吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我都講下我個家婆先

婆媳關係今日: 3|主題: 27785

收藏本版

發帖

返回列表

跳至頁

查看: 5214 | 回覆: 21

我都講下我個家婆先 [複製鏈接]

LucasChan

複式洋房

積分: 131

1^#

發表於 08-1-20 22:43 |只看該作者 |倒序瀏覽 |打印

我係同老公,99一齊住既，我大肚後,1個人跟住老公離開香港,
去咗另一個國家生活(因為我老公唔係香港人)
去到果邊, 我同99既同居生活就開始勒
故事一籮籮..不能盡錄﹗

1)不停單單打打..
成日講香港呢樣唔好,果樣唔好..又勁串我屋企人
例如︰你帶黎果D香港衫係垃圾衫, 你老豆攞黎果D海味有無
事架? 香港既野係大陸入口,會食死人架﹗我就同佢解釋,所有海味
都係係香港既西環或者上環既海味舖買,唔會有事架..
但係佢完全唔理,將D豪鼓,响螺片,鮑魚仔等放係出邊..搞到
發晒毛..完全唔食得..佢就話:不如掉晒佢勒..唔食得囉..
頂﹗係你唔肯擺放雪櫃,搞到發晒毛喳﹗我真係勁嬲,因為係我
老豆一番心意,千理迢迢坐飛機帶過黎畀我補身..(我當時已經
有左4個幾月..)

2)開頭我都有同佢下我屋企既野,因為佢話一家人要坦白..咁
我就真係咩都講..點知講咗之後大鑊囉!!! 成日攞我屋企既
野黎串我..嘲笑我屋企..我真係勁勁勁憎佢!!!!!

3) 我1個人係呢邊無親無故,黎到咩都要重新適應,工都要重
新再搵(本來我係香港有份收入唔錯既工)佢就話:我都成日
叫個仔唔好搵香港女仔,香港女仔好貪慕虛榮,你而家又無工做,
幫唔到個老公儲錢買樓,你唔好以為你好巴閉呀,你嫁黎我呢邊
畀過呢咩我呀,只係兩梳蕉咋﹗其實我個仔好多人鍾意,好多
人追嫁,不過佢係都要娶你,我無辦法勒..

4) 我大住個肚(8個月),仲成日叫我去街市買好多野,成日都話要
個雪櫃擠到滿滿先開心,但就唔直接同我講,而係對我黑面,然
後同老公講:你老婆好姑寒,買野買少少..頂!!!
呢邊個街市只係晨早流流6-7點開..開到9點就收檔,
我真係勁眼訓,仲要每次買2-3公斤豬肉,排骨,PORK CHOP
多種菜,瓜,雞,薯仔,不同種類既豆腐、河粉,面等...擰到
我死死下..佢話︰畀下機會你做下運動,費事你生唔出..(下
刪數百字…)

5) 到我生咗勒,佢就一次湯都無煲過畀我飲!!! 真係一次都
無架!!其實我都好想餵人奶,鬼都知餵人奶好過餵奶粉,但
我真係唔夠奶,我就唯有勁飲水同奶,但係BB越食越多,我真
係無辦法(難為我屋企人仲勁問我有無湯水飲,我唯有騙佢
哋話就有,費事佢哋傷心 & 擔心我)..到後黎我無奶勒,呢個
死八婆就話:你真係唔夠母愛,阿邊個邊個都餵人奶勒!! 你
真係唔夠母愛!!!超!佢自己生咗4個仔女,1個都無餵人奶呀!!
佢個女生咗2個,都係無餵人奶呀!!!講咗好耐,本來我有少少產後
抑鬱,聽咗之後就變左好嚴重,動不動就哭,覺得好對唔住個
仔,就好想死左佢..後黎終於忍唔住(因為我老豆成日打黎問
我點呀點呀)我就爆咗少少出黎,老豆就好好語氣咁同佢講,點
知佢勁嬲, 叫我入佢間房,鬧到我死..我一句都唔敢講,仲
係咁講sorry,鬼叫自己個老公無本事買樓,寄人籬下好淒涼
架﹗佢仲話:你有本事咪租間屋搬走勒!我唔稀罕呢個孫架,
我個仔無咗老婆,無咗仔都得架,咪再娶個第2個囉,仲後生﹗

6) 講番坐月,我係開刀生既,傷口,惡露各方面都恢復得好慢,
特別我坐月時,我唔放心畀工人照顧,唯有自己日夜照顧,已經
勁辛苦,我剛剛坐夠30日既月,真係剛剛30日咋!!!我老公諗住
去街市買餸,佢就即刻單打:咩你老婆唔去得咩,都坐完月勒!!
可憐我仲忍住傷口既痛,束住個binder去街市買咗好多公斤
既野番屋企...

7) 99既恐佈歌聲,其實係我黎住果陣時,佢已經日日,係日日!!
晨早3點起身,大大大大大聲咁唱歌,我頂唔順,叫老公同佢講
下,問下佢可唔可以遲少少,例如7點鐘先唱勒,佢聽咗之後大
發雷霆,講:連我唯一既興趣都要攞走埋??!!!大佬,我唔敢叫你
唔唱(其實你恐佈既歌聲真係好難頂,仲要我哋讚你好聽,真係
違背晒我既良心),只係叫你遲少少先唱!!! 佢仲講:呢間屋
係我架,你唔慣就搬走!!嘩!如果唔係有咗個仔,我即走勒!!!
到我生咗仔,佢都係日日唱,但都叫好,延遲到晨早6點..但呢
牌又恢復番4點鐘唱!!!想死囉!!!!

8) 呢牌阿仔半夜驚醒,又有d咳,我就叫朋友係香港買d保嬰單黎
希望幫佢寧神去痰,點知佢一聽又係香港野,佢就講到好似有
毒咁,唔准我畀個仔食...總之係香港黎既野就係有毒既!!!

其實仲好勁勁勁勁勁超超超多既野無法係度講,但起碼有得畀
我發洩下,因為自從上次之後,我對屋企人都係報喜唔報憂..
今次發洩咗,個心都舒服d

0 0 0

私人傳訊

阿藍2006

侯爵府

積分: 21473

好媽媽勳章畀面勳章

2^#

發表於 08-1-20 22:58 |只看該作者

你個99根本唔係人黎呀
你老公係咩國家呀???
你真係要小心d自己嘅情緒呀,坐完月都要小心自己嘅情緒
加油呀~~~
有咩唔開心就上黎同我地講啦

私人傳訊

kary512

別墅

積分: 739

3^#

發表於 08-1-20 23:48 |只看該作者

你99真係好變態...三更半夜唱歌..佢係咪傻架?同埋bb唔使訓呀?and佢知唔知大肚婆最緊要就係訓得好呀?你老公又唔出聲~有冇搞錯呀?搬返黎hk喇~你老公邊個國家既人黎架?

私人傳訊

大豬既老婆

伯爵府

積分: 17545

4^#

發表於 08-1-21 01:45 |只看該作者

咩國傢甘巴閉！
妳叫距有本事就吾好買make in china既野

其實甘妳有無同妳老公講下呢？
妳之前講個D野妳老公有無幫妳撐？

講真如果妳C6同妳99是同一陣綫，妳以后既日子好難過

[ 本文章最後由大豬既老婆於 08-1-21 01:47 編輯 ]

私人傳訊

我愛Corina

瑪瑙宮

積分: 139646

2025勳章蛇年勳章 2024年龍年勳章好媽媽勳章醒目開學勳章環保接龍勳章

5^#

發表於 08-1-21 02:35 |只看該作者

你嫁左去邊呀

咁本身你99係咩人黎ga

識講cantonese

我都係係外國都係同6299,太99一齊住..
我幸好佢地對我好好,如果唔係,係外國d生活真係令我人都癲呀..

私人傳訊

素兒

子爵府

積分: 13980

畀面勳章

6^#

發表於 08-1-21 12:17 |只看該作者

我估新加坡,啱唔啱呀

私人傳訊

LucasChan

複式洋房

積分: 131

7^#

發表於 08-1-21 13:11 |只看該作者

係醜陋既新加坡人!!

素兒︰

你估得好啱﹗佢係新加坡人﹗
勁變態﹗我個仔而家7個幾月，
捱到我死!!!! 受盡佢既冷言冷語!!!
好似BABY出世後，佢D女呀,仔呀
個個都話BABY似我呢邊既人
特別個額頭勁似我老豆,其實我一句都無講過BABY似邊個
有咩所謂??!! BABY一路大,個樣會一路變架嘛...
佢聽咗之後,就勁誇張咁講:BB似你老豆呀？咁咪勁醜樣囉!!
頂你肺呀!!!我老豆得罪你呀??!!!!!前世殺你全家呀???

佢既歌聲不單勁大,仲勁難聽!!
我已經關晒門,只開窗,但係都阻止唔到佢既歌聲,
佢嘈醒左BB, BB就喊,佢就衝入我間房,
問: BB做咩喊呀？
我心諗︰做咩喊你都問得出??!!!!!

好似今個聖誕節,我阿妹黎呢邊探我同BB,
仲帶咗老豆整既野食畀我..
佢知道後,就講:嘩!食唔食得架??!!! 阿仔,唔好食呀,食壞人架!!
佢係當住我阿妹面前講,我阿妹即時黑面!!! 真係勁難頂!!!
我好想快D返香港呀!!!!!!!!!!!!!

私人傳訊

cherrytso

大宅

積分: 4850

8^#

發表於 08-1-21 14:18 |只看該作者

嘩....妳99係唔係變態架.....咁都得 !!!!!
講真, 反正妳老公如果黎香港又唔憂搵唔到工, 不如返黎香港好過啦.......妳又可以搵份工做, 唔洗寄人籬下, 最重要係有屋企人錫啊馬.....
老實講, 我99都唔係好架啦.....不過因為我 head得住我老公, 我99又知我爸爸媽咪好錫我, 所以衰極都仲有個譜囉.....況且我唔係同佢住....煩少好多....見到我二嫂 (我老公最大)就慘囉......成日俾我99 日哦夜哦, 又薑又醋, 又依又路....真係勁煩架....

私人傳訊

蜜糖小叮

禁止訪問

積分: 1686

9^#

發表於 08-1-21 15:20 |只看該作者

提示: 作者被禁止或刪除內容自動屏蔽

私人傳訊

RainbowQueen

大宅

積分: 1343

10^#

發表於 08-1-21 17:58 |只看該作者

Lucas﹐你的家婆真係好得人驚﹐對你好唔尊重。她直情係精神虐待緊你。我希望你唔好啞忍﹐如果她對你有無理要求時﹐你需要懂得保護自己和bb。既然她不尊重你﹐你無需為她忍瞞。把你的不快告訴家人﹐讓他們能與你分憂﹐也讓你有個出口﹐可以洩下氣。不過為免令你受苦﹐叫他們不要插手﹐只做你的聽眾就夠了。希望你先生知道實情﹐能盡快搬出去住。
很同情你的處境﹐希望你是有能力改變。

私人傳訊

CINDYC

水晶宮

積分: 50254

11^#

發表於 08-1-21 18:07 |只看該作者

我會笑住答阿９９、係呀勁醜樣都係外表嗟、如果似人地把賤口加悪毒心腸就真係要大義滅親、費事遺害社會！咁既９９都有

原文章由 LucasChan 於 08-1-21 13:11 發表
BB似你老豆呀？咁咪勁醜樣囉!!

若沒有忙碌, 你便不會懂得善用閒暇; 沒有痛苦, 便不會明白快樂的得來不易; 沒有失去, 我們更不會懂得珍惜--是苦是甜也好, 是時間太多或太少也好, 最重要的, 還是請不要浪費你的人生! (純粹分享 ^0^)

私人傳訊

小寶貝兒

珍珠宮

積分: 30295

12^#

發表於 08-1-21 18:16 |只看該作者

之前我99無啦啦作野鬧到我病發就黎係條街度暈底, 我本來都唔想同父母講, 後尾同細妹講左佢又同媽咪講, 我媽咪打比我安慰我時我已經喊到死, 我媽咪就嬲到死, 勁想剷上去99度鬧返鑊金!

你99係真正既變態, 如果你老公愚孝既, 你自己去睇醫生, 話心情好差, 好想死等等, 然後我諗醫生應該會約見你老公, 同佢傾下, 點樣可以令你好D!

唔好死忍啦, 有時候, 你退一步, 佢地就進一步, 係都要逼死你為止!

我以前一聽到要去99度食飯, 會發癲架, 係條街度狂喊啦, 會自己撞頭埋牆自殺啦, 會好驚啦!
後尾我老公支持住我, 而我又努力唔好再去想99D野, 先至叫好D咋, 而家一諗起就黎過年, 又要去做阿4+出氣袋, 就覺得好抑鬱!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

大豬既老婆

伯爵府

積分: 17545

13^#

發表於 08-1-22 01:58 |只看該作者

甘你老公究竟系咩立場呢 ?
距會吾會幫住距阿媽 ?

"佢聽咗之後,就勁誇張咁講:BB似你老豆呀？咁咪勁醜樣囉!!
頂你肺呀!!!我老豆得罪你呀??!!!!!前世殺你全家呀??? " <-- 我系你就吾好心話頂距個制﹐ 直頭講出黎頂距拉! 同距講你咩新鮮蘿蔔皮呀! 話我老豆樣衰 ! 如果有人敢講野傷害我屋企人﹐ 我一定鏟到距上天花板!

私人傳訊

LucasChan

複式洋房

積分: 131

14^#

發表於 08-1-22 09:18 |只看該作者

我同老公買咗屋勒!

我同老公已經買咗屋勒!! 以後希望可以同老公,阿仔三人世界
但係仲要等多3年先有得住...
我係07年8月時已經搵到工,所以而家1-5都會返工
只係星期6 & 日全日係屋企,對少左好多..所以磨擦都少咗好多

我老公好錫佢阿媽,因為係寡母湊大佢地幾姐弟,所以同阿
媽勁好感情,我亦因為同99既關係同佢吵過好多次大大大
既甘獲..但最後佢都會逗番我..其實我老公好鍚我..
如果唔係佢咁錫我,我1早就走人...有一牌我同佢阿媽之間
好彊,我話:我唔會再忍佢!!
老公受咗好大壓力,仲勁喊..我睇到覺得自己好似好自私
無顧佢感受..
佢夾係中間好難做人,所以有好多時我都無同佢講番自己既
激氣野...而家就算聽到99對我單單打打..我都借咗聾耳陳對耳,
扮聽唔到,然後盡快忘記..因為單打已經係好小既事

猶記得大半年前,係一次食飯過程中,我老公夾餸畀我,
我就話:夠勒,夠勒!!唔駛再畀勒!
點知個99以為我叫佢個仔唔好夾餸畀佢,話我自私,姑寒
食都唔畀佢食...我頂!!!我同佢解釋咗N咁多次,佢都唔信,
仲可以係今時今日攞番出黎講...不知所謂!!

仲有,因為阿仔係同工人 & 99 訓,每次我同佢有磨擦,佢
就即刻講:你搬番個仔番去你果間屋勒,我唔湊你個仔勒!
我話:好呀!當我個仔係貨物呀???!!!!鍾意就訓你間房,
唔鍾意就推番佢過黎...大人有磨擦關BB咩事呀??!!
佢一個月後開始便訓你間房(因為BB床放係工人床隔離,方便
工人餵奶..,我同老公要番工),已經訓慣咗,佢又會選地方訓..
後尾又要我老公去講數,BB先可以訓番佢間房...

私人傳訊

素兒

子爵府

積分: 13980

畀面勳章

15^#

發表於 08-1-22 11:00 |只看該作者

ucas
好彩你c6都錫妳,妳有咩唔開心唔好再同妳c6吵啦,一方面唔想妳c6為難,咁既99唔值得令2公婆傷感情,另一方面c6知道又點呢,我諗佢都係唔想煩既人,如果妳講得多咪令自己形象扣分,都時佢唔幫妳架啦,始終佢媽咪係無得擇,(唔係叫妳唔講,都要講,但要有skill,其實可能佢都知自己既媽係點樣既人喇,所以唔使講得太盡)而且妳地都有新居啦,好好多,恭喜,恭喜,

值得

唔開心同我地講丫

,我地呢度有好多有經驗既媽咪會開解妳架:D ,雖然新居要等3年,但始終都知個期限,我...未知呀:-(
p.s.妳d海味可以晒下佢先就唔會咁容易發毛.
仲有新加坡人好錫媽咪架,係佢地心活中佔據左好重要既地位,就算明知係唔啱,佢地都唔出聲,自己扛下去,呢d係佢地國家既文化,始終唔同家庭都有唔同文化,睇開d喇!
妳99都知妳係點樣既人,始早會無事,可能佢用初歸新抱,落地孩兒既方法教妳掛

,好日子係前面架啦,放心喇香港人!

[ 本文章最後由素兒於 08-1-22 11:13 編輯 ]

私人傳訊

yucopooh

禁止訪問

積分: 4584

16^#

發表於 08-1-22 23:28 |只看該作者

提示: 作者被禁止或刪除內容自動屏蔽

私人傳訊

wmpl

大宅

積分: 3000

17^#

發表於 08-2-24 23:05 |只看該作者

原文章由 LucasChan 於 08-1-20 22:43 發表
我係同老公,99一齊住既，我大肚後,1個人跟住老公離開香港,
去咗另一個國家生活(因為我老公唔係香港人)
去到果邊, 我同99既同居生活就開始勒
故事一籮籮..不能盡錄﹗

1)不停單單打打..
成日講香港呢樣唔好,果樣唔好.. ...

你99係唔係胖虎（技安）托世,
半夜三更唱歌仲要迫人哋讚好聽！