論盡家傭今日: 0|主題: 134007

收藏本版

發帖

返回列表

跳至頁

查看: 1002 | 回覆: 1

印姐姐偷錢!!!!!!!!!!!!! [複製鏈接]

greenbaby

大宅

積分: 1196

1^#

發表於 08-3-20 11:28 |只看該作者 |倒序瀏覽 |打印

印印係2007年9月中到我家, 一路以來都ok, 好好心機湊兩個小朋友 (現3.5歲及 4個月), 平日婆婆會係屋企幫手睇住. 印印好多野都自動波唔使下下叫佢做, 對婆婆都好好相處得幾好, 我煩小好多野...以為搵到個好工人tim.....

第一次發現佢偷錢 ($500) , 仲係bb滿月d利是錢 : 果日阿b擺完滿月, 收咗d利是, 我開嚟睇過哂有mark低哂幾多錢跟住原封鎖咗入櫃諗住過幾日入銀行. 過咗幾日我拎咗出嚟放係手袋想去銀行, 後來冇去到但又唔記得鎖番入櫃, 到夜晚, 我心血來潮又走去睇下d利是, 發覺爺爺俾果封(16張500蚊)小咗一張得番15張,以為自己放錯 or 拎咗出嚟用, 係度左搵右搵, 又左諗右諗......
跟住老公返到屋企我都未同佢講 (因為自己都未confirm), 佢係姐姐房搵野(有幾個工具箱放係入面), 發現有一張$500攝咗係2個工具箱中間, 佢即時不動聲息叫我入去指俾我睇, 我一睇當堂打個突, 心諗 "唔係咁橋呀"......我地冇出聲, 等2個細路訓哂就叫佢坐埋檯, 拎埋果張$500問佢點解有張錢攝咗係度, 同一時間話我唔見咗$500....佢即時面都變哂色, 又唔敢望我地. 咁我地問佢 "係咪你拎咗太太架" 佢話 (口窒窒) "我冇" ~~~
我地同佢講 " 好, 你話冇, 我信你" (跟住好聲好氣同佢講咗一大埋野.....)希望佢唔會再犯同俾一次機會佢.

一路都相安無事...直至前幾日婆婆同我講, 姐姐拎咗我D錢!!!婆婆一路以來都發覺好多時個銀包小咗$100, 開頭以為自己冇記性....跟住佢有次特登數過自己有幾多錢, 好肯定咁知道姐姐偷咗$100.
過幾日婆婆專登又放張$100係個銀包出面果格 (婆婆一向都將個銀包收埋係放衫d櫃桶).....佢肯定咗姐姐偷佢錢先同我講, 仲叫我唔好為咗果幾百炒佢, 因為覺得佢真係好錫兩個小朋友, 又好心機湊佢地.....

問題係 :
(1) 佢唔係第一次, 究竟中間偷過幾多我地都唔知
(2) 知道佢嚟香港頭果7個月成份糧要還錢, 已經個個月借$500俾佢, 寫明由2008年5月開始每月扣$500, 直至還清....咁仲要偷我地錢, 真係唔知講咩好
(3) 好想即炒佢, 但又唔係好忿氣要補一個月俾佢

想問下 :
係咪一定要有證據證物佢偷錢先可以唔補一個月俾佢??
係咪一定要報警??
一個月通知又得唔得??

sorry, 第一次請工人就遇到呢d情況, 真係咩都唔知.

thanks

[ 本文章最後由 greenbaby 於 08-3-20 14:48 編輯 ]