我既前99奶係我呢世人見過最極品既女人。老老實實，我唔知前62同兩個仔係點頂佢。話說佢係一個極霸道既人，以為自己做咩都好有霸氣，做咩都啱，講咩難聽說話都可以，當正自己係女王，對任何人都呼呼喝喝，從來唔會尊重人，連啲親戚都怕咗佢。
我同前c6拖果陣，有一次喺打邊爐地方撞到佢，佢極高姿態咁坐埋黎我地果枱，黑口黑面同我講一大堆野，又話自己個仔幾叻，讀咩名校出身(sorry，佢個仔果間係"出名打交學校")，又話我點樣配唔起佢個仔，數咗我成餐飯，態度極度令人討厭。果吓我嬲到想成個爐淋落佢度。重點係，我無論學歷定待人接物，都好過佢個仔多多聲，其實佢個仔係全無自理能力既港孩一名(下面會講到)。
之後我同前c6講到明我唔會同佢阿媽見面，就算結婚我都唔會請佢黎。
結婚後，佢成日同個仔講話佢娶埋啲唔三唔四既女人返黎(事原係前C6既前女友，走去同佢講話我係做援交！)，又經常飲醉酒打俾前c6嘈，成日發癲。
到結婚幾年後，一年會見一兩次，但佢啲嘴臉仍然極乞人憎。
佢成日話到我痴佢個仔好似痴金康咁，其實佢地唔係咩有錢家庭，我亦都自己全職工作。
最得人驚係佢教仔果套，前c6同佢細佬由細到大都係俾佢狂打狂罵，打到學校日日問咩事果種，但係佢仲成日好proud of自己教出兩個"咁乖咁精英"既仔，一見面就同我講佢有幾成功，又不停吹噓自己兩個仔係少爺仔，從來唔駛做咩低三下四既家務。事實上前c6同佢細佬都係可以全日拎住部機/電話不停打果隻男人，結婚後先發現，你同佢同枱食飯佢完全當你透明自己玩電話，家務永遠留返俾你放工先做，你唔換床單，張床變咗黑色佢都照瞓，刷牙都要你提，少少自理能力都冇。
而前99對我果啲乞人憎野，次次前c6都睇到，但永遠唔會幫我出聲，我發癲佢就話我好同佢阿媽計較。佢從來唔識反抗佢阿媽。
結我我同前c6真係分開咗，我條氣仲係頂住，所以寫咗封信罵佢，仲要cc一個copy寄去前99屋企，等佢睇吓佢教咗一個咩仔出黎。
之後前99 whats app我話佢個仔仲細，叫我就吓佢就冇事，大佬，三十到尾四十都黎仲細？
我覺得呢啲阿媽遲早害死自己個仔。
好彩我已脫苦海。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
