國家地區媽媽會 今日: 0 | 主題: 20269

積分: 119965

2024年龍年勳章好媽媽勳章畀面勳章

21^#

發表於 06-7-3 10:46 |只看該作者

Re: 如果同老公離婚..咁bb....

bala...其實就咁...你同老公實在唔係識左好耐...咁唔了解對方係正常既...咁依家仔都生埋囉..唔為自己諗下,都為個仔啦...收下自己既脾氣..好好同老公相處...再慢慢了解下對方囉...
其實我好古老...覺得結左婚就唔應該離..成日諗住要離既...當初做乜要結婚呢?如果一開始就成日諗住離...咁就算有左小朋友又點?咪落左佢囉...你老公唔想你落又點?你要落佢都阻止唔到你...不過又有冇必要傷自己身呢?..而個bb雖然係一個生命...但係長痛不如短痛..你比唔到正常幸福家庭個bb既..就唔好生佢出黎啦...做乜要害人一世?比佢投胎搵過個好家庭好過啦

2個人相處...總會有唔開心既時候..我同老公由一齊到結婚到依家就黎10年啦...都成日鬧交架...但係我冇諗過同佢離婚喎...佢都冇諗過...唔會諗囉...我地都覺得..要離婚既..當初就唔會一齊..都結左婚囉..就會盡力keep住好關係...白頭到老

私人傳訊

積分: 19435

22^#

發表於 06-7-3 11:59 |只看該作者

Re: 如果同老公離婚..咁bb....

melina~

多口問一句,你現在既老公,係唔係之前識你話哥一個呀?

私人傳訊

積分: 19435

23^#

發表於 06-7-3 12:01 |只看該作者

Re: 如果同老公離婚..咁bb....

bala~

沒有看你之前的留言,原來你都幾好火架喎~~ :mrgreen: (指你大肚哥陣~~)

如果你忍唔到你老公,快d充實自己啦~~~免得以後要靠佢生活嘛~~

私人傳訊

積分: 19435

24^#

發表於 06-7-3 12:13 |只看該作者

Re: 如果同老公離婚..咁bb....

月希~~

你好似講得過火少少喎,就算係單親,都唔可以話唔正常架嘛~~二公婆一齊都唔代表有一個幸福家庭的~~

好似你話要了解對方咁~~如果了解後,發覺性恪不合,如何再一起呢???也許有了小朋友又如何~!

只是我純粹意見來．唔好生氣呀∼∼∼

月希寫道:
而個bb雖然係一個生命...但係長痛不如短痛..你比唔到正常幸福家庭個bb既..就唔好生佢出黎啦...做乜要害人一世?比佢投胎搵過個好家庭好過啦

私人傳訊

積分: 119965

2024年龍年勳章好媽媽勳章畀面勳章

25^#

發表於 06-7-3 13:06 |只看該作者

Re: 如果同老公離婚..咁bb....

Pinky...但係我覺得...結婚同生仔係大事..唔係一句有意外丫..有小朋友丫..一時興起去做既事...所以就算點唔了解對方..都有個底線..唔會去到真係了解晒全部時發覺真係好唔得要分開...

公婆一齊都唔代表有一個幸福家庭的~~...咁兩個大人決定結婚...2個人就應該盡力去令到家庭美滿

單親...我講到話唔正常可能係過火左..不過在於小朋友既眼光..單親係唔正常架...其他人個個有父母..點解自己得父或母一個呢?就算個細路識諗..唔出聲..唔問父或母...唔為難父或母..其實佢地個心..點都有個結架...我諗得幾個單親家庭成長既朋友...都係咁..有d重怕結左就離...害左小朋友..點都唔結婚添

私人傳訊

jennifer_lam

積分: 3699

26^#

發表於 06-7-3 15:15 |只看該作者

Re: 如果同老公離婚..咁bb....

我老公就係係一個單親家庭成長的人 , 雖然父母離婚唔多唔少都會帶比小朋友一種另類的睇法 , 但我覺得依家的小朋友對父母離婚的睇法唔會好似以前咁了 , 因為依家的小朋友接觸面比以前的小朋友為多 , 諗既野都唔同 , 佢地會好識去想點解父母會離婚 .
就拿我老公來講 , 我地未結婚個時佢已經咁同我講: "我本身的父母是一個婚姻失敗的例子 , 所以我唔會咁輕易結婚 , 但若果結左婚亦唔會咁輕易離婚 . " 所以我覺得單親好似并沒有令我老公變得孤獨或者令佢害怕婚姻LO ~~~

私人傳訊

mlchong

http://hk.myblog.yahoo.com/Cinder-BOO

積分: 2342

27^#

發表於 06-7-3 15:38 |只看該作者

Re: 如果同老公離婚..咁bb....

bala,

之前係lee個topic我有留言, 但因太忙啦, 冇再keep住同你講. 其實月希所言都唔係唔岩架. 可能你會有d覺得火左小小咁. 但係, 如果唔識你唔當你係朋友我地唔會太著緊你同afonso囉. 真係好希望你成熟小小, 可以顧及家人的感受. 有好多野, 係要一齊經歷先會改變先會改善架. 包括婚姻生活一樣. 兩人相處係唔可以單方向架. 出來工作搵錢養家係真係好辛苦有好多壓力架. 你老公知辛苦先唔想你捱咋. 我唔係想幫其中一個講說話, 但做一個識做又有情趣的老婆, 做一個開明又好玩的mammy先係現在做老婆做阿媽係屋企到站得住腳的方法. 一個家要有凝聚力好靠父母的. 唔好成日想住終有一日會同老公分開啦. 著實為每一日的家居生活等各樣野多花心思同時間啦.

私人傳訊

積分: 119965

2024年龍年勳章好媽媽勳章畀面勳章

28^#

發表於 06-7-3 15:56 |只看該作者

Re: 如果同老公離婚..咁bb....

jennifer...咁你老公咪好囉..如果話單親家庭..我老公都係..重要係好複習果隻..因為佢細個係麻麻湊既,大左就跟老豆後母住..10幾歲就自己半工讀搬出黎住..到依家佢老豆都重有再婚,二奶果d添...就係咁..我老公睇婚姻好重,佢希望自己可以建立美好既家庭
相反,我有幾個朋友...佢地都係10幾歲,幾歲,懂事之後先變成單親家庭既..不過可能係女仔,對依d野敏感d....佢地都變得信唔過婚姻..情願單身呢...一係就結左婚都一定出黎做野,自己搵自己洗再收老公家用...原因係,覺得婚姻冇保障...自己儲多個錢先實際

pinky, bala
覺得我火..我都會講..我講依d係對事唔對人....邊個出依d topic我都會講同一樣野...不過外人出依d topic我又可能懶得打咁多字...
咁大個人好應該對自己既決定負責任,對自己既仔女負責任,對自己所建立既家庭負責任...依家唔係去街買唔買衫既決定,買左唔鍾意最多唔著..影響唔到人..依家係一個family...一個決定影響三個人架喎

可能我身邊都真係有幾多失敗既婚姻...我真係唔希望係度見到有朋友婚姻失敗呢...唉 :-(

私人傳訊

jennifer_lam

積分: 3699

29^#

發表於 06-7-3 16:09 |只看該作者

Re: 如果同老公離婚..咁bb....

月希:
我老公同你老公的家庭環境差唔多一樣覆雜 , 佢都係麻麻湊既 , 5,6歲父母離婚 , 老豆又再結婚所以又同後母住 , 之後大個左(18歲)自己搬出去搵自己阿媽一齊住 , 佢阿媽又有個男朋友(個男朋友自己有家庭,即佢阿媽係人地既二奶),所以我老公睇婚姻都睇得好重, 反而係我成日都發小孩子脾氣 ~~~

私人傳訊

積分: 119965

2024年龍年勳章好媽媽勳章畀面勳章

30^#

發表於 06-7-3 16:22 |只看該作者

Re: 如果同老公離婚..咁bb....

jennifer...你老公有媽咪比我老公好啦..我老公連佢阿媽係乜樣都唔知...因為佢媽媽係生完佢就走左啦...我老公有6兄弟妹...個個都唔同阿媽生既....我老公bb時..係麻麻湊...原因可能係大婆唔要佢..到後來佢返佢老豆度住..係因為大婆己經換左人=_=
到我老公搬出去住..係16,7歲既事..佢夾埋d年紀比佢大既朋友夾錢租屋咋...邊有搵到自己阿媽住咁好....之後一直冇乜同屋企人聯絡...我識佢頭1年..完全唔知佢有親人架...而且我地係日日見既...到第2年...我先知佢有大哥,老豆,二哥,細佬...近幾年重多左2個細佬妹添

我諗我同我老公睇婚姻都好重架..佢就係因為家庭問題啦..我就係外來因數囉...成日見到人地d家庭唔好..我都好心up架...希望自己唔會咁...希望自己識得既人唔會咁..不過...唔知係咪依家d婚姻越黎越兒嬉呢?近年我重識得唔少二奶添=_=

私人傳訊

mlchong

http://hk.myblog.yahoo.com/Cinder-BOO

積分: 2342

31^#

發表於 06-7-3 16:57 |只看該作者

Re: 如果同老公離婚..咁bb....

月希,

其實我身邊也有一些好朋友也是婚姻失敗的. 或者係整個社會風氣唔好啦. 近年經濟好返, 男人有錢年輕d或鍾意玩既就會抵唔住引誘. 女人有d好勝既又抵唔住其他物質的誘惑. 好多時又會係一時之氣分開都有. 其實我老公都係結過婚的人. 佢比我大, 但不算好大年紀. 只係68年. 他跟前妻有一個仔仔. 但仔仔跟前妻. 佢同前妻離婚係前妻紅杏....

私人傳訊

積分: 119965

2024年龍年勳章好媽媽勳章畀面勳章

32^#

發表於 06-7-3 17:07 |只看該作者

Re: 如果同老公離婚..咁bb....

mlchong...唉...依家個社會真係唔好呢...我識得有個人..過黎澳門做野..為左老婆同個仔過得舒服d...搵多個錢...結果個老婆就跟人走佬..重要連仔都唔要唔理果隻丫..依家真係乜世界呢?
定係我地個思想太過古老呢?講真...雖然男人包二奶唔好..但係女既紅杏出場重衰囉

私人傳訊

mlchong

http://hk.myblog.yahoo.com/Cinder-BOO

積分: 2342

33^#

發表於 06-7-3 17:15 |只看該作者

Re: 如果同老公離婚..咁bb....

月希,

所以我老公初時唔多鍾意我同d男性朋友玩得埋架. 但後來知我都好男仔頭. 而且知道我唔係果d貪玩感情的人. 佢就對我好信任啦. 而且因為經過一次婚姻失敗, 佢對我地特別好架.我老公話又有可能佢之前太年輕結婚啦. 剛大學畢業就結婚. 但個仔未到兩歲就離婚啦. 離婚後就識到我. 剛識時佢唔敢追我架. 哈... 佢初時真係好怕識女仔同未想過會再婚. lee d都要時間先治療到. 真係會做成陰影架.

私人傳訊

BABALALA

積分: 15883

34^#

發表於 06-7-3 18:46 |只看該作者

Re: 如果同老公離婚..咁bb....

DEAR ALL~~
多謝您地嘅關心呀....可能我仲係細路女脾氣...一有小小吾順意就話要分手..呢樣歌樣...我覺得自己吾夠幸福...要咁辛苦揍BB...老公仲竟然無以前對我咁好...而且我夢想中嘅婚姻吾係咁GA....不過我都知成日發脾氣...打人..吾比老公去做野係吾岩嘅...我好中2痴住老公...日日對住歌d...但自從bb出左細之後..佢好忙....的確生意係好好..但係小左時間陪我...我一個人係屋企真係好悶...好似好空虛咁..但係老公又吾明白我...覺得我成日阻住佢做野...拖曬d時間....而且佢愈來愈辛苦..每天只有4,5個中時間訓...大家開始有磨擦..佢覺得我吾體諒佢..而我又覺得佢吾愛我...可能因為我一個人嘅時間多..會亂唸野...而且我身邊我朋友讀大學..做野...自由自在好充實...而我就成個c9咁...我好吾開心...覺得真係吾應該咁細就生bb....但我對住AFONSO又吾可以講后悔..佢都無話后悔我做佢媽咪LA...

私人傳訊

BABALALA

積分: 15883

35^#

發表於 06-7-3 18:46 |只看該作者

Re: 如果同老公離婚..咁bb....

一陣再傾...BB起身LA :-( :-( :-(

私人傳訊

積分: 119965

2024年龍年勳章好媽媽勳章畀面勳章

36^#

發表於 06-7-3 19:08 |只看該作者

Re: 如果同老公離婚..咁bb....

bala...邊個女人對婚姻冇夢想?夢想還夢想..現實係殘酷架...不過講真...其實你都已經幸福過好多人架啦....
我對婚姻都有夢想架...同依家既現實都有出入...不過要明白..世界係玩實架...老公唔努力搵錢...點圓我地既少奶奶夢(例如咋)呢?
我都好鍾意痴實老公...唔怕話你知..我由16歲識我老公...我地就日日見..日日對住...到我18歲,我地就同居添...但係到婚後呢 :-( 我地見既時間少左好多...又成日有駿駿係度阻住晒...本來我想做少奶奶請工人,乜都唔駛做...但係婚後發現...原來我唔like有工人係屋企架,唔鍾意有外人touch我既野

唯有辛苦d自己做家務湊小朋友...鬼叫自己有怪辟咁.
我老公以前都係乜野都以我為先架..依家=_=就係以佢為先囉..但係依d野..真係要體諒下佢先得囉...一個人養起一頭家..唔係易事黎架,重要比到舒適既生活我地...就更辛苦...或者睇開d啦...我老公好忙既時候..一日都只係諗3,4個鐘..我見到佢都辛苦..重點會對佢發脾氣?佢有時個人炆..想對我發脾氣...我都由佢...我知佢比人鬧完..唔開心...雖然我比佢鬧完都會唔開心..但係事後我會嗲番佢..佢就會say sorry...我有佢鍚番姐..但係佢返工比人鬧冇人會鍚番佢嘛...你估男人唔係人咩..佢地都need人地鍚佢架嘛^^
我身邊都有好多朋友讀完大學,係外國留學返黎..男朋友對佢好,佢又自由...又成日去travel...生活好休悠咁...不過係我羡慕佢既同時..佢又羡慕我姐..人比人,比死人呢...想法令自己既生活過得充實咪重好...

私人傳訊