之前我喺Carousel 賤賣左一個好舊嘅名牌袋 （1000幾蚊賣左出去）FPS 收左個男買家錢
幾日後，即係今日，夜晚10點幾就有個9字頭嘅電話打嚟
話佢係carousel，有買家喺大陸比左驗袋師驗
話個袋係假嘅，要寄番嚟比我，我比番錢佢，唔係報警
首先我從來冇收過carousel official email 講有依件事
仲要咁夜，又咁似個人電話
仲要話個袋去左大陸？但佢講到報警咁誇張我又怕事
我就話算啦我仲記得個男仔咩樣，約番佢出嚟我比番錢佢（個袋番過大陸又經過咁多對手我諗住收到捐出去算，但至少make sure 真係同一個buyer 先）
點知佢哋喺咁話唔得，只會寄過嚟，因為個賣家喺大陸，我唔同意就報警，到時佢作為carousel 職員帶埋職員證同我交收，再出張正式通知話交收完唔會再有咩法律責住。佢講到又職員證又正式通知咁，我check 左carousel support 又真係6am to 12am，半信半疑
但都係覺得唔係好對路，然後我上個男買家個review 度睇，就見到有個大陸女人喺度話佢賣假野，share 左個對話截圖：
個男買家同佢講個袋係跟我買，貼左佢同我交收個電話號碼出嚟，我個電話號碼比晒全世界睇！！ 但最重要係，佢賣出去嗰個袋唔係我㗎！！完全唔同款唔同色！
個對話講個男賣家收左大陸女人3000幾，而我只係賣左1000幾蚊比個男買家，但個「carousel 職員」話收番我1000幾蚊個女人都唔會報警？？
我再打左3次去嗰個 “Carousel 電話”，同佢講話喂，唔關我事喎。仲要個大陸女人係同個男人買，點解係我賠錢？仲係唔係我個袋我都唔知啦！
雖然依家寫番出嚟都覺得似我比人電話詐騙
但佢地有我電話，會唔會攞個假袋去報警/ 海關然後屈我㗎？
我怕比人屈就算要自己證明自己清白都好煩/難，但冇理由人地賣假野要我去比錢呀？
（雖然問完都覺得應該十成十係詐騙…？）
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
