本帖最後由 DoReMi媽媽 於 11-4-15 10:15 編輯
呵~乜個主題又變咗”假如工人做得好呀?” 風~轉得真快哦! 樓主喺開topic時不是已註明工人古惑的嗎? 大家俾o既意見唔係針對古惑工人的嗎? 係我理解錯咗樓主意思定係有人趕住要揚善, 企定係仁義之巔, 睥睨一眾被喻為苛刻o既僱主?
講好工人o麻, 我都有小小分享, 我舊菲姐做得唔錯, 對佢, 莫講話有信寄去我屋企, 試過佢菲家人打嚟我屋企揾佢, 我一句都冇話過佢, 佢同我續第2個約時, 已主動加佢人工, 唔多, 只係每個月$200, 生日, 聖誕, 一定要費心思買禮物俾佢, 唔係咩貴嘢, 都係$300-500 o既禮物, 有次仲抽起條筋送咗隻足金指環俾佢, 每逢放假出去前一定買個麥當當早晨全餐佢食埋先出去, 試過佢早上話佢阿媽死咗, 我下午俾佢出去買機票, 第2朝佢就返菲, 我仲做埋帛金俾佢(結果佢放完假返嚟之後, 話俾我聽佢阿媽未死, 不過佢平時做嘢交帶, 哩啲事我唔同佢計較, 亦冇擺喺心上), 到佢做咗3個約話想退休, 大家應該知道佢自己唔續約係冇得攞長服, 佢為咗攞長服, 曾經使詐, 不詳表了, 但我照俾晒成份長服佢, 另再送條swarovski手鍊俾佢, 當係答謝佢幫咗我6年的心意. 佢返咗去1年之後, 話想再返嚟做, 我當然歡迎, 仲揾emry’s同佢搞, 由我俾晒全費, 唔駛佢再俾7個月佣重新做過, 可惜佢肺片花咗, 過唔到體檢, 對重新請返佢, 我同C6有共識, 佢年紀開始大, 真係做唔掂時我預咗請個後生外傭幫佢手, 由佢管, 可惜佢最終返唔到嚟.
哩啲事我唔會成日講, 因我知道, 講好僱主, 有排都未輪到我, 之前哩度有會員更講會俾20萬港紙菲姐返去退休, 哩樣我就冇本事嘞, 所以我唔會自命係咩好僱主囉.
所以, 當有人話自己係好僱主時, 我都不以為然, 講好? 更好都有!
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
