家事百科今日: 0|主題: 39304

收藏本版

發帖

返回列表

跳至頁

查看: 8530 | 回覆: 1

九陽洗碗機X5問題及解決方法 [複製鏈接]

bumblebeehoh

伯爵府

積分: 15300

Poo得好勳章認識瑞士牛牛第一回 DHA勳章

1^#

發表於 20-12-13 01:44 |只看該作者 |倒序瀏覽 |打印

本帖最後由 bumblebeehoh 於 20-12-13 01:55 編輯

我部(二手)九陽洗碗機X5用咗三年，中間有段時間冇開嚟用。之後試機漏水，又一排冇用。冇用一排又好似正常冇漏水（空機測試時，我放在洗碗盤上，免得漏到一檯都係），又用咗9個月。直到最近，個面板panel㩒極都冇無應，最後自己淘寶買零件自己整返。見呢度都有人問，但因為帖太舊，冇得回，所以自己在此post出嚟。

面板panel㩒極都冇無應

面板panel有三件零件，最外層我哋摸到果個，叫「触摸板控制板」，裡面緊貼住第二層「触控膜电容感应按键」，係一片膠片和線路，冇其他電子零件，最後一件叫「触控板按键控制板」，有最多電子零件，也是最貴一件，上面有電容、LED、數字燈。

我唔知壞邊一件，我估係「触控膜」而且它是最平宜，所以就淘咗触控膜。我朋友話，如果換咗都唔得，可能係電容壞，咁就要再淘返「触控板按键控制板」。

我見「九...小家电配件店」有最多零件，連風扇都有，淘咗就自己換（撕下舊果塊膜、清咗舊啲膠水漬、貼返新果塊），又Work返。之前烘乾時間中會好嘈，我估係風扇問題，換埋風扇暫時冇嘈。

買之前和換之前，都上網睇人哋嘅拆機影片。拆唔係太難，但要小心：電源線係有個倒勾，要摸到個夾位㩒住拉出嚟，如果好大力都拉唔出，即係冇㩒到個夾位。格硬拉，會拉甩咗個插座。

九陽洗碗機X5漏水

我部機用「快速洗」會不停入水唔識停，最後因為入得太多水，在門邊漏出嚟。用「標準洗」就冇事，唔知點解。

解決方法係……唔用快速洗。見啲人話係sensor有問題，但「標準洗」又冇事，奇。

九陽洗碗機X5「標準洗」最後出E9

E9即係冇水。我用「標準洗」每次都出E9（我果部係二手機，由買返嚟第一日已經出E9）

解決方法係……洗到一半時，加多一公升水，就可以避免E9。

如果唔記得入水，出咗E9，也可以只加一公升水，然後搵個磁石在機頂後邊右手面上磁下，呃部機滿水。個位置可以睇返水箱果個磁石浮標，用磁石在附近移動，就可以。咁就可以唔洗咁辛苦，加5公升水，又剩幾公升水養菌。

希望可以幫到大家。