吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 進退兩難, 應該點做好?

論盡家傭今日: 0|主題: 134103

收藏本版

發帖

返回列表

跳至頁

查看: 1423 | 回覆: 18

進退兩難, 應該點做好? [複製鏈接]

Woojojo

男爵府

積分: 6471

好媽媽勳章

1^#

發表於 11-3-7 11:19 |只看該作者 |倒序瀏覽 |打印

印印第一次出國, 幾乖幾聽話, 本來預計佢早d到香港我可以train佢2-3星期先番工就應該冇乜問題, 但最後佢喺我番工前1日先到, 實在冇時間教佢. 嚟到言語溝通唔到, 又唔識湊香港bb, 所以一接佢番屋企已諗定要換人, 仲call咗2間agent添. 當時agent手上冇乜有經驗又肯湊初生bb嘅姐姐, 於是最後決定俾夠1個月時間姐姐, 睇吓佢可唔可以快上手. 因為要train姐姐, c6被迫要停工留喺屋企教佢, 成本真係超高!(因冇老人家可幫手, 我份工又唔係話走就走, 仲要走咗一定搵唔番, 否則晨早就由我自己湊b仲好!)

2星期有多了, 總結姐姐嘅優/缺點, 希望大家幫吓眼, 究竟我應該著手換姐姐, 定係仲有得救:

優點:
1) 聽話, 膽少, 唔偷懶
2) 鍾意bb, bb喊佢唔會旨意已經有人看住bb而唔理, 佢會第一時間洗手, 放低手頭工作去睇bb
3) 家務自動自覺做, 尚算整齊潔淨
4) 夜晚唔叫佢瞓佢唔會要求瞓覺, 會一路等候吩咐

缺點:
1) 記性時得時唔得, 日日做嘅嘢有時都會突然唔記得, 甚至做錯.
例1: 幫我搽牛油+花生醬+練奶做三文治已有約十日, 今日拎住盒牛油同支練奶問番我點整早餐! 叫佢加埋"花生醬", 佢好似聽唔明係乜嘢嚟!
例2: 一日幫bb開5次奶, 前日第一餐奶俾我發現少咗半安, 問番佢佢就話用正常份量嘅水同奶粉. 再問多兩問, 原來佢落咗一匙奶粉先醒起未落水, 所以跟手又落水再落埋其餘奶粉...
例3: 之前都識落洗衣網洗內衣, 今朝佢就咁將所有衫褲放晒入洗衣機! 問佢記唔記得內衣要放入洗衣網先? 佢個樣一頭霧水, 好似唔明問乜咁.

2) 有次屋企冇人, 俾我喺cam見到佢用手捽眼, 跟手就抺落high chair條布邊, 仲要係連續幾下! 又見到佢一路用手拍住high chair 上嘅bb 一路開電視睇, 不過睇咗一陣就熄機.

3) 就算日間唔洗佢做家務, 都未可以獨自照顧bb - 未學識掃風, 見bb俾痰啃親只識驚唔識反應, 每次bb喊都係氹佢瞓or睇電視(未識分肚餓/眼瞓/唔舒服嘅喊聲)

第一次請工人, 請各位俾吓意見, 究竟咁情況換唔換人好? 如再train大約要train多幾耐度先得? 始終c6都要搵食, 唔可能無止境咁train佢架嘛

0 0 0

私人傳訊

ferferfer

男爵府

積分: 8777

2^#

發表於 11-3-7 11:26 |只看該作者

我覺得佢都幾OK，起碼本性都係乖同有愛心，佢犯既錯誤應該提醒下同埋俾D耐性佢改就OK......

因為我個人認為，本性好的工人是比較難得，佢做野妥當但份人古惑又偷懶你仲驚啦！(當然2樣俱備更好，但發夢先有)

私人傳訊

PIG1031

大宅

積分: 3333

3^#

發表於 11-3-7 11:38 |只看該作者

呢个姐姐都几好呀，最大问题是记性差D，可能初到香港做野未习惯或上手，你可以用纸记低姐姐平时容易忘记的事项（找人翻译成印尼文），贴系屋企（如开奶，洗衣机等地方），0甘样姐姐一做就会睇到你的notes，既容易减少出错机会，又增加记忆。你尝试下用呢个方法喇。

我最欣赏你姐姐有爱心，乖又肯做，呢D工人好难找喇，有些姐姐见到BB喊（尤其夜晚），会诈唔知，闪得就闪。

新工人始终要时间train同埋唔好心急，否则欲速则不达呀。

私人傳訊

puiying81

複式洋房

積分: 334

4^#

發表於 11-3-7 11:41 |只看該作者

我屋企嗰個同你個情況一樣, 結果佢係我屋企做咗8個月有多, 依家決定炒佢...

我都係第一次請工人, 唔知我既想法岩唔岩, 但係我覺得, 機會係要比人, 但唔洗好似我咁, 比8個月機會佢囉... 你要比佢知道佢依家既問題, 我覺得可以直接話比佢知你唔滿意佢既表現~ 但唔洗比佢知你有機會炒佢~! 始終得佢一個對住bb嘛~!

同埋我一開始就比佢weekend放假, 我覺得我錯咗係度, 因為我知姐姐本身性格係唔差, 但係我覺係佢識咗朋友, 有時有啲朋友教壞佢~! 我比佢做咗8個月, 就係我一直都覺得佢性格ok, 我知佢點都對bb係好; 無奈表現一直無改善, 同埋有時啲態度比人教壞咗~! 所以就決定炒佢換人囉~!

私人傳訊

綾香公主

別墅

積分: 525

5^#

發表於 11-3-7 11:45 |只看該作者

再俾啲時間train吓佢啦. 如果你換過一個工人的話, 咪又係要時間train. 我諗無乜記性係印印的天性, 佢唔係特登去忘記, 佢地真係唔記得. 所以你真係寫定啲notes貼好增加佢的記憶. 應該有幫助.

私人傳訊

puiying81

複式洋房

積分: 334

6^#

發表於 11-3-7 11:46 |只看該作者

我都贊成要比機會工人學，你set個時間囉~! 同埋時間表同情序都好緊要~ 我當初都有坐係度到工人傾, 又同佢set個時間表, 教哂啲step咁... 不過我嗰個一直無咩改善囉~! 初初自己仲係屋企, 放緊產假都仲ok, 因為有咩自己知, 同可以即刻話佢知, 叫佢做番~ 但係返咗工, 無人提到佢, 放工返黎見到或者知道就會真係激死囉~! =.=

私人傳訊

milky_red

水晶宮

積分: 51674

畀面勳章 BK Milk勳章

7^#

發表於 11-3-7 11:50 |只看該作者

原帖由 綾香公主 於 11-3-7 11:45 發表
再俾啲時間train吓佢啦. 如果你換過一個工人的話, 咪又係要時間train. 我諗無乜記性係印印的天性, 佢唔係特登去忘記, 佢地真係唔記得. 所以你真係寫定啲notes貼好增加佢的記憶. 應該有幫助. ...

我都覺得無記性係佢哋天生0架.....

私人傳訊

夢B

男爵府

積分: 9852

8^#

發表於 11-3-7 11:55 |只看該作者

你個工人都唔差喎!
但係如果唔識照顧bb真係好麻煩,有人睇住就話姐,冇人個時bb有咩事佢都唔知發生咩事/點做,咁唔得呀,bb唔識表達,我唔搏呀,你真係冇老人家幫手呀?
如果請佢係主力湊bb我唔用佢嘞!

私人傳訊

Woojojo

男爵府

積分: 6471

好媽媽勳章

9^#

發表於 11-3-7 11:58 |只看該作者

佢本質唔差, 只係溝通好困難. 有時想教都好難教得佢明, 所以一旦教識咗嘅嘢又唔記得時, 真係令人好沮喪! 暫時未敢俾佢自己一個單獨照顧bb, 下下要搵人睇住都幾煩. 同埋好多嘢我哋兩公婆都自己做番, 例如沖涼同掃風咁, 就係想姐姐逐樣逐樣學好佢.

原帖由 ferferfer 於 11-3-7 11:26 發表
我覺得佢都幾OK，起碼本性都係乖同有愛心，佢犯既錯誤應該提醒下同埋俾D耐性佢改就OK......

因為我個人認為，本性好的工人是比較難得，佢做野妥當但份人古惑又偷懶你仲驚啦！(當然2樣俱備更好，但發夢先有) ...

私人傳訊

Woojojo

男爵府

積分: 6471

好媽媽勳章

10^#

發表於 11-3-7 12:08 |只看該作者

我會試吓貼note呢個方法, 希望幫到姐姐. 之前我都搵人translate咗個timetable同開奶換片洗衫之類嘅程序俾姐姐, 不過可能一下子太多佢記唔晒啦.

最大問題係溝通困難, 有次bb夜晚大喊, 之後姐姐抱到佢瞓著咗. 我同老公問姐姐幾次叫佢俾bb我哋, 叫佢去瞓覺, 但姐姐好似唔想轉手咁笑笑口又輕輕搖吓bb. 第二日我要番工, 咁我就同姐姐講我去瞓先, 叫佢有咩事入房搵我. 誰不知被都未蓋好, 姐姐就抱住bb走入嚟, 一味話"電視,電視", 我以為佢想較細聲d, 點知講得兩講先知道, 原來佢想熄電視. 到我再入房, 佢又追入嚟話"我瞓覺", 我先知佢原來想瞓覺!

原帖由 PIG1031 於 11-3-7 11:38 發表
呢个姐姐都几好呀，最大问题是记性差D，可能初到香港做野未习惯或上手，你可以用纸记低姐姐平时容易忘记的事项（找人翻译成印尼文），贴系屋企（如开奶，洗衣机等地方），0甘样姐姐一做就会睇到你的notes，既容易减少出错机会，又增加记忆。 ...

私人傳訊

Woojojo

男爵府

積分: 6471

好媽媽勳章

11^#

發表於 11-3-7 12:17 |只看該作者

可能我姐姐唔放假, 又冇乜機會落街(餸我都係自己放工買埋), 所以冇機會學壞. 但同時, 因為冇得出街, 佢對香港嘅日常生活&用品之類認識好少.

我都諗緊agent嘅提議, 叫我帶姐姐上去, 佢哋幫我translate番d要求俾佢知, 等佢知道邊方面要做番好d. 之前我驚姐姐膽小, 咁做會嚇親佢, 不過再長此下去溝通唔嚟都唔係辦法...

有時都唔知姐姐真係唔明定扮蠢, 因為有d嘢佢一講就知.如果我俾1個月時間姐姐, 你估夠佢上手未呢?

原帖由 puiying81 於 11-3-7 11:41 發表
我屋企嗰個同你個情況一樣, 結果佢係我屋企做咗8個月有多, 依家決定炒佢...

我都係第一次請工人, 唔知我既想法岩唔岩, 但係我覺得, 機會係要比人, 但唔洗好似我咁, 比8個月機會佢囉... 你要比佢知道佢依家既問題, ...

私人傳訊

Woojojo

男爵府

積分: 6471

好媽媽勳章

12^#

發表於 11-3-7 12:21 |只看該作者

c6總要盡快番工, 所以如果呢個姐姐係有得train我哋都想盡快train好佢, 否則我哋就要盡快搵過個有香港湊bb經驗嘅, 咁就有個期俾自己, 唔再浪費時間喺依家個印姐姐身上.

原帖由 綾香公主 於 11-3-7 11:45 發表
再俾啲時間train吓佢啦. 如果你換過一個工人的話, 咪又係要時間train. 我諗無乜記性係印印的天性, 佢唔係特登去忘記, 佢地真係唔記得. 所以你真係寫定啲notes貼好增加佢的記憶. 應該有幫助. ...

私人傳訊

Woojojo

男爵府

積分: 6471

好媽媽勳章

13^#

發表於 11-3-7 12:27 |只看該作者

我都一早set晒時間表同程序俾姐姐, 不過唔好彩佢嚟到之後果個星期我同c6要番工, 就交由姑9幫手train, 所以佢可能見有2套做法有d混亂都唔定.

我就係驚依家2個星期都有人睇住就尚算ok, 萬一我哋番晒工得佢一個, 都唔知佢係咪仲係咁勤力同乾淨(上次c6出去一陣佢已經捽眼抺落high chair喇). 講真, 我依家都未敢信個工人架.

原帖由 puiying81 於 11-3-7 11:46 發表
我都贊成要比機會工人學，你set個時間囉~! 同埋時間表同情序都好緊要~ 我當初都有坐係度到工人傾, 又同佢set個時間表, 教哂啲step咁... 不過我嗰個一直無咩改善囉~! 初初自己仲係屋企, 放緊產假都仲ok, 因為有咩自己知 ...

私人傳訊

Woojojo

男爵府

積分: 6471

好媽媽勳章

14^#

發表於 11-3-7 12:33 |只看該作者

正正最擔心就係有起咩事上嚟, 佢連講都講唔番出嚟! 加上佢又細膽, 問得兩問佢仲騰雞!

一般未嚟過香港嘅印印, 要幾耐先可以溝通到呢? 我依家夜晚都俾佢同我哋一齊睇電視, 就係想佢快d學好廣東話, 否則我交唔低個bb都唔知要佢嚟做乜?!

原帖由夢B 於 11-3-7 11:55 發表
你個工人都唔差喎!
但係如果唔識照顧bb真係好麻煩,有人睇住就話姐,冇人個時bb有咩事佢都唔知發生咩事/點做,咁唔得呀,bb唔識表達,我唔搏呀,你真係冇老人家幫手呀?
如果請佢係主力湊bb我唔用佢嘞! ...

私人傳訊

sophielau

禁止訪問

積分: 3915

15^#

發表於 11-3-7 14:34 |只看該作者

提示: 作者被禁止或刪除內容自動屏蔽

私人傳訊

puiying81

複式洋房

積分: 334

16^#

發表於 11-3-7 15:31 |只看該作者

我自己覺得人性啲諗, 佢地始終係離鄉別井, 第一次黎hk, 就算我地返新工, probation都3個月喇, 都要識應一下新環境... 你就同佢做一次appriasl, 講哂佢有咩問題, 你係唔接受既.... 咁當然要好似大家咁講, 真係寫哂啲野提佢喇~ 不過我做法有少少唔同,... 我係同佢講, 叫佢自己寫, 佢寫完再講一次比我聽, 咁我先make sure佢真係明~ 因為我覺得其實佢地有時真係唔明我地講咩又扮明, 就算我地寫比佢, 佢都未必睇得明~ 所以我平時同姐姐講, 我要佢寫, 佢寫咩文我都唔理佢, 總之佢睇住係講得番我講既野出黎~!
不過千萬唔好心軟, 我之前成日諗, 錯一次, 講完又比機會, 錯第二次, 我講完又比機會, 依家足足8個幾月喇, 其實完全無改善, 結果大家都一樣唔開心... 依家諗住炒佢喇, 雖然佢未知道(等緊新工人confirm); 但係又會諗bb習慣咗比佢湊~ 到時仲唔知點.... 因為bb依家都開始跟人喇~! 不過如果要個自己都唔放心得落既人去湊自己個阿b, 真係唔知比錢請個人黎做乜架~ 倒番轉頭諗, 如果我返份新工, 老細覺得我唔ok, 都係3個月probation架喇.... 老細炒人都一樣無情講.... 所以, 同佢傾完講好一套就跟住做, 睇佢表現如何.... 唔好就唔好拖喇... 因為只會煩到自己架~!! 呢啲係我自己既感受囉....

私人傳訊

sisteryu

大宅

積分: 3543

17^#

發表於 11-3-7 19:56 |只看該作者

依家Train佢時，放手比佢做

:-D :-?

私人傳訊

Woojojo

男爵府

積分: 6471

好媽媽勳章

18^#

發表於 11-3-7 21:49 |只看該作者

"如果要個自己都唔放心得落既人去湊自己個阿b, 真係唔知比錢請個人黎做乜架~" - Bingo 全中! 所以我會俾個deadline佢要做得到我要嘅工作, 就係獨力都可以湊好bb, 其他家務煮食其實我唔care, 因為我哋兩公婆之前都係自己做架啦, 間屋又唔係大, 人又唔係多, 有幾難吖!

呢個probation deadline如果係3個月我覺得有d長, 心目中佢1-1.5個月應該上到手啦, 又唔洗佢同bb沖涼, 佢又話湊過7個月大印b.

原帖由 puiying81 於 11-3-7 15:31 發表
我自己覺得人性啲諗, 佢地始終係離鄉別井, 第一次黎hk, 就算我地返新工, probation都3個月喇, 都要識應一下新環境... 你就同佢做一次appriasl, 講哂佢有咩問題, 你係唔接受既.... 咁當然要好似大家咁講, 真係寫哂啲 ...