吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 兩難嘅抉擇

少年成長今日: 0|主題: 15914

收藏本版

發帖

返回列表

跳至頁

查看: 1944 | 回覆: 28

兩難嘅抉擇 [複製鏈接]

奧桃

別墅

積分: 562

1^#

發表於 12-4-22 17:18 |只看該作者 |倒序瀏覽 |打印

想講講宜家我宜家嘅情況
1. 我B女宜家啱啱四個月，我係在職媽媽，我都好鐘意宜家份工，未到最壞我都唔打算辭職；
2. 我6299住喺大陸，宜家落咗嚟幫我湊B。
因為阿B宜家食緊人奶，6299就嚟湊，佢地話等到阿B半歲戒奶，就帶佢翻上大陸等佢地湊，讀書先翻落嚟。
我宜家好煩惱，好難取舍，兩個選擇都有難處。
1. 如果阿B一直留喺我身邊：我地間屋唔大，得五百幾呎，每日都同6299住埋一齊，相見好同住難，有太多嘅唔方便同好多嘢要忍。請工人係好難，因為6299話自己個孫要自己湊翻，我都認為如果自己嘅親人肯湊，一定會比工人盡心盡力D對個BB。所以如果阿B一直喺香港，到佢讀幼兒園之前，我都要同6299一齊住…
2. 帶阿B翻上大陸，每個星期翻去見佢一次。我一定會好唔舍得，錯過好多見證佢成長同親子時間。而且當佢到時癡爺爺嫲嫲唔要我果陣，做媽咪嘅個心一定會好痛。爺爺嫲嫲對BB好好，但我就連放工翻嚟見到阿B同佢哋玩得好開心我個心都會唔舒服，驚阿B唔癡我。唔知係咪我太小氣諗得太多，佢鐘意爺爺嫲嫲係好事，證明佢哋對阿B好，係咪？
但係同6299住我真係好唔開心，因為佢哋都好緊張阿B，我做乜嘢佢哋都好緊張。之前有一排阿B食奶成日食食下喊，99直頭會企喺床邊睇我餵奶，阿B喊佢就氹佢，搞到我好大壓力，好驚阿B喊佢哋又會即時衝過嚟抱走阿B，我曾經一度因為同6299相處嘅問題覺得自己有產後抑鬱。所以宜家唯有搵方法俾自己放鬆下，好彩我老公好錫我，每晚放工等阿B訓咗都抽時間陪我落樓下商場行下，唔使我屈喺間屋度對住6299，係我一日最開心嘅時間了！
我宜家好煩，究竟應該點樣做？各位媽咪可唔可以俾D意見我？THX～

0 0 0

私人傳訊

SandraLo

珍珠宮

積分: 33212

2^#

發表於 12-4-22 17:34 |只看該作者

奧桃發表於 12-4-22 17:18
想講講宜家我宜家嘅情況
1. 我B女宜家啱啱四個月，我係在職媽媽，我都好鐘意宜家份工，未到最壞我都唔打算 ...

兩樣都唔好.................
一係請工人只叫6299得閒嚟特擊
一係揾日托, 夜晚自己揍

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

birdbird

水晶宮

積分: 60861

3^#

發表於 12-4-22 17:39 |只看該作者

兩難嘅抉擇

你同老公傾下你的想法。

我作為媽媽，一定是同仔女一齊住，6299就算住香港，我都不會將個b 放在佢地屋企住，更何況是佢地住在大6?

個b 係自己的，你不可將主权交予他們。既然你与佢地同住不開心，那就要同老公商量。請外傭是一個辦法，但你要有心理準備就是外傭一定不及6299般那麼愛錫你的b, 而且請外慵如同買六合彩。

無論如何，除非別無他法，bb 一定是留在自己身边。

私人傳訊

奧桃

別墅

積分: 562

4^#

發表於 12-4-22 18:31 |只看該作者

回覆：birdbird 的帖子

我有同老公講，佢話最緊要我點諗，佢會支持我。問題係我都唔知點先係對阿B最好嘅，好驚因為自己嘅諗法反而害咗佢。你講得啱，請外傭真係好講彩數，睇到外傭虐待BB嘅新聞我都會擔心，當然唔及爺爺嫲嫲咁放心。

私人傳訊

kingcow

男爵府

積分: 9936

2024年龍年勳章

5^#

發表於 12-4-22 21:51 |只看該作者

真係好難選擇，同老公商量一下，6299都咁鍚BB，你決定了但都好難做，叫老公出面。搵日托，晚上自己湊返，不過第二日返工真係幾攰！

私人傳訊

luvysl_blythe

侯爵府

積分: 24112

畀面勳章 BK Milk勳章

6^#

發表於 12-4-22 22:02 |只看該作者

引用：真係好難選擇，同老公商量一下，6299都咁鍚

原帖由 kingcow 於 12-04-22 發表
真係好難選擇，同老公商量一下，6299都咁鍚BB，你決定了但都好難做，叫老公出面。搵日托，晚上自己湊返， ...

請姐姐，但一定要裝cam，番日托都好，但小朋友會好易病

私人傳訊

kmmum

男爵府

積分: 9610

7^#

發表於 12-4-22 22:37 |只看該作者

個人立場 (6299帶阿囡返大6湊, 一定無可能 !!!!!!)
如果你62,99 為個B 著想. 就唔會帶返大6湊la !!!
請工人+裝CAM .工人做得唔好. 你可以教/可以換. 6299 SPOIL 你個B,你係無得反抗OR SAY NO.
而且,你一放工返去. 工人煮好飯. 又有人洗衫/洗碗. 你便可以自己陪bb, 星期六日,自己帶bb去街. 去PLAYGROUP,去玩. 時間表自己安排.
仲有一個POINT. 如果BB 有病.(係大6, 怎樣睇醫生?? 睇什麼醫生?)
我只會相信香港看醫生!
個人經歷ONLY. 99成日想我一家三口搬返同佢住. 我話99屋企唔夠大(因為我地有工人). 99 又話唔緊要,佢帶阿B返鄉下.(鄉下有幾層樓). 我堅拒SAY NO. 好LA.. 某日. 99 叫我地唔好返鄉下, 佢話有人坐電單車..拐小朋友.(然後拎器官). 99鄉下係廣州.

當然,唔係個個鄉下都係咁恐怖. 不喜勿插. 安全為上

私人傳訊

birdbird

水晶宮

積分: 60861

8^#

發表於 12-4-22 22:41 |只看該作者

樓主,

我之前已表明阿b一定跟著媽媽住. 即是, 你最終的目的是要留個b在身邊. 這是一個長遠的安排, 因為阿b到了2歲, 或3歲, 佢點都要返學, 我估你唔想阿b在大6返學的, 對嗎?

與奇係咁, 我覺得你首先要同你老公及6299表明阿b一定要留在香港跟住你和老公生活.

就以這個為大前題, 你可選擇仍然靠6299湊b, 又或請本地 EE, 外傭, 找日託........

這樣的選擇題, 你應該容易一點做決定.

私人傳訊

shuet_yee

複式洋房

積分: 153

9^#

發表於 12-4-22 22:52 |只看該作者

回覆：兩難嘅抉擇

首先我都是在職媽媽，請工人，夜晚自己辛苦d。BB一定要同自己住，冇得傾！

私人傳訊

pyjess

侯爵府

積分: 23950

10^#

發表於 12-4-22 22:58 |只看該作者

我小朋友3歲, 都唔申請回鄉證, 就係唔想有任何人帶小朋友返內地...亦唔俾自己藉口帶佢返去旅行

其實睇下屋企附近, 有無保母, 又唔洗請工人留宿, 保母係本地人, 文化相似

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

Superman-GF

禁止訪問

積分: 80239

11^#

發表於 12-4-22 23:24 |只看該作者

回覆：奧桃的帖子

提示: 作者被禁止或刪除內容自動屏蔽

私人傳訊

lingan

子爵府

積分: 10767

趣教勳章叻叻勳章 wyeth冷知識勳章畀面勳章 BK Milk勳章

12^#

發表於 12-4-23 10:39 |只看該作者

一定不可以俾6299帶返鄉下揍。你要堅持。
我係請本地EE的，返工送去放工接返。一個星期一或兩晚stay在EE家過夜(我要抖抖)。星期6,日全職做阿媽。
只係有時BB訓得唔好搞到自己無得訓啫，其他時間無問題，我繼續返工，但交通時間比較耐啫。你可以考慮咁做，好過請個工人在家(我地接受唔到)，本地人揍bb，信任好多，而且姨姨會教返我點做，有時對bb都嚴過我添。為左自己仔女著想，千萬唔好俾6299帶走呀。

私人傳訊

jj032008

大宅

積分: 2350

13^#

發表於 12-4-23 10:50 |只看該作者

我覺得兩個選擇都唔好，等我同你分享下我既故事。

係我個囡剛出世既時候，我6299又係話要帶囡囡返鄉下住，但我覺得對BB最好的，唔係可以比到D乜野佢，而係可以留係爸爸媽媽身邊，所以我一口拒絕左佢地既要求，寧願請工人，之後佢地唔捨得個孫，留左係香港繼續揍孫，我就係屋企附近租左個單位佢地住，我朝早就帶個囡去佢地度，夜晚無論點辛苦都要帶個囡返屋企，放假就自己揍，需然有時真係好辛苦好累，但係宜家兩個囡都好痴我，好聽我話，我覺得再辛苦都藉得。

私人傳訊

hanbb

伯爵府

積分: 16230

14^#

發表於 12-4-23 12:04 |只看該作者

老人家的管教和現代爸媽好唔同, 仲要返大陸??
你bb而家仲細唔多覺, 大d 你就知!

3歲以前學哂d 大陸人壞習慣咁點??

唔係身邊已經接受唔到, 返大陸一定無得傾囉.

仲有, 人奶b 6個月後唔駛戒奶或轉奶粉架, 而家食得好好地, 停咩人奶??
同c6講你餵到兩歲!! 咁就唔駛考慮返大陸啦!!

私人傳訊

himuimui

禁止訪問

積分: 5279

好媽媽勳章醒目開學勳章

15^#

發表於 12-4-23 13:38 |只看該作者

提示: 作者被禁止或刪除內容自動屏蔽

私人傳訊

eTTe

公爵府

積分: 27342

16^#

發表於 12-4-23 13:41 |只看該作者

BB出世果陣，我都係要面對呢種情況噶，後尾，我都係叫做工人，夜晚自己湊

私人傳訊

angelkinki

男爵府

積分: 7238

17^#

發表於 12-4-23 15:16 |只看該作者

奧桃發表於 12-4-22 17:18
想講講宜家我宜家嘅情況
1. 我B女宜家啱啱四個月，我係在職媽媽，我都好鐘意宜家份工，未到最壞我都唔打算 ..

同6299一齊住，摩擦就梗會有。未有bb的時候，仲好d。有左bb，就會火星撞地球。

講真，如果係我，帶我個仔返大陸住係無可能的。仔仔出世至半歲ge時候，係我99幫我湊，她果段時間，成日都話要返大陸，仲話要帶埋我個仔返去（我仔仔食奶粉），我一次都唔俾。講真，我係唔放心。所以次次她返大陸，我都交仔仔俾婆婆湊。

後來我做左ftm，自己湊返仔仔。到仔仔歲半時，我見仔仔都大個d，所以試過俾6299湊仔仔返大陸玩幾日。講真，玩完幾日返黎，仔仔係頑皮左d。但可以好快教返好。之後，到仔仔2歲，聖誕節ge時候，我同c6帶埋仔仔返去玩。之後我同c6走先，仔仔過多兩日跟99返出黎香港。我話你知，前後不過3日，真係3日。仔仔返到黎，完全係uncontrollable。連我c6都覺得仔仔好頑皮，想打他一身。所以從此之後，我都唔會再俾99單獨湊仔仔超過1日。

我好同意樓上有位媽咪所講，如果你俾6299湊左返大陸，管教飲食ge野唔講，萬一你bb病左，要睇醫生，點算？我真係唔信大陸d醫生lor！！

其實你可以選擇請工人，裝cam。你唔一定要俾個房她訓ga，有個柜俾她放野，有床俾她訓都ok ga la。（我識有個媽咪都係甘）。而且，我相信如果你對她好d，她對你女女都唔會差ge。

再唔係，找日托，或者請保姆lor。

我覺得你c6甘撐你，已經好唔話得ga la。既然係甘，點解唔找個令自己舒服d ge方法？

私人傳訊

blackgarlic

男爵府

積分: 5297

2024年龍年勳章 2024勳章 2023年兔年勳章虎到金來勳章

18^#

發表於 12-4-23 21:42 |只看該作者

你乜都話唔好, 但自己又唔肯為個bb 放棄份工自己湊, 呢個世界冇咁完美架喎.... 你地生bb 前前後後冇想清楚邊個去湊bb咩?

我認為請工人, 搵日托比較好.

除非經濟唔許可, 否則點都要作出取捨. 必要時都要自己湊, 呢個係父母既責任.

私人傳訊

odiedie

大宅

積分: 3174

19^#

發表於 12-4-23 22:59 |只看該作者

回覆回覆:angelkinki的帖子

其實經濟許可，媽媽自己湊就最好。我是全職媽媽，但每日都會見到6299(不是同住)，我覺得他們在照顧上過份呵護小朋友，又縱容小朋友買垃圾食物給他們，小朋友一喊又好緊張…所以我都不肯放手讓他們照顧小朋友，我始終覺得，照顧小朋友，管教小朋友是父母的責任，而不是他人。

私人傳訊

j914k403

大宅

積分: 2491

20^#

發表於 12-4-24 00:32 |只看該作者

返上大陸最唔好，好似我咁，個女五個幾月，我同太太都要返工，唯有放喺我媽屋企湊，亞女一個星期通常有兩至三晚喺我亞媽度瞓，可能而家開始識認人，我同太太走果陣，亞女會即刻扁咀，"摞"落我媽度扮瞓覺，其實我同太太都好唔捨得，老實講，未行到電梯大堂己經好想返轉頭抱返個女，呢D滋味已經試過好多次

小朋友童年過去咗唔會返轉頭，有邊個父母唔想自己仔女過得開心快樂，唯有自己辛苦D啦