網購天地今日: 0|主題: 70779

收藏本版

發帖

返回列表

跳至頁

查看: 1908 | 回覆: 8

[淘寶] how to use 集運 ? i am new learner [複製鏈接]

fa140

洋房

積分: 59

1^#

發表於 10-3-4 22:07 |只看該作者 |倒序瀏覽 |打印

how to use 集運 ? need to contract them first or just go to buy product first ! have any post teach me ?

0 0 0

私人傳訊

Obe2009

侯爵府

積分: 20975

2^#

發表於 10-3-4 23:08 |只看該作者

淘寶買野運番香港, 除左大件貨用物流計體積收費外都係寄快遞,只有少數係遂件計, 第一件幾錢, 之後每件幾錢, 多數係計重量, 首重/續重每公斤幾多錢, 直發香港起碼二十幾到三十幾蚊, 買一件貨都要收1公斤錢, 有d重唔肯發香港tim. 所以你要問賣家快遞首重/續重幾錢一公斤同埋你想買/或者買左嘅野總共有幾重.

好多舖都會有買二件/三件或者滿幾錢包郵, 係指國內嘅快遞錢, 或者有d寫賣家負責運費, 都係指國內. 我試過咋唔知照問係咪買二件/三件或者滿幾錢包郵, 香港都包, 有賣家肯, 不過多數都話只限國內. 你如果選擇直發香港都可以試下叫佢扣番國內郵費, 有d賣家都會應承, 但有d就唔肯.

以前我都好傻, 諗住同一間店揀多幾件除起條數平均快遞錢抵d, 結果買多左無謂野, 或者第一次幫趁間店貨不對辦就損失多左.
所以依家我地就算一間買一樣都會, 全部先送晒去何生度,, 何生間店響廣州, 佢收集晒買左嘅野之後再幫我地包埋一齊發去香港.

最好搵到國內免郵嘅, 就算要俾國內快遞錢都係幾蚊一公斤, 之後至寄香港可以慳番好多快遞錢.
你買唔同店嘅野就分開拍同俾錢, 同店主講要先發廣州再轉香港.
收貨人唔係寫自己資料, 要寫何长武转
XXX (你旺旺名), 電話 - 13416220680, 收貨地址 - 广东省广州市白云区新市萧岗花园中街21号档口, 郵編 - 510410.

何生網址係:

http://item.taobao.com/auction/item_detail.jhtml?item_id=86ac46b27c4577e085c4f5e8cfe51d0e&x_id=0db2

你先揀好晒要買嘅野拍好寄去何生度, 響網上check完d貨邊間快遞同咩運單號, 自己一路網上追蹤住你發左果幾件貨,差不多到齊何生度就旺旺佢咁多件貨嘅資料, 等佢留意幫你收貨, 佢收齊之後會磅下幾件貨總共幾重, 然後好似買野咁拍條link,得何生改完價就可以確認付款,何生即晚就會發貨.

除非你買好多野,到廣州又唔同時間,要等好耐至收齊, 經廣州同你直接發香港都係差一日咁上下, 何生半夜發貨, 多數第日就送到喇.
但如果你只係買一間幾十蚊, 你要計下兩邊快遞加埋有無著數.再決定是否直發香港.
近來有人話何生成日唔覆佢地, 可能生意太多, 但我就一直無問題.

之前佢用開彪記, 15/5蚊首/續重, 無分住宅定公司, 不論遠近. 最近好似好多人成日打去鬧彪記, 攪到彪記依家唔再送住宅, 何生搵左第間送住宅, 好似有d地方要加錢. 你最好俾地址佢問清楚收費同用邊間先.

我知最近有人開始用另外一兩間集運, 詳情如何我唔清楚, 不過我諗應該差不多啩. 我自己就打算繼續會用何生, 因為一路用開佢, 成日咁多錢嘅貨寄去佢度再轉香港, 佢好老實又勤力, 比較穩陣,
你第一次發貨去佢度之前最好旺旺佢溝通左先, 佢試過太多單積壓就唔接新客.
有野唔明你可以再問