少年成長 今日: 1 | 主題: 16132

積分: 28

1^#

發表於 05-1-19 12:05 |只看該作者

我有一個麻煩細佬..請幫幫我

大家好!

其實我自己就未結婚,亦都無小朋友,但係我自己既屋企本身就有一個好大既問題,我自己唔識得解決, 身邊既朋友又無照顧小朋友既經驗,所以都幫唔到我.. 今次偶然之間黎到呢到,發覺呢度有好多有經驗既人仕...我知道大家可以俾d意見我既..

首先我要講下我既屋企先....我廿歲,屋企排第二, 有兩個細佬, 最細果個細佬今年四歲幾,讀緊k2... 我諗你地都估到點解個差別咁大啦.... 呢個四歲既細佬係我後母生既... 我親生媽媽已經過左身... 而問題就係呢一個細佬度...

係屋企, 有一個工人, 所有屋企人要返工要返學..日常照顧細佬既責任就係工人度... 但係令我最唔開心既係細佬既阿媽(即係我後母)...跟本唔會照顧自己個仔,將責任俾曬工人.. 就算佢放工返黎都唔會理下自己個仔,連自己個仔d功課都唔理,睇都唔睇,問都唔問,又唔會同佢玩...鬥淨係自己係度睇電視..我係討論區見到好多媽媽都好著重自己個仔既野,但係我就唔明點解佢唔會...

唔理都算啦... 仲好縱我細佬, 晚上十二點幾都仲俾個仔睇電視.. 個仔話唔食飯就俾佢唔食飯..工人仲緊張過佢.. 唉..

去到呢個地步,我同我大果個細佬,仲有工人,都好落力去教好呢個細佬..(因為佢成日打人,又發脾氣, 有事就搵阿媽做擋箭牌..) ..因為我地唔識, 所以好多時都會打佢...嚇佢, 但係好似已經無用...佢一d都唔聽話啦...

其實呢個細佬係叻架..只不過係無人教..我見到咁,好心痛,好想做d野幫佢, 我地試過同後母講,佢都唔聽,亦都無做d咩... 或著可以話佢覺得自己已經做左好多野..(星期日同細佬出下街,買下野食,錫下佢)

各位姊姊, 希望你地可以幫下我..我可以點做呢? 我真係唔想有一個咁既細佬.. 雖然我自己都要返學,但係有時間我都會同佢玩下lego,買d迷宮遊戲書同佢玩架啦... 我真係好想教返好佢....

多謝你地俾咁多時間睇我咁長既留言... 希望你地可以俾d意見我啦!

thanks so much !!!! :cry:

生活最緊要開心!!

私人傳訊

h.y.mama

積分: 346

2^#

發表於 05-1-19 13:35 |只看該作者

Re: 我有一個麻煩細佬..請幫幫我

我教仔經驗吾多, 但我見到你咁有愛心, 為左同父異母嘅
細佬咁緊張, 相反佢媽媽咁吾負責任, 我都忍吾住比小小愚見
啦, 我覺得你細佬其實係 feel 到自己得吾到媽媽嘅愛護, 雖然佢只有 4yrs 人仔, 但係其實小朋友係知架, 佢知道媽媽
吾關心佢, 成日吾同佢玩, 所以佢做一 d反判嘅行為黎引
人注意, 而你地為左佢吾好愈變愈壞, 就會打佢及嚇佢, 咁只會令佢愈覺得自己得吾到 "愛", 既然打係吾 work, 咁不如
試吓軟功, 遁遁善誘, 當佢打人時, 就要比佢知道佢咁
樣係吾岩嘅, 但切勿打佢或以暴易暴, 試吓大家一齊吾好彩佢一陣, 等佢冷靜反之後就同佢講道理, 問吓佢知吾知咁樣係吾岩嘅, 但當佢下次有改善嘅時候, 就要讚佢同鼓勵佢, 或者賞佢食粒糖等等.

可吾可以同 Daddy 傾吓呀!

開心只是一種態度, 一種睇法, 用不同的心態會有不同的效果, 朋友, 你是每事埋怨還是每事感恩? 快樂與否, 取決於你自己啦!!!

私人傳訊

積分: 28

3^#

發表於 05-1-19 15:01 |只看該作者

Re: 我有一個麻煩細佬..請幫幫我

多謝你呀,我阿爸因為早出晚歸..都好少機會同自己個細仔玩或者係有時間教佢..而且我阿爸身體唔係咁好,所以都唔想煩到佢啦...

我地都有成日讚佢既,.. 好似頭先咁,佢好快做完功課,我就獎佢飲果汁啦.. 不過可能係唔獎罰夠清楚啦.. 呢d野可能真係要一家人一齊做先有用...... 而唔係淨係我同工人....

我仲想補充一樣野呀,呢個細佬好醒架..似住阿爸阿媽都會就佢, 係佢地兩個係度既時候就會大脾氣好多..而如果佢地都唔係度呢,就會無咁易發脾氣架啦...呢d係唔係叫識睇人眉頭眼額呢? 係唔係好多小朋友會咁架? 我地又可以點呢?

THANKS!

生活最緊要開心!!

私人傳訊

積分: 28

4^#

發表於 05-1-19 21:10 |只看該作者

Re: 我有一個麻煩細佬..請幫幫我

我細佬已經唔識得禮貌啦,人地一話佢做得唔岩,佢
就用d好惡既眼神望住人.. 工人要佢講對唔住都唔講啦... 成日打個工人...

頭先食飯, 佢阿媽完全唔理自己個仔食飯食成點, 又唔襯住呢d時間陪下個仔, 一食完就返房睇電視, 就連自己個仔唔食飯周圍走都唔理下, 好似唔關佢事咁...... 愈睇佢既行為就愈唔開心...... 點解可以咁呀.....

佢五歲都黎緊啦, 都係仲用緊spoon, 仲有成日要工人餵...... 係唔係有d過份呀??

我覺得我細佬係無左人"愛""鍚",因為成日都無人理佢,所以攪到佢愈來愈無唔聽話.... 你地話會唔會係咁既呢?

我自己真係好唔開心.... 我覺得我細佬好慘, 連一個小朋友最想要既野都得唔到.... 攪到咁...... 我好"鄧"我細佬唔幸運...

希望你地睇完之後俾少少意見我呀? 我真係唔知同邊個講好.... :-( :-( :-(

生活最緊要開心!!

私人傳訊

h.y.mama

積分: 346

5^#

發表於 05-1-19 23:14 |只看該作者

Re: 我有一個麻煩細佬..請幫幫我

你吾好吾開心啦, 慢慢黎, 你吾可以一下子就要佢變得好好,
畢竟佢都只係一個 5yrs 嘅人仔.
咁點解佢媽媽會咁架,佢係咪有 d咩煩惱?
你細佬而家應該返學, 咁佢係學校係咪咁, 定係好 d?
先生有無投訴?

開心只是一種態度, 一種睇法, 用不同的心態會有不同的效果, 朋友, 你是每事埋怨還是每事感恩? 快樂與否, 取決於你自己啦!!!

私人傳訊

GiGiMum

男爵府

積分: 8786

環保接龍勳章畀面勳章

6^#

發表於 05-1-20 11:42 |只看該作者

Re: 我有一個麻煩細佬..請幫幫我

Hi Melody,

恕我直言其實以你1己之力，未必可改變你細佬，你雖是他姐姐，但不是父母，所謂解鈴還需"係"鈴人，他父母都莫不關心，你的努力..........

不過你是個善良的女仔，連同父異母的細佬都咁錫，你可以每天都看他的功課，同時賞罰分明，帶他去玩等，他會知你鍚他的，希望將他教好啦！

?-( ?-(

私人傳訊

積分: 28

7^#

發表於 05-1-20 13:32 |只看該作者

Re: 我有一個麻煩細佬..請幫幫我

多謝你地支持我呀, 我都知道我一個人做唔到d咩, 但係我都想出d力,希望有改善就最好啦... 但係我自己都無乜時間, 可以做到既都好少..... 唉.....

我都想知點解會有d咁既媽媽, 可能佢本身唔喜歡小朋友, 生我細佬出黎係想係屋企有返d地位掛? 我真係唔明白.....

係學校佢都ok 架.... 因為佢驚老師, 不過係多口d同無乜禮貌囉... 所以我覺得佢本質唔係有問題既...

我會努力架, 我都想有一個好細佬!

生活最緊要開心!!

私人傳訊

h.y.mama

積分: 346

8^#

發表於 05-1-20 23:12 |只看該作者

Re: 我有一個麻煩細佬..請幫幫我

加油呀, 吾好放棄!!!
Fully Support !!!

開心只是一種態度, 一種睇法, 用不同的心態會有不同的效果, 朋友, 你是每事埋怨還是每事感恩? 快樂與否, 取決於你自己啦!!!

私人傳訊

積分: 28

9^#

發表於 05-1-21 09:28 |只看該作者

Re: 我有一個麻煩細佬..請幫幫我

多謝~ 我會俾自己唔好咁易放棄架啦!!

生活最緊要開心!!

私人傳訊

case