲同我老婆講話個細路仔已經搵到，但係因為佢提過自殺，咁所以而家入咗醫院接受緊醫生嘅檢查。咁細佬知道之後就更加放心，因為可以肯定個男同學冇事而佢嘅家長都陪住佢。

講番個男仔嘅做法當然好唔應該，我哋唔知道佢真係想自殺定係為咗引起其他人嘅注意，想多啲人關心佢。但係佢嘅做法就一定係錯嘅，而且令到好多人都擔心。另一方面其實我哋亦都要知道呢個年紀嘅細路仔其實佢哋好容易會諗埋一面，如果家長唔多啲同佢哋傾計，唔理解佢哋嘅諗法，都仲係諗住用高壓嘅方式去強迫佢哋按大人嘅指示去做，而唔去聆聽同埋理解佢哋嘅感受嘅話，最終都只會令到仔女同父母嘅距離越嚟越遠。今次呢件事亦都再次令到我想問嘅一個問題就係，其實處理中學生拍拖係咪真係咁簡單交畀學校處理就可以解決曬所有問題呢！我相信嗰個向學校投訴嘅家長根本就冇諗過事情會發展到咁樣，無非都只不過係想用最快嘅方法解決咗佢個女同男仔拍拖嘅問題！但係問題係咪真係已經解決咗呢？

0 0 0

私人傳訊回覆引用

HSSBB

大宅

積分: 1993

2^#

發表於 24-5-26 23:24 |只看該作者

csir3290 發表於 24-5-26 11:39
上個禮拜講到細佬嘅同學畀人棒打鴛鴦之後，個同學見咗好耐訓導，到第二日細佬返嚟同我哋講話個同學都仲係好 ...

估唔到件事發展成咁。其實好多父母自己中學時都拍過拖，我發現大仔中二拍拖都冇覺得緊張(反而有D擔心佢害左人咋)，可能我同丈夫都係中學開始拍拖到結婚，所以又冇反感，主要提醒下佢界線係邊，不過佢都好似已經分左手，所以我覺得做家長都不用反應過大，慢慢了解反而大家有計傾呀！

私人傳訊回覆引用

eeyoreb

男爵府

積分: 7536

3^#

發表於 24-5-27 00:17 |只看該作者

……..攪到咁大件事既………..

私人傳訊回覆引用

CV4P

別墅

積分: 627

4^#

發表於 24-11-3 10:30 |只看該作者

其實個女仔家長搵學校是最不智，小朋友都唔想自己既事公緒於世，如果佢是同街外人拍拖，咁佢同邊個投訴？一個人拍唔到拖既，唔好咩都瀨個男仔，以家啲女仔都好進取，學校亦無厘頭，關操行咩事，要扣就扣晒兩個。如果個男仔有乜事，女方家長+ 學校責無旁貸！

個女方家長其實去搵學校，等同自己催毁左同個女既溝通渠道同關係。

點評

csir3290

發表於 24-11-3 11:49

私人傳訊回覆引用

PTMCYS

子爵府

積分: 13623

5^#

發表於 24-11-3 12:09 |只看該作者

本帖最後由 PTMCYS 於 24-11-4 11:29 編輯

csir3290 發表於 24-5-26 11:39
上個禮拜講到細佬嘅同學畀人棒打鴛鴦之後，個同學見咗好耐訓導，到第二日細佬返嚟同我哋講話個同學都仲係好 ...

學校處理不當, 為何只扣男仔3分, 一係一齊扣, 一係一齊唔扣, 拍拖係你情我願, 把責任全加在男生身上, 完全不負責任, 感情既事唔係只要罰就得, 處理方法太彊化, 只找男生問責, 如果男生死了, 學校要負責任, 應該要報東張搞清楚

如果學校咁嚴, 有沒有在手冊上寫上不許學生拍拖? 有沒有方法提示學生和機制避免男女學生之間除學術以外, 避免有聯係和話題的監察和舉報? 有沒有在每天早會上題示, 公眾地方貼上不許拍拖, 違者扣分? 有沒有避免拍拖監察隊? 懹疑拍拖輔導組呢?? 情是最難處理的事情, 偏偏學校就是是旦旦的把問題推比男生, 推給警察.......

一有家長投訴, 就找男學生祭旗, 左手搬右手的推卸責任給學生, 學校不負責任, 學生是要題示和教, 如果沒有機制, 發生事情就找學生罰, 是教之過.

私人傳訊回覆引用

PTMCYS

子爵府

積分: 13623

6^#

發表於 24-11-3 12:14 |只看該作者

CV4P 發表於 24-11-3 10:30
其實個女仔家長搵學校是最不智，小朋友都唔想自己既事公緒於世，如果佢是同街外人拍拖，咁佢同邊個投訴 ...

如果係個女仔做主動, 最後個男仔死左, 個女仔一世都唔安樂, 相信也會討厭家人和學校的做法.

私人傳訊回覆引用

celiacc

伯爵府

積分: 16255

7^#

發表於 24-11-3 19:28 |只看該作者

回覆樓主:

其實好多時做男仔都幾慘，你情我願都係男既錯

私人傳訊回覆引用

goodsnooky

珍珠宮

積分: 40797

2025勳章 2025勳章蛇年勳章

8^#

發表於 24-11-3 20:45 |只看該作者

乜嘢垃圾學校嚟㗎？現今世代男女學生拍拖有乜唔正常，竟然要扣操行分？我住喺外國，兩個仔中學都有拍拖，其他同學都有，根本青少年拍拖係一件正常嘅事，比着我係個男同學嘅家長，一定會將件事再搞大佢，一係就報東Zhang，如果唔係就去教育局，到時候佢校長就真係大鑊！

私人傳訊回覆引用

PTMCYS

子爵府

積分: 13623

9^#

發表於 24-11-4 09:25 |只看該作者

goodsnooky 發表於 24-11-3 20:45
乜嘢垃圾學校嚟㗎？現今世代男女學生拍拖有乜唔正常，竟然要扣操行分？我住喺外國，兩個仔中學都有拍拖， ...

我有幾個外甥, 都讀香港傳統男校, 女校, 他們學校在高中時, 都有安排男校, 和女校的學生互相交流, 也有舞會等給他們與異性進行社交, 合作; 我外甥女因為咁與男校的學生拍拖......., 咁又點呢; 事發的學校和該批老師都要進步, 唔係只以教學成績, 自己老師唔溝學生和無溝miss 呀sir就覺得做好工作, 其他野家長投訴就左手推右手, 一定係學生錯.

即使是初中, 咪做下輔導囉, 而唔係罰學生, 更不是只罰男生....