吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 揭削外傭稅內幕

論盡家傭今日: 0|主題: 133995

收藏本版

發帖

返回列表

跳至頁

查看: 2493 | 回覆: 21

揭削外傭稅內幕 [複製鏈接]

Teresa

珍珠宮

積分: 35965

畀面勳章

1^#

發表於 08-8-4 10:27 |只看該作者 |倒序瀏覽 |打印

星島日報 2008-08-04

揭削外傭稅內幕

政府免收外傭稅，弄出不少風波，不少中產人士大有怨言，話政府搞到好亂。今次政府食到應，全因為好心做了蠢事。

政府拋出一百一十億協助市民對抗通脹的方案，當中一項削減外傭稅，搞到極度頭痕，方案出街後惹起炒外傭潮，政府推出讓步方案，讓整件事提早到八月一日生效，並減少提早續約的代價，以免傭主為省稅把現有傭工炒掉，但一樣被人鬧，認為政府的政策逼人搞嘢，要麻麻煩煩去提早續約，明明有退稅等簡單方法不做，搞到外傭僱主一身蟻。

整件事要追溯到構思那一百一十億的抗通脹大計時，按政府原初的構想，此次臨時出招，主要因為通脹升得太猛，怕低下階層有生活困難，所以計畫集中幫助低收入階層，雖然多送千八元電費各階層都益到，但大量措施都是針對在貧窮綫以下的市民。

政府好心益中產

不過政府高層內部醞釀方案時，有意見提到用了過百億去幫市民，但中產受惠好少，恐怕他們有意見，不如減兩年外傭稅幫吓中產。但亦有反對意見謂，今年預算案減稅措施對中產的優惠好大，所以今次特殊措施對他們無大優惠，都說得過去

特首「煲呔曾」聽取兩方意見後，最後決定加上減免外傭稅這一項，知情人士認為特首主要是「好心」，覺得對中產人士能幫就幫多一點吧。不過，醞釀減外傭稅方案時，政府高層已知大鑊，因為徵稅受法律限制，特別是已繳交稅款的更不能話退就退，除非修改法例，否則無法達到所有外傭合約劃一時間停徵的效果。最快最簡便的方法是續約或開新約時才免稅兩年，此舉雖然不能劃一生效，但其實所有僱主都可以有起碼兩年的免稅優惠，而且執行方法簡單，不用修改主體法例，只要行政會議決定即可，保證可以好快在九月一日開始實施，所以就決定採取此方法。

後來方案首次公布後，惹來連串批評，更有傭主炒了外傭，或延遲合約生效，來等九月一日，政策產生的副作用超乎政府估計的程度，所以政府被逼再檢討政策

現時中產人士最主流的意見，是認為政府「好蠢」、「好亂」，認為根本不用搞到咁複雜，可以劃一在八月一日生效，所有外傭僱主免稅兩年，交了稅可退稅，唔明政府為何咁簡單的事情都無諗到。

知情人士話，政府並非無諗過上述方案，而係諗過但發覺做唔到。好多中產都收過退稅，所以認為退稅是最可行的方法，但實情是徵外傭稅受法例所限，退稅就要去立法會改例。可能中產亦都會話，改例就改例，唔信立法會議員夠膽反對。

政府不想去立法會改例，主要有兩個理由，第一是遲，立法會現在正休會換屆，要九月重選之後，十月才復會，把修訂外傭稅的法例提上立法會，閒閒地傾兩三個月，到年底都未有得實施，你遲遲未益到中產，一樣畀人鬧。

第二是亂。法案提到立法會後，結果不能控制，由於外傭稅稅收撥作再培訓基金，是工會力推的東西，政府豁免兩年外傭稅，工會隨時提出其他修訂，去補充再培訓基金。更可能的，是有政黨提出永久取消外傭稅，好易得到多數議員支持，由寬減變成永久取消。

博掌聲不如永久取消

可能有中產就會話，「永久取消外傭稅就最好啦，就係想佢永久取消」。知情人士話，恐怕在這問題上，政府和外傭僱主就有點本質分歧。政府在○三年利用減外傭四百元人工的機會，引入外傭稅，用作補貼再培訓開支，提升本地低下階層員工的就業機會，若永久取消外傭稅，以後再培訓開支就要由公帑支付，今年再培訓開支十一億，明年開支十三億，數字還在增長中，將來這筆數好難填。

知情人士話，好多反對派「屈」煲呔曾亂派一百一十億救自己民望，如果真是如此，他就會毫不猶豫，一次過取消外傭稅，反正依家基本上已由豁免兩年到二○一○年，部分僱主攞到盡可以攞四十七個月，差不多去到二○一二年，已到煲呔曾落任之時，他想博掌聲，不如永久取消這個稅種。

但「煲呔曾」不想取消外傭稅，主要從長遠政府收入的角度去考慮，若因為一時掌聲就把一個稅項取消，以後的政府好難捱。事實上，政府的一百一十億紓緩措施，也只是臨時性，無永久性的影響，意味着政府有錢時可以派錢幫市民，但不會永久地削弱政府的財政收入，這是原則問題，也是審慎理財的考慮。

知情人士話，「煲呔曾」明知外傭稅難搞，但都想減稅益吓中產，結果就出現這種局面，政府已諗過各種方法，在法律的局限下，若不想去立法會改例，無方法比現時的方法更好。若做事後孔明，唯一無麻煩的方法，就係不寬減外傭稅，多一事不如少一事，政府船大難轉彎，唔係咁易照顧到咁周全也。

0 0 0

私人傳訊

貓姐

禁止訪問

積分: 33575

2^#

發表於 08-8-4 10:42 |只看該作者

提示: 作者被禁止或刪除內容自動屏蔽

私人傳訊

Jesdan

禁止訪問

積分: 3508

3^#

發表於 08-8-4 10:42 |只看該作者

提示: 作者被禁止或刪除內容自動屏蔽

私人傳訊

ii-3

別墅

積分: 761

4^#

發表於 08-8-4 10:48 |只看該作者

其實唔想改例. 可以在政府庫房出錢回水給僱主, 好似政庫幫市民比錢"電力公司"一樣, 政府再同培訓局攪惦條數, 政府都係左袋入右袋! 又唔使變相免4年稅,咁又得唔得!

原文章由 Teresa 於 08-8-4 10:27 發表
星島日報 2008-08-04

揭削外傭稅內幕

政府免收外傭稅，弄出不少風波，不少中產人士大有怨言，話政府搞到好亂。今次政府食到應，全因為好心做了蠢事。

政府拋出一百一十億協助市民對抗通脹的方案，當中一項削減外傭稅，搞到極 ...

私人傳訊

circleda

伯爵府

積分: 19451

5^#

發表於 08-8-4 11:06 |只看該作者

Good Point!

原文章由 ii-3 於 08-8-4 10:48 發表
其實唔想改例. 可以在政府庫房出錢回水給僱主, 好似政庫幫市民比錢"電力公司"一樣, 政府再同培訓局攪惦條數, 政府都係左袋入右袋! 又唔使變相免4年稅,咁又得唔得!

...

私人傳訊

mr_kwy

複式洋房

積分: 490

6^#

發表於 08-8-4 11:07 |只看該作者

原文章由 ii-3 於 08-8-4 10:48 發表
其實唔想改例. 可以在政府庫房出錢回水給僱主, 好似政庫幫市民比錢"電力公司"一樣, 政府再同培訓局攪惦條數, 政府都係左袋入右袋! 又唔使變相免4年稅,咁又得唔得!

...

贊成!贊成
由頭到尾我都係要公平.....唔要話點盡享!!!!!
我而家交左1期...咁就要交埋餘下7200.00...好唔公平LAW...要提早續約好麻煩又要咁又要咁..政府冇心比不如一開始唔好搞..而家搞到民不聊生。
今次對政府好失望!!!!!!!!!!!!!!!!!!!!!!!!!!!!!!

私人傳訊

huanghou

別墅

積分: 521

7^#

發表於 08-8-4 11:08 |只看該作者

其實政府有冇研究點解再培訓局要用咁多錢？仲話年年咁增加，成效如何大家心中有數。咁樣駛錢法令我想起旅發局嘅財政又係亂晒籠。

請唔好再係我地外僱主身上揾錢填這個氹!

私人傳訊

DORISL

子爵府

積分: 10672

環保接龍勳章

8^#

發表於 08-8-4 11:13 |只看該作者

有心益中產就取消左外傭稅啦﹗﹗

私人傳訊

9848

禁止訪問

積分: 1684

好媽媽勳章醒目開學勳章

9^#

發表於 08-8-4 11:34 |只看該作者

提示: 作者被禁止或刪除內容自動屏蔽

私人傳訊

wp-bn

大宅

積分: 2680

10^#

發表於 08-8-4 12:02 |只看該作者

你錯了! 當年本港失業率高企, 好多外庸顧主都給裁員或減薪, 好多因財政理由炒外庸, 所以當時外庸工會都冇返對扣減薪金$400, 好過冇得來打工! 過了幾個月, 政府才通過法例, 向外庸顧主收每月$400再培訓費, 所以係兩件事, 不可一概而論!

原文章由 9848 於 08-8-4 11:34 發表
其實, 有政策幫中產當然好

但唔應該在外傭稅[這裡用簡稱, 應該叫再培訓徵費]呢方面幫. 有無網友記得, 當年本來想直接向外傭抽外傭稅的, 但由於外傭本身的薪金未達交稅標準, 如果真係要向外傭抽稅, 要另立法例, 這樣 ...

私人傳訊

mylulu007

伯爵府

積分: 15536

11^#

發表於 08-8-4 12:30 |只看該作者

原文章由 9848 於 08-8-4 11:34 發表
其實, 有政策幫中產當然好

但唔應該在外傭稅[這裡用簡稱, 應該叫再培訓徵費]呢方面幫. 有無網友記得, 當年本來想直接向外傭抽外傭稅的, 但由於外傭本身的薪金未達交稅標準, 如果真係要向外傭抽稅, 要另立法例, 這樣 ...

如果好似你咁講，點解徵款唔係逐月收費？點解唔用工人唔可以退餘款？點解我請工人OVERLAP要俾分開俾徵款，而上手工人既餘款又無得退？點解唔俾僱主在FINAL PAYMENT扣番僱主將會俾多既徵款？

咁不如我地出糧都半年一次俾工人啦，做滿6個月才出俾工人，因為有乜依郁我都可以響佢人工度扣番我俾突既徵款至放佢走呀。