母乳餵哺 今日: 0 | 主題: 85708

積分: 40343

好媽媽勳章醒目開學勳章陪月勳章

1^#

發表於 07-11-19 16:21 |倒序瀏覽 |打印

我生左bb喇~ 不過未得閒報喜住, 要請教左大家餵人奶問題先~

我開刀生bb的, 幸運地出院當日已谷奶了(一落床就去餵人奶, 埋身但未有), 終於明白個胸好似石頭的感覺, 但仍然好開心! 返到屋企已經可以用手擠出黎, 比bb啜+用手推出黎見到bb吞下吞下咁, 應該食到奶掛!

可是個胸越來越實和硬, 阿b一哭(肚餓)我就心軟比佢食奶粉. 不過一見到bb越食越多奶就好開心, 希望佢快高長大, 即使未餵到人奶甚至餵唔到都唔係罪過...

另一方面我嘗試泵, 用過avent手泵但唔係好掂, 用手擠好work但好慢, 擠左一個鐘才得半安士!! 好辛苦(仲要係半夜)!! 今日試用medela電單泵, 好勁, 幾個字就半安了, 但因太痛才停止. 我知唔係咁好, 一係抖下夜d再努力過~

想問下用第一次用電泵係咁痛嗎? 個nipple脹左突左, 附近紅晒...定係我用得唔啱? 還是會慢慢習慣?

另外唔埋身餵住的原因, 除左心軟(

), 仲有以下幾個懷疑:
1/ 會否bb太細唔夠力吸啜, 以致一埋身就推開我?
2/ 會否因為nipple唔夠突阿b唔鍾意? 我泵過才知道nipple可以咁大但真係好痛!!
3/ 會否因為個胸實晒d奶唔係咁順? (我有熱敷但可能時間唔夠)
4/ 而家餵奶粉用nuk咀, 啱用嗎? 會否影響餵人奶?

請大家幫幫忙!!

[ 本文章最後由方麗娟於 08-11-19 13:46 編輯 ]

[ 本帖最後由方麗娟於 09-9-29 18:30 編輯 ]

0 0 0

私人傳訊回覆引用

Karena1015

男爵府

積分: 9099

2^#

發表於 07-11-19 17:34

我都用緊medela電泵，其實泵左3個幾月，我都仍覺得有d痛，當然比起第一次泵時好好多啦，不過我都仍要keep住泵因要返工嘛！

1/ 會否bb太細唔夠力吸啜, 以致一埋身就推開我?會唔會係唔岩位呀？阿b應該會識就力自己啜
2/ 會否因為nipple唔夠突阿b唔鍾意? 我泵過才知道nipple可以咁大但真係好痛!! 佢會自己啜到突架(應該)
3/ 會否因為個胸實晒d奶唔係咁順? (我有熱敷但可能時間唔夠) 多d按摩下會好d，泵時都要推下，仲有最好係泵唔到時用手擠，會再有架！因多數都泵唔清。
4/ 而家餵奶粉用nuk咀, 啱用嗎? 會否影響餵人奶? 我都用緊nuk，要睇阿b自己，個個b都唔同，我個b ok囉。

私人傳訊回覆引用

積分: 40343

好媽媽勳章醒目開學勳章陪月勳章

3^#

發表於 07-11-19 21:46

原文章由 Karena1015 於 07-11-19 17:34 發表
我都用緊medela電泵，其實泵左3個幾月，我都仍覺得有d痛，當然比起第一次泵時好好多啦，不過我都仍要keep住泵因要返工嘛！

1/ 會否bb太細唔夠力吸啜, 以致一埋身就推開我?會唔會係唔岩位呀？阿b應該會識就力自己啜
2/ 會否因為n ...

thank you! 今日黃昏時再試下埋身餵, 阿b又唔肯, 阿b唔食我就用電泵, 老公幫下我, 才發覺我琴晚將個泵較到最勁, 唔怪得咁痛啦! 咁頭先較返細舒服好多, 仲泵左足足1安奶, 好開心!

我泵時都會用手按下胸部周圍, 按左d奶會出快d同順d, 不過泵得耐(雖然2邊加埋唔夠半個鐘)真係好唔舒服. 慢慢黎啦...

[ 本文章最後由方麗娟於 07-11-20 16:11 編輯 ]

私人傳訊回覆引用

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

4^#

發表於 07-11-20 07:58

如果想多奶係一定要埋身餵，齋泵會難上奶，奶量都會少啲。所以，如果你想全人奶或餵耐啲，真係要埋身，仲要最好唔餵bottle, 否則好易令BB混淆，就更加唔肯埋身食，犹其是頭一個月。Nipples 細都可以餵人奶，只係辛苦啲。餵得多nipples自會長啲同突出，不過開頭係會好痛，等耐左習惯左就冇事，如果損左就搽lanolin cream, 或者用nipple shield，但都要keep 住埋身餵。用pump就要3－4個鐘泵一次，唔可以懶，20－30分鐘，冇或少都唔緊要，慢慢就build up milk flow。奶頭細同唔夠突餵倒人奶，要BB啜得啱，BB啜時個咀要含埋乳頭周圍深色部分，如果只啜乳頭實痛死，冇幾多次一定損。

我都係用電泵，最初開低度先剌激乳頭，有奶后可以較大啲泵快啲。電泵係比較痛，但係快啲多啲。心情會影响奶量，放鬆啲自然多奶。飲多啲水，一日12杯起碼，因為要夠水先夠奶。同埋你要食多啲有營養食物，少食多餐，千祈唔好俾自已肚餓，否則BB就食晒你啲營養，老左係就好多問題，例如唔夠鈣。

慢慢嚟，你BB仲細，總之每一餐都係一個學習機會，一日會好過一日。加油。

花旗太太生活在花旗國，留意時差，你問我未必即時答到。

私人傳訊回覆引用

nikitac

積分: 2466

5^#

發表於 07-11-20 09:52

我估你BB 唔願吮的原因係有乳頭混淆, 唔係佢細唔夠力, 無論你用邊個牌子都好, 奶樽的出奶量比乳頭快, 食起奶上來輕鬆d 唔使點用力, 所以BB 懶, 唔肯埋身.

如果你想BB 肯埋身, 坐月期間唔想泵奶, 就每次食奶前抱住BB, 慢慢tum, 比多d skin contact, 初初係會抗拒, 不過你tum 下佢, 同佢講乖乖地食媽咪奶奶, 比多d 愛心同耐性. 補奶時不用奶樽, 改為cup feed, 無得吮奶樽會令BB 想吮媽咪.

我識得有個媽咪, 佢用左一個星期左右就成功, 現在佢BB 一歲仲食緊媽咪奶奶. 你都可以成功, 因為你BB 仲細, 慢慢教一定得. 再唔係, 去健康院搵姑娘教你.

私人傳訊回覆引用

KarieWu

男爵府

積分: 6262

6^#

發表於 07-11-20 12:09

見大家講開泵奶, 想借少少空間問啲問題
我個仔就快滿月, 我每次都埋身餵30-45分鐘 (每次餵一邊), 佢鬆開口仔時我都見佢個口有奶, 而且我自己用手揸都仲揸得出, 但每次佢啜完咁多分鐘, 都仲即刻喊, 咁我會補奶粉, 佢每次都仲可以食4-5安, 我都唔知問題出喺邊度, 好似好辛苦佢, 每次都白啜咁, 啜完好似冇啜過, 都仲係咁餓
至於奶泵, 我買咗個tommee tippee手泵, 諗住同奶樽同一個牌子, 但唔知點解, 一滴都泵唔出, 反而用手"jit"仲會有奶出, 但出都唔係噴住出, 係滴吓滴吓咁出, 可能我怕痛, 唔怕太大力"jit"
我好想繼續餵人奶, 但我咁geh情況, 都唔知點好, 可唔可以俾啲意見我呢?

私人傳訊回覆引用

積分: 40343

好媽媽勳章醒目開學勳章陪月勳章

7^#

發表於 07-11-20 16:20

唔該晒咁多位! 我都發覺我的問題係衰心軟, 阿B一喊(佢喊個樣好似好慘咁口震震, 真係心都痛埋:-()我就擔心佢會餓親, 所以快快脆餵佢食奶粉. 見佢半安半安咁加上去我又好開心o既......

我今日大約6-7個鐘才泵, 因為怕痛, 但已好過昨日, 同埋改左用avent手泵, 其實仲痛但比較靜, 出奶和電泵差不多. 唔知係我未夠奶定係怕痛唔敢泵咁耐, 左右加埋total泵15-20分鐘只有半安至1安. 想問下我生左6日, 泵一次的奶量應該係幾多呢?

另外, 我頭先趁阿B未好肚餓(未喊)就埋身比佢啜下, 佢仍然抗拒的, 但我照塞比佢啜, 加上擠d奶出黎引下佢, 佢都啜到幾下(每邊). 希望下一餐又比佢啜下可以再啜耐d.

我會繼續努力比BB埋身食, 希望可以快D搞返掂啦!

私人傳訊回覆引用

積分: 174325

8^#

發表於 07-11-21 09:03

原文章由 方麗娟 於 07-11-20 16:20 發表
唔該晒咁多位! 我都發覺我的問題係衰心軟, 阿B一喊(佢喊個樣好似好慘咁口震震, 真係心都痛埋:-()我就擔心佢會餓親, 所以快快脆餵佢食奶粉. 見佢半安半安咁加上去我又好開心o既......

我今日大約6-7個鐘才泵, 因為怕 ...

你只係生咗6日，唔駛心急，少奶唔出奇，我都成個星期先上奶，仲係未夠阿女食，都補奶粉。後來决定試下全埋身，慢慢多奶，結果真係可以全人奶，依家阿女唁駛食奶粉，雪櫃仲有幾十袋奶做儲備，有時仲俾樽我個大仔飲。所以一定要勤力，6－7個鐘先泵一次一定唔得。你要3－4個鐘泵一次先至有效。仲有BB喊口震震係正常，佢大啲就唔會口震，係好大聲果隻。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

9^#

發表於 07-11-21 09:24

原文章由 KarieWu 於 07-11-20 12:09 發表
見大家講開泵奶, 想借少少空間問啲問題
我個仔就快滿月, 我每次都埋身餵30-45分鐘 (每次餵一邊), 佢鬆開口仔時我都見佢個口有奶, 而且我自己用手揸都仲揸得出, 但每次佢啜完咁多分鐘, 都仲即刻喊, 咁我會補奶粉, 佢 ...

會唔會你未夠奶呀？不如你每次餵晒兩邊，餵20－30分鐘轉第二邊。冇理由佢食咗30－45分鐘仲可以食多4－5安咁多。你個BB幾重，我女個醫生話BB可以最多食到佢磅數1／2安嘅奶，即係10磅BB最多食5安一餐。你隔幾耐餵一餐？如果BB唔夠飽，你可以試下餵密啲啦。

[ 本文章最後由 rose-mag 於 07-11-21 09:29 編輯 ]

花旗太太生活在花旗國，留意時差，你問我未必即時答到。

私人傳訊回覆引用

積分: 40343

好媽媽勳章醒目開學勳章陪月勳章

10^#

發表於 07-11-21 15:35

rose-mag,

多謝你o既鼓勵! 我知自己衰怕痛才隔咁耐至泵, 不過做左人阿媽原來真係可以為左個bb乜都得!!

呢幾次阿b食奶粉前我都比佢埋身啜, 一啜d奶水就係咁滴, 但阿b唔係幾肯出力啜(約啜十幾下然後含住唔郁 / 訓左 / 狂喊), 最後都係補奶粉.

另外想問下:
(1)可否比bb啜一陣然後食奶粉(家人餵), 同時我將d人奶泵出黎? 但泵出來的奶最後又係用樽餵, 咁咪沒完沒了?

(2)如果比bb啜完, 食奶粉, 但我唔泵出黎, 睇下下一次bb肯唔肯啜耐d, 得唔得? 但有奶又唔泵咪會越造越少奶?

我都好想用杯餵, 但有難度亦有阻力. 其實用bottle+埋身可行嗎? 仲有, 我真係唔想泵奶, 最想全埋身餵呀!

私人傳訊回覆引用

PP媽媽

積分: 3735

11^#

發表於 07-11-21 16:18

你可以試下我個medela soft cup!
平讓medela 防乳頭混淆soft cup

medela soft cup
-可代替奶瓶餵奶
-防乳頭混淆
-up to80ml
-適合初生bb

我最初經醫生介紹買的, 因泵出來的奶不想用奶瓶餵, 阿女食奶時成日旭,用杯仔或匙成日倒瀉,好浪費我辛苦泵出來的奶. b女用了3星期,用法簡單,單手可以餵,用2隻手指可控制出奶,不會浪費,而且真的沒有nipple confusion, 而家又肯啜我,用奶瓶都ok.所以真係好好用!

原價$198, 若然岩用,平d都ok,只是不想浪費及想大家成功BF!

有相睇:http://community.webshots.com/album/561515745wuEgho
　

原文章由 方麗娟 於 07-11-21 15:35 發表
rose-mag,

多謝你o既鼓勵! 我知自己衰怕痛才隔咁耐至泵, 不過做左人阿媽原來真係可以為左個bb乜都得!!

呢幾次阿b食奶粉前我都比佢埋身啜, 一啜d奶水就係咁滴, 但阿b唔係幾肯出力啜(約啜十幾下然後含住唔郁 / 訓左 ...

私人傳訊回覆引用

Choimk

積分: 1254

12^#

發表於 07-11-21 18:05

因為我BB在醫院已食慣奶瓶, 返到屋企我又唔忍心佢喊&生活秩序亂, 所以, 當自己上到奶後, 就一直用泵, 再用奶瓶餵, 一日才泵3次, 可共有20安, BB全日5餐, 有4 餐食人奶. 我用個Avent IQ Duo, 親人在美國買回來, 好好用, 我知道香港個代理有出租.

私人傳訊回覆引用

kathyhui

洋房

積分: 72

13^#

發表於 07-11-22 12:36

方麗娟 & rose-mag,
我好開心見到你哋sharing, 我BB 08年5月先生, 想知多D母乳知識, learn from your experience...make me feel better. 我都擔心到時唔知會點...

私人傳訊回覆引用

bonbon16

積分: 3663

14^#

發表於 07-11-22 14:51

原文章由 方麗娟 於 07-11-19 16:21 發表
我生左bb喇~ 不過未得閒報喜住, 要請教左大家餵人奶問題先~

我開刀生bb的, 幸運地出院當日已谷奶了(一落床就去餵人奶, 埋身但未有), 終於明白個胸好似石頭的感覺, 但仍然好開心! 返到屋企已經可以用手擠出黎, 比bb ...

各位媽咪,

我都想系呢度分享下我既經驗,希望幫到大家新手奶媽：我bb而家２個幾月，由１週開始我就餵人奶，因開刀又失血過多所以第８日先開始餵人奶（雖然系醫院已比佢試左食幾次，但未真正上奶）到我系第８日開始餵時佢食左成50分鐘，但未夠飽，再補左奶粉，甘我咪飲木瓜鮮奶，仲一飲就飲左500ml，點知第２日訓醒，個胸就谷到好似２舊大石頭甘，初時以為敷下熱水，就會好多奶出，但唔得，後來健康院護士叫我用力按（系好用力，好痛果種，要忍住）按到有奶出，按大概５分鐘就會開始通番，甘就會有好多奶！！
我初時都以為自己會餵唔飽我呀b,佢出世時好重，９磅９，每日食13餐，到滿月後都每日食11餐，每餐要食４安半，７週開始食５安，９週開始已食6-6.5, 一日食9餐，我而家有時不在狀態就間中晚黑有一餐補奶粉，基本上都可以應付到佢既需要，所以只要我地比佢埋身食多點，就會有多點奶出，只要有恒心就一定無問題！

大家比心機，加油！！

私人傳訊回覆引用

積分: 174325

15^#

發表於 07-11-22 15:30

方麗娟 ,

係咖，做左阿媽真係可以為左個bb乜都得!! 我之前戒口戒得好清，驚死食錯嘢冇奶，後尾試過感冒少奶，好努力泵同餵，結果奶多番，所以真係事在人為，唔會有冇奶嘅mami, 只係多定少。

一啜d奶水就係咁滴係好事, 即係有奶。訓左就搞佢起身，可以掃耳仔，彈腳趾，掃風，换片。狂喊就先calm down 佢，可能有風或一時轉唔倒氣。

另外想問下:
(1)可否比bb啜一陣然後食奶粉(家人餵), 同時我將d人奶泵出黎? 可以，結果bb都食倒人奶。但泵出來的奶最後又係用樽餵, 咁咪沒完沒了? 如果bb唔肯埋身都冇計，最緊要bb有人奶食，係咪？當然，如果肯埋身會方便啲，唔駛洗樽，出街可以随時餵，但bb會好attach to 你。你要唔要番工？如果要，佢始終都要食樽。

(2)如果比bb啜完, 食奶粉, 但我唔泵出黎, 睇下下一次bb肯唔肯啜耐d, 得唔得? 得，你可以等下一次餵，但初頭最好都係三個鐘泵一次，唔係奶唔泵會越嚟越少，堆身始終上奶最快最多。而且谷奶會好辛苦，唔泵會leak，浪費晒啲奶。

我都好想用杯餵, 但有難度亦有阻力. 其實用bottle+埋身可行嗎? 仲有, 我真係唔想泵奶, 最想全埋身餵呀! 用bottle+埋身可以，我第一胎時都係，但你會多左功夫，要餵之前凖備好，埋身餵之後要熱奶，餵之後要洗樽消毒，如果有人幫你會好啲，例如你餵完埋身有人幫你餵樽。你奶奶或媽媽幫唔幫倒？泵奶都真係幾煩，不過我慣左啦，仲一邊泵一邊睇雜誌小說，冇咁悶，我成本Harry Potter都係咁睇完。仲有，有時你都俾機會爸爸同老人家發揮下愛心，餵下個bb,你有時間休息。全埋身一來你冇得休息，二來如果你唔舒服要食藥，bb就冇奶食，所以最好有儲備。

花旗太太生活在花旗國，留意時差，你問我未必即時答到。

私人傳訊回覆引用

李小B太太

積分: 4412

16^#

發表於 07-11-22 16:17

其實應該咁:

每次差不多要食奶, 提早半小時左右開始, 先俾bb 埋身食 30 min, 然後補奶。先補之前泵出黎的人奶, 唔夠至補奶粉。

咁, 補幾多呢, 補的份量係假設bb 埋身完全無食過, 比如佢一餐食 60ml, 就預備足60ml 冰奶/ 雪奶/ 奶粉俾佢。如果bb 埋食其實已食到20ml (舉例), 咁到時佢就會食剩 20ml 響個樽度。慢慢、慢慢, bb 埋身越食越順利, 咁就慢慢可以減少補奶的份量。

我果陣大約一個月, 就可以全埋身啦~

但, 如果目標係全埋身, 咁, 你響成功全埋身之前, 一定要每三個鐘泵奶一次, 即係, 每次 bb 埋身食完, 你就泵清佢, 比如bb 今次食左邊, 你就泵清左邊, 下次就食右邊、泵右邊, 咁樣, 你身體就會配合返 bb 食奶的 pattern 黎做奶。如果你唔泵左佢, 身體以為你bb 只需要 20ml (舉例), 咁慢慢就會減少造奶, 只係造 20ml, 咁你就變左唔夠奶、越補越多奶粉0架啦~

泵奶痛啦, 一來係奶泵每次由細力開始, 慢慢至加大力度, 每次泵 30min, 就俾個乳頭休息。奶亦只可以30min 就要放入雪櫃。二來就係, 乳頭皮膚未適應, 一開始會痛0的, 慢慢適應左就會無咁痛。我都係用 medela, 我用 swing, 基本上泵奶係唔痛的。

bb 乳頭混淆, 姑娘建議 cup feed, 但因太煩, bb 又易choke親, 我都無用到, 照埋身餵, 太痛就捉開佢要佢再咬過。慢慢bb 就會識得點咬至0岩、點咬至有奶奶出、點咬媽咪至唔捉開佢。

仲有, 埋身餵, 媽咪同bb 唔知點解都會好眼訓0架, 所以一邊餵一邊要想辦法「騷擾」bb, 唔好俾佢訓著, 呢一點, 係非常難攪的!!! 有時真係整極bb 都唔醒0架, 哈!!

恭喜你升任媽咪呀~~~

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 40343

好媽媽勳章醒目開學勳章陪月勳章

17^#

發表於 07-11-23 08:15

多謝大家的分享! 聽多d人地o既經驗真係好有用!

講下我而家o既情況先~

終於我狠心d迫阿b個咀仔啜, 前2日啜到一邊乳頭流血呀! 埋身啜左好耐(2邊加埋足足1個鐘, 其實真係食大約35-45分鐘, 其餘時間都係訓著左但咀仔仲啜下啜下咁, 我以為佢仲要食), 結果比我奶奶勁笑...唔緊要, 第一次正式埋身啜梗係唔識咁多, bb得幾日人仔, 我同佢都係"互模"階段(互相模索

). 佢唔識用力, 我又唔知佢幾時食緊幾時貪得意啜住訓覺.

如是者每餐食奶前都比阿b埋身啜, 由5分鐘開始, 到10分鐘, 今朝15分鐘. 只係食住一邊先, 因另一邊結緊焦. 再過1,2日先兩邊輪流食. 對嗎?

見到阿b由抗拒到"good good good"食人奶, 真係好開心. 我餵人奶時唔覺眼訓, 最眼訓係掃風, bb都唔易掃風呀~ 响e院已經係咁, 有咩辦法令佢易burp d風出黎呢? 同埋係咪唔一定嘔奶? 我發覺阿b有時有d奶burp出黎但吞返落肚! 咁仲駛唔駛繼續掃風?

原來埋身食, 我阿b例牌用手仔推開我. 我而家照塞個nipple入佢口, 試多幾次佢就知道係媽咪餵佢了. 好開心!!

我的奶量...泵出黎比較少, 埋身食唔知幾時至夠佢飽呢? bb一餐食2-3安士奶(不定, 有時1安至1.5但會密d), 我泵出黎2邊加埋先得半安至1安不等...已經有偷偷飲多奶茶(organic mother's milk)和勁飲水, 湯水方面奶奶唔識煲, 仲有咩方法可增加奶量?

如果坐月後才自己煲湯水去谷, 會否太遲? 請指教!!

私人傳訊回覆引用

積分: 40343

好媽媽勳章醒目開學勳章陪月勳章

18^#

發表於 07-11-23 08:20

rose-mag,

多謝你的指教和鼓勵! 呢幾日情況改善左, 希望可以越黎越多人奶比bb食~

我係home office的, 所以好想全人奶!!

李小B太太,

我呢幾日成日睇實個鐘, 知道阿B差不多要肚餓(開始少少喊但未勁喊)就埋身啜, 阿B肯食. 但我未可以埋身30min, 太痛了! 同埋而家一邊損左, 只餵住另一邊先. 我今朝餵左15-20分鐘, 中途有捉開阿B個咀睇下自己有冇損

冇咪再塞返入佢口.

埋左身再補奶粉, 開2安剩1安, 係咪=我比左1安人奶佢? 但泵出黎冇咁多. BB而家訓左, 係咪代表呢一餐夠食? 食密D唔緊要, 最緊要我有奶比佢食!! 所以想快D增加奶量.

[ 本文章最後由方麗娟於 07-11-23 08:24 編輯 ]

私人傳訊回覆引用

李小B太太

積分: 4412

19^#

發表於 07-11-23 09:33

1. 損左果邊一定要 keep 住定時泵奶, 如果唔係會谷奶 and then 收奶0架! 用泵無埋身咁痛, 同埋一開始會痛0的, 忍一忍, 點都要泵出黎0架。每次泵完/ 埋身後, 都要擠少少奶出黎整濕個乳頭, 等佢自然風乾, 咁個乳頭會無咁易損/無咁痛。而已損的乳頭, 也可用人奶擦, 亦可用羊脂膏擦, 擦密0的, 就會好快好。同埋, 果陣我仲響醫院時, 姑娘見我每次用水抹乾淨乳頭至俾bb埋身, 比姑娘笑啊, 佢話, 你咁抹法, 想唔損都幾難。佢話唔駛抹, 每次直接俾bb埋身就得。不過我知有媽咪覺得抹左安心0的乾淨0的, 你自己衡量下啦。

2. 泵出黎係少過埋身的。一來泵始終無咁清, 二來埋身時bb 一邊啜你身體會一邊同時造奶 (呢點係聽 bk 0的媽咪教的)。

3. 如果 bb 埋完身你見到佢咀仔有奶 (甚至有奶俾佢嘔), 即係佢有食到奶啦, 咁, 之後你補2安佢只食1安, 如果試得兩三次都係咁, 就即係佢埋身可以食到1安或者更多。同時, 你要留意佢多左埋身後, 尿尿有無少到, 如果同之前差唔多, 甚至多左尿尿, 咁你就可以放心, 証明佢埋身食到啦~!

4. 然後, 當你見到bb 埋身食越黎越順利, 而補的奶份量慢慢少, 你又感覺自己出奶順左好多 (比如泵奶時0的奶柱多唔多、出得勁唔勁、快唔快, 個胸泵完/ 餵完感覺鬆唔鬆等, 鬆即係0的奶出得清), 你就可以嘗試全埋身啦。

5. before 你開始全埋身, 你先幫 bb 磅下重, 然後, 開始全埋身後, 每日 keep 住留意 bb 尿尿夠唔夠, 一個星期後再幫 bb 磅重, 如果重得 ok, 就即係你成功左啦~~~ (我果陣大約小笨一個月大時成功全埋身。)

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

李小B太太