少年成長今日: 1|主題: 16132

收藏本版

發帖

返回列表

跳至頁

查看: 3238 | 回覆: 5

被忽視的情感 [複製鏈接]

csir3290

子爵府

積分: 12787

1^#

發表於 17-12-19 15:56 |只看該作者 |倒序瀏覽 |打印

上星期五開始工人姨姨放大假返咗菲律賓，所以今個禮拜真係非常忙，又要返工又要照顧兩個小朋友當然仲有要做家務啦！真係忙到停唔到手。工人姨姨一向都好錫兩個小朋友，所以都預咗今次佢放假呀仔應該會好唔捨得，所以我哋都好早之前同阿仔做定心理準備，一早話畀阿仔知姨姨要放兩個幾星期假，等佢一早知道要由其他人湊佢返學，同埋要幫手做家務。當然亦希望佢合作唔會到時喺度扭計，尤其是係返學嘅時間，唔好好似學期初咁扭計扭得咁緊要。其實當阿仔知道姨姨要放假一路表現都好似冇乜嘢，直至到姨姨走前一晚，佢忽然間唔出聲，我哋問佢做乜事啦！佢就開始一路喊，喊到收唔到聲。其實我哋都估到佢應該係因為唔捨得姨姨，我哋都曾經叫佢唔好喊，解釋畀佢聽姨姨好快會返，但係都冇乜用佢都一路係咁喊。其實我哋都知道阿仔唔係扭計，只係唔捨得，所以之後我哋都冇叫佢唔好喊。只係攬住佢畀佢發洩曬啲感情出嚟。等佢慢慢好啲之後，再同佢講如果佢掛住姨姨嘅話，不如每日畫一張圖畫畀姨姨話畀姨姨聽佢嗰日做過嘅嘢，然之後儲起佢等姨姨返嚟送畀姨姨啦！佢有話好但係其實都仲係喺度喊緊，我哋都由得佢，等佢喊呀喊下終於攰就瞓著咗。我同老婆都擔心驚佢第二日會唔合作，點知第二朝起身佢非常合作仲好聽話，可能真係前一晚佢將啲情緒發洩曬出嚟。其實我哋大人好多時都會好容易就忽視咗小朋友嘅情感，佢哋有時未必係因為扭計而喊，反而係因為希望得到情緒上嘅照顧，其實只要照顧咗佢哋嘅情緒可能就可以解決咗個問題，但係我哋有時就係因為佢喊就覺得佢係扭計忽視咗佢嘅情緒而令到個問題越嚟越嚴重。當我哋如果能夠認真照顧到小朋友嘅情緒同埋佢嘅感受，其實亦可以減少咗小朋友無緣無故扭計嘅情況出現。因為小朋友會感受到自己被愛，亦會放膽去嘗試用唔同嘅方法去表達自己嘅感受。所以做家長嘅我哋真係唔可以隨便忽視咗小朋友嘅感受。

0 0 0

私人傳訊

bana34

別墅

積分: 666

2^#

發表於 17-12-25 15:03 |只看該作者

多謝分享.

私人傳訊

ckl28

子爵府

積分: 13411

2018父親節勳章 2018母親節勳章 2018復活節勳章最關心BB問題熱投勳章開心吸收勳章

3^#

發表於 17-12-26 03:15 |只看該作者

工人姨姨放了長假就哭成這樣子，若他朝姨姨不再做會哭到什麼程度？夫婦倆好應在這段期間和小朋友親近多些、了解多些，令感情深厚些，若可以的話，讓他自己照顧自己，訓練獨立的個性，減少依賴別人；小朋友的感情、思想容易被忽略，最怕就算說了出來大人也不理，所以大人應該當個誘導者—令小朋友勇於表達自己的感情和思想，亦應當個良好的聆聽者—傾聽他們的心聲和給予適當的回應。