吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 歡迎我嗎？新未婚媽媽...

單親天地今日: 0|主題: 18403

收藏本版

發帖

返回列表

跳至頁

查看: 2210 | 回覆: 18

歡迎我嗎？新未婚媽媽... [複製鏈接]

蚊蚊∼＊

民房

積分: 4

1^#

發表於 06-3-30 16:56 |只看該作者

歡迎我嗎？新未婚媽媽...

半年前，我同我男朋友有左，大家協議之下，覺得未係時候，加上果時我地只係一齊生活左半年，所以最後無要度﹗

估唔到半年之後，我又再次有左，當時我好驚咁同佢講，佢既答案令我笑：「咁...生啦﹗」

我真係開心到跳起，我問：「咁你幾時上黎同我屋企人傾下呀？」

佢：「.........生咋喎﹗......我無諗住........結﹗」

我真係差不多暈低.....

我已經退好多步，唔罷酒，最起碼都同我簽張紙，但係佢都唔肯﹗我喊住咁同佢講：「我唔係想好似死狗咁求你，更唔係想迫你同我結婚﹗我都唔想咁做﹗係我地既bb要健全既家庭，要媽媽、亦都要爸爸﹗...」

佢答左我一句：「算啦，你講幾多次，我都唔會結婚﹗」

依家，我仲未知條路點行，我肚內面既bb，只有一個多月，我可以承受起未婚媽媽既壓力，我會撫養佢、愛佢﹗但係我仲未同屋企人講，我好怕，佢地會叫我唔要.....

天，點解要我生一條咁難行既路......

私人傳訊

fongfonglover

男爵府

積分: 7395

好媽媽勳章醒目開學勳章

2^#

發表於 06-3-30 17:11 |只看該作者

Re: 歡迎我嗎？新未婚媽媽...

你幾多歲ar?有經濟能力嗎?諗清楚未ar?

私人傳訊

bb2002

大宅

積分: 2724

3^#

發表於 06-3-30 17:17 |只看該作者

Re: 歡迎我嗎？新未婚媽媽...

蚊蚊:
想問你本身有無經濟能力?
介唔介意講你幾多歲?
其實女人落過一次已好傷.(我未試過)
無論身/心.都會好傷~
你男友說話好唔負責~
如果佢話唔結婚,咁有無話比生活費你?
bb出世後.佢會唔會承認bb係佢?會唔會同你簽出世紙?
如果你決定生bb.家人點阻止你都無用.
決定權o係你度.

我明白你感受~

不過有小朋友,一定要有基本o既生活條件
幾辛苦都要捱.
你要好好考慮下.
同埋始終都係一家人,佢地點會唔幫你呢~!
好好同家人坐低傾下.

至於男友方.既然佢都講明唔結婚,你都唔洗理佢.

私人傳訊

judy_chu

別墅

積分: 627

4^#

發表於 06-3-30 19:12 |只看該作者

Re: 歡迎我嗎？新未婚媽媽...

hello.....大家都係過來人, 當初我有左, 我老豆激動到'拍'抬'拍'登.....又話我'修家', 久而久之個肚越大就會漫漫湲忘....

私人傳訊

wincy_82

大宅

積分: 2777

5^#

發表於 06-3-30 20:01 |只看該作者

Re: 歡迎我嗎？新未婚媽媽...

你好呀!!其實屋企人個邊好容易攪掂!!
我爸爸系一個吾講道理既人,但知道左之後都冇鬧過我!!
因為我年紀都算細,,佢地仲幫我打算埋將來!!
我真係好多謝佢地咁包容我!!

最緊要系你諗清楚系咪真係可以自己一個照顧bb!!
做人媽媽的確難!!你男朋友連簽紙都吾肯!!
我睇佢吾系真系想對你同bb負責任!!
但你而經系第2次有bb,如果落左,
你又要諗下,將來想要,仲有冇機會*

我比一個限期自己諗o下...
有咩就同我地bk媽媽傾下計...

私人傳訊

佘媽

別墅

積分: 504

6^#

發表於 06-3-30 22:03 |只看該作者

Re: 歡迎我嗎？新未婚媽媽...

我仲未知條路點行，我肚內面既bb，只有一個多月，我可以承受起未婚媽媽既壓力，我會撫養佢、愛佢﹗但係我仲未同屋企人講，我好怕，佢地會叫我唔要.....

天，點解要我生一條咁難行既路......

妳個bb都未出世，妳已經叫生叫死話條路難行，我可以話比妳聽，如果生左個b出黎，妳條路會比想像中難行千倍萬倍。
單親的壓力唔輕，唔係妳話會撫養佢、愛佢就夠，當中包括好多外來因素令單親的路更加難行，如經濟、教養，有沒有人支援妳.....等等，都未必係自己控制之內。
我建議妳真係最好同屋企人商量下決定係點，因家人做任何決定都係為妳著想，千祈唔好因為生唔生o既問題而同屋企人反面，唔值得架。

私人傳訊

janeleung

公爵府

積分: 27683

7^#

發表於 06-3-31 13:24 |只看該作者

Re: 歡迎我嗎？新未婚媽媽...

既然你而家有得選擇點解要揀單親lee條路行?

私人傳訊

蚊蚊∼＊

民房

積分: 4

8^#

發表於 06-3-31 14:57 |只看該作者

Re: 歡迎我嗎？新未婚媽媽...

首先，好多謝你地﹗你地既每一句說話，係我考慮既因素﹗真係好多謝你地﹗

我24歲，唔可以話有好強既經濟能力，但係對於照顧b同自己，應該無問題﹗我已經諗得好清楚，依家唔係話整左餐飯出黎話唔食就唔食﹗係人命黎，而且已經唔係第一次﹗我唔知有無報應，但係我個心真係會好內疚﹗既然佢唔肯承擔依個責任，唯有我獨力承擔...

我以前係做幼稚園老師，眼見好多戚單親或者未婚家庭下成長既小朋友，我相信係教育方面唔成問題﹗

而現在，最大既問題係，我屋企人既反對﹗
尋晚終於鼓起勇氣同媽咪講(爸爸果方面仍然未有勇氣)，媽咪出奇地冷靜﹗佢同我分析，我依家先24歲，要照顧佢差不多20年，依20年我所承受既壓力，同好多好多既眼光﹗其實佢所講既，我一早就考慮過，或者係我做幼稚園老師每次見家長既經驗吧﹗

最後，分析完，我同媽咪講：「媽咪，我最後既決定，都係想生佢出黎﹗我相信我有能力咁做﹗」媽咪聽完好唔開心，不停勸我唔好要，最重要一樣係，爸爸果關係一定過唔到﹗

我好亂，真係好亂﹗一方面，我知道爸爸媽媽既感覺，佢地咁做都係為我好，但另一方面，肚內面既係我既bb，係我帶佢黎依個世界，我無權搶走佢既生命﹗我可以做既，就係努力演好媽媽既角色，亦擔當爸爸既身份﹗

後話：尋晚我男朋友send左個msg俾我>>>I dont mean I dont love you, I would like to take care of u and the baby, but I m not gettin marry yet, U understard me?

之後我同佢嘈左好耐、好耐﹗我同佢講，有日我行出街，俾車撞死左，上到天堂我同天主講：「天主，我唔可以死住，我計畫80歲先死，我唔死，我話唔死就唔死﹗」可唔可以咁？唔可以呀嘛﹗意外就係意料之外，係計畫以外，但係我地係人，我地有適應能力，我地要去接受，同埋面對我地所做出黎既一切。

佢答我：「我依家又唔係唔負責任，我又唔係唔理你唔要你同個bb，我會照顧你，只係等生左之後先結婚姐，有咩問題？點解要將結婚同負責任掛勾？我以前係美國讀書既同學未又係咁，我依家做生意既顆伴未又係咁，個仔4歲個女3歲，未又係仲未結婚？我唔明你依d係咩心態﹗唔好咁守舊啦﹗2006年啦﹗」

姊妹們，我想問，我連酒都唔罷，淨係簽張紙都叫守舊？我已經退左好多步，就算我可以，我家人都唔可能會接受﹗佢地係傳統既中國家庭思想，無可能接受到生左先結婚依個藉口﹗仲有，對於佢係唔係真係生左就會同我結婚，我仲有所保留﹗anyway，我自己既答案係，無論佢同唔同我結婚都好，我都會負我應該負既責任，好好照顧我肚內面既bb﹗

私人傳訊

shirleytong28

男爵府

積分: 7640

9^#

發表於 06-3-31 15:08 |只看該作者

Re: 歡迎我嗎？新未婚媽媽...

既然最壞的打算都係自己獨力撫養個bb 我覺得無謂同佢嘈啦傷身亦無意思佢肯負責任的話咪同佢一齊生活共同撫養阿b

或者你去產檢帶埋佢一齊去照聲波同佢一齊睇 bb出生或者可以感動到佢呢我所講的都係或者所以既然你己作最壞打算就唔駛諗咁多啦勇敢去面對所有問題

為阿b著想唔好再同佢嘈啦和平共處阿b仲可以有一個完整家庭的機會再嘈 or 你自己走左去阿b就一定係單親我諗你明白我的意思我唔係話單親一定唔好有爸爸就一定幸福但你個case 只有你自己才明白你的男友有無可能做一個好爸爸

私人傳訊

twinniecheung

洋房

積分: 91

10^#

發表於 06-3-31 17:59 |只看該作者

Re: 歡迎我嗎？新未婚媽媽...

hi!我都係未婚媽媽！我已經有咗bb 33 weeks，我明白你嘅心情，一方面要睇屋企人接唔接受，又要諗你男朋友會唔會對你同bb負責任，又要諗點照顧bb... 我諗你同你男朋友對"負責任"呢個問題上嘅睇法有好大分別，你要諗清楚結婚先後係咪比兩個人之間嘅關係更重要？可能你會覺得好冇安全感，但總好過佢將來怨你或者一走了之，兩個人相處係要忍讓同妥協ka~如果佢肯係出世紙上簽名，亦証明佢承認呢段關係。好過我呀！我問我果個bb跟邊個姓呀？佢都唔敢正面答呀！！！ :-|

私人傳訊

lo8189

子爵府

積分: 12454

11^#

發表於 06-3-31 21:22 |只看該作者

Re: 歡迎我嗎？新未婚媽媽...

比我，我唔會同一個 <不值得既人>生bb，佢連同自己結婚都唔肯？又會有幾愛你？點解你唔揀一個對你真心既人，先結婚生仔，而要一開始揀做未婚媽媽？如果你要內疚，第一個已經要內疚。而家唔只係你一個既決定，而係關乎你個仔既一生！

私人傳訊

stopstop

大宅

積分: 3207

熱血勳章

12^#

發表於 06-4-1 22:06 |只看該作者

Re: 歡迎我嗎？新未婚媽媽...

我諗我同你個case 好相似, 同樣24歲有左, bb daddy同佢屋企人都話唔擺酒, 仲只係俾$8000禮金. 最後一腳佢選擇走!!!

我屋企都係一個好傳統思想既人. 我一生人到而家最辛苦就係決定要唔要我個女既時候... 當然, 而家你都見到我既女既相啦! 我既意見係:唔好信男人, 靠自己, 男人就算行到最後一步都可以走架!!! 當時, 只係差簽字, 佢都搵左第二個! 我都好慶幸我個女跟我姓, 完全同佢無關...

記住, 我同其他媽媽都支持你!!!

我個囡囡7月24日出世啦~ 24/7 : 3.58kg, 49cm 25/8 : 4.93kg, 57cm 30/8 : 5.25kg 25/10 : 7.58kg, 61.5cm 17/11 : 7.85kg, 66cm 20/12 : 8.6kg 2/2 : 10kg, 70cm 2/16 : 9.485kg, 70.5cm 7/5 : 11kg, 80cm 3/11 : 12kg, 85cm 29/4 : 13.5kg, 85cm

私人傳訊

佘媽

別墅

積分: 504

13^#

發表於 06-4-2 09:52 |只看該作者

Re: 歡迎我嗎？新未婚媽媽...

妳就好啦，女女跟妳姓，我都想我個女跟我姓

私人傳訊

小靜妹

大宅

積分: 1387

14^#

發表於 06-4-2 15:59 |只看該作者

Re: 歡迎我嗎？新未婚媽媽...

雖然我唔係單親,但係睇到你個post,我覺得你個男友講野都好不負責任喎,佢同你講話生左先結婚,到底係真心定呃住你,其實大家都心中有數.

case 1:
我識得有個朋友,佢同佢男朋友拍拖年幾,之後有左bb都話結婚,後來個男仔話無錢結婚,我朋友個媽咪仲比左3萬蚊個男仔同自己個女結婚,咁呢d已經係貼埋大床嫁人啦,人地女家都無所謂,到果時我朋友個肚已經係6個月,點知我朋友個媽咪比左3萬蚊個男仔之後個男仔就一走了之,從此消失,而家我個朋友個女已經2歲了,個女都係跟佢姓.

case 2:
我同我老公識左一個月就有左bb,之後我同佢講,佢就話同佢呀媽講話結婚,點知佢呀媽同佢講叫我落左佢,我老公反對,佢話一定要我同個bb,果時我都仲未知點同我老豆開口,因為我老豆都係傳統思想既男人,加上重男輕女,覺得生女係"舌"本貨,比佢知道就一定炒大獲,點知我同我老豆講左之後佢都不知幾開心,結果我地係上年11月結婚,都係無擺酒,但老公而家對我都好好,我bb已經37週3日了.

呢2個case就係愛你同唔愛你既人既分別,愛一個人唔會因為時間既長短而去決定要唔要個bb或者結唔結婚,佢愛你就會保護你,唔比你受傷害,唔愛你就會用好多理由來拒絕你.

私人傳訊

stopstop

大宅

積分: 3207

熱血勳章

15^#

發表於 06-4-2 18:07 |只看該作者

Re: 歡迎我嗎？新未婚媽媽...

睇到小靜妹既故仔我都好開心! 其實佢講得好岩, 如果佢係真心對你既話, 唔會有任何籍口. 我以前0個個夠話死都唔可以賣左層樓...結果, 同我分左手之後好快賣左樓週轉啦...

我都覺得上天對我幾好, 到而家都未俾我0係街見過佢, 個女又跟我姓. 我都好多謝佢對我咁絕... 至於bb值唔值得生佢出黎, 其實, 生唔生bb同佢已經無關係啦~

其實我地都只可以俾意見, 而你自己先最清楚咩決定係最好.

私人傳訊

cmancman

大宅

積分: 1638

16^#

發表於 06-4-2 18:58 |只看該作者

Re: 歡迎我嗎？新未婚媽媽...

蚊蚊∼＊
你呢個男人真係好差,佢話宜家2006年,唔結婚唔代表唔負責任,法律要註冊結婚先算係負責任呀,你地唔註冊將來佢拍下patpat走人,或者佢同第個女人結婚,你都吹佢唔脹,咩野責任佢都唔洗負啦咁,你同佢無註冊,你咬佢食咩...(請恕我講得衰D,我真係頂唔順D男人唔負責任仲多多藉口,係愛你點解唔肯結婚丫)
不過個男人要唔要都罷,唔好理佢會唔會遲D同你結婚...你真係咁想生BB出黎嗎?雖然唔要個BB係好衰,但你以後會好辛苦架,真係要唸清楚...(比我就唔會要,雖然我都生左,可返轉頭既我唔會同個C6生)

私人傳訊

該用戶已被刪除

17^#

發表於 06-4-6 22:36 |只看該作者

Re: 歡迎我嗎？新未婚媽媽...

提示: 作者被禁止或刪除內容自動屏蔽

私人傳訊

該用戶已被刪除

18^#

發表於 06-4-6 22:38 |只看該作者

Re: 歡迎我嗎？新未婚媽媽...

提示: 作者被禁止或刪除內容自動屏蔽

私人傳訊

wingbebe

複式洋房

積分: 256

19^#

發表於 06-4-7 13:19 |只看該作者

Re: 歡迎我嗎？新未婚媽媽...

蚊蚊...我得18歲女~我睇完曬佢地講既野..我都覺得唔值得要囉...雖然對個bb 好唔公平...但係我覺得佢唔係真係甘愛你... 如果佢係愛你既話..你宜家得果一個月...就會立刻同你結婚,唔想你帶住單親媽媽哩個名啦~唔結婚=唔想負責任ja ma...你睇佢地講有幾多個男人粒聲唔出就走左去..到時你仲慘啦...再者...衰過一次...仲要有第2次....我覺得你個男朋友係好唔識得睇諒你...其實係根本唔會理你感受...
落左去簡過個真係愛你嫁啦...宜家先24歲...