心聲留言今日: 7|主題: 17391

收藏本版

發帖

返回列表

跳至頁

查看: 9346 | 回覆: 2

公屋賤鄰居，飽受困擾 [複製鏈接]

Camping123

複式洋房

積分: 343

1^#

發表於 20-4-14 02:20 |只看該作者 |倒序瀏覽 |打印

⁵故事有d長，希望大家睇睇，俾d意見我。我住公屋的。隔離住左個賤鄰居，10年以上不停扔垃圾，有糖紙，牙簽，紙包飲品，煙頭，包裝紙，紙條，紙碎，搓成一舊既紙團。紙包飲品仲會sip係屋外的水管。

我地投訴管理處，屋村辦事處，次次都係貼告示了事。屋村辦事處話要扣分要有足夠證據。

咁我以家裝左cam,隱蔽式的cam.但因為要影得清楚，裝左係鐵閘邊，佢地見到，但唔代表佢地驚左，佢地搵佢地個小學孫女扔，扔紙碎，紙條，仲要行得好快，背向鏡頭側身咁扔，垃圾又細舊，完全影不到。

再煩既係，有個唔關事既鄰居好幫佢，會出口俾說話我地聽，仲會半夜鬼鬼崇崇去我地門口裝，我估係裝我地枝cam放係邊。

屋村辦事處有做野，以家朝朝係佢地其中一個家庭成員出門時，企係我地門口目送佢返工，叫做俾個姿態佢等佢知道唔可以扔垃圾。但佢好精，搵孫女扔，如果到時屋村辦事處話起佢地上來，佢可以話一句"細路仔姐"，咁就推搪過去。

家下好煩，我地一家飽受困擾。佢次次扔垃圾挑釁你，當食生菜咁。跪求各位大大獻計，不勝感激。

0 0 0

私人傳訊

cedarcone

男爵府

積分: 7275

2^#

發表於 20-4-20 07:16 |只看該作者

回覆樓主：

本帖最後由 cedarcone 於 20-4-20 08:26 編輯

如果在公眾走廊亂拋垃圾，長達10年辦事處都解決唔到，就應該直接去食環署投訴。
＊公眾地方“潔淨罪行”條例會罰款的 !
＊亦有可能觸犯“滋擾環境”條例 !
萬一食環署話公屋唔系佢地範圍內，咁建議先搵源頭，對症下藥。

每件事總有因有果，鄰居點解要咁做 ? 是否有人曾經得罪過佢?亂拋垃圾報復發洩呢？如果確實既話，就要攪好人際關係。

還有門外裝CAM，萬一人家投訴返你，唔排除觸犯偷錄鄰居私隱，咁會令事件更惡行。

*拍底所有垃圾系證據一，
*大家鄰居見證系證據二。