係公司做了10幾年, 未升過職, 普通職位, 我個post同partner工作性質差唔多, 每年新年後我partner一定請假去旅行, 10幾年都係, 我同佢基本上唔可以一齊放假, 即係話10幾年來新年後我係未放過假(公司唔開就例外), 今年因為突發原因, 仔無人湊, 所以焗要放假, 為左尊重manager, 我同佢單左聲先, 佢果刻話放得, 點解唔可以放(佢份人比較偏心, 錫我partner唔like我, 因為我唔識擦鞋),部門得幾個人, 之後有個好大反應話下得番佢1個? Manager之後話咁你地商量下先, 因為另外果幾個係同一職位, 我原以為manager係叫佢地幾個商量!原本放下心頭大石, 點知前2日, manager問我放假d野, 我好聲好氣話我仔無人湊, 原本我老公放假湊,點知佢partner放假佢放唔到,點知我manager寸我,你partner都放假喎, 仲卜左機票, 但我manager都係差唔多年年新年後都放假…..我話大陸工廠唔開工,我都無野搞….我果刻嬲到….一時間唔記得寸番佢話我做左10幾年新年後都無放假…..我無出聲,之後佢叫我問下另外果個人搞唔搞得掂, 我即反問佢咁如果佢搞得掂係咪我可以放? 佢d態度一般咁答我都係既…..
好啦,之後果個人問我有無野搞, 佢話做report同跟我d單就搞唔到, 其他佢都ok, 我話我無野要佢搞…..咁意思即係我可以放到假啦? 近排公司新加個project, 要我或我partner入data, 但唔係好急, 如無咩野都可以番工先搞…..今日我申請假期, 我預左佢又會留難我,點知真係打俾我, 問我放假d單邊個入機, 我咪答佢我係屋企入….之後佢話ok就收線!我心諗, 只係個卒仔, 人工又唔係高, 做野又唔appreciate我, 放假都好似做賊咁……我唔明我有咩唔岩? 加上放假後d野咪又係我自己做番…..又唔係唔駛扣假……..佢有咩野叫我做我都未say過no.....為左依件事我真係好唔開心…..
發表於 
返回列表
