＋
Baby Kingdom - 親子王國 香港 討論區 › 首頁 › 婆媳關係› 我 99 煩到我就黎顛呀

婆媳關係

收藏本版
發帖
返回列表
跳至頁

首頁
12

尾頁
   0
usbaby


珍珠宮

積分: 42576

馬年勳章 2025勳章蛇年勳章 2024年龍年勳章 開心吸收勳章 畀面勳章


1#
發表於 08-5-31 12:09 |只看該作者
我啱啱生左 BB, 未生前奶奶成日叫我地請陪月, 佢話到時只會同個孫玩乜都唔理, 點知生完之後就煩啦.

生完嗰日佢黎醫院探我, 見到 BB 話 BB 所有野似晒老豆, 一樣都冇話過似我, 咁算啦似 daddy 好正常, 跟住重覆講完又講, 我 d 朋友黎探我又同我 d 朋友講, 講到我心都煩埋, 到第二日再黎醫院, 今次俾佢見到 BB 開眼又話 BB 連對眼都似埋 daddy, 我都算啦, 反正 BB 日日個樣都變唔係似老公就似我架啦, 點知到第三日黎佢
終於話 BB 似佢 (因為我老公個樣似 99), 我幾興呀, 但都唔出聲又得佢, 第四日我返屋企佢又黎話煮野俾我食, 其實係黎睇孫, 咁好啦有人煮野俾我食唔駛自己整, 佢黎到又話 BB 掛住瞓唔同佢玩 (得幾日人仔唔係食就瞓, 點同你玩呀), 講野又鬼咁大聲方死 BB 聽唔到佢講野咁, 佢唔黎時 BB 除左肚餓同賴左野先喊之外跟本係唔會喊, 佢喺度就搞到 BB 喊到拆天咁, 呢頭話佢喊又得佢唔好抱佢 (老實講我唔係餵奶同換片都唔會抱 BB), 轉頭自己又忍唔住抱起佢, 有時 bb 唔喊又話唔喊我先抱你, 喊就唔抱, 點知喊同唔喊佢都照抱, 呢頭話我如果抱 BB 時唔好搖, 搖慣左第時就次次都要, 轉頭佢自己又係度搖, 佢真係好雙重標準令人無所適從, 我餵人奶奶水不知幾充足, 一日泵 3 次每次都泵到 6oz 多到要倒, 幾日大既 bb 飲人奶每隔 3 個鐘餵 2 oz 係醫院護士教既, 佢就成日話我餓佢個孫 bb 喊咪俾佢食咯駛乜限住時間餵, 尋日佢冇黎到我成日不知幾舒服, 點知佢今日又黎仲煩, 又話咁乾做乜唔開水機, 咁熱又唔開風扇 (我係住喺外國宜家只係比較乾燥, 未至於熱到要開風扇), 有時 bb 係咁喊佢就一味話係 bb 食唔飽, 佢唔會諗到 bb 食完奶係會疴野既, 我話俾佢知佢先冇再出聲, 又話 bb 要日日沖涼,
但因為呢邊天氣乾燥, 我同佢講醫生建議 bb 最好隔日或隔兩日沖涼, 但如果佢出汗咁梗係冇計啦, 但我摸 bb 個身係好爽跟本唔駛日日沖, 佢以為自己廿幾年前仲係香港住時日日都要幫老公沖涼, 係香港梗係要啦, 但呢度唔係嘛, 同埋醫生話 bb 幾乾燥都好都盡量唔好幫佢塗 lotion, 佢又話咁乾點得架, 最後可能我頂得佢太多句佢竟然話最衰 bb 食人奶, 如果食奶粉佢真係會抱 bb 走, 意思暗示我唔識湊 bb, 佢終於都講到出口想湊孫, 只係唔係直接講, 我所有湊 bb 既野都係醫院 d 醫生護士教我架, 佢叫我唔好聽埋人地 d 婆仔野喎, 我真係想話佢係咪痴線, 著得衫多又話多, 著得少又話少, 今日留左係我屋企 5 個鐘, 係咁舞 bb, 到佢地走後 bb 成晚係咁扭計, 佢又唔係肚餓又唔係賴野抱住都係咁喊, 我幾驚 bb 喊到窒息呀, 聽日星期六仲要過去 99 屋企, 我真係好驚呀, 唉, 第 5 日已經痴線啦, 宜家先啱啱開始, 唔知要捱到幾時.....
生活在花旗國一年有 300 天陽光普照的城巿裡
私人傳訊

三陪小雞


複式洋房

積分: 117


2#
發表於 08-5-31 12:43 |只看該作者
樓主EQ都幾高喎，俾著我一早趕佢走，仲俾佢留響我屋企咁耐係咁「舞」我個仔？！
我99都係，出院返到屋企果幾日，日日上黎，bb得果幾日人仔，唔係食就訓，佢就係咁怨話bb掛住訓唔同佢玩！！！
結果要攪到每次佢上黎我都黑起塊面，又同老公投訴，禁制佢上黎我屋企！攪成咁，佢都係自己攞黎的，怪得邊個？！:;pppp:
私人傳訊

kvstephanie


禁止訪問

積分: 1368


3#
發表於 08-5-31 15:42 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

方麗娟


珍珠宮

積分: 40343

好媽媽勳章 醒目開學勳章 陪月勳章


4#
發表於 08-5-31 20:42 |只看該作者
原文章由 kvstephanie 於 08-5-31 15:42 發表
唉......我好喜歡小朋友, 好想生幾個, 但一諗到呢隻99既存在, 我就即時打退堂鼓!!!而家我同老公將來所打算的, 所計畫的, 都要計埋佢在內!我學唔到人地咁豁達, 話之佢, 人係有感情的動物, 不過我99唔係人!


exactly

私人傳訊

揚莉煒媽咪


水晶宮

積分: 62360

好媽媽勳章 畀面勳章


5#
發表於 08-5-31 21:18 |只看該作者
O岩O岩出世BB係會甩皮
真係唔駛搽 lotion
你99用番以前果一套
緊係會緊張架喇
係就係煩d但99起碼黎睇你
過黎探你係擔心你同bb
一個坐緊月o既媽媽好大情緒
我果陣湊唔掂阿女都會坐o係度喊(第一胎)
可能我99無幫我手
我覺得你好幸福
私人傳訊

揚莉煒媽咪


水晶宮

積分: 62360

好媽媽勳章 畀面勳章


6#
發表於 08-5-31 21:27 |只看該作者
另外你同99講下
你過黎抱得多佢
bb會扭抱好難湊
如果bb夜晚喊
你就會call佢過黎幫手睇
我都好怕bb訓覺比人抱(怕bb扭抱喊)
半夜喊就日抖叫醒bb
等bb夜晚訓得好d~
可以開收音機bb會幾好訓架
又或者唱歌仔同放舊玉o係bb床頭定驚
我信係work架
我湊大3個
bb無啦啦喊搞極都唔掂
我就會話唔駛驚有媽媽o係度
乜都試下啦
私人傳訊

kayingivy


伯爵府

積分: 18129

好媽媽勳章 醒目開學勳章


7#
發表於 08-6-1 00:08 |只看該作者
呢d咁嘅奶奶，我實趕佢走:;pppp:

私人傳訊

onon1022


子爵府

積分: 12600

好媽媽勳章


8#
發表於 08-6-1 00:18 |只看該作者
其實你奶奶可能煩左d...但係佢都係鍚bb...假如你奶奶對bb不聞不問...你可能又會話奶奶唔鍾意bb...算啦...唯有忍耐下...係你奶奶既角度...因為佢覺得佢自己有經驗...而你無...第一次做人阿媽...好多野會覺得你唔識...你可以慢慢解釋比佢聽...起碼你奶奶對你唔差...



[url=http://lilypie.com][img]
私人傳訊

小寶貝兒


珍珠宮

積分: 30295


9#
發表於 08-6-1 00:59 |只看該作者
你試下同你老公講, 諗下辦法叫99唔好再過黎, 最多你等BB滿月後過去!

我老公知佢阿媽麻煩, 我同佢講, 你點都幫我拆掂佢, 唔係第時有左生埋, 都被佢搞到我產前產後抑鬱, 我真係唔知道我會做D咩出黎架!!

又比D報紙佢睇, 當時連續有2個媽咪產後抑鬱跳樓死左, 我老公先識驚(開頭佢都仲話, 有冇咁嚴重呀!!), 先幫我諗第時點樣阻止佢阿媽上黎!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

See


伯爵府

積分: 18804

好媽媽勳章


10#
發表於 08-6-1 01:02 |只看該作者
雖然你住外國，外國醫生教的可能同中國人有分叫而令你99唔放心。不過我睇來睇去都覺得你做得好正確呀！不過99煩你，而你又剛生完實在無乜精力同佢玩， 辛苦晒！
全世界都在看你家的笑話，騙不過天地，沒不了良心。即管繼續下去，總有一天自己受！
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


11#
發表於 08-6-1 01:26 |只看該作者
你隻99真係累死人,明明bb係好湊都俾佢搞到難湊!
生完bb情緒都唔太穩定,仲要俾個轟炸機日日喺耳邊不停bilibala,唔癲就假!
我係你我真係唔會再忍佢,一係叫佢老公諗辦法搞掂佢叫佢唔好再黎,一係就我"嘭"佢走!
私人傳訊

wmpl


大宅

積分: 3000


12#
發表於 08-6-1 04:17 |只看該作者
樓主你99的而且確係好煩,但未到達衰嘅地步,
所以我勸你唔駛夾硬忍又唔駛話佢,竟得雙方造成怨恨,

你自己拎少少時間出嚟溫和d同佢傾吓同解釋吓,
表明你除咗醫生姑娘哩d專業人員教你嘅嘢之外,
其他你都唔會信,所以如果有人同你持相反意見,
你係絕對唔會俾阿b佢湊,連抱都可免則免,
因為你自己先係阿b個阿媽,
如果你唔係跟專業人士嘅指導去湊仔而阿b出咗d咩事,
係責無旁貸嘅,無論喺邊個手中邊一part出錯都好,
所有人都只會覺得係你有問題,
所以你係絕對有權同有責任去決定湊bb嘅方式,
如果你所有step都跟足指示去做,
萬一touchwood有咩事發生咗,都容易解決問題好多!!

樓主你或者試吓以好似上照同你99咁講,
睇吓佢會唔會聽同有d咩反應先再作打算!!
私人傳訊

hinhofion


大宅

積分: 4120


13#
發表於 08-6-1 09:25 |只看該作者
生完真係好需要清靜架,比隻99成日上黎煩住晒,原本開開心心都會攪到抑鬱,上黎又唔係真心關心個新抱woo,其實係候住個bb,新抱?話知佢死呀,反正都生左個bb出黎咯,理得個新抱有冇得抖,身體點樣呀,我99就係人板la,生第1胎ga時候就係咁對我la
私人傳訊

babygigi


大宅

積分: 1013


14#
發表於 08-6-1 19:36 |只看該作者
usbaby,
首先恭喜你生左BB。
我生完大仔時﹐奶奶講D野﹑做D野﹑我既反應等﹐真係同你一模一樣﹐不過我奶奶只黎左半日我屋企同我"坐月"﹐之後我就叫老公謝絕左奶奶喇.. 但每次返到奶奶果邊﹐佢都一樣係噤講埋呢D野。以前我覺得好煩﹐有同佢解釋E生叫點點點﹐但佢話E生唔識/多餘﹐話我唔識 次次搞到我都好激氣﹐又喊。
9而9之我都費事再同佢講﹐佢講乜我都當聽唔到。
我細仔出世後再無煩我﹐亦無理我點湊。最近我聽到佢用人講話我湊得好好﹐好有心機﹐仲掉返轉頭教人湊BB用我地呢套﹐嘩﹐我個心當堂涼灑!
所以呢﹐連我奶奶噤stubborn都開竅﹐你奶奶都會架﹐佢見BB好好地地﹐健健康康就明白無問題了!

私人傳訊

usbaby


珍珠宮

積分: 42576

馬年勳章 2025勳章蛇年勳章 2024年龍年勳章 開心吸收勳章 畀面勳章


15#
發表於 08-6-2 04:58 |只看該作者
尋日屋企要洗 carpet 老公留係屋企, 而我同 BB 無奈下要過去 99 屋企幾個鐘, 但呢幾個鐘足以令我差 D 顛呀. 開頭 2 個鐘喺佢屋企 BB 喺 car sit 訓緊佢冇得搞 BB, 但又問 BB 食飽奶未, 沖左涼未, 做乜唔幫 BB 剪指甲, 我都唔知點解日日見親面佢都係要問呢 D 問題, 又話做乜又唔沖涼(我之前講過點解), 過一陣佢同佢老公 (佢離過婚再嫁) 出左去, 期間老公話洗完 carpet 過黎陪我, 我叫老公拿拿聲幫 BB 沖涼同餵奶, 唔想佢阿媽搞, 搞好晒佢地啱啱返黎, 初時只係睇下, 又話麻麻唔抱, 我轉個身行出黎又見佢抱住, 過一陣 BB 喊啦, 佢又問我有冇俾夠奶佢食, 啱啱先食完奶粉唔夠 1 個鐘, 跟住佢竟然對住 BB 講話 [你真係好可憐, 阿媽奶水咁足都唔俾你食飽], 重覆又重覆咁講, 又同佢老公講, 聽到我差 D 喊出黎, 抱左好耐佢有野做擺番 BB 上床, 擺低一陣 BB 喊佢老公去抱, 佢又話人做乜喊一喊就抱等佢喊下先, 跟住全程都黐實佢老公一步都冇走開, 隔兩分鐘就叫擺番低個 BB, 講多兩講連佢老公都嫌佢煩話佢, 我坐對面 sofa 聽到心都涼, 佢冇原因鐘意抱幾耐就得, 人地抱一陣就唔得, 當正自己係 BB 阿媽唔可以俾人掂, 我見累係 sofa 訓一陣, 一起身就俾人叫去埋身餵人奶, 餵完 bb 明明瞓著左我叫老公擺佢上床, 我去左廁所, 係廁所又聽到 bb 喊, 出黎又見 99 抱住, 話係咪我餵唔飽 BB, 又試不停咁講, 又同 bb 講話我唔識湊搞到 bb 咁慘, 煩到我最終補奶粉, 食完 bb 訓左佢就好得戚話我都話 bb 食唔飽奶架啦, 又同 BB 講話我都唔知點做人阿媽, 嗰刻我好 depress, 老公見我唔開心話返屋企先睇下地氈乾未同執好晒 D 野, 我留低食埋飯先返屋企, 到食得飯時 99 叫我自己一個食先唔駛等, 我一路食一路諗番佢之前 d 說話一路眼濕濕咁, 一食完即刻帶 BB 走, 臨走前 99 仲加多句話 BB 冇呃人架, 我餵唔飽佢欠佢, 最後佢實會追返黎, 我乜都唔理擺好阿女落 car sit 擺埋上車拿拿林開車走人, 渣車途中係咁喊, 覺得自己好似好冇用咁, 臨返屋企前唔想俾老公知道所以冇再喊, 但入到屋整好晒 D 野幫 BB 換衫仔時佢喊我抱起佢, 同佢講野一路講一路忍唔住喊, 當時老公啱啱沖完涼出黎見到咁嚇死佢咁滯, 但最終我都冇講乜事, 老公放兩個星期假陪我坐月, 屋企乜都佢理晒, 仲忙過返工, 我唔想佢連呢 d 咁少既事都理埋咁無謂, 我心情唔好唔想餵人奶叫老公去沖奶, 期間我又係度喊, 問自己係咪唔適合做阿媽, 如果 BB 真係覺得我對佢唔好, 俾 99 湊會好過我既話, 我唔捨得都要俾 99, 諗到呢到個心好痛. 餵完奶老公入黎房陪我, 係床度我將 BB 擺係我地兩個中間, 覺得呢一刻好開心好幸福, 老公安慰我話我有乜野都要同佢講唔好屈係心裡面, 佢會幫我擋晒, 我心情先好番好多, 覺得咁辛苦幫佢陀 BB 真係值得.

你地睇完晒可唔可以話我知係咪真係我做得唔啱唔好, 所以 99 成日都針住我? 我未有 bb 前個人都幾硬淨, 生完後情緒波動得好緊要, 聽到唔啱聽 (係 99 講既野) 就算好少野就都會好 depress, 我真係好怕自己會產後抑鬱呀.
私人傳訊

usbaby


珍珠宮

積分: 42576

馬年勳章 2025勳章蛇年勳章 2024年龍年勳章 開心吸收勳章 畀面勳章


16#
發表於 08-6-2 05:03 |只看該作者
原文章由 babygigi 於 08-6-1 19:36 發表
usbaby,
首先恭喜你生左BB。
我生完大仔時﹐奶奶講D野﹑做D野﹑我既反應等﹐真係同你一模一樣﹐不過我奶奶只黎左半日我屋企同我"坐月"﹐之後我就叫老公謝絕左奶奶喇.. 但每次返到奶奶果邊﹐佢都一樣係噤講埋呢D野。以前我覺得好煩 ...


我都想當聽唔到, 但佢重覆又重覆好似食帶咁講, 係煩到時運高都擋唔住個種, 佢講少 D 野已經幫我好大忙. 我地兩公婆喺屋企一向都好靜唔鐘意嘈, 佢一喺度好似開左轟炸機咁真係煩到抽筋架.
私人傳訊

小鴨子


大宅

積分: 2155


17#
發表於 08-6-2 10:01 |只看該作者
初生嬰兒的指甲仲痴住肉,唔好咁快剪.
果陣我坐月都係俾奶奶搞到情緒不穩,奶奶講一套做一套.
總之唔跟佢做就係我唔啱,我唔識湊.又係話醫生都唔識.乜都係佢最叻最掂.(跟住我湊到阿囡肥肥白白,我老爺係d親友面前大大聲聲話湊小朋友手擺眼見工夫,好易姐)
直到現在(小朋友快六歲)同奶奶佢地係湊小朋友方面意見都有分歧的.最驚就係佢亂俾藥阿囡食,當正自己係醫生.d雞煮唔熟又俾佢食.
阿囡仲食粥仔時,佢地居然落雞粉同鹽,佢仲同我講(你睇下,妹妹食得幾知味),我真係無言.
學壞容易學好難.
阿囡每次食佢煮既飯佢都講同一番說話(麻麻煮既餸係咪好好味)我諗,落味之素梗係好味啦.
有次係又問阿囡,阿囡彈左句出黎,係,好好味,我最鍾意食味精,佢即黑面.
可能我打得有點亂,希望你睇得明啦!
私人傳訊

hckckn


別墅

積分: 683


18#
發表於 08-6-2 11:17 |只看該作者
我覺得BB是媽咪自己湊,一定是最幸福的.

我會叫老公話99,

1. BB喊一喊就抱等佢喊下先
2. 抱BB時唔好搖,搖慣左第時就次次都要.

橫豎全部係99自己講既野.

如果99係我屋企想抱BB,我唔想.我會抱BB入房,話BB要餵奶和瞓覺.自己關上門.可以的話留幾個鐘係房唔出來.等佢白等.

餵人奶方面,其實個個BB吾同,不一定每隔3個鐘餵2oz(因為是人奶,奶粉就不同).如果BB喊,咪試吓比BB食人奶,唔好補奶粉(媽咪奶是最好的).可能真係唔飽呢.
BB好聰明,飽她會唔食架.

usbaby,為BB好,支持呀,唔好俾99睇死.
私人傳訊

JFL


伯爵府

積分: 17193


19#
發表於 08-6-2 11:39 |只看該作者
我覺得你可能啱啱生完,情緒有Ｄ唔穩定,所以就算奶奶講乜嘢都可以"扇"動到你嘅情緒.既然老公咁體諒你,叫你有乜野都要同佢講唔好屈係心裡面, 佢會幫你擋,而且而家佢放兩個星期假陪你坐月.不如叫老公同奶奶講,叫奶奶暫時不用過黎,你地想自己揍下,因為有老公在到幫手都好足夠!
私人傳訊

小寶貝兒


珍珠宮

積分: 30295


20#
發表於 08-6-2 15:30 |只看該作者
我覺得樓主你應該同你老公講你的心底話!!

1. 屈得多, 忍得多, 由其你而家岩岩生完, 好易好易有產後抑鬱!!

2. 你唔同你老公講, 佢點樣幫你擋呀!!

3. 而且你唔講, 但你99會講呢! 到時你老公聽得多, 你又唔出聲, 聽晒佢一面倒既說話, 到時可能會怪你做得唔岩呢!

我而家同99相處, 佢講乜我都會忍, 但事後我會問返老公, 99咁講係咩意思, 係咪唔鐘意, 我咁答99, 佢又會唔會嬲我?

因為我係好平靜咁, 純粹好似問天氣咁既語氣, 所以老公知我唔係呻, 而係真係擔心我既回答會令99嬲, 而我又會講返我唔鐘意d乜野, 咁我老公久而久之就會幫我擋左好多我唔like既野!

你地2公婆黎架, 有咩咪講清楚囉~~ 講清楚就唔洗屈係個心度, d奶量都多d呀!!

我聽過一個理論, 唔知真定假, 但佢話餵母奶, 如果媽咪心情唔好, d奶會有陣酸味, bb會唔鐘意飲, 所以會飲少少就唔飲, 於是搞到bb唔夠飽就喊~

你見少d99, 心情好d, 奶就會好味, bb就會飲多d, 又唔會成日喊, 幾好~~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy