母乳餵哺 今日: 0 | 主題: 85707

積分: 6031

1^#

發表於 12-8-16 13:50 |只看該作者 |倒序瀏覽 |打印

第四日人仔，堅持母乳，咁耐以黎只補過一餐奶粉，但佢體重越來越輕，比出世時輕左9%，仲有少少黃，今日姑娘一講，我即刻喊，b仔啜得好落力，見到佢咁，好心痛。其實我夠奶，但佢成日啜啜下就瞓，開始嘴仔好大，金魚咁，但慢慢又啜乳頭，佢想瞓，攪極唔肯張大口，今日應該要補奶粉，very frustrated!

0 0 0

私人傳訊回覆引用

chitingma

積分: 4388

2^#

發表於 12-8-16 14:04 |只看該作者

試吓泵落奶樽, 奶咀易飲D,吸得比埋身多. 乳頭啜得耐好快攰,又易訓著覺.

私人傳訊回覆引用

Rubybear490

禁止訪問

積分: 1348

3^#

發表於 12-8-16 14:05 |只看該作者

提示: 作者被禁止或刪除內容自動屏蔽

私人傳訊回覆引用

Beauthappybaby

積分: 2116

4^#

發表於 12-8-16 15:19 |只看該作者

回覆：好擔心

我開始時同你差唔多，唔好灰心，慢慢會好

私人傳訊回覆引用

積分: 6031

5^#

發表於 12-8-16 15:52 |只看該作者

引用：頭幾日BB收水,+同埋消化緊儲存係身體的營養

原帖由 Rubybear490 於 12-08-16 發表
頭幾日BB收水, 同埋消化緊儲存係身體的營養, 輕少少係正常架, BB黃更加要餵人奶, 令BB吸收營養快啲同好啲. ...

但姑娘講到情況無好轉就要入院，令我覺得好內疚，好似攪到自己個仔要捱餓咁。

私人傳訊回覆引用

Joelung

積分: 1457

6^#

發表於 12-8-16 16:15 |只看該作者

既然夠奶就唔好補奶粉啦
試吓bump出黎餵，可能埋身要用力啜，bb易攰
我嗰時就好殘忍用濕毛巾整醒bb，
總之每邊都要啜夠15分鐘先比佢瞓
我個仔兩個幾月先退曬黃, 只要便便係金黃色就唔洗擔心
個個bb都會收水㗎，所以媽媽要努力密密餵多啲

私人傳訊回覆引用

mrschoy

積分: 4166

7^#

發表於 12-8-16 16:22 |只看該作者

BB埋身會攰D,
不過佢越來越大個, 會啜得叻D, 食得多D,
唔駛擔心呢!

若果暫時小B懶惰,
要努力搞醒佢, 洗臉仔, 換片, 乜都要搞醒佢呀~

媽媽俾心機, 自己要好好保重

~~ 祂不應許天常蔚藍, 但應許祂的慈愛常在！~~
~~ 願我們常存感恩的心去讚美上主！~~

私人傳訊回覆引用

MrsWongJr

積分: 1815

8^#

發表於 12-8-16 17:09 |只看該作者

引用：試吓泵落奶樽,+奶咀易飲D,吸得比埋身多.+乳

原帖由 chitingma 於 12-08-16 發表
試吓泵落奶樽, 奶咀易飲D,吸得比埋身多. 乳頭啜得耐好快攰,又易訓著覺.

四日人仔唔好用奶樽，會乳頭混淆，用匙或者用杯餵啦，健康院姑娘可以教你。

夠奶就唔好補粉，黃既BB會眼訓D，整醒佢同餵密D，三小時一次。

私人傳訊回覆引用

積分: 6031

9^#

發表於 12-8-16 17:55 |只看該作者

引用：Quote:原帖由+chitingma+於+12-08-16+發表

原帖由 MrsWongJr 於 12-08-16 發表
四日人仔唔好用奶樽，會乳頭混淆，用匙或者用杯餵啦，健康院姑娘可以教你。

夠奶就唔好補粉，黃既BB會眼訓 ...

姑娘都話未有咁快 pump 到，宜家要用匙餵。其實都唔知咩叫夠奶，我見醫院國際母乳顧問，佢見我一按乳房，便立即有汁液出，話 ok 足夠，我覺得阿 b 好落力啜，我努力依足指引，但成效都好似麻麻地，今日好多個鐘冇便便。

私人傳訊回覆引用

積分: 6031

10^#

發表於 12-8-16 18:02 |只看該作者

回覆：好擔心

我見到阿 b 又輕又乾又黃，覺得非常內疚，陪月又建議我補奶粉，我一餵完人奶，佢即刻俾奶粉，阿 b 都食到 40 ml。但補完，我一樣內疚，怪自己堅持唔到。總之無論人奶 or 奶粉，我都好內疚，望住瞓左覺嘅阿 b 一直喊！整個過程真係好 frustrated。

私人傳訊回覆引用

積分: 6031

11^#

發表於 12-8-16 18:06 |只看該作者

引用：BB埋身會攰D,不過佢越來越大個,+會啜得叻D,

原帖由 mrschoy 於 12-08-16 發表
BB埋身會攰D,
不過佢越來越大個, 會啜得叻D, 食得多D,
唔駛擔心呢!

我攪醒阿 b，擘大佢嘴仔，不斷含吐含吐，含到我覺得佢咀仔包哂成個乳暈為止，期間佢係咁喊，我見到好心痛，好似我係咁迫佢咁，佢已經好落力，好辛苦，我忍唔住同阿 b 一齊喊。

私人傳訊回覆引用

mamacolly

積分: 3686

12^#

發表於 12-8-16 19:11 |只看該作者

回覆：好擔心

放心啦，媽媽同BB都需要磨合期去成功喂\食奶噶…我都試過阿B食唔好，生完住院個兩日得胎便，一次尿尿都無，結果出院前補左次奶粉

出院後又食得麻麻，第一次去健康院當日就即刻轉返醫院話黃疸高可能要入院…個刻我見BB係病房好攰咁訓係度就超心痛，一直喊（喊到成個口罩都係鼻涕）

，覺得佢好慘要孤零零係醫院~幸好最後都唔洗照燈翻屋企，每朝去複查…個幾日我真係喂得最辛苦，損左都忍痛，會陰傷口勁痛（因為阿B係吸出嚟傷口好大）…不過對比BB住院呢D都係小兒科啦，密密喂唔敢訓！終於3日後BB成功降指標唔洗再返醫院（同我同期有黃疸複查嘅BB都未出得院）…好感動~你一定都會度過呢段時期噶，加油！

私人傳訊回覆引用

honeylouie

積分: 1765

畀面勳章

13^#

發表於 12-8-16 19:24 |只看該作者

回覆：好擔心

唔好傷心，我明白！
我呀b都係啜啜啜，以為佢有食，原來黃疸去到406(150是標準)，缺埋水我都唔知！
入完icu入我痛定思痛，改為全泵！！
一目了然睇到食左幾多，日日mark住！又可以比老公呀，工人呀，呀媽幫手餵，無曬埋身咩都關你事的壓力。
泵泵下就會多奶，快快食d上奶的多奶茶，多奶丸啦！
妳回頭再看就是一份回憶，別擔心！努力！

私人傳訊回覆引用

Katzecat

積分: 7490

14^#

發表於 12-8-16 19:29 |只看該作者

BB開始收水啫，佢食少少就瞓着，咁你試吓餵密啲啦，少食多餐。

有黃疸就要食多啲人奶同照太陽，如果埋唔到身就暫時用住奶樽先，買啲仿母乳嘅奶咀會好啲架!

唔好灰心，bb仲細仲係度摸索梗，過一個星期就會好啲架啦!

私人傳訊回覆引用

ptigger

積分: 1910

15^#

發表於 12-8-16 19:40 |只看該作者

回覆：好擔心

我個b開頭幾日都係有黃又收水又乾，出世六磅幾，跌到得唔夠六磅，日日返醫院抽血驗黃，到第六日要入院照燈，我都忍唔住喺醫院狂喊，因為覺得bb好慘，同埋入左院就代表冇辦法全人奶，因為探病時間有限，而我又未夠奶可以泵到每餐80ml俾佢，到探病果時仲發現自己乳頭損到流好多血，冇得埋身，個人直頭崩潰咁濟，後來經姑娘指導用手擠奶，雖然bb入院時補左好多奶粉，但係我日日密密擠，兩三日後已經追返bb奶量，一直全人奶到而家個半月大，佢已經飲緊150ml一餐喇，仲越嚟越肥，開始有肉喇！兩個星期前有八磅幾喇！只要有決心，你都一定好快追返全人奶！

私人傳訊回覆引用

mrschoy