吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 越嚟越唔聽話…我情緒開始失控喇…

少年成長今日: 0|主題: 16056

收藏本版

發帖

返回列表

跳至頁

查看: 9381 | 回覆: 26

越嚟越唔聽話…我情緒開始失控喇… [複製鏈接]

starbabymm

大宅

積分: 2794

1^#

發表於 14-4-5 02:21 |只看該作者 |倒序瀏覽 |打印

啱啱五歲，以前好聽話的，同佢講蛀牙唔好食糖，佢就真係唔食，人哋請佢食佢都唔食，
依家開始成日話想食糖，雖然都唔多，可能一星期一次。

我叫佢做嘅嘢成日都唔做，
例如我叫佢飲完湯就自己去刷牙，
我要去照顧妹妹，
佢就趁我行開就搞搞震，完全當我講嘅嘢無到。
叫佢自己喺房做珠心算，
我要入廚房忙，
佢就竟然喺度發呆。

佢成日都唔跟我指令做，
只要我一行開佢就無咗回事咁，
毫無自律，
次次都激到我死。

究竟係我對一個五歲小朋友要求太高定係佢太唔聽話？
我真係每次每次都好失望好嬲，
點解會咁唔自律？
睇少兩眼都唔得？
可以點訓練呀？

0 0 0

私人傳訊

Bunny_BB

男爵府

積分: 8200

2^#

發表於 14-4-5 02:38 |只看該作者

放鬆D 啦....
當一個人太緊張,都會太衝動,容易有情緒問題,對妳及小朋友都唔好哦..!!

克盡已能.參予義工.盡展所能!

私人傳訊

karlalam1109

別墅

積分: 857

3^#

發表於 14-4-5 11:06 |只看該作者

回覆：starbabymm 的帖子

我諗係你小朋友之前太聽話好湊，所以比較之下而家好似好曳!5歲其實真係已經好有主見，唔會事事唯命是從。我個仔都係咁，自小獨立自律，從來唔使勞氣，所有我無意中要求高左好多，三歲後開始好有主見，我都適應左一段時間先接受到，識得調整對佢嘅安求。

私人傳訊

wan_sosin

珍珠宮

積分: 49362

4^#

發表於 14-4-5 18:36 |只看該作者

本帖最後由 wan_sosin 於 14-4-5 18:37 編輯

無乜奇怪,你仔無嘢架!

只係佢之前未識有自己諗法,所以你好彩,你想佢點就點!

而家開始識,但佢又未明如何運用佢嘅思考能力!所以佢有D混亂都唔定!

你要同佢傾多d偈,解釋佢聽你對佢嘅要求!佢唔聽時,慢慢問佢諗緊乜,有乜唔鍾意,唔滿意,或者係唔明白!

例如佢唔做珠心算,佢可能唔明點解要學,點解要做,點解要而家去做!或者佢覺得真係難做,又或是佢想你陪佢做,有很多嘅可能,你要知道,你先可以去教佢點樣去諗一件事!

5歲先唔多聽話,你已好幸福啦!我個仔一歲已經超唔聽話,反而而家快6歲,同佢傾得多,溝通得多!我都幾明白佢諗緊乜,就可以比較快去掌握佢嘅諗法!而家佢反而快咗聽我講嘢!因為我盡量會係適當時候要求佢!亦會滿足佢需要嘅地方!

私人傳訊

bongbongpatty

水晶宮

積分: 72345

BK Milk勳章

5^#

發表於 14-4-6 01:20 |只看該作者

回覆：越嚟越唔聽話…我情緒開始失控喇…

我又覺得無野
小朋友係咁上下
幾十歲都未必聽自己ma話
何況一个小朋友

私人傳訊

OKC

珍珠宮

積分: 32169

6^#

發表於 14-4-6 09:50 |只看該作者

我個六歲仔都係，由五歲開始乜都唔聽話，起身返學，食飯，做功課，洗面刷牙，換衫，樣樣唔叫唔tum 都唔主動，兼駁嘴，要求多多，soft talk 過罰過都無用，我日日都唔開心想一走了之

我有時想好後悔生！

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

7^#

發表於 14-4-6 11:22 |只看該作者

人大左, 總會有自己既思想, 唔再任人擺佈. 要小朋友自律又聽話只係大人既願望.

你仲要湊細妹, 大b係attention seeking. 我個仔都係咁, 佢6歲, 你個個大b 既行為幾近一樣, 有時真係勞氣架....

我覺得你要求太高, 字裡行間, "指令", "訓練", "自律"... 感覺佢要一切服從於你, 當然現實中我唔知你地係點相處.

你個大b 只係5歲, 好難乜都要佢自己做, 有時你都要抽時間去陪佢, 唔幫佢都要睇佢住, 等佢覺得有伴一齊做野, 而唔係個阿媽分左一半俾人. 我要個仔自己做野時, 我會講之後去check 佢, 例如叫佢自己刷牙, 之後我會檢查同埋幫佢補刷牙; 舊年學校派張刷牙紙, 我咪放響鏡前, 個仔可以跟住刷牙. 我試過俾細仔睇youtube 既刷牙歌, 之後同佢刷牙就邊唱邊刷. 牙醫俾左個沙漏仔去計時, 我會貼響塊鏡到, 兩個仔都要好開心自己倒轉個沙漏後去刷牙, 佢自己刷完我咪去檢查.

朝早返學, 我個仔都係漏氣型, 叫佢自己換衫, 20分鐘都可以未換衫. 有時我會限時要佢做, 有時扮玩趕時間, 到時後一分鐘就扮緊張要佢快d 換衫, 最後10秒就倒數, 好似外國煮食比賽節目master chef 咁. 三妹出世無耐, 大仔衰到臨出門口前就拆左bb 車個車轆出黎!!

呢d 招數未必次次得, 但有時同佢玩下都會有改善.

我個意思係, 有d 野唔好真係掉低佢自己做就算, 你試下將你既"指令" 變成有趣d 既遊戲俾佢去做. 你個大b 仲好需要你. 有jm 講得好中, 你自己都要放鬆d, 我都明有時好難, 我都係咁, 大家努力啦!

私人傳訊

maggielmy

男爵府

積分: 6231

8^#

發表於 14-4-6 16:25 |只看該作者

回覆：越嚟越唔聽話…我情緒開始失控喇…

我大仔5歲，細仔8個月，大仔又係激死我

私人傳訊

wahiuma

翡翠宮

積分: 94880

9^#

發表於 14-4-6 17:35 |只看該作者

小朋友大大下就會有自己嘅思想同自制能力會冇咁好，所以大人一定要俾多D心機去同去溝通，或者你試下用獎勵嘅方法，如果做得好就會獎勵糖俾佢

私人傳訊

kiubbobo

大宅

積分: 1932

10^#

發表於 14-4-7 00:17 |只看該作者

回覆:越嚟越唔聽話…我情緒開始失控喇…

好明白子女唔聽話，真係會好嬲，好勞氣，但亦相信呢個係必經階段，我哋一定要有無窮嘅耐性，包容，忍耐，加油呀!媽媽，佢大個一定會好乖好聽話㗎!

私人傳訊

Vincywan

大宅

積分: 2273

11^#

發表於 14-4-7 00:44 |只看該作者

回覆：越嚟越唔聽話…我情緒開始失控喇…

完全一模一樣嘅問題，我大女5歲半，細女歲半，朝朝叫佢起身返都要預早一個半鐘先夠，問題係佢真係好漏氣，同意之前嘅jm講佢係想要多啲關注，因為好多時真係會淨留佢自己照自己，我就去照顧阿妹，咁有機會令佢小左關愛。家姐仲成日話要做番bb, 好明顯佢想我多點關心她，但有時真係分身不下，一個湊兩個，手就得一對…😣解決辦法係要多啲抽時間同家姐傾下偈囉，等佢明白點解多啲時間照顧阿妹

私人傳訊

titanlow

用戶要求終止服務

積分: 7429

12^#

發表於 14-4-7 14:34 |只看該作者

我兩個小朋友年齡好近，只相差13個月，可能佢地從小就習慣了有姊妹一起，沒有好嚴重的attention seeking，但一樣會有點解媽咪要處理家姐功課而亞妹無媽咪陪的情況。建議媽媽們可以多點involve 大孩子去幫手，例如：你要照顧細孩子時，想大孩子自己去擦牙，有冇可能抱埋細b 去睇大b 刷呢？可以叫大b 示範俾細b 睇咩係刷牙，當然不是期望要教到細b 乜野，而係大b 會覺得自己是個榜樣，又有媽媽和弟妹陪住。我大囡要做功課時，我會叫妹妹在旁畫圖畫，或許我俾點小練習她一起做，讓她有點世藝。

好多時，我們大人會有超越現實的期望，例如希望小朋友自動學懂有手尾、體諒別人、愛護弟妹、自動自覺、有責任心之類之類，但我們常常忘記小朋友只是個5歲的孩子吧！大人的指示要清楚，最好帶點趣味，例如你去廚房忙碌，你叫孩子去做珠心算，可試下跟他鬥快，看誰先做完，又或者請他做完5題就來告訴你，對於沒有好強自律性的孩子，媽媽要多點給予'短期'目標，達到就大力稱讚，日子久了才可培養出自律o架！有幾多人生來就好知道自己要做甚麼?

私人傳訊

Vincywan

大宅

積分: 2273

13^#

發表於 14-4-7 14:42 |只看該作者

引用：我兩個小朋友年齡好近，只相差13個月，可能

原帖由 titanlow 於 14-04-07 發表
我兩個小朋友年齡好近，只相差13個月，可能佢地從小就習慣了有姊妹一起，沒有好嚴重的attention seeking， ...

你嘅方法好好

私人傳訊

kakubb

禁止訪問

積分: 1003

14^#

發表於 14-4-7 23:25 |只看該作者

回覆：越嚟越唔聽話…我情緒開始失控喇…

提示: 作者被禁止或刪除內容自動屏蔽

私人傳訊

MEITHEPOOH

大宅

積分: 2159

15^#

發表於 14-4-19 13:22 |只看該作者

回覆：越嚟越唔聽話…我情緒開始失控喇…

好有同感,大仔4歲半,細女7個月, 我仲要餵人奶 ,亞女好痴身,大仔應該都係attention seeking,但我都就黎頂佢唔順

私人傳訊

starbabymm

大宅

積分: 2794

16^#

發表於 14-4-20 00:18 |只看該作者

MEITHEPOOH 發表於 14-4-19 13:22
好有同感,大仔4歲半,細女7個月, 我仲要餵人奶 ,亞女好痴身,大仔應該都係attention seeking,但我都就黎頂佢 ...

早排我真係就快崩潰，日日剷到個大囡飛起，好惡鬧佢時無錯係會即刻有改善，
但個囡真係好唔開心，我自己又內疚，
最擔心係，佢突然每晚臨瞓前尿頻，兩分鐘出嚟一次去廁所，
我開始後悔，可能係我鬧到佢精神緊張…

依家開始儘量唔鬧，多咗讚佢，
又抽返多啲時間陪佢睇書、玩、傾偈，
佢好似真係乖返好多，
雖然有時都仲係好漏氣、好慢，
但多數都會自己執房、主動幫我手做家務，
原來讚真係好有用！
大家一齊努力吧，雖然我有時都忍唔到會鬧兩句…