吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 同外家反左面嘅朋友....

婆媳關係今日: 1|主題: 27765

收藏本版

發帖

返回列表

跳至頁

查看: 6265 | 回覆: 53

同外家反左面嘅朋友.... [複製鏈接]

12 3

rachel_BB

大宅

積分: 3803

畀面勳章

1^#

發表於 08-7-16 17:10 |只看該作者 |倒序瀏覽 |打印

同外家反左面嘅朋友,你地有時會唔會覺得自己不孝 or 做得太絕嫁 ?
我陀b差唔多陀左7個月喇,大約係舊年年尾同外家嘈,詳情之前都有係bk講過下.所以依家就唔多講喇!
係呢一段時間入面,當我知道自己有左bb,我都有放低所有問題同不滿,打番去外家同佢地講有左,只係..佢地反應極之冷淡,咁....我都心死喇,係呢7個月入面,佢地一個電話都無打過黎問候....
係早幾日,無拿拿佢地就打比我,我都知發生咩事,因為我細佬9月結婚,而我10月就生得喇,所以佢地就想打電話比我,企圖修補關係囉!!!因為佢地係極之愛面子嘅人,如果我細佬結婚.而我又唔出席,佢點同啲親朋戚友交代???而且,之前佢又已經好串咁同啲親戚講"我9月做老爺奶奶,10月做阿公阿婆呀!你吹得我漲呀!"....如果我同佢啲關係一日唔搞番好,一日佢地都無得哂命....
其實,同自己屋企邊度有隔夜仇,只係,佢地打黎..又係果啲態度,又係話我唔啱,又係數我.....而且仲一句問候都無,所以,聽到半路中途,我cut左佢地線,我真係唔想影響自己情緒....亦唔想影響肚入面嘅bb!!!之後佢地不停打電話黎,我唔聽,佢地就留言or send message黎鬧我,話我絕!!叫我反省喎!!!
其實,我真係好絕咩???我自問所做嘅野,相比佢地,真係一啲都唔絕.....我只係心淡 & 心死啫!
其實,我都已經習慣左無外家嘅日子!只係,佢地咁打黎,又鈎起左我一啲自責啫!
朋友....你地同外家反面之後,無見之後,點安慰自己嫁?可唔可以教下我???

0 0 0

私人傳訊

juicypig

珍珠宮

積分: 30278

環保接龍勳章 hashtag影視迷勳章

2^#

發表於 08-7-16 17:23 |只看該作者

咁你地因咩事反面架

一個人之所以快樂,不是因為她擁有得多, 而是因為她計較得少

私人傳訊

rachel_BB

大宅

積分: 3803

畀面勳章

3^#

發表於 08-7-16 17:58 |只看該作者

唉!一疋布咁長,事源係我屋企一嬲係我拍拖果時都唔中意我老公嫁喇,之後我嫁左喇!又成日都話我嫁左就唯夫是從.成日都搵野黎嘈,係要搞到我無日安寧,我已經一個week番去食3晚番,星期日就算唔得閑都好,都會朝早同佢地飲茶...佢地就話我飲完茶,夜晚唔同佢地食飯,係搵佢地"zip期"喎!!!又話我好親奶奶,唔親佢地!!!真吹漲!!!
好喇,到我細佬話結婚,無錢擺酒問阿媽借,我都覺得佢有問題,無錢咪儲多幾年先囉,得果廿六歲仔,咁急做咩???ok..我都費事出聲,比錢個仔結婚其實都好普通!好喇!之後到我老豆阿媽比左一百萬個仔做首期買樓...我發覺佢似一碌廢柴多個似個人囉,佢已經成日咩都痴屋企,咁大個仔,揸老豆架車出街,碌附屬咭入油,用老豆張八達通比停車場...頂!!我都唔出聲喇!!不過就問都無問細佬買樓嘅事!呀..點知佢地就成日係度串串貢,話我同老公死慳死抵買番黎層樓係舊樓,細價樓...妖!!我都無出聲喇,費事嘈!!點知有一日,落order要我番去食飯,唔準帶老公喎!我都知唔荒好野!!!番到去,不出我所料!!不停咁話我,問我係咪唔抵得佢買層樓比細佬,又話我好唔中意佢新抱(因為我細佬個女朋友份人比較勢利同無禮貌,所以我一直都唔多中意佢同埋無咩點啋佢),仲話我好中傷佢女朋友喎!哇..我頂!!我份人就係咁,有果句就講果句,佢無做過我唔會屈佢,更何況,我同我阿媽講,佢女朋友好無禮貌,我阿媽居然話我八婆,搬弄是非,之後我就咩都唔加插意見,新抱係佢地嘅,唔關我事!!到最後,比佢地插完都唔夠一個week,佢地就打黎話叫我上律師樓做除名手續(因為佢地住緊層樓有我名)...我個心都有諗,哇!!你地洗唔洗呀!你驚我貪你身家咩?我最後都有上去簽紙,因為我唔係一個貪財嘅人....個個都叫我唔好上去,等佢地層樓當比人釘契咁,之後我都當無事發生喇!好喇,到新年我要出trip日本,番黎之後,我就打比佢同佢講上去拜年,佢居然又搵野黎嘈,話我好年初一唔一早打番黎同拜年喎!!!!喂...大佬,我依家出trip呀!玩咩..做都做到得閑死唔得閑病啦!!!咁我都忍住度氣,問佢我今晚上黎同拜年好唔好,我阿媽就勁串咁話"今日唔得閑喎!得閑先啦,不過我唔知自己幾時得閑喎!!!!"ok...我覺得自己忍夠喇!!所以我都答佢"咁你得閑先啦!"就收左佢線....之後,就無再聯絡,直到我打比佢話有左bb..!

私人傳訊

wxxyxn

大宅

積分: 2339

4^#

發表於 08-7-16 18:03 |只看該作者

當唔識佢地啦，做咩陀住個仔搵野黎令到自己唔開心?

私人傳訊

鈍豬925

男爵府

積分: 5959

5^#

發表於 08-7-16 18:11 |只看該作者

回覆 #1 rachel_BB 的文章

樓主:
我覺得你父母係驚到時擺酒個日個女出蒲頭無面先打比你,到你個日出現左之後又會回復返原貌,至於外孫,係攞黎威而唔係出自真心,如果咁對BB係唔好架,

私人傳訊

kendorisbb

大宅

積分: 1174

6^#

發表於 08-7-16 18:16 |只看該作者

我覺得佢地都真係好衰下....話哂都係自己個女, 唔洗做到KUM, 不過講返轉頭佢地對你唔好姐, 但一世人兩姐弟, 細佬結婚你唔到俾人話你無品外, 自己個關都過唔到啦....因為始終都係細佬, 我只怕你唔去, 自己將來會後悔....你有出席既話始終都已表明你當佢地係屋企人, 而你唔出席雙方關係會仲差, 相信唔係你想見到既....如果到時佢地都係對你單單打打, 那樣我諗往後真的可以不用來往了...
因為你已做哂自己應做既, 佢地都KUM對你.....
加油呀...希望你地既關係可以修好, 嘗試下平心靜氣同佢地溝通啦......仲有小心身體, 你而家都係人媽媽黎架, 要照顧自己既BB架......

私人傳訊

mother904

翡翠宮

積分: 80800

畀面勳章

7^#

發表於 08-7-16 18:18 |只看該作者

既然有咁多過節，唔見咪唔見，唔駛內疚。

呢種心情我都試過，我同外家冇反面，但係同爸爸關係一向都好差，我由十三、四開始，就幾乎冇同佢講過說話，因為一開口，一定俾佢鬧同串。

後來結左婚，關係緩和左些少，生埋bb之後，都有諗過對父母好d，唔見佢地，個心都好內疚，所以多左返去。但係我爸爸都冇改，久唔久就中意串我，又同親戚講我讀大學都冇用，因為個學位唔靚，仲叫親戚既細路唔好學我！

頂！我係hku畢業，有幾冇用，只不過係因為佢唔中意我讀果科。我都一直忍，直至有一次我返外家，佢無端端喝我走，我即刻帶埋bb同老公走，之後都冇主動搵佢地。

而家我過年返去一次咁大把，日子過得自在好多。

私人傳訊

Leomummy

男爵府

積分: 7723

8^#

發表於 08-7-16 18:41 |只看該作者

原文章由 rachel_BB 於 08-7-16 17:10 發表
同外家反左面嘅朋友,你地有時會唔會覺得自己不孝 or 做得太絕嫁 ?
我陀b差唔多陀左7個月喇,大約係舊年年尾同外家嘈,詳情之前都有係bk講過下.所以依家就唔多講喇!
係呢一段時間入面,當我知道自己有左bb,我都有放低所 ...

樓主，我完全明白你感受，我都贈我阿媽六個字【哀莫大於生死】到今時今日佢都仲係走圍同人講，話我對佢絕情絕義

私人傳訊

anson2007

伯爵府

積分: 17852

9^#

發表於 08-7-16 19:19 |只看該作者

我各得佢地都無當過你係佢地嘅女尼,
就算細佬結婚揾你都係咁嘅語氣,
打死我都吾會去,就算去左都有好多說話要聽,
同之后實揾你算舊脹,我係你就反哂面,
講得清清楚楚点都吾去飲,
生左仔都吾通知佢地,
重要三,五,七年吾見佢他呀.:;pppp: :;pppp: :;pppp:

私人傳訊

anson2007

伯爵府

積分: 17852

10^#

發表於 08-7-16 19:23 |只看該作者

老公係自已揾嘅,樓係自已買嘅,
新樓又點,就算舊樓點都係自已個"豆",
又吾係要佢地比＄尼買,又咁多嘢講.
釆佢地都傻嫁,我一个吾中意,
吾洗子意想見下个孫呀.

私人傳訊

carrie_1102

伯爵府

積分: 19211

11^#

發表於 08-7-16 20:34 |只看該作者

你父母係咪好重男輕女架!?我覺得你完全唔似係佢地親生女囉~寧願幫個新抱都唔幫自己女...真係好有病囉!!!我係你...我連細佬結婚都唔會去呀~去到又要聽"說話"...咁去黎做咩姐!?最好以後都唔好搵tim呀~呢d咁既屋企人..我寧願唔見啦~你老公撐你咪ok囉~我唔覺得你絕囉~好似你屋企人仲絕囉~~~佢地係好過份呀!!!

私人傳訊

saiwai

珍珠宮

積分: 33241

wyeth冷知識勳章畀面勳章環保接龍勳章親子達人勳章 BK Milk勳章

12^#

發表於 08-7-16 21:27 |只看該作者

既然見到都唔開心比我就唔會見囉,最重要係自己個family & bb開心就夠啦!

私人傳訊

rachel_BB

大宅

積分: 3803

畀面勳章

13^#

發表於 08-7-16 22:19 |只看該作者

其實我無諗過去飲我細佬果餐嫁,而且就算生左,擺滿月都好,都無諗過通知佢地....只係,佢地咁打黎,又問我係咪當自己老豆老母死左....搞到我成日都好似個心有野"un住"咁啫!
我自問我自己都唔算係一個絕嘅人,只係佢地嘅所作所為,令我迫不得意恨心對佢地!!

私人傳訊

moondream3003

男爵府

積分: 7101

14^#

發表於 08-7-16 22:29 |只看該作者

我會覺得見面影響自己情緒, 令老公擔心, 影響BB, 咁就無謂啦, 所以我同外家一直都無見面.

何況, 都係因為怕無面先揾你0者, 都唔係因為關心你, 你當無外家算啦.

費事到時你又被人串嘈插啦.

原文章由 rachel_BB 於 08-7-16 17:10 發表
同外家反左面嘅朋友,你地有時會唔會覺得自己不孝 or 做得太絕嫁 ?
我陀b差唔多陀左7個月喇,大約係舊年年尾同外家嘈,詳情之前都有係bk講過下.所以依家就唔多講喇!
係呢一段時間入面,當我知道自己有左bb,我都有放低所 ...

[ 本文章最後由 moondream3003 於 08-7-16 22:36 編輯 ]

私人傳訊

sharonhwyc

珍珠宮

積分: 35671

好媽媽勳章畀面勳章

15^#

發表於 08-7-16 22:37 |只看該作者

絕咪絕lor,
佢地又唔係好,
最憎人晒命~

郁D就起晒鋼, o係論壇好難生存架, 學下大方d接受人地建議, 唔好咁小家!

私人傳訊

KoyeBaby

子爵府

積分: 12890

醒目開學勳章畀面勳章

16^#

發表於 08-7-16 23:20 |只看該作者

見到你爸爸媽媽咁對你,第一個反應係---有無搞錯呀?!老實講係佢哋做到咁絕在先,無咩好內疚!你就算嫁咗都有咁多日陪佢哋已經好難得,係佢哋唔知足,是非不分!!唔好介意我話佢哋,以你形容嘅新抱,過多一排好可能到佢同你阿爸阿媽炒大鑊!你依家粗身大細唔好諗咁多無謂嘢,盞影響自己心情,佢哋講咩由得佢哋講,你一跟唔回應,佢哋自己講得耐無癮就會收口架啦!

私人傳訊

E@V

大宅

積分: 1312

17^#

發表於 08-7-16 23:54 |只看該作者

講真, 你父母咁對你, 你真係無必要再理佢地..
更何況佢地今次搵返你都係因為想你出席細佬個婚禮, 等佢地有面啫!

之後佢地會點對你, 你都預佐喇..
我係你, 唔會再睬佢地囉..
如果真係太煩, 改電話喇...

私人傳訊

smartlulu

大宅

積分: 1181

18^#

發表於 08-7-17 02:08 |只看該作者

我唔覺得係你嘅問題喎，而家安心陀好個ＢＢ，你細佬嗰餐唔去好過去啦，去到佢地比說話你聽咪仲嬲！

私人傳訊

sbandliz

大宅

積分: 2106

好媽媽勳章

19^#

發表於 08-7-17 07:33 |只看該作者

原文章由 carrie_1102 於 08-7-16 20:34 發表
你父母係咪好重男輕女架!?我覺得你完全唔似係佢地親生女囉~寧願幫個新抱都唔幫自己女...真係好有病囉!!!我係你...我連細佬結婚都唔會去呀~去到又要聽"說話"...咁去黎做咩姐!?最好以後都唔好搵tim呀~呢d咁既屋企人.. ...

I agree.
They have never treated you as family, as their daughter. Talking to them / seeing them / going to the wedding will only give them another chance to hurt you.
You are going to be a mother soon - you need to start protecting yourself and your baby.
You still have your husband and friends who truely care for you and how you feel.
No need to feel guilty at all because you yourself have done nothing wrong.

私人傳訊

rachel_BB

大宅

積分: 3803

畀面勳章

20^#

發表於 08-7-17 10:19 |只看該作者

其實我真係有諗過改電話...早幾日,成日個腦都會諗佢地,又有諗過佢地會唔會係屋企樓下"伏我"....!電話都較左做又唔震又唔響,佢地打黎我當聽唔到就算!!!不過,今日已經好番好多喇!!唔想影響到自己心情同埋bb..!我都已經諗過左啦.自己做嘅野,都無佢地咁絕!!無需要為佢地煩惱..!!我仲有老公,仲有bb,仲有一隻可愛小狗!!!呢個已經係我嘅family啦~