吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 如何教才好呢? 請俾意見

少年成長今日: 0|主題: 16132

收藏本版

發帖

返回列表

跳至頁

查看: 2126 | 回覆: 14

如何教才好呢? 請俾意見 [複製鏈接]

Joy

子爵府

積分: 12241

1^#

發表於 05-3-14 12:39 |只看該作者

如何教才好呢? 請俾意見

我個仔現在27個月, 佢一直好有禮貌, 佢好頑皮, 個腦轉數好快, 成日想到新野玩, 又整蟲我地. 佢甚至識自己開電腦, 開芒, 開個game, 開啤牌出來玩, 玩完再enter再完多局, 完全不用人幫. 又會扮好多故事情節, 扮故事中的主角....
(以上想講出, 佢不蠢)
但..... 一個好頭痛的問題, 一面對搶佢玩具玩的小朋友, 佢就唔識handle.
例如: 佢在玩電單車, 一個哥哥過來搶, 推佢落車. 佢就講 "唔好啦, 唔該啦" 用求助的眼神望住我. 我會去講 "哥哥唔可以冇禮貌, 如果哥哥想玩, 要同bb講唔該, 借來玩下. 咁bb才借" 個哥哥就講 "唔該" 於是我個囝就落車俾佢玩講 "哥哥玩二分鐘到bb玩. 玩左一陣, 我個仔又想玩, 但個哥哥就唔讓. 我個仔就係咁跟住個哥哥講 "唔該, 唔該俾bb玩啦" 好可憐咁, 跟左一圈又一圈........ 我看到好心酸, 又心痛. 最後又係由我介入.

我真係唔知點教佢好, 教佢守承諾, 懂禮貌, 但以上情形佢就好似俾人玩咁, 好可憐. 如果我下下介入, 又只會令佢只懂依賴我, 對自己更加沒有自信. 但我唔可以教佢推開個哥哥wor, 唔通教佢打人咩. 而且小時候小事蝕底d, 也沒什麼所謂. 但我又怕事事不與人爭, 會令佢變得懦弱....

我希望佢可以處變不驚, 不畏強暴, 保護弱小, 識時務.....

你地明唔明我講麼? 請教下我點做呀. :-(

我係天天豬, 爸爸媽媽好愛我呀!

私人傳訊

garon

子爵府

積分: 11204

2^#

發表於 05-3-14 22:25 |只看該作者

Re: 如何教才好呢? 請俾意見

我好明白你點唸,你教小朋友方法同我差唔多.正如我仔仔細過果陣.我一直灌輸話比佢知,唔好打交,唔好爭玩具.要禮讓......但有時你守秩序,其他小朋友未必會.咁做大人就一定要出馬.(而且你小朋友只得27個月)但之後我會同仔仔講:佢無禮貌,無守秩序你要教佢,唔好學佢.

我仔仔好聽話好乖,兩歲幾開始唔同人爭,做事守秩序.但一樣會遇到頑皮既小朋友,我一定出手排解.. 就如你話個哥哥唔讓佢,我會有禮貌咁請果個哥哥離開,大人出到口,仲不斷在他身邊e e 哦哦佢,佢會離開.

4歲果年,我地去游水,泳池有個小朋友不斷"蝦"佢,向佢潑水.(我一直在旁邊偷看)我仔仔記住我果套.唔理果頑皮既小朋友.行開

私人傳訊

Joy

子爵府

積分: 12241

3^#

發表於 05-3-15 09:46 |只看該作者

Re: 如何教才好呢? 請俾意見

garon,
多謝你的回應. 你個囝囝會唔會問你"點解果D小朋友可以咁唔乖, 但又冇人鬧佢地呢?" 佢會唔會覺得自己俾人蝦, 而怕左某D小朋友呢? 學你話齋, 有D情況真係唔出手都唔得, 好似泳池果個小朋友, 俾我真係想刀巴星佢呀.

你有冇擔心過, 萬一出現這些情況時, 大人又不在身邊, 你個仔會點樣handle? 我就係好怕, 我個仔不夠獨立, 我不在佢身邊, 佢會俾人蝦, 兼以為是自己唔arm. :-( 因為佢8月就返幼稚園啦, 真係好擔心.

我都好認同你話, 對唔乖的小朋友就唔好理佢, 因為越理佢, 佢就越會玩你. (我細個時我媽都係咁教我, 我覺得好work).
不過同老師講時, 會唔會令到個唔乖的小朋友懷恨在心, 成日陰陰濕濕整蟲個仔呢? 可能我真係想的太多了. 不過覺得老師都唔睇得咁多. 點才可以令個仔堅強d, 自己識保護自己呢?

我係天天豬, 爸爸媽媽好愛我呀!

私人傳訊

ling媽

別墅

積分: 885

4^#

發表於 05-3-15 12:54 |只看該作者

Re: 如何教才好呢? 請俾意見

Joy,
其實你handle得好好，最緊要教小朋友講道理，比人蝦唔好還手，但又唔係唔出聲比人蝦，而係自己handle唔到時要話比佢信任

私人傳訊

garon

子爵府

積分: 11204

5^#

發表於 05-3-15 19:02 |只看該作者

Re: 如何教才好呢? 請俾意見

Joy,

現在唔好擔心咁多以後既事,你小朋友仲細,只要現在開始灌輸正確觀念比佢,佢慢慢會理解.

唔好擔心大人不在身邊, 個仔會點樣handle,你要相信佢既能力,比佢自已解決.我地無可能保護佢一世(但當然要時常留意和教導正面訊識)

你話怕小朋友懷恨在心, 會陰陰濕濕整蟲個仔.但試想你自已小時候一定試過有咁既情況,你會有童年陰影嗎?其實呢D亦只係校園回憶.當長大後只會記得有個頑皮同學,但唔會影響心理.對不?

你覺得老師都唔睇得咁多,o岩 ga,所以大人每日應該關心下小朋友.問下學家情況.我每人都會問佢學校開心及唔開心既事.

Anyway,你仔仔仲細,暫時你要不斷灌輸正確觀念比佢,但未可以放手等佢自已解決.4-5歲時,我覺得應該比佢試下解決問題.做錯就馬上糾正.獨唔獨立堅唔堅強係睇父母既教導方法.小朋友受到過份保護亦不是好事.

呢d只係我個人睇法,你應該參考多d其他媽媽意見,希望你問題得到答案.

努力啊!你仔仔有你這樣媽咪,好幸福ga la.

私人傳訊

IRON

男爵府

積分: 8513

好媽媽勳章

6^#

發表於 05-3-15 21:33 |只看該作者

Re: 如何教才好呢? 請俾意見

自細都係正途教仔仔, 可惜成日俾人恰, 次次都係佢讓人無人讓佢, 有時都有問自己一直以黎教得岩唔岩, 但唔通教佢打返人咩??!! 佢自信心不足, 好多時都用好可憐既眼光望我求助, 我都好心痛; 而家佢返k1, 開頭俾個同學仔打面, 當時佢又唔出聲, 朝早訓醒係度飲泣, 睇到都心酸, 我教佢以後要即時講老師聽; 過年放假前又俾果個打到塊面近眼位一條深痕, 老公打返學校同先生講唔該通知果個父母再有下次我地就會報警, 而家d先生"專人特別"照顧我仔仔, 講真我心底話真係好想去打鑊金佢, 見我仔好蝦真係專簡我仔黎恰, 但都係只能教仔仔醒目d, 人地打佢要即時走開同講先生知, 唉, 老公嘆道真係唔識點教仔!

私人傳訊

Joy

子爵府

積分: 12241

7^#

發表於 05-3-17 16:56 |只看該作者

Re: 如何教才好呢? 請俾意見

ling媽, garon,
你地都講得好有道理. 真係有時都擔心唔到咁多, 最仲要係教曉佢事非黑白, 不卑躬屈膝, 也不趾高氣揚, 漫漫人生路, 我會努力令佢行正確的路啦. 你地講得好好, 也解開我一d心結.

garon講得好好, 其它人唔arm, 係要解釋俾個囝聽, 其它人冇禮貌唔等於我地要學佢, 也要個囝知道我係佢媽媽有責任教佢. 我明啦.

ling媽講得好好, 小時候一d事, 只要有父母老師的時時關心, 也不會放在心上, 反而上長大後一d很有趣的回憶, 令我想起自己小時候. 真係好arm, 沒有挫拆的人生太平淡了. 我要俾佢受傷的機會, 只要佢知道媽咪時刻在佢身邊, 佢不會孤獨就好了. 收到!
:-P

我係天天豬, 爸爸媽媽好愛我呀!

私人傳訊

Joy

子爵府

積分: 12241

8^#

發表於 05-3-17 16:59 |只看該作者

Re: 如何教才好呢? 請俾意見

iron,
真係聽到都好痛呀. 也是我好怕會發生的事. 我諗都會要求見果位同學的家長, 問下佢個仔是不是有暴力傾向. 佢係個個小朋友都打, or 只是蝦你個囝呀? :-(

我係天天豬, 爸爸媽媽好愛我呀!

私人傳訊

YuYung

男爵府

積分: 8633

9^#

發表於 05-3-17 18:04 |只看該作者

Re: 如何教才好呢? 請俾意見

iron,

唔知係唔係我個囝打到你個囝咁, 不過就係新年後嘅事, 有日星期5我去接囝囝放學, 老師同我講, 我囝囝唔知點樣弄到一個同班同學囝眼尾有一條紅色[恨],但又未至於流血, 我一聽真係嚇死, 因為我囝傷左人地個囝, 而且仲嚮眼角位, 我立即問番囝囝係唔係咁, 佢又好似明白, 又好似唔明咁(因為佢地係bb班,未夠3歲), 我同老師都重覆一次問佢, 佢就話以後都唔敢, 仲sorry果位同學, 但果位同學都唔嚮樹, 我就叫佢下個星期一番到學校, 就要同果位同學say sorry, 佢答應左, 星期6,7我都有提佢, 佢都記得, 星期一番學, 到學校門口我又提佢, 佢都話無問題, 放學時我問佢, 佢又好似唔知發生乜事(掛住玩)順口就話同果位同學講左, 我都唔知信唔信佢。

小肥肥一族 我家有個肥爸爸，又有個肥媽媽，一定有個肥囝囝

私人傳訊

pandora

洋房

積分: 31

10^#

發表於 05-3-17 19:51 |只看該作者

Re: 如何教才好呢? 請俾意見

我聽到都戥你激氣！所以成長係有D痛苦，因沒有絕對啱的方法面對所有困難。 :cry:
俾我會同個仔走埋去，教個仔同哥哥講，你唔守信用，我唔借俾你玩，你而家還番俾我！而我就响後面怒'Bear'哥哥。不過又諗番，你个仔有你的愛心，有很好的條件去學好，呢个曳哥哥背后可能又有另一个唔開心的故事。 :-|

私人傳訊

IRON

男爵府

積分: 8513

好媽媽勳章

11^#

發表於 05-3-17 23:16 |只看該作者

Re: 如何教才好呢? 請俾意見

hi Joy,

過左年我同一齊接放學d媽咪傾過, 原來有個女仔又係俾果個同學仔打過, 不過個女仔好叻即刻話俾先生聽, 我仔仔就唔敢出聲, 唉......而家都有先生"專人睇實"果個, 希望無下次啦, 佢真係簡人黎恰架.
有時我真係好矛盾, 我好想佢能夠自己去解決/應付問題, 奈何佢好無膽/內向?? 有次佢縛左佢好心愛既hello kitty氣球係單車踏去公園, 有個bb女起先摸個波, 佢好唔想但又唔敢出聲, 我就同佢講俾妹妹玩一陣啦, 點知一陣後個bb女好大力係咁打個波, 我專登唔出聲想睇下佢會點處理, 佢就細細聲話唔好搞我個波啦, 哎, 有個阿嬸(bb女個婆婆??)大大聲話佢乜你咁孤寒架俾妹妹玩下都唔得......搞到我都傻左眼唔識點反應, 一來個bb女好細二來個阿婆係老人家, 如是者我地兩母子睇住個bb女打左5分鐘個阿嬸先抱佢走, (事後老公話我點解唔即時同阿仔離開, 我話我都未遇過有大人唔教細路) 仔仔果日好傷心咁同個殘晒既波波返屋企, 我都好忟自己唔識處理好似睇住仔仔咁無助都保護唔到佢. ~_~

hi YuYung,

我仔仔讀k1喎, 妳話妳果個未夠3歲, 應該唔係同一間啦. ^_*

私人傳訊

YuYung

男爵府

積分: 8633

12^#

發表於 05-3-17 23:39 |只看該作者

Re: 如何教才好呢? 請俾意見

IRON,

講真比我, 我都唔知點樣處理,
果位婆婆又係太過緊張太[重]個孫女, 咁樣反而會害左個bb女,
我有個問題呀, 你有無問番你個囝, 如果下次又係咁樣, 佢自己係想點樣做? 比d指導引佢講出黎, 講出心理感受, 等佢講多d嘢表達自己, 慢慢佢就會大膽d架 , 家長再從中[姣]正佢, 可能你都可以嚮囝囝身上學到嘢架, 我依家都開始有d咁嘅感覺, 原來不知不覺, 我在阿囝身上都學到d做人處事嘅嘢, 真係好神奇架。

小肥肥一族 我家有個肥爸爸，又有個肥媽媽，一定有個肥囝囝

私人傳訊

seven7

大宅

積分: 3680

13^#

發表於 05-3-18 07:55 |只看該作者

Re: 如何教才好呢? 請俾意見

Joy,

我好欣賞你,你好識教小朋友,教到小朋友好有禮貌!
但係如果你想仔仔獨立d,成長d,就要放手!
我一直以來,都希望仔仔獨立,所以好多事,我都要佢自己處理,
當然,你一定要有指引俾佢,等佢安心去處理啦!

如有哥哥不肯還玩具,你真係要出手,這關係到諾言同信心問題,試問如果你仔仔若借左俾人的玩具拎唔返,佢以後會唔會放心借俾人呢?

有時我仔仔都會問:點解佢地由滑梯度爬上去的?(因為我要bb玩再排隊上樓梯的!)
咁我咪話:佢地唔聽話,唔乖,你唔好覺佢地呀!咁你做唔做乖bb呀?跟住我的仔仔就好乖咁走去排隊!但係...如果有人打尖推我仔仔,我一定出聲,因為保護仔仔係我個責任!

有時仔仔同人爭玩具時唔識得處理時,我就會即場教佢點處理,佢亦會跟住做!
試過有一段時間,佢一唔開心就話要打人...
(應該係返學校學到的),
咁我都好頭痕...成日搞到雙方都唔開心!
終於...有日我靈機一觸...同佢講...如果你下次唔開心,
你唔駛話打人,只要同媽咪講:我好唔開心呀!
咁佢真係照做,我就會攬住佢,安慰佢,咁大家關係好好多!

有時照顧小朋友係要用唔同方法試架啦!
如果擔心小朋友太過依賴,你就放多d手俾佢自己處理啦!
返學係一個好好學習同人相處的地方,
你唔駛擔心佢會俾人蝦,小朋友的紛爭,由他們吧,
老師亦都會睇住的!

我仔仔返左學無耐,都俾個小朋友抓傷塊面,學校打電話同我講(仔仔未放學),咁我問老師,邊個打仔仔,佢地唔肯講...
我個仔雖然得2歲多少少,但係佢都好識講野,所以佢放學時,
我問佢邊個打佢,佢話xxx唔小心打到佢!

我當時好開心,因為仔仔無唔開心,仲原諒個同學仔!後來我知道佢同學仔係唔識講野,同埋另一位女同學都被佢打...

過左未夠一個月,我仔仔直頭碰到隻眼角成隻雞蛋咁腫,呢次就真係嬲!老師話前面個同學行獨木橋時突然向後跌,佢個頭剛剛撞到仔仔隻眼角,就咁腫到好嚴重! :cry: 呢次雖然係意外,但我都我好嚴重咁同老師講,唔該你睇實d小朋友呀,我唔想一次又一次的意外發生!

直到而家,都未有事發生!可能小朋友大左少少,無咁多事故啦! ?-( 所以你仔仔遲d返學,你都要有心理準備佢會同人有碰揰架!

私人傳訊

Joy

子爵府

積分: 12241

14^#

發表於 05-3-18 15:09 |只看該作者

Re: 如何教才好呢? 請俾意見

pandora,
我都同意你講, 有時見到一d小朋友沒人教或被家長用粗口鬧, 真係好替佢地心痛. 佢地原本都係一張白紙來...... 所以好希望自己可以有能力開間幼稚園教小朋友. (不是話自己識教, 只是好想去錫其它的小朋友)

steven,
多謝你咁講呀, 真係好慚愧. 我同各位媽咪比, 只是一個努力學習做人母親的新手來, 以後還請多多指教. 不過我未生bb前是唔喜歡小朋友的, 所有朋友都笑我, 生完之後母性大爆發, 不只鐘意自己個仔, 見到人家的小朋友也會好鐘意. 見人家小朋友有事, 也會心痛到眼濕濕. 又好不期然的代入小朋友的角色去想佢地在想麼野....... (真係上天派個囝來收服我的)

講返你個仔仔, 佢好叻wor. 可以分辦到別人是唔小心整到佢而原諒別人. li 樣野好值得學習, 寬容是好重要的. 好似Yu- yung話齋, 有時我地可以從囝囝身上學到野, 真係冇錯.
不過意外整到果li, 我諗我都會唔多唔小牽怒於老師, 雖然知道小朋友多, 佢地可能已盡力睇住. 但係, 一次意外, 足以造成終生遺憾, 我唔係咁接受意外發生. 仲要係眼角!!!!:evil:
不過已經發生左, 都只係可以教個囝以後小心啦.

Iron,
可能果位小朋友講野未係好叻, 表違唔到自已, 所以打人. 近日同朋友傾, 大家都覺2~3歲講野唔太好的小朋友好易憫, 好易打人來發泄. 其實除了同個囝講話俾miss知之外, 仲有沒其它方法, 令個囝保護到自已, 令個小朋友唔敢蝦佢呢? (因為我都唔識handle, 大家又教下我呀)

不過我都覺果日俾個細路女玩殘你個囝的波波有d不太好. 我諗如果係我, 我會同個仔講 "姐姐唔錫住個波波, 我地唔好借俾佢玩lor" 可能我自私d啦, 一老一細又點wor, 唔教個仔,會令個仔以為自己好弱, 任人魚肉. 唔話個細路女, 咪盞害左佢, 令佢以為可以霸道, 無法無天. 唔講d說話俾個老人家聽, 佢會以為自己arm晒, 以老賣老. 為老不尊, 自取其辱.

(以上是我個人的意見, 如偏激左請包涵)

我係天天豬, 爸爸媽媽好愛我呀!

私人傳訊

IRON

男爵府

積分: 8513

好媽媽勳章

15^#

發表於 05-3-18 19:05 |只看該作者

Re: 如何教才好呢? 請俾意見

hi YuYung ,

事後我都有問仔仔, 佢無乜表示因為已經好慘情個樣; 之後佢無再羅個波出街, 只係每晚都羅返入房一齊訓. ~_~

hi Joy,

個bb女好細架喳(仲未識行, 係地下爬), 個阿婆係新移民, 見佢咁大聲如果嘈起上黎我驚唔夠人勁呀!! 又唔想係仔仔面前罵戰..... 之後仲見佢抱個bb女坐另外一架單車, 即刻有人離遠話佢佢先至即走, 我諗佢地係"地膽"黎架, ohhhhhh

私人傳訊