吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 子宮內膜增生

婦女醫護今日: 0|主題: 34262

收藏本版

回覆發帖

返回列表

跳至頁

查看: 2246 | 回覆: 13

子宮內膜增生 [複製鏈接]

水果茶

複式洋房

積分: 258

1^#

發表於 25-6-14 11:40 |只看該作者 |倒序瀏覽 |打印

一向有睇開政府婦科，近日抽子宮內膜組織，check到子宮內膜增生，屬於典型的，即是在20年內變成癌症的機率少於5%，醫生比左荷爾蒙藥Norethisterone我食，每日兩粒，連續食6個月，之後再抽子宮內膜組織，check吓會唔會控制到佢增生嘅情況。
另外，醫生安排我做宮腔檢查及刮宮檢查，但政府安排我成年之後才檢查，我決定去私家做。

之前因為流量多嘅原因，戴過兩次藥用子宮頸環，但都甩咗出嚟，所以這個療程唯有使用荷爾蒙藥，我本身抗拒食藥，考慮到快要更年期，但現在check到子宮內膜增生，唯有聽醫生話服用荷爾蒙，看看情況。

我會約私家醫生刮宮，政府醫院醫生暫時不建議我切除子宮，但私家醫院醫生話可以選擇，但非必要⋯⋯我正考慮是否切除子宮一了百了。

0 0 0

私人傳訊回覆引用

水果茶

複式洋房

積分: 258

2^#

發表於 25-6-14 11:43 |只看該作者

回覆樓主：

本帖最後由水果茶於 25-6-14 11:44 編輯

現在食左Norethisterone荷爾蒙藥大約兩星期，反而覺得出血情況好唔穩定，時多時少，都唔知佢想點，政府醫生話係會咁，私家醫生就話唔係，應該會止咗血冇血出，但我日日都有，多下少吓，其實好煩，仲有少少頭暈，可能係藥物嘅副作用。

私人傳訊回覆引用

Nbs

水晶宮

積分: 61722

3^#

發表於 25-6-14 23:38 |只看該作者

本帖最後由 Nbs 於 25-6-14 23:39 編輯

水果茶發表於 25-6-14 11:43
現在食左Norethisterone荷爾蒙藥大約兩星期，反而覺得出血情況好唔穩定，時多時少，都唔知佢想點，政府醫生 ...

正常食咗Norethisterone 兩個星期應該係無血喇。。。

私人傳訊回覆引用

水果茶

複式洋房

積分: 258

4^#

發表於 25-6-15 08:17 |只看該作者

Nbs 發表於 25-6-14 23:38
正常食咗Norethisterone 兩個星期應該係無血喇。。。

就係唔係囉，食咗兩星期，突然好似M come 出血多返，不過就唔係血崩，feel到子宮收縮．又有D痛，胸又脹住痛，完全係M come的情況咁。

我之前曾戴兩次藥環，期間都係D血時多時少，月經周期極不規律。

現在食荷爾蒙都係咁，但我覺得血量仲多過戴環。政府醫生話要時間去適應，限戴環差唔多，私家醫生就話應該係冇血，唉！個心都幾煩

不過醫生話我除了肌瘤，仲有一粒1 cm的瘜肉，可能影響我出血，遲下做刮宮檢查時check埋粒瘜肉有冇問題。

私人傳訊回覆引用

水果茶

複式洋房

積分: 258

5^#

發表於 25-6-15 08:21 |只看該作者

其實我想知，食咗荷爾蒙藥之後，係咪都會有周期的經期出現？因為醫生要我每日都食，不會有停服的日子。
上次睇私家又關冇問這個問題，不過我會再睇另一個醫生會再問清楚。

私人傳訊回覆引用

Nbs

水晶宮

積分: 61722

6^#

發表於 25-6-15 08:26 |只看該作者

本帖最後由 Nbs 於 25-6-15 08:27 編輯

水果茶發表於 25-6-15 08:21
其實我想知，食咗荷爾蒙藥之後，係咪都會有周期的經期出現？因為醫生要我每日都食，不會有停服的日子。
上 ...

戴藥環同食藥唔同
食藥食得穩定後就唔會有血，一路唔停藥就一路都會無血。
如果已知有息肉，又有增生，食藥都唔停，我會拿拿臨去做刮宮移除息肉同排除有其他問題
(刮宮比抽組織準確）

私人傳訊回覆引用

水果茶

複式洋房

積分: 258

7^#

發表於 25-6-15 09:06 |只看該作者

Nbs 發表於 25-6-15 08:26
戴藥環同食藥唔同
食藥食得穩定後就唔會有血，一路唔停藥就一路都會無血。
如果已知有息肉，又有增生，食 ...

會的，會安排刮宮，謝謝你！
其實私家有建議我切除子宮，但強調非必要的，除非刮宮check到有問題，其實我都有考慮，但我家人覺得非是非切不可，建議我保留子宮會好D，我還在考慮中

私人傳訊回覆引用

Nbs

水晶宮

積分: 61722

8^#

發表於 25-6-15 09:23 |只看該作者

水果茶發表於 25-6-15 09:06
會的，會安排刮宮，謝謝你！
其實私家有建議我切除子宮，但強調非必要的，除非刮宮check到有問題，其實我 ...

切子宮就後話喇
刮咗宮先

私人傳訊回覆引用

水果茶

複式洋房

積分: 258

9^#

發表於 25-6-15 16:45 |只看該作者

Nbs 發表於 25-6-15 09:23
切子宮就後話喇
刮咗宮先

係！知道

私人傳訊回覆引用

nganfung

大宅

積分: 4943

10^#

發表於 25-6-15 23:40 |只看該作者

回覆水果茶的帖子

我雖然同你情況有少少唔同。但我都想分享下食Norethisterone 的經驗。(比較長)

我2023年11月做完宮腔鏡。

2024年8月M唔停，去睇之前做宫腔鏡既婦科，佢話做完未到1年，不用做咁密，開了3個周期Norethisterone 比我食，第一個周期，食藥期間血流少左，但都唔可以完全止血，食到第15天，直頭好似M咁，之後覆診，醫生直接叫我停藥，比佢黎一次，停7天，再開始第二周期。之後第二周期，又係第15，6日開始流啡，但量唔多，我堅持繼續食。第三周期先正常21日都無出血。

之後月經正常左半年，又唔正常。

今年4月M又唔停，因約唔到做宫腔鏡個婦科。情急下揾左另一位婦科，做了陰超。內膜8mm,開了21日Norethisterone,話食左會止血。結果食頭幾日血係少左甚至有1，2日停左，但由第十日開始就又出血，直到完藥都未停過。咁我當時好驚，立即覆診，醫生建議我做宫腔鏡，佢話正常情況下係會止血，所以建議做宮腔鏡排除病變再決定下一步。

於是我就再約番之前幫我做宫腔鏡既醫生(好彩有位)，佢話第一個周期食左藥都有出血都唔係少見。建議我如果血量不多，繼續完成呢個周期，等D月經正常黎一次，之後再食多2個周期，再覆診超多次陰超。如果再第二，三周期仍有不正常出血或者覆查陰超後，內膜仲厚，先再考慮做宫腔鏡。

現在(今日)我係第二周期第12日了，食第四天就已止血到現在，還在觀察之後日子會唔會有不正常出血。

結論係：雖然食藥期間有出血係會發生，但如果末做過宫腔鏡，我都覺得盡快做，排除病變，安心D。同埋睇多個醫生聽意見。

私人傳訊回覆引用

圓圓碌

洋房

積分: 90

11^#

發表於 25-6-18 01:13 |只看該作者

水果茶發表於 25-6-14 11:40
一向有睇開政府婦科，近日抽子宮內膜組織，check到子宮內膜增生，屬於典型的，即是在20年內變成癌症的機率 ...

我同你情況有啲似，食咗荷爾蒙藥之後仲不停出血，佢就check到我子宮內膜好厚約咗下星期去照鏡同刮宮
好擔心唔知會唔會係cancer屋企仲有老有細要我照顧

私人傳訊回覆引用

水果茶

複式洋房

積分: 258

12^#

發表於 25-6-23 07:01 |只看該作者

謝謝大家的分享！
我見左兩個私家婦科，佢地都建議我切咗子宮，會對我日後生活方便好多，但我唔想在非必要情況下切子宮，除非check到係惡性。
直到如今，我繼續流血，尤其係零晨時分會湧出來，搞到我訓得好差。
醫生叫我試下由兩粒加到三粒，我今晚會開始試，睇下有冇好轉，並會約醫生做刮宮，嘗試再放多次藥環落去（之前試過兩次，但都甩咗出嚟），所以醫生話再甩的機會都大，但戴環的副作用比食藥輕，而且食藥不可以長期食，所以決定比多次機會自己，雖然戴環都要適應，也會滴血，但比食藥易掌握，如果咩方法都解決唔到才考慮切子宮。